Post Tagged with: "加拿大"

【有片】加拿大IKEA超創意食譜 看圖放材料即捲即煮
by / on 16/06/2017 at 7:48 am

【有片】加拿大IKEA超創意食譜 看圖放材料即捲即煮

唔係最近新不過啱啱先見到,好想分享吓。IKEA嘅瑞士肉丸好多人鍾意食,最近佢哋為加拿大一個廚房活動推出咗本簡易食譜《Cook This Page》,唔係教整肉丸,而係教整其他菜式,但手法就極得意!好似填顏色薄咁,每道菜都有一格格嘅食材圖,想煮就要好似填色咁,喺每格放上相應食材,最後將佢捲埋放入焗爐就得!因為張紙係烤盤紙,用嘅係可食用油墨,所以食落肚都無問題,焗完嘅食品真嘅一樣,手殘都肯定煮到呀! 相關資訊日本網民分享秘密食譜 「豚肉捲醬油丸子」超美味 (Jun 27, 2017) 日本網民自製醬漬三文魚丼 極易整Twitter熱傳 (Jun 16, 2017)

Read more ›

【有愛】外國IKEA捐公仔床俾流浪貓 喵星人唔駛瞓地板
by / on 18/04/2017 at 7:49 am

【有愛】外國IKEA捐公仔床俾流浪貓 喵星人唔駛瞓地板

IKEA呢張本來俾公仔用嘅床,自從俾貓奴發現咗用嚟做貓床之後就大受歡迎。最近加拿大嘅IKEA仲將佢發揚光大,捐咗10張床仔比安大略嘅動物之家Etobicoke Humane Society,另外再加多美金$300。雖然唔係好大手筆,但就好有人情味而且好貼地嘞。以後班貓仔就唔駛再瞓喺凍冰冰嘅地板,如果快啲搵到人收養住新屋就更好嘞! 相關資訊【超似樣】日本流浪喵成功上樓 同狗狗一見如故 (Jun 27, 2017) 日本「蛋喵三文治」可食用 舉高手盡情爆瞓 (Jun 26, 2017)

Read more ›
【遊記】喵星人滯留航空公司 獲發員工證網上熱傳
by / on 18/05/2016 at 7:15 am

【遊記】喵星人滯留航空公司 獲發員工證網上熱傳

早前加拿大Fort McMurray發生火災,10萬名居民被迫撒離家鄉,當地航空公司好體貼,特准居民帶埋寵物一齊上機,好多媒體都有報導。不過當中仲有段小插曲。懷孕女乘客Krystal Scott由於作動,Canadian North航空公司嘅職員決定臨時幫佢哋照顧住同行嘅喵星人先。喵星人喺佢哋嘅辦公室住咗幾日,仲有自己嘅職員證,航空公司仲定期喺網上張貼喵星人嘅生活照,辦公室門口仲貼咗張memo,提醒員工出入記住閂門。而家喵星人已經同主人團聚,唔知張職員證有無留俾佢留念呢? 相關資訊日本喵星人「企」街截車 可疑照片Twitter熱傳 (Jun 23, 2017) 日本喵星人x冬甩咕臣 呎吋啱啱好掙脫圖超搞笑 (Jun 21, 2017)

Read more ›
【籃球巨人專用】加拿大超高ATM提款機 Boban Marjanovic先撳倒?
by / on 11/02/2016 at 12:59 pm

【籃球巨人專用】加拿大超高ATM提款機 Boban Marjanovic先撳倒?

外國人特別有幽默感,好似加拿大呢間銀行Bank of Montreal,為咗慶祝嚟緊嘅NBA籃球比賽The NBA All-Stars,專登整咗部超高身嘅ATM櫃員機,有網民就話要7呎3嘅Boban Marjanovic先用到,我懷疑其實佢只係一個裝飾,事實上係撳唔到錢嘅。不過要測試都唔易。BTW,部機放咗喺多倫多嘅First Canadian Place,好想睇吓有無人成功撳到呀! 相關資訊日本喵星人夏天專用屋 藤製蘋果屋超涼爽 (Jun 7, 2017) 【有片】女同學唱得勁好聽 日本高中籃球賽應援有氣氛 (May 31, 2017)

Read more ›
【天生模特兒】BB海豹紅到日本 單眼碌地擺甫士
by / on 03/01/2016 at 1:58 pm

【天生模特兒】BB海豹紅到日本 單眼碌地擺甫士

呢隻BB海豹真係超可愛,仲紅到去日本,因為佢識賣萌。攝影師Gunther Riehle去咗加拿大嘅Madeleine Island,發現呢個島上有好多BB海豹,幫佢影相時就發現佢哋唔單止唔怕人,仲好識擺甫士,又單眼又碌地,仲識擺chok樣,估計佢哋應該係等緊媽咪每隔兩小時嚟餵佢食嘢,所以表情咁嗲,又毫無防範性,難怪出名鍾意動物嘅日本網民都覺得佢哋超可愛。 相關資訊日本郵局「瑪利奧紀念郵票」 今日發售好想買! (Jun 28, 2017) 奇妙街景圖 日本山口縣見鹿頭結他手 (Jun 27, 2017)

Read more ›
【崩壞】《Fallout 4》變迪士尼公主 網友嗌收手
by / on 16/11/2015 at 7:13 am

【崩壞】《Fallout 4》變迪士尼公主 網友嗌收手

近排好多人狂煲《Fallout 4》,同佢相關嘅新聞都特別多,最近網上見倒呢個Fallout乘迪士尼公主嘅插畫系列,由加拿大插畫師Peter Slavik創作,白雪公主、灰姑娘、美人魚全部突入Fallout遊戲世界,血淋淋,幾特別。愛麗斯仲有啲似《Bioshock》嘅Little Sister。不過fans就唔多鍾意,好多人都留言叫佢收手,男人的浪漫,唔可以亂破壞嘅。 相關資訊【E3】新片速報 《Fallout 4 VR》10月有得玩 (Jun 12, 2017) 【靚成咁】最靚迪士尼公主 重畫作品IG超人氣 (Apr 19, 2017)

Read more ›

手機影世界各地靚相 水氹大師瞬間看地球
by / on 15/11/2015 at 5:18 pm

手機影世界各地靚相 水氹大師瞬間看地球

呢位加拿大嘅攝影師Guido Gutiérrez Ruiz (@guigurui)之前都介紹過,佢擅長影水氹下嘅倒影,而且全部都係用手機影。除咗影倒影之外,其實佢仲好鐘意影世界各地嘅景色,佢話而家已經放低咗部相機,只用手機影,唯一會用嘅係Instagram嘅濾境,睇佢影嘅相,無論構圖同色調都配合得好好,入嚟有大量世界各地靚相任睇,鍾意嘅記住follow埋佢IG同佢交流吓。 相關資訊【世界風景倒影】影靚景靠「水氹」 專家教手機影靚相 (Oct 26, 2015) 《變形金剛》玩捉鬼敢死隊 忍者龜回到未來 (Mar 20, 2014)

Read more ›
【外國鮮肉】加拿大新總理     日本網民讚靚仔:「好似湯告魯斯!」
by / on 07/11/2015 at 6:52 pm

【外國鮮肉】加拿大新總理 日本網民讚靚仔:「好似湯告魯斯!」

靚仔從政幾時都有著數,之前有台灣嘅馬英九,最近有加拿大呢位鮮肉新總理賈斯廷特魯多(Justin Trudeau),啱啱喺加拿大總選大勝嘅自由黨黨首,好快成為網上熱話,網上仲瘋傳佢之前參加慈善拳擊賽赤裸上身嘅上磅照。早兩日佢舉行宣誓就職,嚟緊將會步佢執政長達15年嘅爸爸Pierre Trudeau後塵擔任加拿大總理。日本2ch網民睇完佢張相都無私咁大讚靚仔。有人話:「好似湯告魯斯!」、「係咪海外電視劇?」、「感覺上要變身蝙蝠俠嘞!」,亦有人突破盲腸:「我諗起《寄生獸》入面嘅政客」。不過最重要都係政績,唔好好似馬英九咁最後比人鬧住走。 相關資訊新目標出現!湯告魯斯惡搞圖 徒手擒飛機潛力無限 (Mar 27, 2015) 新片速報 眼珠黑定灰? 再玩錯視 湯告魯斯都睇漏眼 (Mar 9, 2015)

Read more ›
加拿大護照超靚    紫外光下照一照有煙花睇
by / on 21/01/2015 at 7:05 am

加拿大護照超靚 紫外光下照一照有煙花睇

無論你揸住嗰本係特區護照又好,BNO又好,有無得閒研究吓佢嘅設計?我答先,我無!因為通常只會去旅行臨過海關時滾水淥腳先拎佢出嚟,之後又趕住收埋佢驚唔覺意跌咗。所以呢,見倒加拿大護照入面原來有咁多特別效果,我覺得好新奇刺激!只要用紫外光照吓佢,就會見倒每一頁都有唔同圖案,楓葉啦、煙花啦,好靚。呢本護照係加拿大喺2013年中換嘅新設計,最近有人將啲相放上Reddit,引起好多人熱烈討論,可惜我屋企無紫外光,無得拎櫃筒底本護照出嚟試吓。 相關資訊【改圖】網民出手狂改特朗普 自大狂變小矮人 (Feb 20, 2017) 【P圖大戰】特朗普雙下巴照被惡搞 網民狂P圖超高質 (Dec 1, 2016)

Read more ›
新片速報   加拿大喪屍節   真人版《Walking Dead》
by / on 29/10/2014 at 7:23 am

新片速報 加拿大喪屍節 真人版《Walking Dead》

唔講唔知,原來加拿大嘅魁北克城(Quebec City)每年都會舉辦喪屍節(Zombiefest),今年仲已經嚟到第7屆。上星期六,成班喪屍喺街度慢行30分鐘,個個都化行妝set晒頭full gear上陣,質素拍得住《Walking Dead》入面班喪屍,場面幾震憾,入嚟有相有片睇,講真,呢個活動幾好玩。 相關資訊《Assassin’s Creed Unity》實景對比相集 新舊巴黎合併 (Nov 27, 2014) 海棉寶寶Toyota 揸出街靠勇氣 (Nov 24, 2014)

Read more ›
創意之日常   螺絲粉變扭毛巾   牙刷變裙仔
by / on 02/09/2014 at 7:07 am

創意之日常 螺絲粉變扭毛巾 牙刷變裙仔

利用日常生活嘅小物品,加幾筆變成一張張構圖特別嘅插畫,之前介紹過有藝術家Alex Solis 同埋Javier Pérez嘅作品,今次輪到加拿大籍嘅插畫師Hyemi Jeong,佢成功將 螺絲粉變扭毛巾、汽水蓋變企鵝仔、牙刷變裙仔,全部又精警又可愛。順帶一提,個插畫師係女性,都幾可愛。 相關資訊【圖集】特朗普/金正恩變難民 敘利亞藝術家作品熱傳 (Jun 23, 2017) 【相集】神級3D畫超立體 意大利藝術家靠雙手做道具 (May 10, 2017)

Read more ›

新片速報  好等錢駛    地鐵月台地下開餐
by / on 29/08/2014 at 7:27 am

新片速報 好等錢駛 地鐵月台地下開餐

打份工啫,駛唔駛咁博?話說為咗顯示BISSELL一款新嘅吸塵機有幾勁,加拿大BISSELL嘅產品經理Ravi Dalchand拎埋部機去到地下鐵月台,吸完一輪後,將盒類似薯條嘅食物一嘢倒落地下!然後再徒手執嚟食,連地下剩返嘅茄汁都要用麵包點埋,旁邊嘅乘客睇到掩晒嘴,嘔!睇嚟佢面對緊好大嘅追數壓力,陰功豬。 相關資訊【有片】日本地鐵員工效力42年退休 最後一日超感動影片 (Mar 31, 2017) 日本狐狸開餐圖 網民發現原來餵「狗糧」 (Mar 16, 2017)

Read more ›
有片    7.1加拿大國慶     唱國歌跌蛇齋餅糉?
by / on 01/07/2014 at 12:06 pm

有片 7.1加拿大國慶 唱國歌跌蛇齋餅糉?

今日除咗係香港回歸日,仲係加拿大嘅國慶日。加拿大啤酒品牌Molson為咗慶祝國慶,整咗部特製啤酒機,當行埋去唱國歌,部機就會自動彈罐冰凍啤酒出嚟獎勵你。如果喺香港搞嘅話,係咪會跌啲蛇齋餅糉出嚟? 相關資訊【超爽】貓奴狗奴去旅行有辦法 免費住屋兼有寵物玩 (May 17, 2017) 日本Starbucks超正野餐布 免費贈送火速換晒 (May 17, 2017)

Read more ›
世上首位白斑症Model   參加《America’s Next Top Model》
by / on 26/06/2014 at 7:11 am

世上首位白斑症Model 參加《America’s Next Top Model》

身體有病唔一定要收收埋埋自卑過世,積極面對其實仲有用。好似呢位加拿大籍嘅模特兒Chantelle Brown-Young患有罕見嘅白斑症(Vitiligo),全身連塊面都有一撻撻白色嘅班點,不過佢無放棄做模特兒嘅夢想,仲參加埋美國電視節目《America’s Next Top Model》,殺到去最尾幾集都仲未被淘汰,狀態大勇。自從電視節目出街後,越嚟越多雜誌搵佢做model影靚相,佢話希望自己嘅經驗可以鼓勵其他人勇於面對自己嘅障礙去追尋夢想,好勵志! 相關資訊【新片速報】日本模特兒影相途中「甩褲」 表現超專業Twitter熱傳 (Dec 29, 2016) 【揚威海外】理大智能時裝模特兒 電腦操控身裁 (Feb 22, 2016)

Read more ›
創意Pizza產品      Pizza千層蛋糕 / 香口膠投票量產
by / on 18/04/2014 at 1:26 pm

創意Pizza產品 Pizza千層蛋糕 / 香口膠投票量產

加拿大Pizza品牌Boston Pizza最近做緊網上投票,叫大家選出最想要嘅創意Pizza產品,最高票數嘅產品將會正式生產。暫時最高票數係Pizza蛋糕,個款好似厚批Pizza,不過中間每層都夾住大量餡料,簡直係食肉獸嘅最高享受,齋睇都流晒口水。其餘創意產品都好高水準,包括Pizza味香口膠、裝倒一塊Pizza嘅特製恤衫、保護Pizza免被偷食嘅喼神‥‥‥好過份。 相關資訊【邪惡】日本KFC再推出「炸雞Pizza」 韓式烤肉加芝士 (May 30, 2017) 【太邪惡】日本薯條Pizza面世 仲有關西限定「Pizza脆飯」 (Feb 28, 2017)

Read more ›