Post Tagged with: "動漫基地"

睇淡彩靚畫 陳順康《拇指姑娘失蹤探案繪本插畫展》
by / on 14/11/2017 at 8:03 pm

睇淡彩靚畫 陳順康《拇指姑娘失蹤探案繪本插畫展》

或者未必個個死忠港漫迷都超Like呢種色彩淡淡、線條朦朦朧朧嘅畫風,但唔知點解我一睇就愛上了,講緊嘅係陳順康《拇指姑娘失蹤探案繪本插畫展》,改編自安徒生著名童話。插畫展有埋導賞,繪者陳順康同作者Cathy Cow會駐足灣仔動漫基地同大家講解,仲有即場淡彩示範添,我好有興趣,唔知大家點睇。 相關資訊網圖分享:《老夫子》王家禧離世 港漫人出圖悼念(二) (Jan 5, 2017) 叮叮!有漫畫睇!動漫電車啟航! (Aug 5, 2015)

Read more ›

李健良動漫基地搞《古生命》工作坊 教小朋友畫公仔
by / on 08/11/2017 at 11:00 pm

李健良動漫基地搞《古生命》工作坊 教小朋友畫公仔

好喇,又係時候捧李健良場喇,Event有兩個,地點都係灣仔動漫基地:一,「咔」車展示──《古生命》系列,漫畫三輪車一大架,透過畫作詳細介紹恐龍蹤跡,甚麼寒武紀、三疊紀、侏羅紀、白琧紀,睇完一書三冊自會一清二楚;二,《古生命》分享會及創作工作坊,由良哥帶領小朋友,發揮創意畫「你我都未見過的生物」,即係異形都畫得呀。呢兩個不但係非常好嘅親子活動,連大人都啱睇,我話嘅。 相關資訊Rex Koo《七孔流血》畫展延伸工作坊 DIY放映機 (Nov 14, 2017) 李健良《紅樹林‧香港濕地生態》分享會 即場繪畫+送紀念品 (Oct 27, 2017)

Read more ›
《天使的微笑》展覽移師動漫基地續辦 買畫集做善事
by / on 08/09/2017 at 11:00 am

《天使的微笑》展覽移師動漫基地續辦 買畫集做善事

之前去過時代廣場睇《天使的微笑》畫展,人多嘈吵有無冷氣,老實講有啲有走看花,快看一次再算。依家好咯,動漫基地搞多次畫展,可以嘆住冷氣慢慢欣賞各大中小漫畫家嘅靚畫嘞。And,如果你都想支持吓患上雷特氏症嘅女孩,臨場可以賣番本《天使的微笑慈善畫集》,所有收益會捐俾香港雷特氏症協會,有靚畫睇又可以做慈善,何樂而不為? 相關資訊李健良買十本《天使的微笑》畫集 做善事免費送書 (Sep 18, 2017) 【有片】超強3D效果 時代廣場可口可樂立體廣告牌 (Aug 27, 2017)

Read more ›
動漫基地Art Jam 八大畫手創作《茂蘿巴屍打聯盟》
by / on 02/08/2017 at 7:27 pm

動漫基地Art Jam 八大畫手創作《茂蘿巴屍打聯盟》

留意番,動漫基地又有Event喇,今次都係Art Jam,由謝森龍異、Pen So、柳廣成、林祥焜、小雲、曹志豪、袁家寶同Felix Ip即場聯手繪畫巨型漫畫《茂蘿巴屍打聯盟》,故事藍本由《今晚打喪屍》余兒打造。茂蘿係乜?動漫基地喺灣仔茂蘿街吖嘛,叫食番個主題咁囉。大家可以親臨現場睇佢哋作畫,相信都會係個唔錯嘅體驗,抽唔到時捧場嘅,到時都會有facebook live,開心喇。 相關資訊喪屍圍西貢 創造館小說《異人》不日推出 (Nov 2, 2017) 《今晚打喪屍》作品展 仲有Tee同Tote Bag要搶 (Oct 17, 2017)

Read more ›
動漫基地《較‧量──香港漫畫力量》 Pen So+謝森龍異Art Jam
by / on 11/07/2017 at 10:45 pm

動漫基地《較‧量──香港漫畫力量》 Pen So+謝森龍異Art Jam

記唔記得今年年頭,有九位港漫人飛咗去法國參加安古蘭國際漫畫節?呢個項目依家移師香港,名為《較‧量──香港漫畫力量》,舉辦地點係香港動漫基地。呢個展覽設講座、現場繪畫示範同分享會,參與畫家有曹志豪、葉偉青、林祥焜、柳廣成、小雲、蘇頌文、謝森龍異、袁家寶同余兒,而Pen So同謝森龍異已率先Art Jam,準備緊幅大作For展覽之用,兩人邊作畫邊吹水邊互窒嘅過程,YouTube有得睇,都幾好笑嘅。 相關資訊有片:聽歌+睇畫 《九龍城寨──場景故事畫集:浪漫大逃亡》主題曲 (Sep 28, 2017) 跟進番:謝森龍異唔願送劣作 睇咗當擁有咗 (Sep 6, 2017)

Read more ›
九港漫人力作《童年同學》 7月15日動漫基地首賣
by / on 06/07/2017 at 1:00 pm

九港漫人力作《童年同學》 7月15日動漫基地首賣

好得很,繼《同年同閱》同《同年同樂》後,今年呢班港漫有心人繼續推出《童年同學》,我哋好應該畀啲掌聲何同學、卓翹、Gary Chan、神奈未來、肥佬W號、Adam Pun、周小某、方新俠同多利,啪啪啪啪啪……顧名思義,此書主題圍繞你我生命中必曾擁有過嘅同學仔Or同學女,依家出社會打滾,爾虞我詐,搵食艱難,有幾多同學仔至今仍然係你老死?有幾多同學女成為你女友Or老婆?情懷呀,呢本書應該畀到你……我估。另,《童年同學》7月15日喺動漫基地首賣,屆時有埋懷舊遊戲同簽名會,買書多一個節目,又係好事啫。 相關資訊港漫畫家「神奈未來」腐女新連載 過千作品中排28位 (Feb 26, 2017) 多利開班授徒 學畫萌系漫畫 (May 27, 2016)

Read more ›

跟進:《大圓天》好賣售罄 動漫基地加推十本
by / on 09/01/2017 at 9:45 pm

跟進:《大圓天》好賣售罄 動漫基地加推十本

利志達本《大圓天》,動漫基地分到十本Quota,點知唔使一日就賣晒,依家決定加推多十本,有心捧場嘅,聽日早啲去灣仔走一趟喇,記住,好嘢係要搶架。 相關資訊利志達書展出《刻毒》 收錄11個短篇故事 (Jul 20, 2017) 跟進:利志達《大圓天》送年曆卡 今日至Goal Club開賣 (Jan 7, 2017)

Read more ›
行動漫授權市場 「森巴Family」攤位送Postcard
by / on 08/01/2017 at 10:00 pm

行動漫授權市場 「森巴Family」攤位送Postcard

今日喺動漫基地開皮嘅動漫授權市場,大家有無捧場呀?我未得閒,估計要遲多一兩日先抽到時間。好消息,其中一個攤位「森巴Family」有嘢送,送乜?送私伙Postcard也。睇相,構圖複雜用色豐富,筆筆都係心機所在,印刷幾精美,值得收藏,見到檔主CK Keung就可以免費攞一張,每日派發,數量有限,送完即止。 相關資訊司徒劍僑送Postcard 獨一無二親筆頭像 (Nov 14, 2017) 崔成安雙節棍連環圖譜Postcard 先睹為快 (Nov 1, 2017)

Read more ›
動漫授權市場開動 雪晴水晶畫板有售
by / on 06/01/2017 at 10:30 am

動漫授權市場開動 雪晴水晶畫板有售

動漫基地《想入非非──老夫子漫畫作品展》完結,緊接有《動漫授權市場》,唔係展覽有乜好行?行攤位囉。屆時有二十個本地動漫同玩偶創作單位駐場,有茶敍,有Open-mic介紹會。創作單位包括jin x cafedebollo x La La Woodland、阿塗、Alice Hobbey Illustration、羅浩光、Devil Toys、多利繪、格子、香港插畫師協會、Intoxic Studio、江記、杜翰煬、Morning Gary、海洋創作有限公司、豬朋狗友、七十二行、彩虹守護者、森巴Family、快樂文族、The Art of Bonnie Pang同野士創工。當中的快樂文族有售雪晴水晶畫板、特價快樂生活手帳本同車仔鎖匙扣,而雪晴亦會喺1月11日6:00pm-6:30pm親臨動漫基地面見Fans,大家識做喇。 相關資訊型到極限 Devil Toys日本未來警察Figure (Nov 15, 2017) 零違和!太子地鐵站菲利塗鴉!原來係江記P圖! (Nov 1, 2017)

Read more ›
動漫基地又有展覽!老夫子出場!
by / on 02/12/2016 at 10:30 pm

動漫基地又有展覽!老夫子出場!

灣仔動漫基地又有展覽睇,今次輪到家喻戶曉嘅老夫子出場,展覽名為《想入非非──老夫子漫畫作品展》,會展出從未曝光過嘅60年代封面手稿、漫畫原稿同立體展品,仲有互動遊戲玩,夾啱時間周六捧場的話,仲有免費戲睇添,會場精選70年代至2000年代嘅真人同動畫版《老夫子》電影,有排你睇。記得細個嗰陣,老竇老母唔畀睇公仔書,話暴力色情黑社會唔啱小朋友睇喎,《老夫子》係唯一可以入屋嘅連環圖,我對老夫子都有好深厚感情,所以呢個展覽唔撐唔得,你呢? 相關資訊今期必買 《香港電影金像獎特刊》+《我們都是這樣看港漫長大的》 (Apr 11, 2017) 網圖分享:《老夫子》王家禧離世 港漫人出圖悼念 (Jan 4, 2017)

Read more ›
動漫電車啟動 港女老婆/疑似哨牙珍陪你遊車河
by / on 16/08/2016 at 11:15 pm

動漫電車啟動 港女老婆/疑似哨牙珍陪你遊車河

除咗Book車捉寵物小靈精,家陣又多一個理由搭電車,事關為慶祝灣仔動漫基地成立三周年,有關方面專登製作咗一架「叮~叮~動漫電車」,即日起至9月18日行駛港島區各線,大家有緣自可相聚。動漫電車嘅車身同車廂內櫳,畫滿Stella So、Cuson同甘小文畫作。上電車,碰口碰面見到喵星人同汪星人,上落樓梯見到疑似哨牙珍,甚至有港女老婆同你打招呼,一啲都唔出奇。 相關資訊有錢就是任性 Cuson作畫「預想馬雲下條預告片」 (Nov 13, 2017) 【有片】Cuson+CaCa賣廣告 痴漢教你借貸攞iPhone X (Nov 8, 2017)

Read more ›

補購漫道旗下港漫 去動漫基地喇
by / on 02/08/2016 at 10:00 pm

補購漫道旗下港漫 去動漫基地喇

無時間去書展,買唔到新書搵唔到偶像簽名,成一大憾事也。好彩,家陣去灣仔「動漫基地」銷售店,可以一次過補購番漫道出版嘅港漫──《Robot Sketchbook畫板》、《不是人間》第一同第二期、《爆烈戰隊》、《尋‧武者》同《御守者》,不過就講到明數量有限,有買趁手喇。 相關資訊急!大家幫幫手!謝森龍異回購《不是人間》! (Jan 19, 2017) 謝森龍異幫徒弟妮蘿打打氣 寵物+喪屍〈不在人間〉 (Jan 12, 2017)

Read more ›
電影海報+漫畫封面 必睇阮大勇50周年作品展
by / on 19/07/2016 at 10:30 am

電影海報+漫畫封面 必睇阮大勇50周年作品展

如果你係資深港漫迷或港產片迷,「阮大勇」呢三個字你無可能唔識,《玉郎漫畫》封面由佢操刀,七十至九十年代嘅港產片電影海報,佢畫到駕輕就熟,簡單幾筆,明星名人五官神髓即刻出晒嚟,風格獨步畫壇,其他人模仿唔嚟。話說許冠文之子許思維,已經為佢拍咗紀錄片《海報師》,遲啲大家可以喺大螢幕一睹佢風采。如果想回顧畫作,喺嚟緊8月可以參觀「阮大勇50年作品展」,又係動漫基地擔大旗,絕對不容錯過。 相關資訊《海報師:阮大勇的插畫藝術》出碟睇埋Behind the Scene (Nov 24, 2017) 撐able!阮大勇開《星光魅影畫展》! (Jun 26, 2017)

Read more ›
動漫基地大Project 50香港漫畫家聯展
by / on 13/07/2016 at 10:00 pm

動漫基地大Project 50香港漫畫家聯展

雖然好多人垢病動漫基地嘅活動宣傳不足,呢點我認同,但動漫基地搞嘅Event好有睇頭,呢個亦係不爭事實。嚟緊7月18至8月7日,又有一壇大嘢開皮,名為「躍動──50位香港漫畫家原稿聯展」,唔使講嘢,50位畫漫家裡面,斷估總有一個係你偶像,參與漫畫家包括──阿塗、大泥、鄭健和、牛佬、多利、夏偉義、何家超、葉偉青、甘小文、姜智傑、邱福龍、高聲、鄺彬強、鄺志德、鄺世傑、黎達達榮、林祥焜、馬仔、劉雲傑、李志清、李惠珍、梁瑋豪、梁偉家、利志達、李偉健、小雲、廖光祖、盧熾剛、倫裕國、馬遜、米路沙、馬榮成、麥少峰、馬星原、文地貓、超載舞步、貓室、司徒劍僑、上官小寶、蘇敏怡、雪晴、鄧達軒、謝森龍異、溫日良、白水、黃興豬、黃照達、黃玉郎、胡紹權同尊子。唔睇,絕對係自詡為港漫迷嘅你損失,我話嘅。 相關資訊香港動漫海濱樂園 燎原火同聾貓打牌夠過癮 無王小虎/風雲好遺憾 (May 17, 2016) 邱福龍x蔡世豪 comiX eXchange聲畫合一展覽 (Apr 2, 2015)

Read more ›
邱福龍x《黑漫畫》漫想世界 真跡原稿展力的表現
by / on 01/12/2015 at 9:30 pm

邱福龍x《黑漫畫》漫想世界 真跡原稿展力的表現

多謝邱福龍,讓我等死忠港漫畫又多一個好節目,聯乘《黑漫畫》喺灣仔動漫基地舉辦原畫展,我真係搵唔到理由唔捧場。除邱福龍外,到時仲有馮志明、張萬有、林業慶、葉明發、梁偉家、梁瑋豪、謝森龍異、馬遜、廖光祖、戴慶賢、鄧達軒、金谷裕等12位主筆撐場,咁當然,重點一定係原稿真跡,福龍手畫不嬲多線條,密密麻麻全屬力的表現,我呢,就極希望可以好似每期《鐵將縱橫》分彩圖同草圖版咁,原稿畫作側邊可以放多幅上色版本,咁就Very good嘞。 相關資訊《山海逆戰》54期出特別版 3D立體海報+專刊$68超抵 (Nov 9, 2017) 《山海逆戰》搞Gag? 伯益係首個用髮泥嘅人? (Sep 19, 2017)

Read more ›