Post Tagged with: "化妝"

男人都一樣得 日本化妝技巧完全變樣
by / on 12/11/2017 at 3:47 pm

男人都一樣得 日本化妝技巧完全變樣

化妝變矯裝,見唔少啦,不過多數都係女生。原來男人都一樣得。有日本2ch網民出咗幾張圖,話係老男人化妝之後大變身,又真係好誇張,有啲對眼都完全唔同咗,但睇番其他五官又好似真嘅一樣。 相關資訊【有片】日本奈良現奇景 「霧氷」、藍天共演! (Nov 25, 2017) 日本網民分享30款髮型 日日轉款Twitter熱傳 (Nov 25, 2017)

Read more ›

日本女歌手化妝前後照 超強對比Twitter熱傳
by / on 13/06/2017 at 8:34 pm

日本女歌手化妝前後照 超強對比Twitter熱傳

又係備用女朋友圖,呢張係女朋友落妝後變咗另一個人嘅圖,其實……如果真係夠膽咁出張女朋友圖,我諗死得都唔會舒服。今次出圖嘅係音樂組合キバオブアキバ嘅女主音,效果都幾震憾,因為化妝後太高質,所以落差幾大。不過講真佢化妝前其實唔算好差,而且佢專登瞇起對眼影相,所以睇落先好似好細眼。有人懷疑呢個唔係佢本人,為咗證明清白,佢喺仲留言放多咗幾張自己化妝後嘅近照,只可以話化妝嘅威力真係好驚人。 相關資訊日本瘋狂fans自製「廣瀨鈴」假人 遊環球影城Twitter熱傳 (Nov 25, 2017) 日本可愛鹿仔「禦寒」大法 枯葉包圍成為景點 (Nov 25, 2017)

Read more ›
【新片速報】BIOHAZARD爛肉化妝組合 萬聖節自己化妝嚇自己
by / on 15/10/2016 at 3:26 pm

【新片速報】BIOHAZARD爛肉化妝組合 萬聖節自己化妝嚇自己

萬聖節就到,日本人近來越嚟越興慶祝萬聖節,特技化妝亦都越嚟越有市場。咁講到扮喪屍,BIOHAZARD肯定夠晒應受性嘞。最近佢哋同當地著名品牌Miracle Paint合作推出爛肉化妝組合,開價1480円,仲拍埋片示範,有男有女,啲爛肉好似幾好玩,你睇個囡囡笑得幾開心?入面仲有埋詳細解說教你點化,去開日本記住買。 相關資訊【有片】日本網民大發現 電視萬聖節特集現真Saber (Nov 2, 2017) 網圖分享:男人的浪漫 Exam Sum一年一幅萬聖節魔女 (Nov 1, 2017)

Read more ›
【有片】嚇親日本網民 左邊素顏右邊化妝影片熱傳
by / on 31/08/2016 at 7:13 am

【有片】嚇親日本網民 左邊素顏右邊化妝影片熱傳

化妝前後睇得多,不過今次依然要介紹,因為唔止日本網民嚇親,我都嚇一跳,雖然有埋片,但係都唔相信係同一個人。今次玩法係左邊素顏右邊化妝,當事人拍埋片示範,但係喺討論區入面無人信係同一個人,因為實在好震憾‥‥‥日本網民都一呼百應,瘋狂回帶分享經典案例,網民嘅留言好真心:「女人係面部欺詐師」、「超強畫家」、「簡直係恐怖片」,自問大膽嘅可以入嚟睇。 相關資訊【有片】日本外務省官方出片 介紹模型歷史文化 (Nov 24, 2017) 日本車站職員超強手藝 剪票紙碎15萬粒砌列車畫 (Nov 24, 2017)

Read more ›
【有片】比卡超畫上臉 小精靈妝出街玩《Pokémon GO》
by / on 01/08/2016 at 2:50 pm

【有片】比卡超畫上臉 小精靈妝出街玩《Pokémon GO》

呢位喺美國LA嘅化妝師Chrisspy唔知係咪打機打得多,搞到自己都想變成比卡超。佢呢條片就示範點樣化一個「比卡超妝」…… 相關資訊超可愛比卡超毛毛拖鞋 一踩識著燈冬天必備 (Nov 8, 2017) 比卡超出新杯 唔見樣見下半身 (Nov 3, 2017)

Read more ›
【好可愛】日本囡囡終極Before & After 半臉相嚇爆網民
by / on 09/12/2015 at 7:16 am

【好可愛】日本囡囡終極Before & After 半臉相嚇爆網民

其實呢類化妝前後圖網上都見過好多,不過今次呢個日本囡囡嘅進化完全體實在太完美太可愛,所以造成嘅反差都極之大,好想分享吓。本身係單眼皮矇豬眼嘅佢,經過雙眼皮膠紙、大眼仔、化妝、假睫毛嘅加工之後,出嚟對眼大咗一倍有多,佢仲經常單眼影相,好有女神feel,不過我欣賞佢夠誠實,經常喺Twitter大方展示自己嘅before & after相。入嚟有大量佢化妝後嘅靚相,其實真係幾可愛。 相關資訊【圖集】日本囡囡除下口罩後 前後對比圖好震憾 (Feb 20, 2017) 千年玩具Before & After相集 鬆軟毛起晒毛粒 (Mar 14, 2015)

Read more ›

有片:教化《Silent Hill》護士妝 包嚇喊細路
by / on 31/10/2015 at 7:00 pm

有片:教化《Silent Hill》護士妝 包嚇喊細路

今日萬聖節,諗好化乜鬼妝參加舞會未?未諗到的話,可以參考吓呢條短片《Silent Hill nurse Halloween makeip tutorial》,有靚女逐個Step教你化《Silent Hill》爛面護士妝,睇落係幾複雜,要預備好多工具,同埋預咗要花好多時間,但出來嘅效果真係超似,加多張染血尖刀,包你成為舞會焦點,嚇唔喊小朋友至奇。 相關資訊【圖集】澀谷變裝集合 有女有Gantz有建築 (Nov 1, 2017) 澀谷萬聖節過後 無私義工團5點半開工 (Nov 1, 2017)

Read more ›
【大眼仔魔力】日本Twitter熱傳 手背睇化妝前後
by / on 02/10/2015 at 7:13 am

【大眼仔魔力】日本Twitter熱傳 手背睇化妝前後

而家啲女仔化妝技巧勁到可以喬裝,男又可以化到變女,偽娘充斥市面,咁當中一對大眼仔con絕對功不可沒。日本網友最近就放咗張化妝前後嘅對比相上Twitter,不過唔係畫喺塊面度,而係喺手背度,重點喺對眼戴大眼仔前後對比。嘩,隻眼咁嘅?幻覺嚟啫,嚇我唔倒嘅! 相關資訊【圖集】日本喵星人冬天著斗篷 戴埋帽仔超可愛 (Nov 24, 2017) 日本公司「另類」員工福利 同動漫人物結婚每月5千円津貼 (Nov 24, 2017)

Read more ›
6歲日本小妹妹 超濃妝10級驚嚇
by / on 27/08/2015 at 7:16 am

6歲日本小妹妹 超濃妝10級驚嚇

而家啲小朋友好早熟,細細個就化妝甚至整容,不過呢個6歲嘅日本小妹妹依然令日本網民好震驚,先研究吓佢個妝,超長嘅假眼睫毛仲大過對眼,而且上下都有睫毛,我諗起毛茸茸嘅曱甴腳‥‥‥另外眼頭同眼皮仲搽咗白色眼影,超驚嚇。日本網民就話:「我想睇吓佢父母個樣!」、「幽靈呀!」、「身份不明嘅生物!」睇真啲佢仲染咗髮,6歲,唉。 相關資訊相差10歲一樣可愛 網民狂讚藤田ニコル/佐佐木希和服造型 (Nov 23, 2017) 新片速報 PS4《幪面超人 巔峰戰士》「南光太郎」Black參戰! (Nov 23, 2017)

Read more ›
【有片】暗瘡美女短片發人深省    「你個樣令我作嘔?」
by / on 03/07/2015 at 7:05 am

【有片】暗瘡美女短片發人深省 「你個樣令我作嘔?」

有無經歷過滿臉暗瘡嘅黑暗時期?就算無,有無試過笑其他暗瘡同學?呢條片唔係一般嘅化妝前化妝後短片,內容發人深省,尤其是喺今日鬧人唔駛本嘅網絡年代,好值得睇吓。片中嘅女仔Em Ford自17歲開始滿臉暗瘡,3個月前佢開始喺社交網絡以真面目示人,啲人嘅留言好絕情:「你咁大個女有無洗過面?」、「你好醜!」、「你個樣令我作嘔!」,之後當佢再post化完妝嘅靚相,留言180度轉變:「完美呀!」「Amazing!」,然後開始有人話:「你啲妝好厚」、「你係因為樣衰所以先化妝啫!」成條片影住佢由無化妝到化好妝,期間彈出網上嘅真實留言,唔止佢喊,我都睇到眼濕濕。片尾話:「You are so beautiful. Don’t let anyone tell you differently.」生活喺網絡年代,網上留言鬧人的確唔駛負責任,睇完,希望人人都可以多啲考慮其他人嘅感受,多啲釋放正能量。 相關資訊20款超驚嚇萬聖節化妝 拉鍊面爛肉乜都齊 (Oct 25, 2014) 神級化妝 女人變《Rocky》《教父》 (Oct 16, 2014)

Read more ›
最恐怖Before & After      韓國版《畫皮》一嘢捽走晒五官
by / on 07/05/2015 at 7:23 am

最恐怖Before & After 韓國版《畫皮》一嘢捽走晒五官

間中就有呢啲Before & After相流出,今次仲有埋連環圖,由日本網民post出嚟,相中人係韓國女士,即場表演卸妝,而且只係卸走一邊臉嘅妝容,睇第一、二張相都好哋哋,睇到第三張,媽呀!仲恐怖過睇《畫皮》呀!唔係講笑,真係好似一嘢捽走晒啲五官!日本網友開條題都好正,話「如果你女朋友咁嘅樣你接唔接受倒?」唔好玩啦。BTW,都係呢個網友留言精警:「其實化咗妝都難接受。」其他網友都紛紛將自己嘅珍藏圖拎出嚟研究,好熱鬧。 相關資訊【多圖】韓國超可愛扭蛋 狗雀合體夠奇妙 (Sep 5, 2017) 韓國醫院食呢啲 日本網民出圖仲有派飯妹妹 (Jul 11, 2017)

Read more ›

神級男人化乜似乜     扮《格雷》Anastasia/《冰雪》Elsa
by / on 13/03/2015 at 7:06 am

神級男人化乜似乜 扮《格雷》Anastasia/《冰雪》Elsa

好勁!呢個菲律賓電視主持Paolo Ballesteros真身係一個男人,但係居然可以化妝成唔同嘅女明星,由近期好紅嘅《格雷的五十道色戒》嘅Anastasia Batungbakal,到啱啱拎咗奧斯卡最佳女主角嘅Julianne Moore,以至性感厚唇嘅Angelina Jolie同埋唔存在於現實世界《Frozen》嘅Elsa都有份,雖然厚妝,但的確有7、8成相似!作為女星,有個男人扮自己,仲要咁似,唔知會唔會有啲傷心呢? 相關資訊菲律賓快餐店推出LEGO漢堡 4色漢堡仲有雪糕 (Feb 12, 2017) 【超想食】KFC炸雞pizza 炸雞上舖滿芝士辣肉腸 (Jul 12, 2015)

Read more ›
天生一幅卡通嘴     另類化妝師   比卡超/藍精靈畫上面
by / on 04/03/2015 at 7:03 am

天生一幅卡通嘴 另類化妝師 比卡超/藍精靈畫上面

今時今日做化妝師都要諗吓辦法點樣喺網上成名,好似呢位倫敦嘅化妝師Laura Jenkinson,專門喺自己嘴至下巴位置畫卡通人物,而家喺Instagram已經儲咗23萬粉絲,佢嘅作品水準好高而且題材廣泛,由比卡超到史力加到藍精靈到海棉寶寶都有份,我仲發現佢棚牙都幾白,BTW,點解比卡超好似老咗肥咗? 相關資訊【這些機會】韓國嘴對嘴咖啡杯蓋 韓妹親身示範 (Aug 27, 2015) 勁似卡通羊 奇妙海洋生物識光合作用 (Jul 22, 2015)

Read more ›
3D變2D神級漫畫化妝    英雄怕凍著返件衫
by / on 20/02/2015 at 5:56 pm

3D變2D神級漫畫化妝 英雄怕凍著返件衫

外國經常見倒神級嘅特技化妝,好似《The Walking Dead》嘅喪屍妝我就好鍾意睇。呢位叫Lianne Moseley嘅靚女化妝師都好勁,強項係將真人化到好似美國漫畫嘅2D風格,效果好特別,佢最鍾意Marvel系列,Superman、Wonder Woman、綠箭俠、Jean Grey都畫過,有時佢連套衫都係畫出嚟,不過呢排天氣凍,Body painting似乎太凍,各位超級英雄都係笠返條衫以免凍親。 相關資訊漫畫角色「抜槍射擊速度」比較 野比大雄宇宙最強 (Nov 10, 2017) 日本政府出漫畫提市民 遇到導彈警告點做好? (Oct 19, 2017)

Read more ›
新片速報    萬聖節血盆大口DIY    口擘擘嚇死人
by / on 30/10/2014 at 7:16 am

新片速報 萬聖節血盆大口DIY 口擘擘嚇死人

又到哈佬喂,平時見鬼佬啲化妝好誇張,我哋都介紹咗唔少,不過點樣先可以有樣學樣呢?外國YouTuber goldiestarling就拍咗條片教大家化佢呢個血盆大口妝,原來又唔係想像中咁難,而且仲可以口擘擘郁嚟郁去,好邪惡。 相關資訊有片:日本YouTuber大整蠱 飯檯標出大隻佬嚇祖母 (Nov 22, 2017) Rex Koo《七孔流血》畫展延伸工作坊 DIY放映機 (Nov 14, 2017)

Read more ›