Post Tagged with: "卡樂b"

日本紙皮女王 用紙還原停產「卡樂B」薯片
by / on 20/04/2017 at 7:26 pm

日本紙皮女王 用紙還原停產「卡樂B」薯片

日本卡樂B「ピザポテト」因為薯仔失收暫時停產之後,網上都有人炒賣,o依家喺日本想食呢隻薯片,真係千祈唔好問幾錢。呢位我哋之前介紹過嘅日本紙皮女王,用紙皮製作大量超精細模型嘅大野萌菜美,佢嘅新作就係一包「ピザポテト」同埋裏面啲薯片,薯片上面仲有芝士,不過都係紙嚟嘅。再入去佢ig睇吓,有唔少新作喎,朱古力……嘩仲有《回到未來》架DeLorean DMC-12! 相關資訊防推門撞到人 日本推出簡易安裝警告燈 (May 24, 2017) 告票黐得有心思?日本痛車違泊被抄牌 (May 24, 2017)

Read more ›

卡樂B都有得炒?日本15種薯片停產 網上即轉賣
by / on 11/04/2017 at 5:28 pm

卡樂B都有得炒?日本15種薯片停產 網上即轉賣

北海道因為上年颱風,所以今年薯仔失收,影響就大咯,係日本卡樂B呀!官方宣佈由4月15日開始會有18種停產,之後22日仲有15種……咁大件事,網民反應梗係快啦,即時好多人放啲「絕版貨」上網賣,10,000円12包又有,2,000一包都有!亦有得睇番「富良野工場付近」早兩年同上年打完風嘅比較圖。喂,咁我哋駛唔駛衝去阿信屋嗰啲掃貨? 相關資訊日本網民創作力 單車seat位變狗狗 (May 24, 2017) 【迷戀屁屁】日本柴犬屁屁粘土產品 超可愛Twitter熱傳 (May 24, 2017)

Read more ›
芫茜味卡樂B 日本期間限定推出
by / on 15/03/2017 at 8:07 pm

芫茜味卡樂B 日本期間限定推出

我細個最怕芫茜陣味,最鍾意食薯片;隨住年紀增長口味越嚟越重,變成超愛芫茜陣味,而且依然鍾意食薯片。我真係估唔到有呢一日,就係日本卡樂B竟然會推出芫茜味薯片「ポテトチップス パクチー味」,3月20日開始全日本開賣,賣到4月下旬。 相關資訊【有片】日本高中生頂波挑戰 女同學關鍵一接大爆炸 (May 23, 2017) 【圖集】日本喵星人剃毛記 毛量極多剃完細一碼 (May 23, 2017)

Read more ›
【登陸香港】食鮮炸薯片 Calbee Plus首間海外分店
by / on 15/03/2016 at 9:56 pm

【登陸香港】食鮮炸薯片 Calbee Plus首間海外分店

有去過東京旅行,有冇食過原宿嗰間Calbee Plus?2011年12月開幕,嚟到o依家喺日本已經有10間舖,累計710萬人幫襯過。好消息係嚟緊3月21日喺灣仔利東街就會有海外第一間分店Okashi Galleria x Calbee Plus概念零食店開幕!上層體驗工作坊,下層就透明玻璃開放式廚房,當然有即炸薯片、薯條買嚟食,波浪型、平切、芝士、朱古力醬、日本3.5生乳軟雪糕有齊,仲有香港獨家嘅「避風塘香辣味薯片」。喺開店首星期22日至28日,下午1點到6點每時段仲會送50杯薯片,到時應該會逼爆。

Read more ›
【咁著數】日本新推3倍海苔卡樂B 網民買到錯體「青苔版」
by / on 19/11/2015 at 10:33 am

【咁著數】日本新推3倍海苔卡樂B 網民買到錯體「青苔版」

紫菜味薯片唔係好特別啫,就算係3倍,見到官方張相都係多啲紫菜啫……但呢位日本網民佢就開到有一包絕對唔只3倍嘅「カルビーのりしおトリプル」!成塊薯片好似生青苔一樣,不過,其實咁咪仲著數,好似有網民話好鍾意紫菜,真係好羡慕佢咪就係咁解囉。 相關資訊日本網民手指「畫十字」變畫筆 iPad畫圓形不是夢 (May 23, 2017) 【有片】日本超騎呢「減壓睡眠法」 模仿子宮內BB睡姿 (May 23, 2017)

Read more ›
Calbee終於有筒裝 日本秋天推出兩口味
by / on 24/03/2015 at 4:03 pm

Calbee終於有筒裝 日本秋天推出兩口味

好咯!雖然我極度懷疑我都係會一次過食晒一筒,但萬一食唔晒都方便啲冇咁易變腍嘛!食卡樂B細包裝唔夠喉,大包裝又多過頭,食唔晒我要放入雪櫃先保證第二日再食夠脆口。咁如果卡樂B有筒裝就好啦!日本官方喺「2015カルビーポテトチップス事業戦略発表会」公佈將會喺秋天推出筒裝卡樂B,率先登場有兩種口味「低鹽味」同「清湯味」,仲有大筒、細筒兩個選擇,4月6日日本會有新廣告。 相關資訊精品報價: 初二開門新春大吉 X Gundam/小賓女靚價 叮噹薯片玩潛卡 (Jan 31, 2014) 世紀合作 卡樂B X KFC薯片登場 (Oct 17, 2012)

Read more ›

送禮自隊 3倍厚Grand版卡樂B
by / on 20/03/2014 at 12:32 pm

送禮自隊 3倍厚Grand版卡樂B

食薯片,你鍾意食薄啲定厚啲?我偏向薄,不過卡樂B隻Pizza味又係我至愛。嚟緊4月1日,卡樂B將會喺大阪開設「GRAND Calbee」櫃位,而打響頭炮就係推出3倍厚度嘅高貴版薯片!會有6種口味,分別係鹽味牛油、蕃茄芝士等等,禮盒包裝有4包15g薯片,都係500円,價錢唔Grand,送禮或者自隊都抵。

Read more ›
世紀合作再臨 KFC X Calbee家鄉雞味薯片 限定發售
by / on 18/12/2013 at 7:16 pm

世紀合作再臨 KFC X Calbee家鄉雞味薯片 限定發售

對於我嚟講,呢個消息真係好震撼。上年已經合作過嘅KFC同卡樂B,推出過「旨塩生姜チキン」味薯片,今年又有新嘢,就係「ポテトチップス カーネルクリスピー味」薯片!香脆炸雞變成薯片,我真係聽見都想食,由KFC監修,1月6日喺店舖限量發售!其實,下次不如整薯片味炸雞啦?BTW,張圖使唔使咁細? 相關資訊網圖分享:連鎖餐廳Icon萌化 麥當勞叔叔溝Wendy (May 16, 2017) 中國KFC推出「皮卡丘」套餐 比卡超玩具識叫識著燈 (Apr 27, 2017)

Read more ›
《刃牙》 x 卡樂B 出重口味「地上最強之肉」薯片
by / on 16/06/2013 at 2:44 pm

《刃牙》 x 卡樂B 出重口味「地上最強之肉」薯片

板垣恵介原作嘅漫畫《グラップラー刃牙》,我諗起滿身肌肉,再諗起剛力彩芽,其實都已經冇乜食慾,但偏偏佢就同卡樂B合作推出薯片。名為「ポテトチップス刃牙 地上最強の肉!(ティラノサウルスのステーキ) 味」,由原作者親自監修(!?),有濃厚嘅肉味,由7月8日至8月中開始喺日本全國發售,到時阿信屋應該有啩?另外,呢款薯片仲有抽獎活動,獎品係板垣老師親自上色嘅水樽同範馬勇次郎Figure。最後仲有6月22日同23日喺秋葉原舉行嘅《刃牙》活動新情報。 相關資訊宮崎葵已經不能用鼻呼吸 網民:「個鼻好似刃牙!」 (Oct 7, 2016) 【有片】超霸氣預告 《刃牙道》格鬥動畫 (Sep 21, 2016)

Read more ›