Post Tagged with: "另類"

【新片速報】日本人氣另類動畫 2018新片有爆破
by / on 07/01/2018 at 12:25 pm

【新片速報】日本人氣另類動畫 2018新片有爆破

好耐無介紹過呢個日本另類動畫師嘅作品嘞。佢最出名就係上年嘅新年系列,到而家Twitter仲有好多人RT。啱啱佢終於有賀年新片出嘞,又爆破又插眼,中途仲出現返幾個熟悉嘅場面,好正!都係嗰句,記住開埋聲睇。 相關資訊日本喵司機坐「宅急便貓車」 眼望望超可愛Twitter熱傳 (Jan 20, 2018) 日本喵星人最愛白毛巾 捲埋墊頭超識嘆 (Jan 20, 2018)

Read more ›

日本公司「另類」員工福利 同動漫人物結婚每月5千円津貼
by / on 24/11/2017 at 7:05 am

日本公司「另類」員工福利 同動漫人物結婚每月5千円津貼

喺日本同動漫人物結婚唔係新嘢,不過有公司肯應受而且提供福利就第一次見嘞。呢間位於秋葉原嘅科技公司Gatebox,職員只要填寫公司嘅結婚證書,詳細列明佢同嗰位結婚對象嘅相遇過程、求婚內容等等,審批之後就可以每個月得到額外5000円嘅津貼。而喺嗰位動漫人物嘅生日當日仲可以有多一日有薪假!對象不限性別同埋種類,即係男男、女女或者同非人類都可以結婚,不過就規定只可以有一位對象,而且公司承諾會對資料保密! 相關資訊日本喵星人冬天瞓覺新位置 電腦前攬到實取暖 (Jan 20, 2018) 超靚日本Asahi櫻花啤酒 1月30日酒鬼要買 (Jan 20, 2018)

Read more ›
日本火鍋湯底另類食法 加入電飯煲煮飯超美味
by / on 15/11/2017 at 7:53 am

日本火鍋湯底另類食法 加入電飯煲煮飯超美味

又到秋冬天打邊爐嘅季節,呢類型嘅火鍋底喺日本超市好容易買到,不過日本網民仲有另一種食法,就係將佢倒落電飯煲度煮飯嘞!豬骨加雞嘅白湯底,同啲米飯融為一體,加埋嚿雞胸肉,就變咗豬骨白汁雞肉飯,樓主話超美味,其他網民睇完都好想試,有人仲建議可以加埋生姜或者洋蔥落去吊吓味,食得好專業,有無興趣試吓? 相關資訊【想買】日本網民設計「紙門日曆」 每過一日篤穿一格 (Jan 20, 2018) 【有片】日本網民拍片比較 露營動畫《ゆるキャン△》理想與現實 (Jan 19, 2018)

Read more ›
【圖集】另類食物攝影     高清蒜頭/辣椒配人仔
by / on 13/10/2017 at 9:30 am

【圖集】另類食物攝影 高清蒜頭/辣椒配人仔

攝影師Péter Csákvári呢輯相好正,本身係一個食物攝影師嘅佢,發現原來加啲人仔、道具喺啲食物旁邊會有好特別嘅效果,於是創作咗呢輯叫「Tiny Wasteland」嘅圖集。雞蛋、花生、蒜頭、壽司、辣椒‥‥‥全部都好正,入嚟有得慢慢睇。 相關資訊日本網民食物現「奸笑BB樣」 心都寒埋Twitter熱傳 (Jan 12, 2018) 【圖集】日本飛沙攝影新作 《動物朋友》決戰星戰白兵 (Jan 1, 2018)

Read more ›
【最緊要快】日本懶人煮麵法 網民Twitter分享另類煮食圖
by / on 13/06/2017 at 7:28 am

【最緊要快】日本懶人煮麵法 網民Twitter分享另類煮食圖

其實都唔可以完全怪佢哋嘅,日本有唔少拉麵內附嘅調味汁料,都會寫明可以簡單用熱水坐熱佢然後淋上麵度。有日本網民最近就將煮食過程影埋相放上網,佢仲好識食咁加多咗隻蛋,不過睇落啲水似乎濁濁哋。其他網民都忍唔住分享佢哋嘅另類煮食圖,最多情況係煮意粉順手放埋包醬料入去一齊煲。老實,我平時都係咁煮嘅。 相關資訊日本黑喵慘遇小朋友 全身變玩具枱坐定定任玩 (Jan 19, 2018) 日本Felissimo超強創意聯乘 「千手觀音」耳環 / 佛手枕 (Jan 19, 2018)

Read more ›
【另類cosplay】日本超正笠頭T恤      無臉男/初號機頭型啱啱好
by / on 01/06/2017 at 11:11 am

【另類cosplay】日本超正笠頭T恤 無臉男/初號機頭型啱啱好

無臉男出動!日本有得賣嘅呢個T恤系列超正,拉起件T恤笠住個頭就可以cosplay,既方便又低調。之前都有其他公司出過,不過今次嘅造型更加過份,除咗無臉男,佢哋仲有推出蜘蛛俠、初號機、死神流克同史萊姆,全部都超正,頭型啱啱好,每件賣2千零円,日本Amazon同樂天都有,夏天熱熱哋想cosplay啱晒! 相關資訊本周Coser 日本「えいか」好鍾意小動物 (Jan 14, 2018) 身形最似 德國Coser變身「Super Sonico」 (Jan 8, 2018)

Read more ›

【新片速報】日本另類瘋狂動畫 Twitter爆紅唔靠畫功
by / on 07/01/2017 at 7:13 am

【新片速報】日本另類瘋狂動畫 Twitter爆紅唔靠畫功

越嚟越鐘意睇呢個日本動畫家嘅作品,佢嘅「畫」簡單到有啲核突,不過又有種出奇嘅瘋狂幽默感。之前段新年敲鐘片喺Twitter瘋狂熱傳,啱啱佢又有新片,今次玩紅綠燈,合埋眼呀擰轉身,啲人仔嘅表情同動作都好瘋狂正,一日唔夠已經超過6萬個RT,慢慢欣賞,記住開埋聲睇。 相關資訊日本「國民媽媽」年齡大公開 小丸子媽媽報細數? (Jan 19, 2018) 【新片速報】日本喵星人玩鱷魚 鑽入口「玩命」Twitter熱傳 (Jan 19, 2018)

Read more ›
【實用】日本網民大發現 貓狗梳毛刷另類用途
by / on 31/10/2016 at 7:12 am

【實用】日本網民大發現 貓狗梳毛刷另類用途

生活小常識!有無試過買咗返嚟嘅毛公仔,放耐咗或者幫佢沖完涼之後,啲毛就會黏埋一束束?有日本網民就諗到完美嘅解決方法,就係喺100円店買專幫貓狗梳毛嘅刷,刷兩刷,啲毛即刻鬆晒,好似新嘅一樣!除咗毛公仔之外,之前仲有人試過用嚟刷地毯,效果一樣好得。 相關資訊【有片】日本大學生自製 認色調色一條龍 (Jan 18, 2018) 【有片】日本東京好大霧 又再諗起《Silent Hill》 (Jan 18, 2018)

Read more ›
【真係驚】另類怪獸家長 搵囡囡影恐怖相集
by / on 15/05/2016 at 2:59 pm

【真係驚】另類怪獸家長 搵囡囡影恐怖相集

美國攝影師Joshua Hoffine可以話係怪獸家長,不過唔係一般迫個仔女上十幾個補習班嗰種,而係「迫」佢哋一齊影恐怖相。呢輯名為「After Dark My Sweet」嘅相集,將小朋友最驚嘅場面重現,例如打開雪櫃有個人頭、床下底有怪手、樓梯底有鬼鬼,不過唔駛擔心,攝影師個囡囡影得好開心,有得玩又有得嚇人,呢種另類嘅親子活動,好過去上幾十個補習班吖。佢哋仲計劃連埋其他恐怖相一齊出本相集,而家喺Kickstarter集緊資,有無家長想買返本? 相關資訊宇宙最崩壞攝影師 全家變LEGO人網上熱傳 (Jan 16, 2018) 超可愛狗狗遊超市 表現超興奮Twitter熱傳惹爭議 (Jan 6, 2018)

Read more ›
【玩嘢】日本Amazon喵星人另類Tee 侵略地球玩爆破
by / on 29/04/2016 at 7:14 am

【玩嘢】日本Amazon喵星人另類Tee 侵略地球玩爆破

通常有喵星人嘅衫都係走可愛路線,不過日本Amazon有得賣嘅呢幾件好另類,喵星人好似侵略地球嘅外星人,又噴嘢又喺爆炸場景度施施然行出嚟,型到震。一件賣2000円左右,店名係「Pizoff(ピゾフ)」,一共有四款,各有特色,有無貓奴想訂? 相關資訊日本喵星人扭蛋 捕捉狩獵一刻全神貫注 (Jan 18, 2018) 日本時裝網站超強演繹 長褸唔著用嚟拎 (Jan 18, 2018)

Read more ›
【喵星人襲地球】20種另類喵星人 野生貓種大公開
by / on 23/11/2015 at 7:10 am

【喵星人襲地球】20種另類喵星人 野生貓種大公開

一講起喵星人,自不然諗起唐貓、英短、摺耳呢啲品種,外國網就搜羅咗20款其他種類嘅野生貓,大部份都聞所未聞,最常見應該係藝人周慧敏都有養嘅豹貓,其餘沙漠貓(Sand Cat)同黑足貓(Black-footed Cat)都好得意,仲有個樣惡得嚟又奇特嘅獰貓(Caracal)、蠢蠢哋嘅漁貓(Fishing Cat),入嚟仲有維基解說,大開眼界。 相關資訊貓奴必備 帶貓出街用Cat-in-the-bag (Jan 16, 2018) 日本佛心「喵星人」 瞓大佛手心被供奉 (Jan 16, 2018)

Read more ›

有片   蜥蜴cafe玩另類    走一轉嚇破膽
by / on 08/04/2014 at 7:08 am

有片 蜥蜴cafe玩另類 走一轉嚇破膽

貓cafe狗cafe聽得多,玩蜥蜴玩蛇玩蜘蛛嘅另類cafe真係第一次聽。呢間位處越南河內嘅Pet Cafe住滿蜥蝪、蛇呢啲另類動物,28歲嘅店主有一日受朋友所託幫忙看住隻蜥蜴仔,自此就深深愛上,之後走勻中國、泰國、澳洲、星加坡搜羅唔同品種嘅動物,再開埋呢間動物cafe與眾同樂。為咗令動物居住得更舒適,室內光線長期偏暗,佢仲用咗超過半年時間訓練呢班動物學習同人相處。不過點講都好,我都係唔敢去。 相關資訊【新片速報】日本肥蜥蜴失足跌底 太肥失平衡超搞笑 (Nov 30, 2017) 《亂馬1/2》主題Cafe 東京/大阪/愛知三地連環開 (Oct 20, 2017)

Read more ›
毒辣賀咭    祝你永世搵唔倒工
by / on 02/01/2014 at 7:11 am

毒辣賀咭 祝你永世搵唔倒工

鬼佬平時好Nice,不過咀咒起人上嚟,分分鐘勁過鵝頸橋下面打小人嘅咪咪姐。上網見倒呢批玩嘢賀咭,每張嘅「祝福」語都好毒辣,例如祝你個仔大個坐監、祝你永世搵唔倒工等等、希望你每一日嘅婚姻生活都充滿後悔‥‥‥睇啱save定幾張傍身,心情唔靚時寄比仇家一流。 相關資訊日本馬年賀卡 Excel畫卡/ 真馬做道具 (Jan 21, 2014)

Read more ›
非一般模特兒公司    紋身女現代男乜都有
by / on 19/08/2013 at 7:19 am

非一般模特兒公司 紋身女現代男乜都有

邊個話model一定要又索又好身材?外國有間模特兒公司叫「We are unlike you」,顧名思義,入面嘅模特兒同我哋一般見倒嘅完全唔同,例如有全身紋晒身(連面都有)嘅女模特兒Betty S.、十足吸血彊屍嘅女人、貼身嘅現代大膽男、蛇蠍膚色嘅女人‥‥‥總之種類包羅萬有,保證大開眼界,而且舖出嚟嘅相片水準好高。老實,我好欣賞呢間公司嘅諗頭,呢類型嘅模特兒先最難搵,香港?我淨係諗倒《喜劇之王》嘅媚姨。 相關資訊日本網民參加「忘年會」 cosplay「合掌土偶」超自信 (Dec 29, 2017) 日本網民分享四季風景 各有特色Twitter熱傳 (Dec 10, 2017)

Read more ›