Post Tagged with: "可愛"

【新片速報】日本超可愛水瀨仔 瞓覺冚被敷面膜
by / on 13/06/2018 at 7:19 am

【新片速報】日本超可愛水瀨仔 瞓覺冚被敷面膜

水瀨仔本身已經夠晒可愛,仲要又爛瞓又乖!呢隻住喺日本嘅水瀨仔「ぷく」好嘆,主人幫佢整咗張床,有枕頭有被冚,仲有保濕面膜敷,超養生,段片睇完再翻睇都完全唔會厭。另外佢屋企仲有喵,同隻水瀨仔好friend,成日會一齊挨住瞓,可愛到癲,入嚟有回帶。 相關資訊【有片】日本貓仔攬實公仔唔放 主人想拎起腳踢開 (Jul 23, 2018) 日本WF有得賣 半2D半3D「手機少女」 (Jul 22, 2018)

Read more ›

日本迷你喵星人亂瞓 攝入軟墊隙縫位超可愛
by / on 12/06/2018 at 7:23 am

日本迷你喵星人亂瞓 攝入軟墊隙縫位超可愛

喵星人嘅行為好難明白,好似日本網民呢隻喵仔,唔知點解選擇咗個奇怪嘅瞓覺位置,瞓正喺兩張軟執中間嘅隙位,仲要頭仔向下,超搞笑。唔通嬲緊主人仲未餵佢食嘢?入嚟有多啲呢隻喵仔嘅正面相睇,超細隻超可愛! 相關資訊日本超可愛兔仔坐車 企直睇風景超似人仔 (Jul 22, 2018) 【有片】日本喵超可愛 準備叫但忍唔住打喊露 (Jul 22, 2018)

Read more ›
【新片速報】日本Twitter熱傳短片 喵仔與狗超可愛接觸
by / on 06/06/2018 at 7:28 am

【新片速報】日本Twitter熱傳短片 喵仔與狗超可愛接觸

貓仔同狗仔似乎天生註定可以做好朋友,因為兩個都咁熱情。呢段日本網民分享嘅片,見到喺舖入面嘅兩位主角,雖然中間隔住塊玻璃,不過就利用少少隙縫作出第一類接觸。一個不停伸手搞人,另一個就好熱情咁伸脷回敬,超可愛!入嚟有片睇。 相關資訊日本新口味Haagen-dazs雪糕 「雪葩」加「雪糕」兩種口感 (Jul 22, 2018) 日本大阪王將出「餃子熱狗」 6款任揀超想試 (Jul 22, 2018)

Read more ›
【相集】日本攝影師「青蛙」寫真 口擘擘超可愛
by / on 02/06/2018 at 3:24 pm

【相集】日本攝影師「青蛙」寫真 口擘擘超可愛

自從手機遊戲《旅行青蛙》之後,就覺得啲青蛙好得意,最近日本攝影師影咗幾張相,不過唔係手機遊戲入面嗰隻青蛙,而係真實版嘅青蛙,不過一樣咁得意,尤其是口擘擘嗰張,可愛到暈!睇完有無心郁郁,想開返自己隻青蛙出嚟睇吓佢最近有無返屋企? 相關資訊【奇妙設計】日本女士夏天「打底內衣」 外形超似T-back (Jul 22, 2018) 【相集】日本「顏藝王」雪橇 超強表情Twitter熱傳 (Jul 21, 2018)

Read more ›
【有片】日本動物園「藪貓」 耳仔又圓又高超可愛
by / on 30/05/2018 at 7:33 am

【有片】日本動物園「藪貓」 耳仔又圓又高超可愛

日本動畫《動物朋友》入面有藪貓,現實生活都有,而且佢哋真係好得意!有日本網民放咗愛媛縣「とべ動物園」嘅新相上Twitter,隻藪貓仲食緊草好得意!吸引好多人RT。其實佢哋係產自非洲嘅中型貓科動物,體長85cm,平均壽命有12-20年。出名腿長尾短,最得意係對耳又高又圓,鍾意貓嘅朋友應該會特別鍾意佢哋。 相關資訊日本神人畫「3D串燒」 超像真睇到流口水 (Jul 21, 2018) 日本小妹妹IG熱傳 超濃密頭髮大爆發 (Jul 20, 2018)

Read more ›
日本喵星人女僕造型 單眼賣萌超可愛
by / on 29/05/2018 at 7:30 am

日本喵星人女僕造型 單眼賣萌超可愛

女僕造型本身已經好吸引,仲要著喺喵星人身上,萌嘅程度爆晒燈。隻白喵本身好靚,仲要有對異色瞳,再加埋呢身Lolita造型,臨尾仲停停眼,超可愛! 相關資訊最人氣Maid Cafe 秋葉原「アキバ絶対領域」今日開2號店 (Jul 20, 2018) 日本熱到癲 太陽伯伯「變樣」網民大改圖 (Jul 20, 2018)

Read more ›

超可愛《死侍》多士爐USB    彈出彈入手痕專用
by / on 26/05/2018 at 1:43 pm

超可愛《死侍》多士爐USB 彈出彈入手痕專用

睇完《死侍2》有無鍾意咗深情得嚟又麻鬼煩嘅主角?睇見呢款產品就有啲想買,表面睇係一個多士爐,其實係一隻USB手指,記憶體嘅正面就係印咗DEADPOOL字樣嘅多士,最正係可以撳出撳入,手痕攞嚟玩啱晒。由台灣品牌出品,香港都可以訂,16GB價錢HK$244,買嚟做擺設都開心。 相關資訊日本超可愛倉鼠 扮雪米滋四腳朝天好啱位 (Jul 20, 2018) 超可愛「無臉男」玩具 一式六款有隱藏版本 (Jul 19, 2018)

Read more ›
【有片】超可愛雀仔短片 一齊轉超搞笑Twitter熱傳
by / on 19/05/2018 at 12:49 pm

【有片】超可愛雀仔短片 一齊轉超搞笑Twitter熱傳

星期六好應該睇呢類型嘅得意影片,由日本網民喺Twitter分享,片中嘅雀仔企咗喺個好似單車轆嘅轉輪上面,不過當個轉輪轉動嘅時候,佢依然跟住轉,好好笑,治癒程度超高呀! 相關資訊【新片速報】日本街貓完全唔怕人 直行直撞超嗲Twitter熱傳 (Jul 19, 2018) 日本小妹妹天才發明 消暑西瓜特飲Twitter熱傳 (Jul 19, 2018)

Read more ›
【相集】喵星人大得好快 日本熱傳對比照超可愛
by / on 18/05/2018 at 7:52 am

【相集】喵星人大得好快 日本熱傳對比照超可愛

喵星人大得好快,作為貓奴都會好懷念佢哋細個嘅可愛時刻,最近日本有網民放咗幾張相上Twitter,將佢兩隻貓由BB到小貓到成貓嘅過程放咗出嚟,可愛到癲!輯相好多人分享,仲有大量貓奴忍唔住將佢哋嘅貓貓對比相放埋上嚟分享,入嚟有得回帶。 相關資訊Burger King員工每日送漢堡包俾患癌狗狗 網民感動熱傳 (Jul 21, 2018) 生日賀一賀 日本fans用962,120円預訂718隻新碟 (Jul 19, 2018)

Read more ›
日本喵星人匿藏失敗    鼻頭露出超可愛
by / on 17/05/2018 at 7:15 am

日本喵星人匿藏失敗 鼻頭露出超可愛

喵星人最鍾意匿埋,不過有時太蠢,好易俾人類發現。最近有日本網民發現唔見咗屋企隻喵,搵咗好耐有啲擔心,最後發現原來佢捐咗入個背囊入面‥‥‥可惜露咗個鼻頭出嚟透氣,超可愛!網民仲話佢好似犯人笠頭。 相關資訊【有片】日本喵星人迫爆紙箱 超痴纏攬實唔放 (Jul 19, 2018) 【今日GIF】日本高手製懷舊遊戲GIF 幻想中的遊戲世界 (Jul 18, 2018)

Read more ›
俄羅斯超可愛浣熊醫生   專責平靜狗狗情緒
by / on 05/05/2018 at 9:18 am

俄羅斯超可愛浣熊醫生 專責平靜狗狗情緒

自從電影《Guardians of the Galaxy》同埋《Avenger 3》之後就鍾意咗浣熊呢種動物嘞!俄羅斯呢位獸醫Aleksei Krotov都養咗隻浣熊叫Yasha,最特別之處係隻浣熊同時係動物醫生,因為佢哋發現Yasha嘅出現可以令到情緒緊張嘅狗狗變得平靜,不過只限於狗狗,佢同喵星人就相處唔到嘞。 相關資訊【有片】狗狗自創消暑大法 瞓水澗順水流漂走 (Jul 20, 2018) 日本動物醫院「心寒」宣傳板 貓貓震晒好驚青 (Jul 17, 2018)

Read more ›

日本發現真實版「蜘蛛伯伯」 可愛笑臉似真人Twitter熱傳
by / on 03/05/2018 at 8:25 am

日本發現真實版「蜘蛛伯伯」 可愛笑臉似真人Twitter熱傳

蜘蛛俠大家見得多,呢隻日本網民發現嘅再老啲,係隻真蜘蛛,但就有個好似伯伯一樣嘅笑臉,得意得嚟又有啲詭異。其實佢嘅品種係ハナグモ(花蜘蛛),出名個樣似人,不過今次呢隻就可愛啲,似一個笑緊嘅伯伯。有網民話佢似日本漫畫家「チャーリー野沢」,亦有人話似《薩爾達傳說》入面嘅金克爾。BTW,香港之前都出現過一隻人臉黃蜘蛛,入嚟回帶影片,睇到人心都寒埋。 相關資訊超正!打破敵對關係 日本連鎖快餐Twitter編輯玩聯手 (Jul 18, 2018) 【有片】廁紙變子彈 日本高火力水槍月尾發售 (Jul 18, 2018)

Read more ›
【新片速報】日本兔仔0.5秒極速入睡 神奇技能超可愛
by / on 03/05/2018 at 7:47 am

【新片速報】日本兔仔0.5秒極速入睡 神奇技能超可愛

從來唔知道白兔仔有極速入睡嘅能力,最近日本有網民分享咗佢隻兔仔嘅短片,之前一秒仲好精神,突然翻身側卧,唔夠一秒居然瞓著咗,zoom近仲見到佢鼻仔郁郁似乎開始發夢!入嚟有得開吓眼界。 相關資訊日本熱到癲 名古屋39度/ 沖繩變避暑地 (Jul 18, 2018) 日本經典朱古力變棋子 實物原大繼續鬥 (Jul 18, 2018)

Read more ›
【新片速報】日本超可愛企鵝仔 撲蝶失敗影片Twitter熱傳
by / on 03/05/2018 at 7:47 am

【新片速報】日本超可愛企鵝仔 撲蝶失敗影片Twitter熱傳

企鵝仔一向好可愛,今次仲睇到佢撲蝶嘅情景,有日本網民去咗北海道嘅水族館「登別マリンパークニクス」,仲拍到有隻企鵝仔同蝴蝶玩遊戲。睇片見佢一邊追一邊兩隻手擺吓擺吓,可愛到暈!段片喺Twitter已經超過3百萬瀏覽,之後樓主仲起咗隻企鵝底,原來佢就快3歲,係女仔嚟嘅,唔怪得之嘞。 相關資訊日本「藍色食物醬汁」量產 沙律飯團全部變藍 (Jul 18, 2018) 【有片】日本傳媒報道 大量中國人入侵埼玉縣 仲有狗肉賣? (Jul 17, 2018)

Read more ›
【相集】日本喵星人變液體喵 融入膠箱超可愛
by / on 02/05/2018 at 7:37 am

【相集】日本喵星人變液體喵 融入膠箱超可愛

喵星人出名不自量力,最近有日本網民影到呢一幕,隻喵走咗入個膠箱度,好似融解咗咁一團散咗喺箱入面,超可愛。之後一班貓奴出動嘞,大家都放類似嘅相上網,好正,入嚟有得睇。 相關資訊日本狗狗瞓晏覺 地下遺留狗印超可愛 (Jul 17, 2018) 農夫的浪漫2018 日本超靚稻田畫Twitter熱傳 (Jul 17, 2018)

Read more ›