Post Tagged with: "台場"

【有片】台場1:1獨角獸高達最新進度 懷念RX-78-2今日8周年
by / on 11/07/2017 at 5:59 pm

【有片】台場1:1獨角獸高達最新進度 懷念RX-78-2今日8周年

8年前,2009年7月11日朝早10點,台場1:1 RX-78-2 Gundam正式喺潮風公園公開!當年你有冇在場?冇可以入嚟睇番相同片,有日本網民趁今日8周年回帶。另外,亦都跟進番1:1 Unicorn Gundam獨角獸高達嘅進度,見到腳喇,跨下部份都裝緊裝甲喇…… 相關資訊日本Cospa「赤い彗星」Tee 9月發售見馬沙 (Jul 23, 2017) 有袋有Tee STRICT-G玩《機動戰士Gundam UC》 (Jul 21, 2017)

Read more ›

【突發】軍事機密 日本台場1比1 Unicorn Gundam頭部裝甲曝光
by / on 30/06/2017 at 12:06 am

【突發】軍事機密 日本台場1比1 Unicorn Gundam頭部裝甲曝光

嚟到就快7月喇,台場實物大RX-78-2高達都已經拆走咗一排,終於,終於有網民影到話即將登場嘅實物大獨角獸高達現身……雖然只係個頭殼……但都好多圖。 相關資訊【有片】官方宣傳片 Metal Build《機動戰士Gundam00》「ダブルオークアンタ」 (Jul 18, 2017) 【有片】識搖識著燈 《機動戰士Gundam》龜霸騎木馬 (Jul 16, 2017)

Read more ›
日本網民推介「壽司放題」     3500円任食推介煮穴子壽司
by / on 19/06/2017 at 7:06 am

日本網民推介「壽司放題」 3500円任食推介煮穴子壽司

呢間「築地玉壽司」之前杜如風都喺節目推介過,相信好多香港人都試過,以為只得遊客去?又唔係喎。最近有日本網民去食放題仲影埋相放上Twitter,吸引好多網民留言。佢去嘅係台場分店,推介「煮穴子」同埋「醬漬吞拿魚」壽司,睇相都令人流晒口水。呢間壽司店喺全日本有大量分店,不過放題而家就只限銀座、台場、橫濱等5間分店,女性每位3500円任食,男士每位4500円。睇完又好想飛去日本瘋狂食嘢嘞! 相關資訊日本草皮內衣 目標客戶係咩人? (Jul 25, 2017) 【毁容】日本網民餐廳中伏 吉祥物甜品咁嘅樣 (Jul 25, 2017)

Read more ›
【台場最新現況】Unicorn Gundam未現身 連邦工程人員開工
by / on 29/05/2017 at 12:34 pm

【台場最新現況】Unicorn Gundam未現身 連邦工程人員開工

站在台場的1比1高達RX-78-2已經徹走,正當自護軍大嗌自護萬歲,以為取得階段性勝利之時,連邦軍嘅工程人員已經開工,準備帶嚟1比1獨角獸高達Unicorn Gundam到場。有日本網民出咗啲圖,睇到最新現場現況,見到圍晒板,暫時未有任何擬似高達機件,但就見到啲工程人員手臂戴咗連邦軍EFSF臂章!仲有影到佢拎住塊牌,上面寫住工程名稱係「台場UC立像制作」!快啲呀,等你哋光復台場呀! 相關資訊日本喵星人企正「集中線」 現聖光Twitter熱傳 (Jul 25, 2017) 日本電車駕駛室K房 投影車窗扮行車 (Jul 24, 2017)

Read more ›
【繼續拆】台場Gundam得番個身加對腳 對比番獨角獸有幾高
by / on 16/03/2017 at 4:38 pm

【繼續拆】台場Gundam得番個身加對腳 對比番獨角獸有幾高

台場嘅實物大Gundam RX-78-2自3月5日關閉之後,早前都開始拆喇,開頭拆咗個頭同左手重視一年戰爭名場面,再嚟就冇埋另一隻手……有好多日本高達迷都跟進緊個進度,而且仲發現隔籬間Gundam Cafe放咗隻又係冇咗對手同個頭嘅模型喺度,隔籬仲有隻同比例嘅Unicorn Gundam,再出去睇吓,就大概想像到之後隻獨角獸有幾高啦?希望識得自動爆甲啦! 相關資訊【咖哩味阿寶】日本網民無限改圖 高達主角狂隊咖哩 (Jul 10, 2017) 【咖哩味高達】Gundam X 「CoCo壱番屋」 模型揹匙羮最想要! (Jul 6, 2017)

Read more ›
【自護萬歲】台場高達今日甩頭 不捨都要講再見
by / on 14/03/2017 at 2:30 pm

【自護萬歲】台場高達今日甩頭 不捨都要講再見

唔知有幾多人第一次去日本旅行就係為咗去台場呢隻實物大Gundam RX-78-2腳下朝聖呢?趷立8年,早前3月5日就停咗開放參觀,要拆喇。不過之前一直都只係見到圍欄呀、工程車嗰啲,個心情都冇乜點,嚟到今日……自護公國終於取得階段性勝利,見到佢拆咗隻手同吊起個頭,真係有啲唔捨得,期待秋季嘅獨角獸啦! 相關資訊日本投選《Gundam》人品好主角 第一位係《Seed》Kira (Jul 5, 2017) 太強勁!1/100 Gundam BARBATOS LUPUS改件 變身龍神丸/龍王丸 (Jul 1, 2017)

Read more ›

台場高達準備拆 網民繼續影
by / on 09/03/2017 at 12:10 pm

台場高達準備拆 網民繼續影

3月5日就唔再開放喇,要等到秋季先有獨角獸出場。不過講到經典,點都唔及RX-78-2嘅,當年有呢隻1比1高達出現,全球高達迷無不極其興奮,冇錢都要籌旗去台場……好啦,暫時仲未拆,不過吊車等工程車已經去到,日本網民都有繼續影相跟進,其實有埋部工程車,好似仲有型……留意番亦都有人出圖係高達冇咗個頭同隻手,嗰輯圖係2009年重置時影嘅,唔係最新。 相關資訊【有片】成人向女僕遊戲《Custom Maid》 日本機迷自製Gundam「白色惡女」 (Jun 22, 2017) 【有片】自製高達重武器 識轉有煙有火光 (Jun 7, 2017)

Read more ›
新片速報 渣古上身!台場1比1 Gundam 玩新投射光影
by / on 16/08/2014 at 11:08 am

新片速報 渣古上身!台場1比1 Gundam 玩新投射光影

為咗慶祝高達35周年,呢個「G-Party35″ RISE!」噚晚(15日)正式喺台場開始!就係用「light projection mapping」技術,用光影投射喺1比1 Gundam RX 78-2身上。其實之前都已經玩過呢個效果,不過今次啲投影就唔同啲,有日本網民拍咗片放上網,隻Gundam好似識爆甲咁,都幾正,而且仲有綠色渣古上身!呢個活動由即日至8月31日完,每日嘅7:30pm至9:30pm每半小時一場,呢排去東京嘅高達迷要留意喇!或者,好似我咁,入嚟睇片,睇咗當去咗。 相關資訊MG 1/100 ZZ Gundam Ver.Ka新彩圖 睇埋變形活動能力 (Jun 6, 2017) 【有片】日本高手再出手 二次元塗裝1/144 Zeta完成圖 (Jun 5, 2017)

Read more ›
1:1渣古頭GUNDAM Café 第4店幕張今日開幕
by / on 20/12/2013 at 8:17 am

1:1渣古頭GUNDAM Café 第4店幕張今日開幕

    繼秋葉原・台場・東京駅 GUNDAM Café之後, 第4 間「GUNDAM Café イオンモール幕張新都心店」今日將會開幕, 呢間就得喇, 因為佢完全俾自護公國國有化, 聽講嗰度啲員工, 係用大瀨口盅洗面食飯嘅! 不過呢啲嘢當然唔關我事啦! 更重要係佢喺門口放咗隻1:1第身大嘅渣古頭, 係! 仲要係戰損版, 隻眼冇哩神氣, 我懷疑可能俾台場高達割落嚟嘅, 即係舊時嘅獵人, 打完獅子老虎豹做標本嗰亭呢! 相關資訊日本秋葉原食吞拿魚刺身 5点盛超肥美賣890円 (Jul 15, 2017) 【有片】四腳人馬現身秋葉原 《セントールの悩み》「君原姫乃」宣傳動畫 (Jul 7, 2017)

Read more ›
春季限定 站在櫻花樹旁的高達
by / on 27/03/2013 at 4:17 pm

春季限定 站在櫻花樹旁的高達

日本o依家係櫻花盛放嘅李節,相信有唔少港人都趁復活節假去賞櫻啦?如果身邊女伴大人有大量,皇恩浩蕩,喺shopping與shopping中間撥冗陪你去台場朝聖嘅話,你就可以見到以下嘅場面,日本有網友就share咗呢啲圖片出嚟,就係高達旁邊嘅櫻花樹盛放!嗱,我睇高達你去賞櫻兼自拍,係咪好開心呢? 相關資訊《機動戰士Gundam》魔蟹腕枕 插爆吉姆瞓晏覺 (May 26, 2017) 鋼製超重手 香港「武器屋」製高達盾 (May 24, 2017)

Read more ›