Post Tagged with: "台灣"

日本網都報 台中最美牙醫助護陳甯揎
by / on 19/11/2017 at 8:23 pm

日本網都報 台中最美牙醫助護陳甯揎

早喺4月,台灣PTT已經有人出圖話牙醫助護好多都好靚,之後有人提出因為口罩+30,口罩+護士服+50分,所以……但都有除咗口罩都一樣靚嘅,日本RocketNew24啱啱都報道咗呢位被稱為「台中最美牙助」嘅陳甯揎,instagram仲有泳裝相,我忽然覺得牙痛,不過我記得樓下間牙醫診所位助護…… 相關資訊紅到日本 台灣桃園女僕Cafe 網民好想去 (Aug 3, 2016) 台灣蔡英文總統萌化出攬枕 如果發生在香港…… (Jul 30, 2016)

Read more ›

日本網民發現 台灣TPE48票選可愛美少女
by / on 14/11/2017 at 7:39 pm

日本網民發現 台灣TPE48票選可愛美少女

日本網民都有留意中國、台灣嘅美少女們,有時都會大發現咁出圖宣揚。最新就係呢位稱為「台服第一蘿莉」嘅「江佑真-本本」,多圖好可愛,不過睇番佢facebook,佢話因為合約問題已經決定退出TPE48第三階段投票…… 相關資訊【有片】我佛你!日本「數碼木魚」一路敲一路「般若心經」 (Dec 15, 2017) 日本進化版暖桌Twitter熱傳 面層打開放iPad (Dec 15, 2017)

Read more ›
【有片】紅到日本 台灣大腸麵線老闆娘眼大腳好長
by / on 02/11/2017 at 8:33 pm

【有片】紅到日本 台灣大腸麵線老闆娘眼大腳好長

大腸麵線我本身都好鍾意食,但香港啲八方雲集多數都係阿姐,令到我食得好專心。早兩日,台灣嘉義文化路就有一位麵線檔老闆娘爆紅,就係因為俾人影到佢著高踭鞋賣麵線嘅美態。然後,啱啱連日本網都有報道,睇番佢facebook,已經有6千幾人追蹤!講真,我真係好想去親身去嘆佢啲大腸,唔知洗得乾唔乾淨呢。話時話,點解台灣咁多雞扒妹妹麵線姐姐,但香港飲食界名物點解係勿演阿姐? 相關資訊【有片】浪漫喵星人爬玻璃影片熱傳 為狗狗奮不顧身 (Jul 2, 2016) 【新片速報】台灣神級老師紅到海外 上堂畫超精細粉筆畫 (Jun 4, 2016)

Read more ›
【有片】快快樂樂練腹肌 兩年前台灣健身片紅到日本
by / on 21/10/2017 at 7:04 pm

【有片】快快樂樂練腹肌 兩年前台灣健身片紅到日本

我諗大家都好鍾意做運動,好想有腹肌,所以呢條教人健身嘅影片先會有超過160萬個views啦。而且兩年之後,仲紅到去日本,喺2ch引嚟網民討論。介紹番,教練係叫洪宏星,囡囡叫張菁菁。睇番佢facebook近況,仲係好鍾意做運動喎,不過應該冇乜做呢個動作。 相關資訊日本喵星人賊仔 偷結他pick雙手夾實斷正 (Dec 15, 2017) 日本LEGO迷自製聖誕樹 識閃燈效果超正 (Dec 14, 2017)

Read more ›
台灣Starbucks超可愛黑貓杯 萬聖節期間限定
by / on 06/10/2017 at 7:10 am

台灣Starbucks超可愛黑貓杯 萬聖節期間限定

Starbucks每年萬聖節都會出特別版嘅杯,不過今次台灣呢款實在太可愛,有mug有保溫瓶有碟,貓奴一定想儲!用咗黑貓做主角,黑貓頭頂仲有個南瓜蓋,去開台灣記住買,或者有朋友喺台灣記住tag佢嘞。 相關資訊超可愛比卡超尾巴攬枕 全長110厘米好有安全感 (Dec 14, 2017) 日本麵包店捕獲「謎之生物 」 超可愛造型Twitter熱傳 (Dec 14, 2017)

Read more ›
台灣迷你實景神人作品 高達被打太慘唔入圍GBWC?
by / on 15/08/2017 at 6:47 pm

台灣迷你實景神人作品 高達被打太慘唔入圍GBWC?

呢位Hank Cheng我哋之前都介紹過,就係製作咗好多迷你街景、實景嗰位,手工超好,作品超真實。啱啱佢就出咗圖,係佢嘅高達模型作品「寂滅之都」,極戰損嘅RX-78-2坐喺市街度,無論機動戰士本身或街景大樓都繼續超強真實感,可惜,竟然未能入圍GUNPLA BUILDERS WORLD CUP 2017!佢喺facebook寫咗,話可能因為高達被打得太慘,所以未能入圍……應該失望之餘講吓笑啫,加油呀。     想即時睇到更多日本文化、ACG、網絡最新資訊,請即加入facebook! https://www.facebook.com/GameoverHK 相關資訊日本舊式模型舖結業 全店半價再見舊情懷 (Nov 26, 2017) 【有片】日本外務省官方出片 介紹模型歷史文化 (Nov 24, 2017)

Read more ›

【圖集】超型8bit木刻雕塑     木頭人起晒格
by / on 12/08/2017 at 9:53 am

【圖集】超型8bit木刻雕塑 木頭人起晒格

型喎,估唔到木刻雕塑都可以做到8bit效果。台灣雕塑家韓旭東嘅作品好特別,大量雕像都起晒格,好多外國媒體都有介紹佢。除咗起格雕塑,佢都有雕刻其他作品,入嚟有回帶,仲可以follow佢嘅facebook專頁「Hsu Tung Han 韓旭東:一二三木頭人」。 相關資訊【圖集】超強街頭藝術創作 8bit遊戲角色隨街見 (Nov 1, 2017) 馬榮成籌備珍藏級風雲雕塑!究竟賣唔賣? (Aug 25, 2017)

Read more ›
台灣捷運變游泳池? 超像真車廂宣傳世大運
by / on 15/07/2017 at 12:30 pm

台灣捷運變游泳池? 超像真車廂宣傳世大運

第一眼望見真係俾佢呃到,以為台灣捷運玩到咁大,成節車廂放滿水,原來係設計圖嚟嘅。仲有個幾月就到世大運,台灣捷運呢架「世大運列車」都啟航嘞。每節車廂都有唔同主題,除咗極像真嘅游泳池主題之外,仲有足球場、棒球場、田徑場等等,入嚟有多啲相睇。 相關資訊男人禁地 日本列車女性專用車廂有咩廣告? (Oct 2, 2017) 日本超像真艾露貓公仔 人手製開價16萬円 (Aug 11, 2017)

Read more ›
【有片】透心涼「雪條」暗藏殺機     全部都係污染物
by / on 09/06/2017 at 7:34 am

【有片】透心涼「雪條」暗藏殺機 全部都係污染物

夏天梗係想食返條雪條,呢幾款雪條睇落清新冰涼,不過知道真相後會有啲想嘔。佢哋由4位國立臺灣藝術大學嘅同學製作,取自臺灣100個污染水源地嘅水,先製作成雪條,因為難易保存,佢哋再復刻成1比1嘅Poly模型做展覽。雪條唔止又黃又黑,仲夾雜住樽蓋、木材、木筷子膠套等等垃圾,好恐怖。製作今次畢業作品嘅目的係想令公眾反思水源污染嘅問題。作品唔止係台灣引起好大迴響,好多外國媒體都有報導。睇完之後仲想唔想食雪條? 相關資訊超強偽裝!防止偷食!日本雪條推出扮保冷劑「Do not Eat」包裝 (Oct 7, 2017) 人氣「日本刀雪條」網上熱傳 岐阜縣關市名物 (Aug 26, 2017)

Read more ›
台灣超可愛「壁咚」擺設     裝鹽裝胡椒廚房驚喜
by / on 23/05/2017 at 7:30 am

台灣超可愛「壁咚」擺設 裝鹽裝胡椒廚房驚喜

「壁咚」都玩咗好耐,不過最近有日本網民去咗轉台灣,仲喺陶器博物館買咗呢套裝鹽裝胡椒嘅壁咚擺設,放上Twitter後好多人轉發。老實,擺呢套嘢喺廚房,煮飯見到都特別驚喜。不過啲鹽喺對眼度噴出嚟,會唔會有啲唔慣? 相關資訊日本超可愛祖母 見「爛牛」好心幫忙修補 (Dec 12, 2017) 日本超可愛「鮮果撻貓床」 迫迫哋啱晒喵星人 (Dec 11, 2017)

Read more ›
【新年廣告】台灣同性戀賀年廣告     紅到日本網民讚感人
by / on 28/01/2017 at 1:43 pm

【新年廣告】台灣同性戀賀年廣告 紅到日本網民讚感人

呢個台灣廣告最近喺網上好紅,仲傳到去日本。新年見到親戚其中一個最怕被問嘅問題就係「有無女朋友?」或者「點解仲未結婚?」如果係同性戀者,感受應該更深。台灣「婚姻平權大平台」早兩日出咗個報紙廣告,好多專頁都有分,唔少網民睇完都話好感動。廣告中嘅兩個男仔,由於唔可以公開戀情,所以雙方每次新年只可以靠穿著相同款式嘅衫去想念對方。有台灣人將廣告內容翻譯成日文再放上Twitter,吸引好多人RT。同志們加油,新年快樂! 相關資訊有片:日本YouTuber飛機杯自娛 專登叫妹妹撞破好事 (Dec 13, 2017) 【日本投選】你試過想出嘅必殺技!「龜波」每個動漫迷都試過? (Dec 13, 2017)

Read more ›

【紅到日本】台灣超可愛女棋士 日本網民話似雨宮天
by / on 12/12/2016 at 8:23 pm

【紅到日本】台灣超可愛女棋士 日本網民話似雨宮天

一向冇留意開棋壇,係細個追連載順便睇過《棋魂》……啱啱日本就有網民話原來台灣棋壇有呢位美少女!當然有大量圖片出嚟啦,係掂喎,有人仲話佢似聲優雨宮天,我就覺得仲靚啲。之後睇返資料,原來佢喺今年攞過2016世界東京混雙大賽亞軍,今年22歲,係澳洲同台灣嘅混血兒,名叫黑嘉嘉,(Joanne Missingham),係台灣棋院女子職業七段棋士,亦係台灣第一位兼唯一一位入段嘅職業女棋士!今嚟有片睇,仲有佢ig……我好想同佢捉通宵呀!但我唔識捉圍棋,捉鬥獸棋或飛行棋得唔得?其實波子棋都OK。 相關資訊【中日罵戰】中國網民:台灣人亂用「の」字 日本網民撐台灣 (May 27, 2016) 【有片】台灣珍珠奶茶店長爆紅 網民:「好飽喝不下了!」 (May 16, 2016)

Read more ›
同橋本環奈撞樣?台灣女大學生被日本網民抨擊
by / on 01/11/2016 at 7:13 am

同橋本環奈撞樣?台灣女大學生被日本網民抨擊

經常都有人話似橋本環奈,最近期有呢個台灣大學生羅晴,俾人話佢同橋本環奈簡直生得一模一樣,我同網民都好想問,究竟邊忽似?2ch網民就好反感,有人留言:「個鼻好怪」、「頰骨恐怖」、「超乎想像地唔似」、「去睇眼科啦」、「雖然可愛,但係同橋本環奈無關係嘛。」睇返佢嘅instaliga帳戶,佢係中央大學財金系學生,如果唔係話似橋本環奈,大家應該無咁嬲嘅。 相關資訊【Fans向】一日12萬RT 橋本環奈全盛期圖集 由出生開始冇劣過 (Dec 14, 2017) 橋本環奈變一日署長 啡色頭髮透明感女警 (Dec 3, 2017)

Read more ›
網圖分享:寵物小精靈進化成人!保羅先生的Pokemon Boys!
by / on 17/10/2016 at 8:45 pm

網圖分享:寵物小精靈進化成人!保羅先生的Pokemon Boys!

又一個精彩二次創造,今次有請台灣插畫家保羅先生出手,將《寵物小精靈》擬人化,稱之為「Pokeman Boys」。作品質素呢?嗯,點講好呢?絕頂靚稱唔上,醜到不堪入目又唔係,都幾攞到小精靈神髓嘅,一句到尾心機搭夠囉。佢喺面書留言話:「利用下班後零星的時間,一隻一隻畫,終於把寶可夢男孩湊滿30位了!拿別人的角色當素材可以偷懶不用想配色,但也有某種程度上的侷限性,所以老實說,30位中也有比較崩壞的幾位,哈哈哈哈。」要你評,邊隻精靈畫得最崩壞? 相關資訊【有片】3DS新主題 冬季比卡超「ポケモン 冬のかくれんぼ」 (Dec 6, 2017) 比卡超Hello Kitty做大使 獲委任宣傳「2025萬國博覽會」 (Dec 4, 2017)

Read more ›
【有片】台灣人氣遊戲直播「大萌妹子」 唔打機開麵舖一樣性感
by / on 05/08/2016 at 7:44 pm

【有片】台灣人氣遊戲直播「大萌妹子」 唔打機開麵舖一樣性感

台灣好多囡囡直播打機,仲有好多都好性感,其中一位就係呢位「大萌妹子」。不過佢喺3月就已經唔開台喇,因為佢同朋友夾錢開咗間牛肉麵舖,而且喺舖頭坐陣嘅佢,著嘅衫同佢ig嗰啲一樣咁性感,有fans拍到片,舖入面啲客好多都係男人,一見佢出嚟就狂合照,牛肉麵?咩嚟o架?佢間舖喺新北市中和區,叫「大萌牛肉麵」,下次去台北玩,真係要去吓,因為我好鍾意食牛肉麵嘅。 相關資訊【係咪人扮?】台灣黑熊站立姿勢太有型 網上火速爆紅 (Mar 3, 2016) 地上最強cosplay島風VS長門 台灣coser紅到日本 (Feb 24, 2016)

Read more ›