Post Tagged with: "周星馳"

周星馳《功夫》角色變Q版公仔 一套八個
by / on 13/09/2017 at 10:49 pm

周星馳《功夫》角色變Q版公仔 一套八個

周星馳《功夫》相信大家都睇過,所以好應該一眼就認得出呢堆Figure係參照緊邊個角色而做。八個角色當中,我覺得斧頭哥同牙擦珍做得最神似,反而主角星星造型一般咗啲,要揀我唔會揀呢個。每個6.6吋高賣31美金,圍番即係兩舊零港紙,唔過份,星爺迷可以考慮吓。 相關資訊烏蠅+夢遺大師+強雄+阿星 撐迪嘉「港產映画」角色頭像 (Jul 26, 2017)

Read more ›

【戴番個箍】個樣似喎!《西遊記》周星馳版至尊寶出1/6 Figure
by / on 21/08/2017 at 4:57 pm

【戴番個箍】個樣似喎!《西遊記》周星馳版至尊寶出1/6 Figure

雖然係中國出品,不過今次似乎係攞正版權。品牌IN FLAMES,係從西影集團授權嘅,乜西影呀?據講周星馳嘅《西遊記》,即係大陸叫《大話西遊》本來版權係周星馳嘅「星彩電影公司」嘅,不過上映之後就將中國地區版權賣咗俾西影集團,就係咁喇。講番呢個至尊寶齊天大聖孫悟空,會喺2018年第2至第3季發售,但其實如果你唔出埋羅家英版唐三藏,成件事好唔完整,係,o依家我愛,我愛所以我出咗聲,不如整埋啦。嗱,入嚟有得重溫呀吓。 相關資訊飯後醒神系列: 復旦大學入學面試 考西遊記有幾多隻妖? (Mar 11, 2013)

Read more ›
【有片】日本小學生識唔識?網民出日文配音《少林足球》片段熱傳
by / on 10/04/2017 at 3:41 pm

【有片】日本小學生識唔識?網民出日文配音《少林足球》片段熱傳

周星馳喺日本都好多fans,《少林足球》應該更加合佢哋胃口,離當年上映原來已經15年喇(香港2001年上映,日本2002年6月先上),有日本網民就出咗兩段片段,一睇,原來係日文配音版喎!唔知當年未出世嘅日本小學生們有冇睇過?不過呢段片就有兩萬幾個RT!睇嚟佢哋都同我哋一樣好懷念。但講開又講,佢哋又會唔會記得嗰陣好多人話《西遊.降魔篇》最尾嗰幕係抄襲遊戲《阿修羅之怒》呢? 相關資訊婚紗風水著?21歲久松郁実新DVD《いくみん~IQ→S391HJ062007~》 (Nov 17, 2017) 【悼念圖】聲優鶴ひろみ離世 再見莊子、阿圓、Naomi (Nov 17, 2017)

Read more ›
日本網民自製「死魚眼鏡」   街市即買新鮮製造
by / on 17/02/2017 at 11:02 am

日本網民自製「死魚眼鏡」 街市即買新鮮製造

呢副死魚眼鏡核突得嚟又好正,有日本網民喺超市買咗條魚,再自製咗呢副眼鏡。老實講,副眼鏡嘅實用性近乎零,不過戴起佢再戴埋頂黑色冷帽,喂!點解咁似《這個殺手不太冷》嘅Leon嘅?或者係《回魂夜》嘅星爺都得。 相關資訊日本大阪紀念塔景點 超似動漫「魔鬼塔」 (Nov 17, 2017) 日本「雜貨大賞」公佈結果 漫畫傘/宇宙紅茶超強入圍 (Nov 17, 2017)

Read more ›
有片:當新戲上?《家有喜事》修復加長版好難撐得落
by / on 31/12/2015 at 9:45 pm

有片:當新戲上?《家有喜事》修復加長版好難撐得落

有無搞錯,真係咁唔重視香港市場咩?唔重視都唔緊要,今年無賀歲片睇咪最多唔睇囉,但唔好加五粒字「修復加長版」就當新戲上先得架。《家有喜事》我諗無人唔Like,甚麼「香港電影史上最搞笑喜劇」、「百聽不厭嘅經典對白」,我諗大部份人都同意,但加多段「槍戰救老婆」情節就打算屈人一百幾十?天真嬌啲啩?吖,剛剛醒起,呢套戲仲要好似係「低志森」出品,呢兜友,唉,大家明架喇,入場意欲,Sorry,真係無乜,都係喺YouTube睇預告片當睇咗算咯。 相關資訊網圖分享:永遠懷念哥哥 (Apr 3, 2017) 聽歌:不再哭喪 李逸朗x鄭敬基認真唱《風繼續追》 (Mar 19, 2015)

Read more ›
有片:周星馳《美人魚》預告片!無林允睇想點?
by / on 10/12/2015 at 9:30 pm

有片:周星馳《美人魚》預告片!無林允睇想點?

周星馳套《美人魚》剛剛釋出首條預告片,睇完……死喇,點解笑唔出嘅?我不嬲笑點低,平時乜都笑得一餐喎,點解呢?上網睇資料,此片由鄧超、張雨綺、羅志祥同林允擔綱演出,並謂「《美人魚》講述了在海上航行的一艘船,突然不幸遇劫,美人魚挺身而出,船上的一名英俊青年人對她一見鍾情,並由此譜寫出一段驚心動魄的人魚戀曲故事。」云云,死喇,唔通唔係笑片?喂,就算唔係笑片,都唔該喺預告片出番幾個美人魚Shot吖,林允飾演美人魚,有樣有身材,我真心想睇喎,家陣俾條麻甩肥佬版美人魚我睇,想點先?

Read more ›

新片速報:魯芬 x Ms.Hunny醬爆貢丸版《食神》
by / on 28/01/2015 at 9:00 pm

新片速報:魯芬 x Ms.Hunny醬爆貢丸版《食神》

話惡搞得,話明抄橋得,話向星爺《食神》致敬都得,呢個極品系列台灣醬爆貢丸宣傳廣告,睇得出係好有心機拍嘅,由魯芬頂替兆基,Ms.Hunny頂替莫文蔚,將《食神》摸黑講數「溝埋做瀨尿牛丸吖笨」一幕,變成「溝埋嚟做醬爆貢丸吖笨」,有啖笑之餘,唔知大家又認唔認同阿Ms.Hunny,有幾分似《喜劇之王》裡面嘅張柏芝?個人認為,係OK啱睇嘅。 相關資訊有片:李光洙x魯芬x多個劉以達 能得利廣告繼續洗腦 (Jan 19, 2016) 【動漫節】魯芬終於變身完全體 「魔人布歐」大戰喬寶寶「波波先生」 (Jul 28, 2015)

Read more ›
超勁!鳥山明畫日版海報 強撐周星馳《西遊.降魔篇》
by / on 08/11/2014 at 10:04 am

超勁!鳥山明畫日版海報 強撐周星馳《西遊.降魔篇》

香港電視啲電影台都播到爛,但係日本就11月先有得睇。周星馳套《西遊.降魔篇》有悟空,咁日本邊位大師最熟悟空,梗係《龍珠》嘅鳥山明!之前已經公開寫咗篇影評狂讚話係銀河系最強娛樂片,原來仲有合作,就係佢幫呢套戲畫咗張日版嘅海報!BTW,唔知佢知唔知電影尾段一幕,嗰陣俾日本人狂話抄遊戲《阿修羅之怒》呢? 相關資訊62歲大師 《龍珠》作者鳥山明近照曝光 (Nov 16, 2017) 【生日快樂】鳥山明老師62歲生日 Twitter大量賀圖 (Apr 5, 2017)

Read more ›
新片速報:《西遊‧降魔篇》日本版預告片 星爺肉緊宣傳
by / on 08/08/2014 at 1:32 pm

新片速報:《西遊‧降魔篇》日本版預告片 星爺肉緊宣傳

全球最賣座華語電影《西遊‧降魔篇》,周星馳無份演,卻身兼總製片、監製、編劇同導演幾職於一身,嚟緊11月會喺日本上映,星爺拍埋預告片親身宣傳,異常肉緊。

Read more ›
新片速遞:《西遊:降魔篇》正式預告
by / on 25/01/2013 at 8:00 am

新片速遞:《西遊:降魔篇》正式預告

等足N年星爺先有套賀歲片《西遊:降魔篇》出籠,注定呢套戲係今年話題作,好唔好睇唔好咁快下定論,不如睇o左呢條正式預告片先講啦。

Read more ›
新片速報《西遊‧降魔篇》港版預告曝光 小豬舒琪下月到港
by / on 22/12/2012 at 10:01 am

新片速報《西遊‧降魔篇》港版預告曝光 小豬舒琪下月到港

周星馳嘅作品,但係冇周星馳做主角……老實講上次玩小朋友玩特技我都麻麻地,不過都有星爺親身演出就點都要撐,今次?啱啱有港版預告片同海報加多兩張官方劇照曝光,係阿舒琪飾演嘅捉妖女俠同文章演嘅唐三藏,香港2月7日上映,下個月兩主角舒琪同羅志祥小豬都會嚟宣傳。本來諗住冇乜興趣睇嘅我,睇完段預告,特技勁勁哋,又想想哋入場喎!   相關資訊鳥山明狂讚!《西遊 降魔篇》11月日本上映 (Sep 19, 2014) 西遊降魔篇出咗^^ 俾錢喇喂! (May 9, 2013)

Read more ›

兩款海報現身 農曆年睇周星馳《西遊‧降魔篇》
by / on 20/11/2012 at 4:44 pm

兩款海報現身 農曆年睇周星馳《西遊‧降魔篇》

周星馳,我成日見,每逢喺收費電視電影台見到有唐伯父呀、九品芝麻官呀、少林足球呀、凌凌漆呀,我都會翻睇或翻聽一次……終於,繼08年令我好失望嘅《長江七號》之後,佢套《西遊‧降魔篇》今日開發佈會,啱啱有兩張初版海報出,以佢嘅作品《西遊記》前傳故事為基礎,大陸農曆年上映,斷估香港都同期。到底周星馳會出幾多鏡呢?網上好多傳言,真係未明朗。 相關資訊新片速報 終於有得睇星爺《西遊 降魔篇》製作花絮 (Jan 14, 2013)

Read more ›