Post Tagged with: "咕臣"

日本媽媽刺繡「勇者雷登」機械人咕臣 超有愛Twitter熱傳
by / on 19/11/2017 at 12:37 pm

日本媽媽刺繡「勇者雷登」機械人咕臣 超有愛Twitter熱傳

媽咪嘅影響對小朋友真係好深遠,日本好出名嘅紙機械人製作師「安居智博」最近喺Twitter分享咗呢個咕臣嘅刺繡圖案,原來佢媽咪喺佢好細個嘅時候,就刺繡咗呢個機械人「勇者雷登」嘅咕臣,睇得出佢對囝囝滿滿嘅愛呀!而安居智博由小學開始已經製作紙機械人,有35年經驗,製作數目超過600個。勁在每個紙製品嘅關節都可以活動,被News Week雜誌選為「世界最尊敬嘅100名日本人」,而家佢嘅作品 「カミロボ」喺MoMA Store有得買,入嚟有得回帶睇。 相關資訊【新片速報】日本超可愛水瀨仔 瞓晏覺識冚被 (Nov 21, 2017) 真正貓仙人!日本白貓最愛曬燈 (Nov 20, 2017)

Read more ›

【有啲恐怖】日本治癒系「貓尾咕臣」     摸兩摸識擺尾
by / on 11/10/2017 at 7:02 am

【有啲恐怖】日本治癒系「貓尾咕臣」 摸兩摸識擺尾

日本人出嘅產品有時大膽得嚟都幾奇特。好似呢款Qoobo出品嘅貓尾咕臣,當有人摸佢嘅時候條尾就會左右擺動,官方話適合獨居人士、老人家或者小朋友,有治癒效果可以減壓。不過無咗上半身嘅貓感覺似乎有啲恐怖喎,大家覺唔覺? 相關資訊【有片】北海道錄今季最低氣溫-17.3度 留萌市積雪60cm! (Nov 20, 2017) 日本另類麻雀Twitter熱傳 百潔布/刷膠全部變麻雀 (Nov 20, 2017)

Read more ›
日本喵星人x冬甩咕臣 呎吋啱啱好掙脫圖超搞笑
by / on 21/06/2017 at 7:48 am

日本喵星人x冬甩咕臣 呎吋啱啱好掙脫圖超搞笑

呢個冬甩咕臣超可愛,不過唔係隻隻喵都用得到。有日本網民用咗佢3個月大嘅喵星人做示範,呎吋啱啱好,仲可以將對前足伸出嚟,不過最搞笑都係隻喵試圖掙脫冬甩嗰兩張連環圖。放我出嚟呀! 相關資訊日本喵星人「謎之儀式」 猜拳決定邊個陪主人瞓 (Nov 21, 2017) 【理想與現實】迪士尼煙花相崩壞版 日本網民分享失敗作 (Nov 20, 2017)

Read more ›
日本白麵包咕臣超像真 喵星人好識嘆霸住瞓
by / on 29/04/2017 at 1:45 pm

日本白麵包咕臣超像真 喵星人好識嘆霸住瞓

呢塊日本出品白麵包像真程度極高,睇完好想買返塊。呢幾張相最近喺日本Twitter好多人分享,有貓奴買咗塊白麵包咕臣,仲成為咗屋企隻喵星人嘅新寵!睇佢瞓得咁開心,我諗作為主人都唔好意思問佢拎返嚟坐。BTW,有其他網民放咗好多相上網,原來白麵包咕臣一直深得好多喵星人嘅歡心,仲有牛角包都好正。 相關資訊冬天冷衫「去毛粒」秘訣 日本網民分享100円店寶物 (Nov 20, 2017) 【新片速報】日本超嗲喵星人又出動 遇天敵「吸塵機」即變靜音 (Nov 20, 2017)

Read more ›
日本燒秋刀魚咕臣 超像真一次過買幾條?
by / on 21/04/2017 at 7:49 am

日本燒秋刀魚咕臣 超像真一次過買幾條?

之前都有介紹過其他日本嘅魚類咕臣,今次呢個更加像真,又尖又長嘅燒秋刀魚,有大有細,買幾條放喺屋企都幾搞笑。除咗放喺屋企用,官方建議仲可以擺喺車度攬,有大中細三個呎吋,分別係80cm (1180円)、100cm(1480円)同120cm(1880円),唔算貴,識買一定係買夠3條。 相關資訊下周推出 日本Lotteria超級牛扒漢堡 (Nov 19, 2017) 日日追Deadline 日本話題書名作家格言「護身符」 (Nov 19, 2017)

Read more ›
【有片】日本超肥美熱狗腸     可愛柴犬爛瞓片Twitter熱傳
by / on 12/04/2017 at 7:05 am

【有片】日本超肥美熱狗腸 可愛柴犬爛瞓片Twitter熱傳

講真呢張床睇落真係好舒服,我都想買返張。呢段片喺Twitter好多人RT,片中嘅柴犬瞓左喺個熱狗咕臣入面,伸直個身扮緊一條熱狗腸,不過以香腸嚟計佢似乎肥咗啲。臨尾仲懶得意望住主人,入嚟有片睇。 相關資訊日本水豚又有溫泉浸 超豪華「蘋果浴」邊食邊浸 (Nov 19, 2017) 萬物皆可萌 《建築知識》都玩美少女擬人化 (Nov 18, 2017)

Read more ›

日本喵星人試坐「牛角包咕臣」 姿勢超嘆Twitter熱傳
by / on 19/02/2017 at 10:53 am

日本喵星人試坐「牛角包咕臣」 姿勢超嘆Twitter熱傳

睇完呢個示範,作為貓奴應該好難忍手唔買。日本有網民最近喺樂天市場買咗呢個牛角包咕臣,本身造型已經夠搞笑,不過當佢隻貓挨埋去瞓嘅時候,肚皮朝天坐到咁嘆,即時令人好想笑出嚟。輯相放上Twitter後好多人熱傳,樓主仲大方分享埋網站連結。原來呢個牛角包只係賣925円咋,好想買呀! 相關資訊日本車站新字體 鴿仔進駐車站Twitter熱傳 (Nov 18, 2017) 日本Mr.Donut超邪惡冬甩 蛋沙律芝士火腿餡一定要試 (Nov 18, 2017)

Read more ›
日本超正電影院新落成    正方格梳化床有咕臣攬
by / on 14/12/2016 at 7:25 am

日本超正電影院新落成 正方格梳化床有咕臣攬

之前《你的名字。》香港未上,唔少動漫迷專程飛去日本睇,其實日本有好多又靚又舒適嘅戲院,最近喺Twitter好多人談論嘅有呢間「新所沢レッツシネパーク」,位於日本埼玉縣所澤市,影院最前舒適有幾個設計成正方形嘅坐位Box Premium,可以兩至三個人排排坐,好似喺屋企客廳梳化睇戲一樣,仲有埋咕臣同食物盤,堅正!價錢方面係4000円3個成人,識日文又去開關東嘅可以諗諗! 相關資訊日本超可愛「企鵝行李袋」 攬實唔放Twitter熱傳 (Nov 18, 2017) 日本熱賣和式「家居服」 人氣cosplayer親身示範 (Nov 18, 2017)

Read more ›
日本冬天最強咕臣 坐瞓趴都得開價2000円
by / on 26/11/2016 at 2:14 pm

日本冬天最強咕臣 坐瞓趴都得開價2000円

冬天最適合匿埋喺屋企邊度都唔去,開行暖氣打吓機,日本Twitter最近熱傳呢個特式咕臣,睇落好正,無論坐地下、瞓喺地或者趴喺地佢都啱用,而且最重要係賣2000円!嚟緊又《Final Fantasy XV》又《人中之龍6》,仲有個聖誕假,邊得閒出街,呢個咕臣堅想買!不過唔知屋企仲有無位放‥‥‥ 相關資訊【有片】日本網上熱傳 奇妙小孩學大阪女學生跳「懷舊舞」 (Nov 18, 2017) 婚紗風水著?21歲久松郁実新DVD《いくみん~IQ→S391HJ062007~》 (Nov 17, 2017)

Read more ›
日本網民到訪「印度餐廳」有奇遇    店員放阿叔咕臣陪食
by / on 03/11/2016 at 7:13 am

日本網民到訪「印度餐廳」有奇遇 店員放阿叔咕臣陪食

喺日本一個人食飯好普通吖,好多餐廳嘅設計都好適合獨食。不過最近有位日本人單獨去咗間印度餐廳食飯就有奇遇嘞。佢點咗咖喱同沙律,上菜嘅時候,唔知係咪店員怕佢一個人食寂寞,於是放咗個大叔樣嘅咕臣喺佢對面,個大叔全程依起棚牙揮晒手對住佢笑,感覺好奇妙。張相放上Twitter後好快被瘋傳,可惜大家都仲係未知呢個男人係咩人嚟嘅。BTW,如果放個靚女會唔會開胃啲? 相關資訊【悼念圖】聲優鶴ひろみ離世 再見莊子、阿圓、Naomi (Nov 17, 2017) 日本大阪紀念塔景點 超似動漫「魔鬼塔」 (Nov 17, 2017)

Read more ›
【超治癒】日本柴犬好爛瞓 攬實大頭咕臣Twitter熱傳
by / on 21/07/2016 at 7:13 am

【超治癒】日本柴犬好爛瞓 攬實大頭咕臣Twitter熱傳

呢張相真係好治癒,唔分享唔得。啱啱喺Twitter見到,由於太得意,好快已經超多人RT。呢隻柴犬抑睡已經好得意,仲要攬住個同佢一樣樣嘅咕臣,好處係可以遮吓肚仔唔怕凍親。睇返佢嘅Twitter,主人經常都同佢試新造型,屋企仲有兩隻狗狗陪佢食玩瞓。入嚟有回帶。 相關資訊日本「雜貨大賞」公佈結果 漫畫傘/宇宙紅茶超強入圍 (Nov 17, 2017) 日本家庭醫學電視節目 驚現北野武攬枕 (Nov 16, 2017)

Read more ›

【Twitter熱傳】日本喵星人抓破咕臣 一頭都係似足落雪
by / on 05/04/2016 at 7:14 am

【Twitter熱傳】日本喵星人抓破咕臣 一頭都係似足落雪

貓奴最怕嘅畫面出現嘞!日本有位貓奴最近返屋企就見到呢個慘況 ─ 屋企嘅咕臣(比隻貓抓)爛晒,入面嘅白色粒粒散滿一地,而隻喵星人就樂在其中玩得好開心,仲搞到一頭都係!輯連環圖放上Twitter後火速熱傳,貓奴除咗要掃餐死之外,仲要驚隻喵唔覺意吞咗啲粒粒入肚。不過睇隻喵星人個樣,似乎想講:「哦,原來落雪就係咁,幾浪漫喎。」 相關資訊日本「渋谷」狗銅像又有貓蹤 大喵細喵瞓晏覺 (Nov 16, 2017) 【新片速報】日本撳鐘貓新玩具 啟動推骨牌裝置超可愛 (Nov 16, 2017)

Read more ›
【左擁右抱不是夢】日本喵星人咕臣 20隻喵星人陪瞓奇景
by / on 17/12/2015 at 7:11 am

【左擁右抱不是夢】日本喵星人咕臣 20隻喵星人陪瞓奇景

邊個貓奴唔想左擁右抱,有成班喵星人圍住你瞓?好喇以後唔駛FF,因為日本「フェリシモ猫部」將會推出呢款喵星人咕臣,長條形,而且一個咕臣有5隻喵,買齊4個款,就可以營造倒有20隻喵星人陪瞓嘅奇景!開價5600円(未連稅),第一個款預計2016年1月到返,唔知買返去屋企隻喵星人會唔會呷醋呢? 相關資訊日本天才級網民 善用1千円傢俬佈置家居 (Nov 16, 2017) 真的太感謝!日本網民電器店買嘢 發現奇妙「贈品」 (Nov 15, 2017)

Read more ›
Whatsapp Emoji出咕臣 屎屎笑臉好醒神
by / on 25/04/2014 at 7:15 am

Whatsapp Emoji出咕臣 屎屎笑臉好醒神

你最常用嘅Emoji公仔係邊款?左下角嘅戚嘴同埋頂層嘅屎屎笑臉都係賣飛佛,日日開Whatsapp都用幾次。見得多自然有感情,所以知道呢啲emoji公仔出咕臣我都有啲心郁想買返個放喺梳化,開價$160港幣左右一個。除咗emoji公仔,網絡常用語例如「LOL」、「OMG」、「BFF」等都有出咕臣,不過嗰款就求其咗啲‥‥‥唔駛客氣喇。 相關資訊【新片速報】用表情過關 音樂節拍遊戲Twitter熱傳 (Aug 24, 2017) 日本超像真艾露貓公仔 人手製開價16萬円 (Aug 11, 2017)

Read more ›
Hea爆叉電咕臣    梳化邊叉邊上網
by / on 10/01/2014 at 12:40 pm

Hea爆叉電咕臣 梳化邊叉邊上網

坐喺梳化開tablet或者手機時,經常會發現唔夠電,呢個時候附近無插頭或者叉電器,但係又唔想郁‥‥‥呢個叫Power Pillow嘅咕臣針對懶人問題,內置12000mAh電量,平時當咕臣挨吓攤吓,緊急時就用嚟叉電,而家喺Kickstarter集資中,起標價港幣5百蚊左右,仲可以買多嚿電,加埋1千蚊唔駛,到時你就可以過hea爆生活。 相關資訊【最緊要快】日本懶人煮麵法 網民Twitter分享另類煮食圖 (Jun 13, 2017) 【有片】自動旋轉燒章魚丸工具 唔怕燶懶人必買 (Jun 2, 2017)

Read more ›