Post Tagged with: "咖啡"

【超正】《週刊少年Jump》聯乘Georgia 50款咖啡有排儲
by / on 23/04/2018 at 7:43 am

【超正】《週刊少年Jump》聯乘Georgia 50款咖啡有排儲

日本嘅《週刊少年Jump展》好多人都去咗或者準備去啦,另一邊官方同Georgia咖啡合作嘅產品今日都開始有得賣嘞!今次總共設計咗50個款式嘅咖啡,每個罐身都有一套漫畫嘅一幕經典場面,最勁係罐身有個barcode,scan完可以免費睇返嗰一期嘅漫畫。40個款式有得買,另外10款就留嚟做抽獎,入去官網有得睇晒咁多個款,全部都超正!去開日本嘅記住買返幾罐留念嘞。留意返發售日至到10月31日,以分批形式發售,咁多罐fans有排儲。 相關資訊Uniqlo聯乘Blizzard 《魔獸世界》《鬥陣特攻》出新Tee (Apr 26, 2018) 超想要!「週刊少年Jump展新聞號外」《Slam Dunk》版湘北擊敗山王 (Mar 20, 2018)

Read more ›

【有片】日本麥當勞送1億3千萬杯咖啡 記住嗌埋肉桂捲
by / on 12/10/2017 at 7:32 am

【有片】日本麥當勞送1億3千萬杯咖啡 記住嗌埋肉桂捲

日本嘅麥當勞咖啡一直聲譽麻麻,為咗吸納一班咖啡迷,佢哋嚟緊會推出號稱史上最好嘅咖啡,最威係會有1億3千萬杯免費提供!而家日本人口大約1億2千7百萬,即係每人一杯計埋遊客都有找,好大手筆。由10月16日至20日,連續5日每日下午3-7時免費提供。想飲咖啡配返少少嘢食嘅,記住嗌埋佢哋絕咗版嘅シナモンメルツ,即係麵包淋上熱嘅肉桂醬,好多之前試過嘅人都話超正。去開日本記住試吓。 相關資訊日本隊聽日出場 18歲大原優乃水著打氣 (Jun 18, 2018) 好想打機嘅時候請狂撳!日本推出小型手掣扭蛋 (Jun 18, 2018)

Read more ›
日本自動售賣機限定 可口可樂咖啡
by / on 13/09/2017 at 9:33 pm

日本自動售賣機限定 可口可樂咖啡

名為「コカ・コーラ COFFEE PLUS」,咁其實可樂都有咖啡因吖……所以,呢隻飲品就係將咖啡因成份增加50%(34mg),之後卡路里又少番50%(42calories),190ml,賣110円,「自販機限定」,嚟緊去日本要買嚟試吓先得啦!不過…… 相關資訊日本漫畫網吧有隔音個室 網民:「係咪即係平價情侶酒店?」 (Jun 18, 2018) 大阪地震 動漫迷災區震出「本子」 喜好慘被媽媽發現 (Jun 18, 2018)

Read more ›
【睇見都驚】倒瀉咖啡落電腦 原來被整蠱
by / on 16/07/2017 at 10:54 am

【睇見都驚】倒瀉咖啡落電腦 原來被整蠱

呢張相第一眼見到個心真係離一離,杯咖啡倒瀉咗落部MacBook度,個Keyboard濕晒,點算好?不過睇真啲原來全部係假嘅,用嚟整蠱人最啱,而且可以防止其他人盜用你部電腦,好想買! 相關資訊【有片】史上最曳「熊本熊」 大整蠱電視節目Twitter熱傳 (May 31, 2018) 【人類總是】日本網民買飯團 3日後發現變成咁 (May 27, 2018)

Read more ›
【太過份】日本超崩壞3D咖啡拉花   涉谷咖啡店有得飲
by / on 22/03/2017 at 7:13 am

【太過份】日本超崩壞3D咖啡拉花 涉谷咖啡店有得飲

好耐無介紹過咖啡,不過日本涉谷呢間咖啡店,佢哋嘅3D立體拉花咖啡實在太出色,今朝早就俾比呢隻3D鬼鬼嚇親。張相喺Twitter好多人RT,無見一排,佢嘅Twitter好多新作,不過最正都係3D系列,你睇多啦A夢個樣! 相關資訊【相集】日本喵星人超強「躍動感」 行動迅速充滿喜感 (Jun 18, 2018) 日本「二足步行貓」粘土重現 超期待實體化 (Jun 18, 2018)

Read more ›
【有片】日本超浪漫玫瑰咖啡 旋轉的白玫瑰女仔實冧
by / on 17/10/2016 at 7:14 am

【有片】日本超浪漫玫瑰咖啡 旋轉的白玫瑰女仔實冧

日本人似乎對玫瑰情有獨鐘,之前有Evita出嘅玫瑰花洗面膏,而家又有玫瑰花咖啡。呢款由大阪咖啡店「珈琲専科 城戸」研發嘅玫瑰咖啡,感覺好有巴黎浪漫情懷,中間一個用Cream整成嘅玫瑰花,當加啲熱咖啡入去時,就會見到朵玫瑰花不停旋轉,慢慢溶化,堅靚。 相關資訊【新片速報】大阪地震電車停駛 人力推動向前行 (Jun 18, 2018) 大阪地震 家貓瘋狂逃難 匿得就匿 (Jun 18, 2018)

Read more ›

多咗個嘴漏機油?R2-D2幫你沖咖啡!
by / on 04/10/2016 at 9:00 pm

多咗個嘴漏機油?R2-D2幫你沖咖啡!

唔知點解,一見到呢個R2-D2咖啡濾壺就覺得好好笑,揭起頭蓋好似戴咗老夫子頂卜帽咁,背脊有手柄,拎起佢倒咖啡又好似多咗個嘴咁,畫面好搞笑。身軀透明,沖幾多咖啡一目了然,而沖滿滿一壺,可以落32安士咖啡,足四杯份量,每個39.99美元。幾舊水港紙,唔貴,加上咁盞鬼,買嚟唔用,當精品擺都過癮。 相關資訊有片 星戰Leia公主帶狗出席首映禮 發狂亂吠BB-8 (Dec 21, 2015) 【型在細節】日本AQUA黑武士1:1雪櫃 只可以雪一罐汽水 (Nov 9, 2015)

Read more ›
日本動畫《チャージマン研!》 主角泉研飲咖啡零違和
by / on 08/08/2016 at 7:12 am

日本動畫《チャージマン研!》 主角泉研飲咖啡零違和

有無人睇過呢套1974年嘅日本動畫《チャージマン研!》?雖然好懷舊,不過劇情、畫風夠特別,近年喺2ch同Niconico都好多人討論,今時今日仲有好多人鍾意呢套經典。講返正題,最近好多人喺Twitter RT呢杯咖啡,主角就係《チャー研!》嘅泉研嘞,唔單止個樣做拉花像真度高,連佢經典嘅擘大口樣都做埋,最正都係支飲管,塞入嘴啱啱好,效果零違和。 相關資訊【相集】日本怨念喵星人 被困1小時表情超不滿 (Jun 17, 2018) 【新片速報】日本銀仔神人新片 枱布凌空飄浮靠力學 (Jun 17, 2018)

Read more ›
日本喵星人嘔奶容器    擘大口倒牛奶Twitter熱傳
by / on 13/05/2016 at 7:12 am

日本喵星人嘔奶容器 擘大口倒牛奶Twitter熱傳

現實生活中,喵星人嘔係令貓奴好煩惱嘅事,不過作為一件廚房用嘅小家品,就變得好可愛嘞。呢隻擘大口嘅喵星人,身上仲穿咗個窿,可以用嚟裝鮮奶,倒落杯咖啡度即時有嘔星人嘔奶嘅效果。難怪有日本人將連環圖放上Twitter後即時吸引好多人狂RT。呢個喵容器一共有三隻喵唔同款式,除咗貓仲有牛牛,下次去開日本見到要買。 相關資訊日本透明可樂新素材 網民狂key圖任玩 (Jun 17, 2018) 日本網民自創摺紙新玩法 雕空變骨架Twitter大熱 (Jun 17, 2018)

Read more ›
有片:兩點貼膠紙+G-String Cafe女侍應賣咖啡送事業線
by / on 19/01/2016 at 9:15 pm

有片:兩點貼膠紙+G-String Cafe女侍應賣咖啡送事業線

為搵食可以去到幾盡?美國華盛頓州史坡堪市(Sponkane)啲Cafe真係好盡,盡到上至老闆,中至經理,下至侍應統統赤裸上陣,男嘅打出兩塊胸肌加六舊朱古力腹肌,女嘅上身唔著,淨係兩點貼十字膠紙,事業線一覽無遺,下身G-String咁滯,實行要顧客味覺視覺孖重享受。當中,以「Bare Beans Espresso」侍應Brittany最樣靚身材正,經理Allison都唔削;「Smokin’ Hot Espresso」侍應Maya身材欠奉,卻就以紋身示人,一樣搶眼;「Banana Hammock」老闆Adam Lovejoy同侍應Denaro雖然唔係小鮮肉,但一身肌肉應該好受女人歡迎。咁Sexy,梗係受衛道之士同街坊柴台喇,大家又點睇呢?我就覺得──啱睇嘞。 相關資訊日本大阪cafe三代貓 喵星人與貓頭鷹和睦共處 (May 22, 2018) 【除咗恭喜之外】美國阿爸集100萬Like 太太同意囝囝叫「悟空」 (Jan 28, 2018)

Read more ›
有片:冰火可以共融!鑿結冰湖面生火煲咖啡!
by / on 06/01/2016 at 9:15 pm

有片:冰火可以共融!鑿結冰湖面生火煲咖啡!

睇咁耐公仔書,個人認為最唔合情理嘅武功係甚麼「冰火N重天」,冰溶為水,水滅火,火蒸發水,物理定律從來都係冰火不融,算你幾骨骼精奇,練火就練火,練冰就練冰,點可以兩樣都練成架?卻原來喺奇妙的大自然裡面,冰真係能夠生火,片中人喺結冰湖面鑿一個窿,之後劃火柴,蓬一聲,冰面真係生火喎,火力仲猛到可以煲咖啡,神奇!原理係乜?因為冰底儲存咗天然甲烷,甲烷溝埋氧氣會變得極度易燃,所以一劃火柴即著火,明未? 相關資訊日本網民自製「雪糕」 豆乳飲料雪成冰Twitter熱傳 (May 1, 2018) 【有片】太凍唔好打籃球 結冰籃球架打極唔入 (Jan 31, 2018)

Read more ›

去到邊磨到邊     即磨咖啡保溫壺露營必備
by / on 04/04/2015 at 1:31 pm

去到邊磨到邊 即磨咖啡保溫壺露營必備

乜嘢係生活品味?飲咖啡?唔夠,起碼好似呢個發明咁,喺山頂露營都要飲即磨咖啡,咁先夠品味嘛。呢個發明,我覺得陳豪都要買返個,咁佢出外景拍嘢都可以轉呀轉即場磨咖啡,好襯佢。呢個咖啡保溫壺Cafflano Klassic壺仔細細,但係已經內置研磨機、滴漏壺、過瀘器同埋一隻杯於一身,袋定幾粒咖啡豆喺身,隨時加幾粒豆再加啲熱水,就可以有即磨咖啡飲,行出露營嘅時候拎出嚟,真係型到震。 相關資訊【有片】自製3D可愛Latte神兵 3,400円變高手 (Nov 6, 2014) 神級拉花 日本咖啡高手貓素描 (Nov 4, 2014)

Read more ›
日本汽水機新孖裝    拉長版咖啡真有其事
by / on 13/01/2015 at 7:06 am

日本汽水機新孖裝 拉長版咖啡真有其事

日本嘅自動販賣機咩都有得買,仲經常有奇妙嘅事發生,好似之前試過汽水罐上面貼住個銀仔,自助找錢,最新就有呢部加大碼自動販賣機。話說日本有網民喺部機見倒寧寧舍舍有一罐咖啡叠高咗,賣150円,但係下一層單罐就賣110円,以為店員擺錯咗,唔信邪撳150円嘅孖裝出嚟,嗚呀!跌出嚟嘅居然真係加長版咖啡,不過中間用張透明膠紙貼實,將兩罐二合為一,呢種嶄新嘅促銷手法好強! 相關資訊【有片】男兒當入獄?日本學生籃球賽中拳擊球證 (Jun 17, 2018) 【有片】有頭髮有辦法 日本髮型師又大改造 (Jun 17, 2018)

Read more ›
新片速報  1000杯咖啡拍stop motion   日本愛情短片熱播
by / on 27/12/2014 at 2:04 pm

新片速報 1000杯咖啡拍stop motion 日本愛情短片熱播

勁喎!日本人好鍾意玩latte咖啡,普通拉花都唔夠,仲要玩埋3D拉花,最近又有新嘢玩,就係整咗1000杯唔同款式嘅latte,用stop motion拍成一段短片,好勁!影片由男女主角相遇到結婚,係就係浪漫咗啲,閃到我有啲眼花,但係有晒情節好好睇。不過識睇嘅,一定睇埋making of,由前期電腦繪圖,到現場整足1000杯咖啡,真係好大陣仗。話時話,1000杯咖啡,捱幾晚通宵先飲得晒? 相關資訊【父親節快樂】日本大堆頭畫師出圖 網民逐個認 (Jun 17, 2018) 日本Twitter熱傳「透明版可樂」 比想像中更透明 (Jun 16, 2018)

Read more ›
Starbucks杯幽默漫畫    畫足100幅
by / on 15/11/2014 at 2:23 pm

Starbucks杯幽默漫畫 畫足100幅

好多人都鍾意喺Starbucks杯上面畫公仔,間接幫佢賣廣告。最近有呢位插畫家Josh Hara,佢嘅目標好明確,就係要畫足100杯,仲開埋個instagram戶口,每次用#100CoffeeCups 嘅標題提醒自己。雖然啲漫畫標題內容都係用英文,不過好易明,而且好多幅都好有幽默感,星期六唔駛飲咖啡提神,都可以睇吓漫畫氹自己開心。 相關資訊日本插畫家超強聯想力 創作來源估唔到 (Apr 26, 2018) 漫道送禮 插畫家C孔手繪板/文件夾/月曆/環保袋 (Mar 26, 2018)

Read more ›