Post Tagged with: "商場"

日本商場發現比卡超 異物混入案件Twitter熱傳
by / on 16/07/2017 at 10:00 am

日本商場發現比卡超 異物混入案件Twitter熱傳

喺商場見到咁大個比卡超裝置,一定好開心啦,有日網民影咗呢張相放上Twitter,大大個透明比卡超頭入面裝咗無限隻細細嘅比卡超,不過zoom近睇真啲,點解有個唔同咗樣嘅?唔駛咁驚,都係比卡超嚟嘅,不過係百變怪版本,之前都有出過產品,呢個樣其實都幾可愛吖!之後有網民喺唔同角度影,都一樣見到呢隻異物。BTW,嚟緊8月9日開始比卡超迷記住去櫻木町駅,同往年一樣都會有大型活動,超多比卡超一齊跳舞嗰個呢,而家開始計劃都唔算太遲嘅。 相關資訊八哥變四方狗 日本扭蛋一式6款層層叠 (Sep 20, 2017) 日本傳統貓奴怪 奇譚新扭蛋夠古怪夠特別 (Sep 20, 2017)

Read more ›

【仲要冇人】日本又有死城商場 107個舖位1間營業賣洋蔥
by / on 11/09/2016 at 4:29 pm

【仲要冇人】日本又有死城商場 107個舖位1間營業賣洋蔥

之前介紹過一間日本死城商場,喺滋賀縣守山市今浜町嘅Pieri商場,2008年開幕當時有200間店,之後2012年3月70店,2013年2月60店,9月8店,11月剩番4間店,不過近排有圖有真相,復活咗喎,仲多咗人行……咁今次日本網民講呢間「岐阜県本巣市」嘅「LCワールド本巣」,107店舗中只有1間營業,最勁唔係賣洋蔥,而係冇人,自助型式,其實,即係話全個商場都冇人囉……又講番香港,屋企附近有冇荒廢商場?我附近有一個,以前都曾經有過漫畫舖、玩具店,叫長城。 相關資訊【相集】日本超強顏藝值狗狗 惡樣萌樣Twitter熱傳 (Sep 20, 2017) 【有片】釣魚的人有福了 博多灣河口大量魚聚集浮面 (Sep 19, 2017)

Read more ›
【真係滑得】上海商場5層高巨型滑梯    5樓滑到1樓需時16秒
by / on 19/02/2016 at 7:12 am

【真係滑得】上海商場5層高巨型滑梯 5樓滑到1樓需時16秒

呢單新聞最先喺外國網睇到,不過睇完個心同阿姐一樣真係離一離。話說喺上海嘅巴黎春天商場最近起咗一條樓高5層高20米嘅巨型滑梯,好多遊客都狂影相放上網,呢條梯外形好似一條龍,不過入面真係可以滑得!據講由5樓滑到1樓大概需時16秒,預計3月開始開放比公眾試玩。據講有國內市民就擔心安全問題,我都係市民,都好擔心,特別係會唔會好多人同一時間迫埋一齊玩?不過有內地網民突破盲點,問如果入面有人放屁點算? 相關資訊【有片】「三森すずこ」到上海 飲Starbucks講中文 (Jul 22, 2017) 瀡滑梯定刑具?日本公園現一開三滑梯 (Mar 13, 2017)

Read more ›
有片:施展真實版原力 雙手一推旁人仆開九呎遠
by / on 24/12/2015 at 8:30 pm

有片:施展真實版原力 雙手一推旁人仆開九呎遠

一個人講,你唔信,一個人仆街,你都唔信,到十個人講,你開始動搖,到幾十個人喺你面前仆街,你會唔會開始相信呢個世界真係有原力?呢個Prank其實好易搞,最緊要做媒人數夠多,求其搵個人雙手一推,扮施展原力,之後身邊做媒嘅全部仆開九呎遠,露出痛苦同難以置信嘅表情,咁就足以嚇到旁觀者劈大個口得個窿。商場夠人多,啱玩,戲院都夠人多,都啱玩,最厲害係喺商場門口扮原力碎玻璃呢下,有人真係嚇到走夾唔抖,有人喊驚,有人搵地方匿埋,Funny! 相關資訊有片:撩鬼攞命!用槌扑用水沖!毀滅女朋友化妝品! (May 22, 2017) 有片:疑似殺人犯大棍藕爆頭 嚇到途人走夾唔抖 (May 8, 2017)

Read more ›
新片速報  《Star Trek》商場玩瞬間轉移   觀眾嘩嘩聲
by / on 14/09/2013 at 7:27 am

新片速報 《Star Trek》商場玩瞬間轉移 觀眾嘩嘩聲

呢條片好好睇,四日已經有73萬views,《Star Trek》好興玩瞬間轉移,最近為咗宣傳Blinkbox網上電視台都有得睇,官方特別喺商場放咗部《Star Trek》瞬間轉移房,幾個普通市民走入去之後突然消失,同時間居然係商場另一個角落出現返!現場觀眾睇到嘩嘩聲,我都覺得好神奇。短片結尾有交代點解可以做得到,原來方法好簡單。但係呢個宣傳方法我buy,橋唔怕舊,起碼吸引倒大把人留意。 相關資訊再見冼樸 《Star Trek》影星Leonard Nimoy離世 (Feb 28, 2015) 精品報價: STAR TREK SPOCK/CAPTAIN JAMES T.KIRK到貨 英格倫$160有得諗 (Oct 19, 2014)

Read more ›