Post Tagged with: "啤酒"

【有片】日本零酒精「透明啤酒」 返工光明正大隊啤
by / on 10/05/2018 at 7:50 am

【有片】日本零酒精「透明啤酒」 返工光明正大隊啤

日本人好鍾意飲啤酒,如果返工都想飲點算好?之前都有唔少零酒精零卡路里嘅「啤酒」,不過一睇就知你飲緊,返緊工唔夠專業。最近Suntory就公佈推出呢款零酒精嘅「透明啤酒」,即係同之前嘅透明奶茶、透明檸檬茶一樣道理。廣告標榜可以喺辧公室甚至做完運動飲,透明色加埋膠樽設計,個樽寫住All-Free All Time,感覺似碳酸飲品,但係飲落就有啤酒嘅味道。嚟緊6月19日就會正式推出,唔知遲啲會唔會推出一個有酒精嘅版本呢?我想買喎。 相關資訊【有片】木村拓哉15歲囡囡曝光 超強基因登日版《ELLE》封面 (May 28, 2018) 日本超為食喵星人斷正 偷食炸雞太大嚿吞唔落 (May 28, 2018)

Read more ›

超靚日本Asahi櫻花啤酒 1月30日酒鬼要買
by / on 20/01/2018 at 2:54 pm

超靚日本Asahi櫻花啤酒 1月30日酒鬼要買

距離櫻花開仲有一段時間,不過日本Asahi啤酒已經公佈2018年呢個春季櫻花系列嘞!全粉紅嘅罐裝,加埋櫻花設計,勁靚!總共有三個款式,最經典嘅Super Dry由銀色罐變成粉紅色,另外仲有Clear版「桜の宴」,兩款都係1月30日期間限定有得買,去開日本可以買俾你嘅酒鬼朋友。至於樽裝就2月20日開始推出,相信到賞櫻季節都會繼續有得賣。 相關資訊日本新款車牌有特色圖案 熊本熊/富士山現身車牌 (May 28, 2018) 【新片速報】日本超曳喵星人 紙箱突圍而出嚇親人 (May 28, 2018)

Read more ›
【有片】一場波加15次 日本球場啤酒妹妹補給情況
by / on 25/08/2017 at 2:57 pm

【有片】一場波加15次 日本球場啤酒妹妹補給情況

喺日本無論係睇足球定棒球,都隨時可以買杯啤酒飲吓,而且唔駛自己去買,因為有呢班妹妹揹住啲啤酒跑上跑落,見到佢哋跑到身水身汗,真係好想幫佢哋攝毛巾,免得感親嘛。明治神宮野球場嘅Twitter就出咗條片,影住兩住妹妹補給啤酒嘅情況,據講一場波大約要補給15次,而裝滿啤酒嘅容器大約重13kg!仲有,其實早兩個月都有電視節目訪問過佢哋,拍佢哋工作情況,位妹妹仲好可愛喎! 相關資訊【連環圖】日本喵星人瞓覺3式 先側睡後仰睡 (May 27, 2018) 【有片】日本網民睇天氣 睇埋21歲山崎あみ對腳 (May 27, 2018)

Read more ›
日本東京麵店推「啤酒冷麵」 成杯隊特別爽
by / on 12/08/2017 at 8:35 pm

日本東京麵店推「啤酒冷麵」 成杯隊特別爽

喺東京板橋區役所前嘅呢間「麺屋はちどり」,夏季推出咗呢款「ビール麺」,杯啤酒入面有麵,仲要有埋3:7黃金比例嘅泡喺面,睇見都透心涼,不過食起上嚟…… 相關資訊【圖集】日本超靚風景相似海報 網民出手改圖 (May 27, 2018) 【人類總是】日本網民買飯團 3日後發現變成咁 (May 27, 2018)

Read more ›
浩南招紙好易認「古惑仔」啤酒不日推出
by / on 07/11/2016 at 7:15 pm

浩南招紙好易認「古惑仔」啤酒不日推出

喂,OK有新意喎,講緊嘅係「古惑仔」啤酒,招紙黑底黃字,仲有大大個大頭浩南剪影,整體感覺係幾型嘅。至於味道咯喎,Sorry未有機會試,牛佬只係喺今期第1972期《古惑仔》專欄「古式仔俱樂部」透露,呢支啤酒由加拿大嗰邊生產,仲話為咗控制質素,決定試到正一正先推出市面,所以暫時未有得飲,價錢亦未知,大家畀啲耐性等吓喇。計我話,好唔好飲係其次,最緊要個招紙做得穩穩陣陣,唔好咁易甩,咁靚仔,我打算放入飾櫃儲架嘛。 相關資訊牛佬《金蒙空》唔出實體書 科月費$65有得睇 (May 23, 2018) 《古惑仔》巨星之戰競猜遊戲 估洪興同三聯五比五平手收場 (May 21, 2018)

Read more ›
有片:500磅啤酒浸浴!話飲就飲夠Cool!
by / on 01/09/2016 at 8:30 pm

有片:500磅啤酒浸浴!話飲就飲夠Cool!

此之謂現代版酒池肉林也,池係啤酒池,肉係小鮮肉,用600磅啤酒浸浴究竟係乜嘢感覺呢?我英文一般過一般,如果無錯的話,隱約聽到片中人話:「It’s cold, it’s awesome!」但見佢口啖啖仲即攞個杯兜起啲啤酒飲,爽!不過如果真係有機會浸啤酒浴的話,我諗我會搵埋Partner一齊浸,咁當然係搵個靚女喇。 相關資訊日本媽媽母親節收「浸浴紅玫瑰」 試用發現超恐怖 (May 19, 2018) 【有片】日本喵星人好識嘆 偷浸浴瞇晒眼 (Feb 2, 2018)

Read more ›

【日本熱傳】啤酒女生後台斟酒相 日網民話好「エロ」
by / on 12/07/2015 at 12:19 pm

【日本熱傳】啤酒女生後台斟酒相 日網民話好「エロ」

喺日本睇球賽,其中一樣最開心就係有啤酒飲,仲要係一班可愛女生揹住個啤酒桶即場斟比你飲。近日日本twitter就熱傳右上角呢張後台斟啤酒桶嘅相,仲引嚟網民無限聯想……話「將液體注入可愛嘅女生度」,好鬼衰。其實,睇見幾個瘦小嘅女仔要揹住咁重嘅酒桶就知辛苦,網民仲貼咗好多球場上啤酒女生嘅相,青春呀!有機會去日本睇球賽一定要幫襯吓! 相關資訊【有片】日本「JR渋谷駅」遇貨車 行路軌似飄浮 (May 27, 2018) 【有片】日本劍生產過程 燒紅一刻放入水Twitter熱傳 (May 27, 2018)

Read more ›
【男人的浪漫】新片速報   開啤酒秘技靠間尺
by / on 11/06/2015 at 7:06 am

【男人的浪漫】新片速報 開啤酒秘技靠間尺

男人的浪漫,有時候就係咁簡單。啱啱睇到條YouTube片,片中人做咗個實驗,就係一次過同一時間開5個啤酒樽蓋,靠嘅道具就係5把間尺,5個男人一人一隻手撳實支啤酒,間尺呈星形擺法,一撳,噗!5個樽蓋一齊打開晒,之後幾個男人又大叫又cheers,好high好浪漫!我都想試吓,如果有人陪我玩嘅話。 相關資訊【新片速報】銀杏葉變蝴蝶 日本網民自創秘技 (Oct 22, 2017) 【有片】日本網上流傳 自動飲品機中獎秘技曝光 (Oct 10, 2016)

Read more ›
【就是講究】直接入捅送上門 日本麒麟啤推出家用桶裝啤機
by / on 01/06/2015 at 5:07 pm

【就是講究】直接入捅送上門 日本麒麟啤推出家用桶裝啤機

日本人飲啤酒有幾講究,睇佢出啲產品就知,之前都出過幫啤酒加泡嘅產品,今次就輪到官方,直情係喺廠直接入樽送貨俾你,而且仲要連埋部同餐廳相類近嘅啤酒機,即係可以斟啤酒再加泡嗰隻!夠凍,啲泡又啱啱好!暫時只限東京區,8月開始服務,每人一個月可以訂兩桶2公升啤一啤,而且之後仲可以訂季節限定版。呢個服務會陸續推廣到其他地區,如果香港有就好喇,我諗好多人會整番個喺屋企…… 相關資訊日本殺蟲宣傳 報紙玩3D圖 (May 27, 2018) 超方便!日本麻辣婆婆「單手食」版 唔駛整污糟隻手 (May 26, 2018)

Read more ›
有片  日本Suntory出骨膠原啤酒      女士飲多幾罐
by / on 19/04/2015 at 1:12 pm

有片 日本Suntory出骨膠原啤酒 女士飲多幾罐

今個禮拜去開北海道嘅女士,可以試吓呢罐Suntory嘅Precious啤酒,因為佢有大家好鍾意嘅骨膠原!骨膠原(Collagen)即係膠原蛋白,可以令皮膚更加緊緻有彈性,貪靚嘅男仔都可以試。不過暫時只限北海道有得賣,一罐平均有2000mg骨膠原,咁想皮膚靚啲咪要飲多幾罐? 相關資訊北海道超靚「芝櫻」花海 遍地開花日本人推介 (May 20, 2018) 【超靚】北海道櫻花全開 星形設計「五稜郭」賞櫻勝地 (Apr 28, 2018)

Read more ›
極級品味道具 日本隨身超音波 隨時為啤酒加泡
by / on 05/03/2015 at 5:37 pm

極級品味道具 日本隨身超音波 隨時為啤酒加泡

日本人鍾意飲啤酒,更加講得好講究。之前TAKARA都出過個「Sonic Hour」座,放隻杯上去就可以為杯內啤酒加泡,o依家呢個仲勁,流動版「SONIC HOUR PORTABLE」,可以隨身攜帶,隨時為啤酒加泡,試諗吓坐喺酒吧,拎呢件嘢出嚟用超音波波一波杯酒,隨時引嚟「嘩好得意點解嘅」囡囡埋身,你仲可以問佢一句:「想唔想我用超音波震一震你?」嘩場面幾溫馨浪漫?2,900円,3月26日發售,官方宣傳話o依家係賞櫻季節,喺櫻花樹下飲番杯,點可以冇佢呀? 相關資訊【有片】日本痴漢出沒注意 偷拍影片Twitter熱傳 (May 26, 2018) 【有片】日本網上熱傳 名古屋「痴漢無雙」 街頭放題級狂摸 (May 25, 2018)

Read more ›

新片速報   白兔仔變啤酒推廣員   學識推車運啤酒
by / on 28/01/2015 at 7:09 am

新片速報 白兔仔變啤酒推廣員 學識推車運啤酒

一直以為白兔仔無貓仔狗仔咁聰明好難訓練,原來我錯晒,只要經過訓練,佢哋都可以好醒。網上見倒呢條片,主人Wallace訓練咗女朋友隻兔仔,識得幫佢推車運送啤酒,架運送車仔係專登用紙皮整成嘅,睇片見倒隻兔仔真係識一邊推一邊向前行,好得意。佢仲分享埋訓練過程,原來都係靠嘢食! 相關資訊【回不去了】日本熱傳白兔洗手圖 測試心邪定純潔? (Jun 25, 2017) 【相集】京都貓cafe可愛白兔喵 粉紅色肉球好新鮮 (Feb 18, 2017)

Read more ›
有片 吊高啤酒磁石貼 雪櫃慳位大法
by / on 20/10/2014 at 7:02 am

有片 吊高啤酒磁石貼 雪櫃慳位大法

鬼佬嘅設計有時都幾奇幻。呢個雪櫃專用嘅磁石貼,貼喺雪櫃頂之後,可以吊高屋企嘅樽裝飲品,留返下面嘅位擺放雜物,用盡雪櫃每個角落。名為bottleLoft嘅磁石貼,一條有三個貼,買齊兩條就可以雪半打啤酒。而家喺Kickstarter集資中。不過只限屋企個雪櫃都係鬼佬size大大個嘅人,我呢啲用緊迷你雪櫃嘅無福消受。 相關資訊【夢寐以求】雪櫃零食塞到滿 日本Twitter熱傳夢幻圖 (Oct 30, 2017) 【新片速報】日本便利店不良少年玩雪櫃 網民極速起底 (Aug 3, 2017)

Read more ›
有片 神奇液體救濕水電話 iPhone 6飲啤酒無壞機
by / on 07/10/2014 at 7:12 am

有片 神奇液體救濕水電話 iPhone 6飲啤酒無壞機

點解要咁做呢?好哋哋一部iPhone 6,又射子彈又掟落地,最近睇到呢條片,就係將部iPhone 6掉落啤酒杯內!原來係想宣傳一種叫Reviveaphone嘅神奇液體,聲稱可以拯救濕咗水嘅手機,示範片見倒部iPhone 6跌落啤酒入面後,主持人即刻將部電部用Reviveaphone浸7分鐘,再風乾24小時,神奇嘅事發生喇,部電話居然開得返,而且仲打倒電話!有無咁勁先?有無人夠膽搵部掉落啤酒入面試吓?我出Reviveaphone。 相關資訊日本「呀媽Morning Call」服務 媽媽團晨早打嚟叫起身 (Mar 6, 2018) 翻譯200種民族語言?《Hunter X Hunter》「ビートル07型」電話殼 (Dec 8, 2017)

Read more ›
世界麥當勞奇特食品      麥樂蝦麥麥啤
by / on 04/10/2014 at 11:15 am

世界麥當勞奇特食品 麥樂蝦麥麥啤

網上見倒有人買咗100個魚柳飽比現場集會人士,小小心意,但就見證人間有情。外國麥記經常有奇特小食,例如俄羅斯有麥樂蝦、菲律賓有炸雞茄汁意、澳洲有藍醬汁棉花麥旋風,仲有麥麥啤,有啲睇見都唔想食,有啲似乎味道唔錯。BTW,以前文末我哋會加句巴啦爸巴霸,不過今日無心情。 相關資訊【身份象徵】日本UT出麥記Tee 著住買巨無霸平100円 (Apr 17, 2018) 日本麥記「芝士蕃茄肉醬薯條」 期間限定28號推出 (Feb 26, 2018)

Read more ›