Post Tagged with: "喵星人"

日本喵星人企正「集中線」 現聖光Twitter熱傳
by / on 25/07/2017 at 7:07 am

日本喵星人企正「集中線」 現聖光Twitter熱傳

係聖光呀!日本呢隻喵星人唔覺意企咗上部tablet度,咁啱個畫面係集中線,而佢佢企咗喺中間,個樣仲要好似啱啱瞓醒咁,好可愛。主人跟住放咗幾張佢細個嘅相,由細到大都咁可愛,仲有之前扮白兔、戴草帽嘅相,一次過有得回帶。 相關資訊日本草皮內衣 目標客戶係咩人? (Jul 25, 2017) 【毁容】日本網民餐廳中伏 吉祥物甜品咁嘅樣 (Jul 25, 2017)

Read more ›

【有片】超正鸚鵡仔拯救喵星人片 最終被爪大報復
by / on 24/07/2017 at 7:07 am

【有片】超正鸚鵡仔拯救喵星人片 最終被爪大報復

最先睇到段片係因為有個外國人喺Twitter分享,話係有史以嚟最正嘅影片,仲吸引22萬轉載,之後搵返原來原帖係日本人上傳嘅,片中嘅鸚鵡仔用嘴咬住打開咗個紙盒,原來裡面有隻喵星人!拯救咗隻喵以為有獎勵?點知隻喵竟然出手爪佢,嬲嬲哋嘅鸚鵡仔決定報仇,睇完好難忍得住笑。原帖仲有後續,入嚟有得睇足本版。 相關資訊【新片速報】日本喵星人學玩hand spinner 用尾搖超減壓 (Jul 3, 2017) 【連環圖】日本超霸氣喵星人 坐姿超hea大佬格 (Jul 3, 2017)

Read more ›
【有片】十級可愛喵星人    叫主人起身失敗自己瞓埋
by / on 22/07/2017 at 11:48 am

【有片】十級可愛喵星人 叫主人起身失敗自己瞓埋

又係喵!星期六日係要用嚟睇啲輕鬆嘢架嘛。貓奴們經常俾屋企隻喵叫醒,不過呢隻住喺韓國嘅喵特別可愛,佢喺IG好紅,呢段片好多好多人Share。佢先用個頭撞主人個頭,見無反應就成個頭枕落對方隻手度,都無反應?佢決定攤開肚皮成個身捲落主人度,可惜對方都係唔起身,之後佢有啲攰攰哋,自己都瞓著埋‥‥‥ 入嚟有啲佢嘅片同相睇,原來佢真係好爛瞓,任何時候都瞓得著。 相關資訊日本超可愛「黑面喵」 不滿表情Twitter熱傳 (Jul 20, 2017) 超可愛日本柴犬扭蛋 爛瞓6式不同睡姿 (Jul 19, 2017)

Read more ›
【多圖】日本超可愛水管喵星人 瞓主人床識冚被
by / on 22/07/2017 at 11:42 am

【多圖】日本超可愛水管喵星人 瞓主人床識冚被

星期六終於可以瞓返覺好嘅!呢隻日本喵星人熟口熟面,無錯嘞,就係之前喺浴室攬住條水管嗰隻喵星人。放假佢都好識嘆,瞓咗上主人張床,個頭仲瞓喺枕頭上面,再冚住少少被,根本就係人扮嘅!入嚟仲有無碼床照睇。 相關資訊日本電車駕駛室K房 投影車窗扮行車 (Jul 24, 2017) 日本仙人掌筆 真係唔想拎上手 (Jul 24, 2017)

Read more ›
【新片速報】日本貓奴打機新玩法 狂掃喵星人
by / on 22/07/2017 at 11:16 am

【新片速報】日本貓奴打機新玩法 狂掃喵星人

作為一個貓奴,打機嘅時候最常遇到就係隻喵喺電視前行嚟行去阻住晒。想和睦共處?除非俾佢玩埋一份啦。日本有機迷就用隻貓嘅身體當鍵盤玩音樂game,一邊玩一邊掃,隻喵似乎好享受喎,伸長晒4隻腳仔勁嘆!入嚟有片睇。 相關資訊【咁啱定係有蠱惑?】日本抽選買Switch 消失的號碼當選 (Jul 24, 2017) 【有片】熱血到爆開 日本北海道「北海高」棒球應援有氣勢 (Jul 24, 2017)

Read more ›
【有片】喵星人被困車廂隱閉位置     維修中心成功救出
by / on 21/07/2017 at 7:41 am

【有片】喵星人被困車廂隱閉位置 維修中心成功救出

呢隻喵星人好曳,仲好識嘆,匿咗喺架Tesla嘅新電動車Model X入面,好彩最終被發現救出。事發地點喺美國,有車主發現自己架車不時傳出貓叫聲,但搵勻全車都無發現,最後送返去維修中心,最終職員喺後泵把位置發現到一隻好細隻嘅喵星人,被困14小時嘅喵星人一出嚟即刻狂飲水,最終有份救佢嘅其中一位職員仲決定收養佢,成功上樓! 相關資訊台灣捷運變游泳池? 超像真車廂宣傳世大運 (Jul 15, 2017) 日本喵星人瞓「洗衣機」 玩命位置貓奴要小心 (Jul 2, 2017)

Read more ›

【P圖大戰】喵星人「臉大樣細」好古怪 網民瘋狂改圖
by / on 19/07/2017 at 7:12 am

【P圖大戰】喵星人「臉大樣細」好古怪 網民瘋狂改圖

喵星人經常成為P圖大戰嘅原材料,最近外國網民發起咗呢個P圖戰,玩法係將啲喵星人嘅五官縮細,於是出現咗臉大樣細嘅搞笑情況,又恐怖又搞笑,入嚟有得慢慢睇。 相關資訊【新片速報】日本網民自製動畫 超有heart立體效果 (Jul 23, 2017) 【改圖】刺蝟仔變名畫主角 高質改圖刺蝟很忙 (Jul 19, 2017)

Read more ›
【又嚟】 日本喵星人頭套扭蛋   「水族館」主題扮魚仔
by / on 18/07/2017 at 7:10 am

【又嚟】 日本喵星人頭套扭蛋 「水族館」主題扮魚仔

呢款貓頭套扭蛋之前都出過唔少款式,有賊仔頭巾、水果主題,今次輪到水族館嘞。都係日本嘅奇譚扭蛋出品,一共有6個款,最無奈應該係魚仔嗰款,明明食魚嘅喵星人俾條魚騎住,睇得唔食得,難怪黑晒面嘞。今個月中推出,每扭一次300円,去開日本記住扭俾喵星人做手信嘞,雖然佢唔想要。 相關資訊【連環圖】以為係深海導彈 日本海豹前進圖超治癒 (Jul 24, 2017) 【新片速報】日本神人示範翻滾版「土下座」 網民:「謝罪文化最高峰!」 (Jul 24, 2017)

Read more ›
【P圖大戰】喵星人誤闖球場圖集    球員英勇撲喵
by / on 17/07/2017 at 7:34 am

【P圖大戰】喵星人誤闖球場圖集 球員英勇撲喵

又到P圖大賽,早幾日喺日本Twitter見到幾張「球場上的喵星人」嘅改圖,好精彩,今次有多啲圖可以睇。原來佢哋來自外國網站嘅P圖活動,估唔到球員同喵星人放埋一齊可以咁夾,手痕嘅可以入去玩埋一份。 相關資訊【圖集】日本倉鼠仔超進擊 排隊現長龍大擠塞 (Jul 15, 2017) 【圖集】日本汪星人被迫變「肥臉」 超搞笑Twitter熱傳 (Jul 13, 2017)

Read more ›
【有片】超可愛喵星人匿埋草叢 玩彈出彈入Twitter熱傳
by / on 12/07/2017 at 7:59 am

【有片】超可愛喵星人匿埋草叢 玩彈出彈入Twitter熱傳

呢段片我忍唔住睇咗好多次,喵星人最鍾意玩捉,即係你篤吓我我又避開吓你嗰啲呢。最近喺Twitter睇到呢段片,喺一大片草叢入面匿埋咗目測最少有3隻喵星人,樓主每篤一下,就有隻喵星人忍唔住竄出嚟玩,超可愛! 相關資訊【相集】網上最劣貓畫作 Twitter帳戶專畫經典貓圖 (Jul 21, 2017) 【有片】日本「拉麵對烏冬麵」繪本 瘋狂畫風Twitter熱傳 (Jul 20, 2017)

Read more ›
【相集】喵星人都怕熱 集體避太陽瞓晏覺
by / on 12/07/2017 at 7:15 am

【相集】喵星人都怕熱 集體避太陽瞓晏覺

天氣咁熱,行出街好似會曬到溶咁,日本有網民集合咗幾張喵星人避太陽嘅相,有啲可能你都見過,但真係太得意要分享吓。睇相見到,就算只得一條又細又窄嘅有陰影嘅隙仔佢哋都唔放過,一條隊排到尾齊齊避太陽,仲有喺太陽遮下面避暑,全部都合埋眼瞓緊晏覺,好寫意。 相關資訊【新片速報】超可愛日本海豹瞓著覺 直線浮起完全唔醒 (Jul 9, 2017) 【傻喵】日本喵星人妄想逃脫 V面相Twitter熱傳 (Jul 1, 2017)

Read more ›

【圖集】喵星人又有新衫著 主人不停設計新造型
by / on 11/07/2017 at 7:15 am

【圖集】喵星人又有新衫著 主人不停設計新造型

作為喵星人,有個鍾意設計服裝嘅主人,都唔知開心好定擔心好嘞。外國有位貓奴經常幫屋企兩隻喵Snoopy同Doby轉造型,由美系嘅蝙蝠俠、超人、美國隊長、Iron Man、狼人,以至日系嘅林克、多啦A夢、悟空都有,入嚟有得睇,不過隻喵個樣似乎唔多滿意,應該係天生黑面啫,唔關件衫事嘅我估。 相關資訊《Game of Thrones》主角變造型 幫《TIME》影超華麗封面 (Jul 14, 2017) 【相集】超可愛日本倉鼠仔有衫著 披風造型萌度爆升 (Jul 9, 2017)

Read more ›
【有片】香港喵星人紅到日本 瘋狂喵喵叫Twitter熱傳
by / on 08/07/2017 at 3:04 pm

【有片】香港喵星人紅到日本 瘋狂喵喵叫Twitter熱傳

呢隻喵星人實在太可愛嘞!除咗臉圓圓個樣有啲倔強之外,對於食嘢呢件事仲好執著。主人拍咗段片,將佢要嘢食嘅情景拍低,除咗不停喵喵叫之外,又出力爪實主人件衫,仲慘過爭佢錢!不過佢個樣咁可愛,真係好易心軟越俾越多零食佢。最後更新番,有讀者報料話原來呢隻係香港喵星人嚟,叫Milo,條片係上年10月出,紅到去日本,不過被日本網民偷片冇放來源……入嚟可以睇番原來嘅原裝正版instagram,仲有新片睇! 相關資訊【有片】日本「夜のプール」 夜晚游水自拍濕身唔濕樣 (Jul 23, 2017) 【船上奇觀】日本網民分享 船上甲板出現超級「長雲」 (Jul 23, 2017)

Read more ›
日本髮型屋「額外服務」    超嗲喵星人陪洗頭
by / on 06/07/2017 at 7:58 am

日本髮型屋「額外服務」 超嗲喵星人陪洗頭

洗頭有時會附送埋按摩頭皮服務,不過呢個喵星人按胸服務就額外附送嘅。日本有網民分享咗幾張圖,有客人瞓喺洗頭床度,髮型屋入面嘅白喵好熟練咁跳咗上客人嘅身,之後仲瞓底埋,好嗲!呢間髮型屋位於長野,不過樓主就話唔想公開店名以免影響到人。唔知香港有無類似嘅服務呢? 相關資訊【有片】日本放閃矇眼貂 長期Sweet原來BL (Jul 22, 2017) 日本奇譚喵頭套扭蛋 今次扮Hello Kitty吉蒂貓 (Jul 22, 2017)

Read more ›
【遊日貓奴注意】福岡喵星人旅舍    平價住宿兼玩喵
by / on 05/07/2017 at 7:06 am

【遊日貓奴注意】福岡喵星人旅舍 平價住宿兼玩喵

各位貓奴去開日本又多個住屋選擇嘞!日本福岡博多區呢間「Nekokura Hostel ねこ蔵‏」收養咗好多流浪貓,如果喺入面住宿就可以去埋佢哋嘅貓cafe。日間係貓cafe,夜晚就變sake bar。住喺入面嘅喵星人全部都好可愛,而且住宿喺呢度可以幫到呢間喵旅舍嘅營運,每晚住宿費大概3000円左右,但記住要預留。店主放咗上Twitter後好多人RT,仲有好多人留言話嚟緊會入去住!入嚟可以睇多啲貓相,睇完會心郁郁好想去探吓佢哋! 相關資訊【圖集】日本職員足球員變貓奴 球場「走貓」改圖零違和 (Jul 9, 2017) 日本貓奴又犯錯 全新「貓樹屋」影完合照無喵瞓 (Jul 7, 2017)

Read more ›