Post Tagged with: "喵星人"

【新片速報】日本迷你喵星人 玩謎之遊戲超可愛
by / on 28/03/2017 at 7:19 am

【新片速報】日本迷你喵星人 玩謎之遊戲超可愛

又係呢隻可愛到癲咗嘅喵星人,噚日介紹佢攬住條水喉想出浴,今日又有新片,主人發現佢自己同自己玩緊一個謎之遊戲,就係不停圍住個咕臣靠邊行,睇佢爬得好開心,睇嘅人都覺得好開心!玩完攰攰哋又瞓返個覺,入嚟仲有多啲呢隻貓仔嘅回帶相睇,可愛到暈! 相關資訊【腳】「南国編」好夏天 日本「ふともも写真の世界展」再臨 (Mar 29, 2017) 【有片】最緊要彈性 日本奇妙廣告好想搣佢 (Mar 29, 2017)

Read more ›

【相集】日本喵星人想出浴 攬實水喉唔放Twitter熱傳
by / on 27/03/2017 at 7:34 am

【相集】日本喵星人想出浴 攬實水喉唔放Twitter熱傳

出世無幾耐嘅喵仔永遠都係最得意嘅。日本呢隻喵星人最近喺Twitter好紅,因為主人發現佢好鍾意沖涼!呢張連環圖影佢攬實支水喉唔放,仲學人企喺度,超可愛!入嚟有大量佢嘅寫真,全部都好萌。 相關資訊【有片】日本小機迷冇得玩 用紙皮自任記Switch (Mar 29, 2017) 【新片速報】日本超可愛柴犬影片 攝喺隙縫等餵食 (Mar 29, 2017)

Read more ›
日本呀爸為顯示西蘭花呎吋    捉屋企喵星人做對比
by / on 26/03/2017 at 12:59 pm

日本呀爸為顯示西蘭花呎吋 捉屋企喵星人做對比

呢隻日本喵星人好可憐,有日本網民話佢呀爸為咗顯示自己買咗個好大嘅西蘭花,所以捉咗路過嘅喵星人企喺旁邊做對比,但係喵星人個樣實在太唔願意,由於張相太好笑,喺Twitter勁多人RT。有人留言話用西蘭花恐嚇喵星人太唔道德。BTW,其實喵星人都可以食少量西蘭花,不過要洗乾淨同埋煮熟,但係相中呢隻喵星人應該好唔想食。 相關資訊【多圖】日本護士免費「寫真素材」任下載 滿足1%需求 (Mar 29, 2017) 日本網民分享「健身球」收納術 凌空貼牆唔駛工具 (Mar 29, 2017)

Read more ›
【連環圖】日本喵星人爬入米缸 即場斷正Twitter熱傳
by / on 25/03/2017 at 10:47 am

【連環圖】日本喵星人爬入米缸 即場斷正Twitter熱傳

太曳嘞!呢隻日本喵星人周圍捐窿捐罅,居然俾主人發現佢出現喺廚房嘅米缸入面!仲要突咗個頭出嚟個樣鬼鬼祟祟。咁網友都好好奇究竟佢點樣走入去,入嚟有答案。 相關資訊【有片】日本即食丸子新煮法 夾麵包變飛碟超美味 (Mar 29, 2017) 日本網民出圖 12職棒星級女球迷 (Mar 28, 2017)

Read more ›
【圖集】肥美喵星人吸引大量「雞粉」    反肚擺甫士回饋支持者
by / on 24/03/2017 at 7:39 am

【圖集】肥美喵星人吸引大量「雞粉」 反肚擺甫士回饋支持者

喵星人一向多傾慕者,不過好似呢隻外國喵星人Scruffles咁,儲到一到忠實嘅雞fans就比較奇特。主人發現經常有班雞群會企喺玻璃門前望實隻貓,而隻貓好似習慣咗咁,為咗回饋班支持者,仲會間中轉甫士反吓肚。不過估唔到有一日,主人居然開咗度玻璃門‥‥‥ 相關資訊【今日GIF】Switch《薩爾達傳說》最強生物 團結就是雞! (Mar 10, 2017) 【災難級】喵星人水果頭套 扮蕉星人超爆笑 (Mar 4, 2017)

Read more ›
【有片】日本超可愛「玩命喵星人」 專瞓枱邊極危險
by / on 23/03/2017 at 7:11 am

【有片】日本超可愛「玩命喵星人」 專瞓枱邊極危險

喵星人嘅行為有時真係好難明,好似呢隻迷你喵星人咁,似乎好鍾意玩命,佢專坐喺枱邊發呆,有時連對手都伸埋出枱邊,另外又會坐坐吓瞓著咗,如果向前衝隨時跌落地,好危險。佢哋屋企仲有另一隻細貓,兩隻貓仔都好得意,入嚟有多啲相睇,可愛到暈! 相關資訊【有片】女觀眾才是贏家!日本排球員衝突推撞變親嘴 (Mar 28, 2017) 【有片】日本美女大學生出爐 20歲松田有紗奪冠 (Mar 28, 2017)

Read more ›

【連環圖】日本喵星人愛上藝術 想參觀美術館貓展覽
by / on 20/03/2017 at 7:13 am

【連環圖】日本喵星人愛上藝術 想參觀美術館貓展覽

喵星人都可以鍾意藝術嘅!最近廣島縣嘅「尾道市立美術館」搞咗個同貓有關嘅藝術展,加上地下又放咗幾隻黑貓擺設,吸引咗呢位肥肥哋嘅喵星人到訪。官方放咗呢幾張相上Twitter後好多人RT。BTW,話晒出入啲高級地方,喵星人你打返條呔著返對鞋好喎。 相關資訊日本超創新「青椒肉絲」手鍊 有豬有三色椒網上熱傳 (Mar 28, 2017) 生活智慧 密實袋袋紙巾 帶出街好方便 (Mar 27, 2017)

Read more ›
日本治癒系貓扭蛋   喵星人伸腳舔毛超忘我
by / on 19/03/2017 at 11:11 am

日本治癒系貓扭蛋 喵星人伸腳舔毛超忘我

覺唔覺得喵星人舔毛嘅時候好治癒?有時心情唔好,望吓佢哋慢吞吞咁舔毛,心情都會靚返。經常出「貓扭蛋」嘅日本扭蛋公司Epoch,最近推出呢個「猫の毛づくろい まったり昼下がり」,全部喵星人都好用心咁舔緊毛。呢個系列之前推出過,不過今次嘅喵星人有唔同毛色。我最鍾意都係佢哋伸高後腳舔毛嘅動作,夠晒忘我。 相關資訊【有片】日本素顏cafe 下月澀谷開掂 女侍應好natural (Mar 27, 2017) 網絡熱傳3格圖 日本死光「Japanizing Beam」萬物變萌 (Mar 27, 2017)

Read more ›
有片:超強喵星人 單手頂起九粒骰
by / on 15/03/2017 at 10:45 pm

有片:超強喵星人 單手頂起九粒骰

我懷疑呢隻貓前世係賭神,仲要絕技係搖骰盅。如果唔係,點解可以坐到咁定郁都唔郁,對眼可以望到咁定眨都唔眨吓,隻手可以擺到咁定震都唔震吓,單手頂住Total九粒星而不倒呢?莫講話貓,畀著係人都未必有咁好平衡力。 相關資訊日本名師影貓寫真 4月出書5月開展 (Mar 22, 2017) 【有片】有創意!阿爸自製騎貓VR俾囡玩 (Mar 22, 2017)

Read more ›
【阻人工作】日本又嗲又肥喵星人 主人手掌當枕頭
by / on 14/03/2017 at 7:50 am

【阻人工作】日本又嗲又肥喵星人 主人手掌當枕頭

貓奴最鍾意一邊放閃,一邊話隻喵好煩,口不對心。日本呢位貓奴最近放咗幾張連環圖上Twitter,話隻貓搞到佢要放棄畫畫。睇返張相,隻肥貓完全唔理主人做緊乜,個頭一下就枕咗落主人隻手度,之後仲扭嚟扭去,嗲到暈。我諗呢位日本貓奴應該覺得好sweet,另一隻手仲急急忙忙搵手機影底呢一幕留念。BTW,睇返佢啲舊相,呢隻喵好鍾意瞓電腦前呢個位,正確啲講,呢隻喵好鍾意瞓覺,而且擅長反肚瞓,入嚟有回帶,可愛到暈! 相關資訊【神還原】日本網民用3.5小狂擦 殘舊煎pan黑變藍 (Mar 27, 2017) 日本熱傳「海豚」植物 超可愛多肉植物唔難種 (Mar 26, 2017)

Read more ›
【蠢】日本搞事喵星人瞓梅乾 成身紅印有排煩
by / on 13/03/2017 at 7:23 am

【蠢】日本搞事喵星人瞓梅乾 成身紅印有排煩

日本人好興曬梅乾,而喵星人係唔會放過任何搞事嘅機會!最近有日本網民返到屋企見到呢個情景,喵星人瞓喺梅乾上面,仲擺晒甫士,一副「你理得我」嘅表情。不過最正係佢個肚底應該會染到一粒粒紅色印,有網民仲放咗件紅色波點tee出嚟贈慶‥‥‥ 相關資訊日本攝影師超靚街景相 涉谷街頭VS香港高樓 (Mar 26, 2017) 日本NHK放送事故 小朋友陶藝體驗自製「巨炮」 (Mar 26, 2017)

Read more ›

喵星人多咗對手點算好?    奇妙相集Twitter熱傳
by / on 11/03/2017 at 11:25 am

喵星人多咗對手點算好? 奇妙相集Twitter熱傳

呢幾張圖喺Twitter勁多人RT,據講睇到嘅人有兩個極端反應,一係好鍾意,一係覺得好怪。不過隻喵星人似乎唔多鍾意,個樣極無奈。都係嘅,啲手指咁長去完廁所點刮沙?想四隻腳行又唔得喎。 相關資訊【犯規】日本「黑毛和牛燒肉熱狗」賣300円 京都車站附近有得食 (Mar 25, 2017) 日本黑喵想參觀喵展覽 保安當場捕獲Twitter熱傳 (Mar 23, 2017)

Read more ›
【喵慎入】超靚喵星人套裝 著和服縛蝴蝶結呆晒
by / on 09/03/2017 at 7:19 am

【喵慎入】超靚喵星人套裝 著和服縛蝴蝶結呆晒

喵星人其實最憎著衫,一著咗就好似俾人點咗穴咁,郁都唔郁。不過睇返品牌united bamboo嘅喵model親身示範,我都好似呢位日本網民咁,雖然係舊圖,但都睇得好開心。BTW,呢幾套貓相,其實係2014年united bamboo出嘅月曆,專登將當年嘅品牌推出嘅時裝造成貓呎吋,然然再影埋相做月曆,當年仲限量推出少量貓套裝,結果大受歡迎。唔知嚟到2017年佢哋會唔會再考慮出新款呢? 相關資訊【你真識食】日本喵星人怒食龍蝦 大力咬表情勁肉緊 (Mar 3, 2017) 【快高長大】日本喵星人大得快 瞓唔落紙箱超搞笑 (Mar 1, 2017)

Read more ›
【P圖大戰】網民帶喵星人遊世界 去完「天空之鏡」去「貓之島」
by / on 07/03/2017 at 7:10 am

【P圖大戰】網民帶喵星人遊世界 去完「天空之鏡」去「貓之島」

又到P圖時間,今次被P對象係一隻喵星人同佢背脊揹住嘅馬騮仔。主人Kokosempai話佢哋好想去旅行,所以誠邀網民帶佢哋遊世界。高手雲集大家都出力幫忙,有人Key佢哋去靚到極點嘅天空之鏡「玻利維亞」,有人帶佢哋去日本貓島,仲有大陸馬騮山、佛羅里達州撐船。不過無論去到邊,佢個樣都好似有啲愁,係咪因為要揹住隻馬騮? 相關資訊【有片】日本喵星人暗角練貓貓拳 史上最弱出拳法 (Mar 1, 2017) 日本喵星人奸招博上鏡 網民影槍變影貓 (Feb 27, 2017)

Read more ›
【有片】喵星人爽試「V臉轆轆」 轆到瞇晒眼超嘆
by / on 06/03/2017 at 7:17 am

【有片】喵星人爽試「V臉轆轆」 轆到瞇晒眼超嘆

喵星人出名識嘆,最鍾意人類幫佢搓臉同埋掃下巴。不過呢位網民仲叻,諗到用人類瘦面嘅小工具幫佢按摩,位置啱啱好,有助血液循環,仲有瘦面功效,睇隻喵嘅反應就知勁舒服,不過越轆越瘦,到時變V臉無咁得意喎! 相關資訊日本超靚甜品Twitter熱傳 白雪芭菲靚到唔捨得食 (Mar 22, 2017) 爸爸畫作日本Twitter再熱傳 機械人改圖變神作 (Mar 22, 2017)

Read more ›