Post Tagged with: "喵星人"

【有片】痴心喵星人經常送花俾鄰居   怕怕醜醜超可愛
by / on 06/05/2018 at 4:00 pm

【有片】痴心喵星人經常送花俾鄰居 怕怕醜醜超可愛

好sweet呀,呢隻喵星人經常送花俾隔離屋嘅鄰居,睇片見佢用口擔住朵花送到去鄰居門前,之後放低又唔敢望人,怕怕醜醜咁超可愛!唔知佢係送俾開門嗰位人類,定係對方屋企養嘅喵呢? 相關資訊日本超為食喵星人斷正 偷食炸雞太大嚿吞唔落 (May 28, 2018) 【新片速報】日本超曳喵星人 紙箱突圍而出嚇親人 (May 28, 2018)

Read more ›

【相集】自拍喵星人新相特集    繼續selfie肥咗可愛咗
by / on 06/05/2018 at 3:51 pm

【相集】自拍喵星人新相特集 繼續selfie肥咗可愛咗

好耐無見呢隻自拍貓嘞,無見一排嘅佢繼續經常用GoPro玩自拍,而且近來好似肥咗,雙下巴都幾明顯。呢隻叫Manny嘅喵星人同4隻狗狗3隻貓一齊住喺美國,由於經常用GoPro影Selfie而喺網上好紅,入嚟有得follow埋佢嘅IG。 相關資訊【連環圖】日本喵星人瞓覺3式 先側睡後仰睡 (May 27, 2018) 【成功上樓】小黑喵變大黑喵 被領養喵星人超幸福 (May 25, 2018)

Read more ›
【相集】日本喵星人變液體喵 融入膠箱超可愛
by / on 02/05/2018 at 7:37 am

【相集】日本喵星人變液體喵 融入膠箱超可愛

喵星人出名不自量力,最近有日本網民影到呢一幕,隻喵走咗入個膠箱度,好似融解咗咁一團散咗喺箱入面,超可愛。之後一班貓奴出動嘞,大家都放類似嘅相上網,好正,入嚟有得睇。 相關資訊木村拓哉15歲囡囡曝光 超強基因登日版《ELLE》封面 (May 28, 2018) 日本新款車牌有特色圖案 熊本熊/富士山現身車牌 (May 28, 2018)

Read more ›
日本喵星人裝兇作勢 發惡樣嚇走狗狗
by / on 30/04/2018 at 7:27 am

日本喵星人裝兇作勢 發惡樣嚇走狗狗

有無發現體積越細嘅動物越惡?例如芝娃娃或者類似嘅細狗啦,可能佢哋要先發制人啦。最近呢隻日本喵星人就用咗同一招,見到有隻狗狗經過,好驚呀點算好?即係兇吓佢先!但係佢個樣堅惡,嚇到隻狗狗好驚青即時調頭走。張連環圖喺Twitter好多人RT,證明呢招真係幾有用。 相關資訊【有片】日本網民睇天氣 睇埋21歲山崎あみ對腳 (May 27, 2018) 【圖集】日本超靚風景相似海報 網民出手改圖 (May 27, 2018)

Read more ›
【有片】日本喵星人搞笑短片   有紙袋有計劃
by / on 30/04/2018 at 7:27 am

【有片】日本喵星人搞笑短片 有紙袋有計劃

喵星人最鍾意紙袋啦,日本有網民分享咗呢片,企喺木枱上嘅喵,加上一個掛喺門柄上嘅紙袋,大家應該估到下一步會發生咩事嘞,不過真係估唔到會咁搞笑,入嚟有片睇! 相關資訊【人類總是】日本網民買飯團 3日後發現變成咁 (May 27, 2018) 【有片】日本「JR渋谷駅」遇貨車 行路軌似飄浮 (May 27, 2018)

Read more ›
【新片速報】邊彈結他邊摸喵    日本超嗲喵星人完勝
by / on 28/04/2018 at 11:41 am

【新片速報】邊彈結他邊摸喵 日本超嗲喵星人完勝

一路彈結他一路摸貓,難度好高喎!呢位日本網民閒時想練習吓,又想摸吓貓,點算好?佢嘗試同一時間做晒兩樣嘢,不過好難。隻喵又撞又喵喵叫,不過又好可愛喎,最後人類唯有放棄彈結他專心玩喵,喵星人又完勝嘞! 相關資訊日本喵星人影寫真 懷舊甫士超有少女味 (May 23, 2018) 日本真實版《龍貓》 喵星人瞓巨型毛公仔Twitter熱傳 (May 23, 2018)

Read more ›

日本喵星人偷做瑜伽 提腿壓腿柔軟度極高
by / on 28/04/2018 at 11:31 am

日本喵星人偷做瑜伽 提腿壓腿柔軟度極高

講到做瑜伽,其實無人夠班喵星人勁。好似最近有日本網民就捕捉到屋企隻喵偷偷練瑜伽。坐咗喺張瑜伽墊上面,之後開始提腿壓腿,柔軟度極高極專業。不過其實我哋只係想做吓嗰個休息嘅cat pose咋。 相關資訊【有片】日本劍生產過程 燒紅一刻放入水Twitter熱傳 (May 27, 2018) 日本殺蟲宣傳 報紙玩3D圖 (May 27, 2018)

Read more ›
【有片】喵星人打乞嚏 打極打唔出超搞笑
by / on 27/04/2018 at 7:57 am

【有片】喵星人打乞嚏 打極打唔出超搞笑

轉天氣啲喵星人成日甩毛,你有無打多咗乞嚏?呢段片就見到喵星人打乞嚏嘅場面,打極都打唔出,個樣勁蠢超搞笑!好彩最終成功打到,爽晒! 相關資訊【有片】日本痴漢出沒注意 偷拍影片Twitter熱傳 (May 26, 2018) 日本大阪cafe三代貓 喵星人與貓頭鷹和睦共處 (May 22, 2018)

Read more ›
【超幸福】貓奴FF場面出現了 兩隻喵星人挨住瞓
by / on 27/04/2018 at 7:43 am

【超幸福】貓奴FF場面出現了 兩隻喵星人挨住瞓

貓仔又貪玩又嗲,仲好容易瞓著!最近有日本網民分享咗呢幾張相,首先有一隻喵仔挨住佢隻手臂瞓著咗,之後有另一隻喵仔出現嘞,搞兩搞撳吓人哋個頭,見隻喵無反應,自己竟然挨埋一齊瞓著咗,超可愛!好幸福呀呢位貓奴! 相關資訊【新片速報】日本喵星人出動 牛仔褲「貓鬚」製造工場 (May 20, 2018) 【相集】喵星人大得好快 日本熱傳對比照超可愛 (May 18, 2018)

Read more ›
可憐喵星人被棄養 走20公里返舊屋被拒
by / on 27/04/2018 at 7:34 am

可憐喵星人被棄養 走20公里返舊屋被拒

照顧寵物係一生一世嘅事,偏偏經常有啲好冷血嘅主人出現。最近網上熱傳呢隻喵星人嘅故事。7歲嘅Toby之前被主人棄養,送咗去20公里(12 miles)以外一個朋友嘅屋企,原因係Toby同其他貓相處唔到,但係Toby竟然識自己行返返屋企搵舊主人‥‥可惜呢位冷血主人之後竟然將Toby送去動物收容所,叫職員人道毁滅咗隻喵。職員唔想咁做,於是聯絡咗動物組織SPCA,問可唔可以放上Facebook幫隻喵搵個新主人,之後SPCA出咗個post將Toby嘅故事分享出嚟。好好彩最終Toby搵到個好錫佢嘅新主人,仲相處得好融洽,終於可以做一隻有人錫嘅喵喵,入嚟有多啲佢嘅生活照睇,見到佢同新主人玩到反晒肚真係好鄧佢開心。 相關資訊日本喵星人匿藏失敗 鼻頭露出超可愛 (May 17, 2018) 喵星人夏天新造型 全新水果系列扮菠蘿 (May 17, 2018)

Read more ›
喵星人變晴天公仔 日本扭蛋超可愛
by / on 17/04/2018 at 7:57 am

喵星人變晴天公仔 日本扭蛋超可愛

又嚟到雨季,日本人好興掛晴天公仔祈求唔好落雨,最近扭蛋品牌EPOCH仲推出咗個喵星人版本!總共有6個款式,有啲係晴天娃娃造型,有啲就變咗一把遮,超可愛,今個月推出,貓奴記住買返幾個傍身嘞。 相關資訊超方便!日本麻辣婆婆「單手食」版 唔駛整污糟隻手 (May 26, 2018) 【有片】日本網上熱傳 名古屋「痴漢無雙」 街頭放題級狂摸 (May 25, 2018)

Read more ›

【新片速報】日本喵星人與倉鼠 超好朋友零防備
by / on 17/04/2018 at 7:03 am

【新片速報】日本喵星人與倉鼠 超好朋友零防備

喵星人同倉鼠一早已經做咗好朋友,最近呢段片仲睇到佢哋嘅溫馨場面。隻倉鼠仔瞓喺喵星人個身度,點知啲毛滑得滯跣咗落嚟,之後爬唔返上去,然後隻喵仲反肚責住佢,一啲防備心都無,好可愛!入嚟有片睇。 相關資訊日本女士專用「瞓覺的士」 有得按摩兼卸妝 (May 25, 2018) 【圖集】日本超強爹哋 用囡囡畫作設計便當 (May 25, 2018)

Read more ›
日本網民衝動消費 超搞笑「噴鼻水」筆袋Twitter熱傳
by / on 16/04/2018 at 7:18 am

日本網民衝動消費 超搞笑「噴鼻水」筆袋Twitter熱傳

日本人嘅設計一向好有創意,最近有網民買咗呢個筆袋,隻貓企起身好可愛,不過重點係個鼻噴出嚟嘅鼻水,用一條條藍色線貼成,隨風飄揚好有動感!樓主話一見到即刻忍唔住買咗咗,之後諗返都完全無後悔。網上好多人留言,原來唔少人都有買呢個系列嘅產品,果然呢啲可愛得嚟又有少少惡搞成份嘅動物產品好得日本人歡心,下次去日本見到記住買嘞。 相關資訊日本網民神級地毯畫 《龍珠》阿樂被爆死 (May 25, 2018) 【雕咗幾耐?】日本木工高手 自製紅勇士/魔蟹/強人可動模型 (May 24, 2018)

Read more ›
日本喵星人激似「海參」 大量網民貼圖回應
by / on 16/04/2018 at 7:15 am

日本喵星人激似「海參」 大量網民貼圖回應

有無發覺喵星人其實幾似海參?日本有網民分享咗佢隻喵嘅瞓覺相,收埋晒啲腳仔嘅佢睇嚟好似一團嘢咁,加上毛色黑黑哋有啲反光,感覺上係一條好靚嘅海參。輯相喺Twitter好多人RT,仲有大量貓奴出圖回應,原來每人屋企都收埋至少一條海參,唔同品種,全部都好肥美,入嚟有回帶。 相關資訊日本電視節目教影「錯覺相」 地下噴水扮飄起 (May 24, 2018) 日本今日「Kiss之日」 Twitter大量圖/片應節 (May 23, 2018)

Read more ›
喵星人又有新造型 變成一粒糖甜到漏
by / on 15/04/2018 at 11:17 am

喵星人又有新造型 變成一粒糖甜到漏

究竟喵星人仲可以轉幾多個造型?日本扭蛋公司奇譚又出新款,今次竟然係一粒糖!如果喵星人知道嘅話,應該會做出一個唔L係啩嘅表情‥‥‥之後會諗點解我對耳仔大咗咁多呢?BTW,呢款扭蛋總共有6個款式,4月底發售。 相關資訊喵星人超爽曬太陽扭蛋 木架合拼好想儲一套 (May 15, 2018) 日本喵星人「超弱匿藏術」 一眼睇穿Twitter熱傳 (May 14, 2018)

Read more ›