Post Tagged with: "喵星人"

【新片速報】日本喵星人同雪人搏鬥 超搞笑Twitter熱傳
by / on 25/01/2018 at 7:56 am

【新片速報】日本喵星人同雪人搏鬥 超搞笑Twitter熱傳

呢隻日本喵星人最近喺Twitter爆紅,佢嘅玩雪片有超過4百萬瀏覽,好誇張。睇片見到隻喵面前有個小雪人,喵星人驚得嚟又要摸,掂吓掂吓,好似同嚿雪打交咁,之後可能凍親手仔,又用條脷舔吓,玩咗一陣覺得唔對路最後走咗,全無冷場好好睇。BTW,原來樓主屋企仲有養刺猬仔,呢隻喵同隻刺猬好好朋友,入嚟有多啲佢嘅生活照同影片睇,原來佢本身都好曳好鍾意伸手搞人架喇。 相關資訊日本貓睇冬奧 最愛冰壼玩埋一份 (Feb 20, 2018) 日本人形蘿蔔出頭天 大細攬枕陪你瞓 (Feb 20, 2018)

Read more ›

【有片】日本喵星人超怕凍 邊行邊喵好可愛
by / on 24/01/2018 at 7:57 am

【有片】日本喵星人超怕凍 邊行邊喵好可愛

喵星人唔似得狗仔咁唔怕凍,咁鍾意落雪,噚日睇過東京有隻貓凍到忍唔住光速奔返入屋,今次睇埋另外一隻,喺大雪之下行到好似企鵝嘅佢,睇得出佢加快腳步,而啲雪高度有佢隻腳仔咁高,每一步都凍到入心,慘慘,不過佢一邊行一邊嗌好凍好凍,真係幾可愛。 相關資訊【有片】日本貪玩雀仔 跳風扇扇葉超可愛Twitter熱傳 (Feb 20, 2018) 【有片】喵星人最憎著襪 光速揈甩好潚灑Twitter熱傳 (Feb 20, 2018)

Read more ›
香港反虐日 張君豪作畫為貓狗發聲
by / on 23/01/2018 at 8:45 pm

香港反虐日 張君豪作畫為貓狗發聲

原來今日係「香港反虐日」,從來覺得虐畜係弱者最下賤所為,所以縱使我唔係貓奴狗奴,都覺得應該支持。響應方法好簡單,Copy一段文字加張貓狗相,貼喺自己面書,就等同替貓狗發聲,希望香港真正能夠成立到「動物警察」同制定到「動物保護法」。而為此,張君豪亦作畫一張以作呼籲,呢個蛋散咁有愛心,抵讚。係,或者你會話係個意貼個Post無乜實際作用,但姿態嘅嘢,啱就要擺;立場嘅嘢,最緊要明確,呢個響應活動,係值得大家參與嘅。 相關資訊【貓奴共鳴】日本貓扭蛋 喵星人瞓電腦超寫實 (Feb 20, 2018) 【有片】再闖日本美術館!尾道市黑貓突破防線? (Feb 19, 2018)

Read more ›
【新片速報】日本喵星人狂叫要睇雪      1秒極速折返Twitter熱傳
by / on 23/01/2018 at 7:39 am

【新片速報】日本喵星人狂叫要睇雪 1秒極速折返Twitter熱傳

日本東京落大雪,有網民隻喵不停喵喵叫好想出去玩,樓主於是開咗度玻璃門俾佢,隻喵馬上衝出去,不過唔夠1秒感覺到好凍,於是好樣衰咁行返入屋,個樣仲有啲尷尬。段片喺Twitter好快已經過咗2百萬瀏覽,好多網民仲放咗自己隻喵遇到落雪嘅反應做回覆,有啲喵不停食雪,超好笑,入嚟有得睇。 相關資訊【太像真】日本男生收「工具箱朱古力」 搭飛機被截查 (Feb 20, 2018) 【有片】日本吉祥物唔易做 玩平衡球踢牆撞甩帽 (Feb 20, 2018)

Read more ›
日本喵星人被控「威力業務妨害」 無奈樣Twitter熱傳
by / on 22/01/2018 at 7:57 am

日本喵星人被控「威力業務妨害」 無奈樣Twitter熱傳

「威力業務妨害」,即係指以具體手段妨害他人業務嘅行為,之前預告要殺害聲優上坂堇嘅疑犯就係被控呢條罪嘞。咁今次有間日本店舖門口都貼咗張紙,而講緊嘅對象就係地域猫,咁啱又有隻喵企正喺玻璃門前面,個樣仲一臉無奈,效果好配合,難怪喺Twitter咁多人RT。 相關資訊日本網民DIY襯衫相簿 自由配搭Twitter熱傳 (Feb 19, 2018) 【有片】日本超大膽電視節目 「鼻接觸100%」嘉賓笑到癲 (Feb 19, 2018)

Read more ›
日本喵星人最愛白毛巾 捲埋墊頭超識嘆
by / on 20/01/2018 at 3:20 pm

日本喵星人最愛白毛巾 捲埋墊頭超識嘆

又係貓!星期六真係好適合睇貓嘅。日本有網民分享咗佢隻爛瞓貓嘅生活照。白毛巾真係貓貓最好嘅朋友,不過識瞓一定係捲埋嚟瞓,用嚟墊高個頭或者墊住下巴,好嘆! 相關資訊【有片】日本網民睇冬奧玩冰壼 掀起家居清潔熱潮? (Feb 19, 2018) 日本宮崎「立飲」有長腿 網民讚老闆聰明 (Feb 19, 2018)

Read more ›

日本喵星人冬天瞓覺新位置     電腦前攬到實取暖
by / on 20/01/2018 at 2:56 pm

日本喵星人冬天瞓覺新位置 電腦前攬到實取暖

冬天屋企唔見晒啲喵星人?呢位日本網民好快知道佢哋去咗邊,就係電腦芒同keyboard中間個位嘞!兩隻喵星人仲要瞓埋一齊瞓,好暖呀!不過會唔會迫咗啲?入嚟有多啲呢兩隻喵嘅生活照睇。 相關資訊日本女高中生迪士尼扮死 網民不滿放Twitter聲討 (Feb 19, 2018) 過年有無食肥咗? 日本熱傳「女性理想體重」算式 (Feb 19, 2018)

Read more ›
【新片速報】日本喵星人玩鱷魚   鑽入口「玩命」Twitter熱傳
by / on 19/01/2018 at 7:10 am

【新片速報】日本喵星人玩鱷魚 鑽入口「玩命」Twitter熱傳

喵星人真係又大膽又曳嘅動物,唔好話人類,連鱷魚都唔怕!有日本網民拍咗呢段片,片中嘅喵星人居然鑽入鱷魚先生個口入面,一啲都唔驚,擺明玩命,之後自己對腳仲要踢吓踢吓攝入去,最後鱷魚先生俾佢攻佔埋,成功入侵!不過呢隻喵都要認真考慮吓減肥嘞! 相關資訊日本柴犬變黑人問號 估錯接受唔倒影片Twitter熱傳 (Feb 18, 2018) 【有片】喵星人係動物界親善大使 與狐狸同住做好朋友 (Feb 18, 2018)

Read more ›
日本喵星人扭蛋 捕捉狩獵一刻全神貫注
by / on 18/01/2018 at 7:40 am

日本喵星人扭蛋 捕捉狩獵一刻全神貫注

日本扭蛋公司EPOCH嘅貓系列經常捕捉啲得意時刻,之前出過打喊露、伸懶腰、舔毛、瞓電器等等多個系列,最新系列就玩狩獵動作。大家都知喵星人發現獵物嘅時候都會縮低個頭,弓起後半身,全神貫注懶認真,然後突然向前撲‥‥‥今次系列就捕捉咗呢個時刻,一共有6款。仲可以將佢哋放埋一齊,盯實同一個目標,目標分別就有魚、玩具、老鼠之類。BTW,我最鍾意喺佢呢個全神貫注嘅時刻嗌吓佢。 相關資訊日本神級寶石畫作 木顏色畫出超強立體感 (Feb 18, 2018) 日本玩具攝影師新作 星際勇者救藪貓連環圖 (Feb 17, 2018)

Read more ›
貓奴必備 帶貓出街用Cat-in-the-bag
by / on 16/01/2018 at 9:45 pm

貓奴必備 帶貓出街用Cat-in-the-bag

呢個Cat-in-the-bag堪稱貓奴必備,話說貓普遍有幽閉恐懼症,所以唔鍾意捐入四邊密封嘅貓袋,呢個Cat-in-the-bag就唔同嘞,前面有個位露出貓頭,中間有手挽位方便貓奴拎住周圍去,你可以想像佢係一個專為貓而設嘅睡袋或吊床,上車扣實座位安全帶,非常安全,每個$36.95美金,諗得過。 相關資訊【新片速報】日本喵星人陪玩芒亨 等Load Game可以摸喵 (Feb 17, 2018) 日本曳貓偷飲麵豉湯 診所驗血好彩無事 (Feb 16, 2018)

Read more ›
日本佛心「喵星人」 瞓大佛手心被供奉
by / on 16/01/2018 at 7:57 am

日本佛心「喵星人」 瞓大佛手心被供奉

喵星人好鍾意周圍瞓,不過呢隻日本喵好識揀位,瞓正喺大佛嘅掌心到,好明顯已經成為咗信徒。張相拍攝地點喺日本東京都文京區嘅「護國寺」,睇相見佢又企又瞓,似乎已經同大佛好熟絡,仲可以一齊俾人類供奉。 相關資訊日本爛賭新人「結婚蛋糕」 巨型牌局坐低即開枱 (Feb 17, 2018) 日本屁孩破壞迷宮 紙皮迷宮爛晒無得玩 (Feb 16, 2018)

Read more ›

【新片速報】偷拍日本喵星人     匿埋「暖桌」底偷懶超識嘆
by / on 12/01/2018 at 7:38 am

【新片速報】偷拍日本喵星人 匿埋「暖桌」底偷懶超識嘆

日本嘅暖桌真係好正,可以收埋對腳入去暖住,冬天都唔怕凍。呢張暖桌仲成為喵星人嘅聚居地。日本好出名嘅YouTube貓頻道「かご猫 Blog」最近有偷拍片,佢哋裝咗個cam喺暖頂底,睇片見到5隻喵星人瞓晒喺枱底超嘆,間中又舔吓毛,好正。歷時2分幾鐘嘅片基本上無乜移動,就好似睇魚樂無窮一樣,最後終於有一隻喵頂唔順要走嘞!入嚟仲有得回帶睇返佢哋之前過年扮「鏡餅」段片,有亂入有暴走,好好玩。 相關資訊日本網民收「尚方寶劍」 帶木雕巨魚歌舞伎町散步 (Feb 16, 2018) 我真係恭喜你呀!日本超強數值玩家現身 (Feb 16, 2018)

Read more ›
日本貓奴安裝「暖爐圍欄」     怕凍喵星人突破防線
by / on 11/01/2018 at 7:53 am

日本貓奴安裝「暖爐圍欄」 怕凍喵星人突破防線

天氣咁凍,日本好多貓奴都開著部暖爐俾喵取暖,噚日都有圖集睇。不過啲喵好多時會企得太近燒燶毛,日本有唔少貓奴就會用鐵欄圍住部暖爐,防止隻喵走得太近。不過呢隻喵就突破重圍,走咗去超等座,旁邊隻喵都無眼睇佢。不過無幾耐佢就發現太熱嘞。其他網民都分享咗佢哋嘅暖爐鐵欄裝置,亦有貓奴放咗張相上去,影到自己隻喵企得太近暖爐啲鬚燒到鬈晒,慘豬!入嚟有得睇。各位開暖爐嘅貓奴注意嘞! 相關資訊【新片速報】日本網民玩直髮夾 調校熱度變音樂演奏 (Feb 16, 2018) 【新片速報】日本超為食喵星人 狂舔空氣回味無窮 (Feb 16, 2018)

Read more ›
【圖集】日本「喵插畫」超感人 貓奴必睇Twitter熱傳
by / on 11/01/2018 at 7:30 am

【圖集】日本「喵插畫」超感人 貓奴必睇Twitter熱傳

作為貓奴或者準備養貓嘅人,睇完呢輯插畫會好有同感,同埋覺得好感動。由日本插畫師渡辺こよ (@akuta0716) 繪製,呢兩日喺Twitter好多人分享。第一幅13格,講貓奴經常遇到嘅無奈事,例如隻喵將枱面嘅嘢推落地、成日用個屁股向住你塊臉、不停好惡咁喵喵叫你。不過下一張圖就講你帶喵去睇醫生,驗出有腫瘤,自此你同喵嘅玩樂時間就會變成用嚟關注健康,然後隻喵會離開你,再然後你會遇到呢一隻喵。睇完成個系列,大家應該意識到照顧喵星人係一生一世嘅責任,而且要珍惜同佢哋相處嘅時間,同埋要定期同佢哋驗身。最後提吓大家,記住以領養代替購買,幫助多啲等待領養嘅喵星人。 相關資訊【大集合】「羽生結弦」Twitter洗版 大量影片/靚相/改圖/回帶 (Feb 18, 2018) 【有心】回禮送呢啲 送俾女仔一定送調味料 (Feb 15, 2018)

Read more ›
【圖集】冬天喵星人圍爐取暖 企得太埋好危險Twitter熱傳
by / on 10/01/2018 at 7:53 am

【圖集】冬天喵星人圍爐取暖 企得太埋好危險Twitter熱傳

天氣咁凍,係時候開返著屋企部暖爐俾班喵星人。日本有網民分享咗呢張舊相,隻喵貼實部暖風機超搞笑,之後有好多網民貼圖回應,我哋都搵返好多喵星人圍爐取暖嘅相,入嚟有回帶。BTW,提提大家有人喺屋企先好開暖爐,同埋唔好俾隻喵企得太埋,入嚟有事後圖睇埋。 相關資訊【圖集】不自量力喵星人想出嚟 肥美身體阻住咗 (Feb 15, 2018) 【新片速報】日本喵星人迅間轉移 飛撲另一邊門Twitter熱傳 (Feb 14, 2018)

Read more ›