Post Tagged with: "喵星人"

日本白麵包咕臣超像真 喵星人好識嘆霸住瞓
by / on 29/04/2017 at 1:45 pm

日本白麵包咕臣超像真 喵星人好識嘆霸住瞓

呢塊日本出品白麵包像真程度極高,睇完好想買返塊。呢幾張相最近喺日本Twitter好多人分享,有貓奴買咗塊白麵包咕臣,仲成為咗屋企隻喵星人嘅新寵!睇佢瞓得咁開心,我諗作為主人都唔好意思問佢拎返嚟坐。BTW,有其他網民放咗好多相上網,原來白麵包咕臣一直深得好多喵星人嘅歡心,仲有牛角包都好正。 相關資訊下月開車 《Pokémon》列車大變新 (May 30, 2017) 【邪惡】日本KFC再推出「炸雞Pizza」 韓式烤肉加芝士 (May 30, 2017)

Read more ›

有片:超治癒!貓奴必睇!十隻貓咪排排企亂晒籠!
by / on 26/04/2017 at 9:15 am

有片:超治癒!貓奴必睇!十隻貓咪排排企亂晒籠!

呢條短片正呀喂,無數錯的話,片裡面有Total十隻剛剛出世嘅小貓咪,估計主人係想同佢哋一字排排企影相,左手捉兩隻,右手捉三隻,剛排好呢隻,第二隻又走開,到搞番掂第三隻,第四隻又唔守規矩調頭走,總之就搞來搞去都搞唔掂,甩轆到呢。我唔係貓奴,都覺得呢條片好治癒,前後Loop咗三次。 相關資訊【有片】自製喵星人專用「巨型冰球」 又舔又摸超可愛 (May 30, 2017) 【有片】超嘆日本喵星人 坐巨型梳化睇電視瞓咗 (May 28, 2017)

Read more ›
【相集】日本喵星人夏天換新床 超開心Twitter熱傳
by / on 25/04/2017 at 7:27 am

【相集】日本喵星人夏天換新床 超開心Twitter熱傳

呢排天氣轉熱,係時候幫喵星人換吓新床嘞!日本有網民就換咗呢套薄身嘅花花被舖,圖案靚之餘仲有個可愛到暈嘅小枕頭,最開心係喵星人似乎好鍾意,喺入面轉嚟轉去!主人今朝仲放咗另一輯相,隻喵瞓到好冧好舒服,好似人仔一樣,似乎真係好鍾意呢張貓床喎。入嚟仲有多啲呢隻喵嘅相睇,好可愛。 相關資訊日本超巨型史萊姆攬枕 軟綿綿超好攬 (May 30, 2017) 日本動物園「藪貓」食飽潛力圖 Twitter熱傳網民狂貼圖 (May 30, 2017)

Read more ›
【新片速報】日本貓奴想彈琴     3隻喵星人聯手攻擊
by / on 24/04/2017 at 7:47 am

【新片速報】日本貓奴想彈琴 3隻喵星人聯手攻擊

作為貓奴,如果想喺屋企彈琴都幾難。呢位日本貓奴夜媽媽瞓唔著想彈琴,屋企班喵星人好俾面,出晒嚟聽歌。其中一隻坐大脾,一隻瞓琴尾,中途主人仲會用貓貓隻手彈一兩個音。不過和諧嘅時間好快打破,喵星人終於唔耐煩要出手,仲瞓咗上琴面。樓主仲上載埋段NG片,3隻喵聯手襲擊佢,完全彈唔到,超好笑,入嚟有片睇。留意坐大脾隻喵仲要兩隻後腳踩住個琴,好識嘆! 相關資訊【有片】端午節超治癒 日本柴犬按摩片 (May 30, 2017) 【識嘆】日本網民發現 前東京都知事Twitter圖瀏覽器bookmark鹹網 (May 29, 2017)

Read more ›
【新片速報】日本喵星人刁鑽飲水法    其實飲唔倒Twitter熱傳
by / on 24/04/2017 at 7:06 am

【新片速報】日本喵星人刁鑽飲水法 其實飲唔倒Twitter熱傳

喵星人最鍾意飲流動嘅水,不過呢隻日本喵星人比較刁鑽,佢鍾意啲水先流落佢個頭再滴落嚟飲,伸晒脷個樣仲好得意。段片喺Twitter好多人RT,但係主人就發現其實佢根本飲唔到啲水,好蠢呀! 相關資訊遊日女生留意番 日本電車痴漢出沒高危位 (May 29, 2017) 【台場最新現況】Unicorn Gundam未現身 連邦工程人員開工 (May 29, 2017)

Read more ›
日本喵星人「謎之寫真」 擘大口搞笑表情Twitter熱傳
by / on 20/04/2017 at 7:53 am

日本喵星人「謎之寫真」 擘大口搞笑表情Twitter熱傳

呢張「謎之寫真」好好笑,住喺日本嘅主人有日發現屋企隻喵唔知點解擘大個口做出呢個超搞笑表情,而佢又咁啱影到入鏡喎!張相放上Twitter後好多人RT,影完呢張相好快隻喵就回復原狀坐返喺個盤度,好似無事發生過一樣,入嚟有多啲相睇。BTW,有個又可以當貓抓板,又可以瞓覺嘅紙通貓盤,夏天涼浸浸,的確係值得開心到O嘴嘅。 相關資訊【新片速報】瘋狂日本動畫家新作 開OT開到炸爆公司 (May 29, 2017) 【新片速報】日本網民試彩條玩具 轉轉吓變肥皂泡 (May 29, 2017)

Read more ›

日本京都超可愛芭菲 喵星人雪糕球Twitter熱傳
by / on 19/04/2017 at 7:37 am

日本京都超可愛芭菲 喵星人雪糕球Twitter熱傳

好可愛!有時食甜品都係為咗o氹吓自己開心,同埋影吓相呃吓Like,呢間位於日本京都嘅Cafe就兩樣都做到嘞。有日本網民去咗試食兩款Parfait甜品,面層嘅雪糕球經過師傅改裝,變成一隻隻可愛嘅喵星人,未食已經開心咗先。入嚟有詳細地址,去開京都旅行可以順便去埋啦。 相關資訊【新片速報】日本明星柴犬有新片 爬窗賣萌Twitter熱傳 (May 29, 2017) 【夏天嚟喇】超可愛日本雀仔玩水實錄 跣水揈水拍寫真 (May 29, 2017)

Read more ›
【有愛】外國IKEA捐公仔床俾流浪貓 喵星人唔駛瞓地板
by / on 18/04/2017 at 7:49 am

【有愛】外國IKEA捐公仔床俾流浪貓 喵星人唔駛瞓地板

IKEA呢張本來俾公仔用嘅床,自從俾貓奴發現咗用嚟做貓床之後就大受歡迎。最近加拿大嘅IKEA仲將佢發揚光大,捐咗10張床仔比安大略嘅動物之家Etobicoke Humane Society,另外再加多美金$300。雖然唔係好大手筆,但就好有人情味而且好貼地嘞。以後班貓仔就唔駛再瞓喺凍冰冰嘅地板,如果快啲搵到人收養住新屋就更好嘞! 相關資訊【新片速報】日本喵星人vs野生「貉」 眼神對決悍衞家園 (May 27, 2017) 【新片速報】日本喵星人勁似喪屍 攝入門隙片Twitter熱傳 (May 26, 2017)

Read more ›
日本喵星人被拒入美術館 官方出限量版Tote Bag
by / on 18/04/2017 at 7:28 am

日本喵星人被拒入美術館 官方出限量版Tote Bag

仲記唔記得呢隻想偷入美術館睇貓展覽嘅黑喵?佢嘅憤怒眼神令佢喺網上爆紅,自從被保安拒絕入場之後,輯相喺Twitter有超過1萬個轉發,官方決定推出一個特別版Tote Bag紀念吓。個Tote Bag將隻喵變成超級巨型肥喵,被困喺玻璃門入面,而保安員就指住佢作出訓示。售價1500円,只係發行390個,呢間「尾道市立美術館」果然唔係一般美術館咁簡單,好有生意頭腦!不過隻貓有無得分佣?我驚佢會反嚟報仇。 相關資訊【有片】日本職棒「千葉ロッテ」新吉祥物 奇妙表情古怪動作 (May 28, 2017) 日本出芫茜入浴劑 「居酒屋」系列越浸越餓 (May 28, 2017)

Read more ›
日本喵星人奇怪坐姿陪打機    宇宙最嗲Twitter熱傳
by / on 17/04/2017 at 10:40 am

日本喵星人奇怪坐姿陪打機 宇宙最嗲Twitter熱傳

仲記唔記得呢隻好鍾意打超任嘅日本喵星人?繼上次瞓上部機撳錯Reset掣之後,主人最近又有新圖出。今次呢隻喵星人用咗令人難以理解嘅坐姿坐喺主人大髀,個樣仲呆呆哋好好笑,似乎以行動表達對主人打機嘅不滿。張相喺Twitter好多人RT,入嚟仲有多啲佢陪主人打超任嘅相睇,連朝早刷牙佢都要跟出跟入,只可以話佢真係好嗲,理少一陣都唔得。不過咁可愛,好明顯佢嘅主人一啲都唔介意啦。 相關資訊【超強設計】日本囡囡至愛紙巾袋 拉開猛男褲鍊充滿瑕想 (May 28, 2017) 【有片】日本報紙好好玩 殺蟲水廣告摺昆蟲 (May 28, 2017)

Read more ›
日本喵星人搶鏡成功      挑戰獅子豹哥Twitter熱傳
by / on 15/04/2017 at 10:52 am

日本喵星人搶鏡成功 挑戰獅子豹哥Twitter熱傳

喵星人最叻搶鏡,好似呢隻日本喵星人就揀啱時間,喺電視播緊獅子、豹嘅時候企喺電視機前面,個樣仲蠢蠢哋。好彩係電視咋,如果係現實真係命仔都無埋。地球好危險,你哋都係返返去自己星球啦。 相關資訊「鈴明美」9月回歸日本 「超時空管弦楽」飯島真理演出 (May 27, 2017) 【有片】日本監獄改修預想圖 會唔會太豪華? (May 27, 2017)

Read more ›

【新片速報】日本喵星人又要驚又要聞    遇檸檬汁嚇到瞇眼
by / on 14/04/2017 at 7:45 am

【新片速報】日本喵星人又要驚又要聞 遇檸檬汁嚇到瞇眼

實在太可愛嘞!呢隻日本喵星人見到有支芬達檸檬汁開咗蓋,好奇走埋去聞吓。嘩!咁嘅味嘅,嚇到佢即刻瞇晒眼嗡晒鼻,由於佢嘅表現太可愛,段片喺Twitter好多人RT。有網民留言話喵星人對柑橘系嘅食物都係怕怕嘅,不過睇見佢哋咁可愛,應該有好多貓奴想買支返屋企試吓。佢嘅主人仲拍多段片再整蠱佢,今次喵星人堅嬲嘞!入嚟有片睇。 相關資訊波蘭家族遊日本渋谷 搶眼「親子T恤」Twitter熱傳 (May 27, 2017) 【有片】新玩法 日本倉鼠自創玩法 唔跑裏面跑外面 (May 26, 2017)

Read more ›
【新片速報】日本棒球賽「走貓」事件 突入賽事成功搶鏡
by / on 14/04/2017 at 7:20 am

【新片速報】日本棒球賽「走貓」事件 突入賽事成功搶鏡

印象中呢類走貓事件之前都發生過,今次事發地點係日本棒球賽Tigers對BAYSTARS嘅賽事,途中突然有隻又肥又大嘅貓衝咗入球場,而且跑得極快,可能見好多人大叫,佢好迅速就走返入後台,不過就成功俾佢搶晒鏡,成為全場焦點。 相關資訊史萊姆是這樣量產的 日本特別版眼藥水「戦闘準備中」 (May 26, 2017) 出發冒險!有劍有盾 日本狗狗集齊林克裝備 (May 26, 2017)

Read more ›
【悲壯】日本喵星人瞓超任 手仔撳實reset掣無仇報
by / on 13/04/2017 at 7:48 am

【悲壯】日本喵星人瞓超任 手仔撳實reset掣無仇報

喵星人好識揀位瞓,最鍾意就係暖笠笠嘅遊戲機!最近有日本網民開返著部超任玩,喵星人好快歸位,之後極速坐低,隻手仔仲好叻咁一嘢撳咗個Reset掣度,全程臉不改容。網民都笑隻貓反應好快,同時希望樓主有save到。btw,佢玩緊嗰隻Mother 2有無人當年都玩過? 相關資訊【多圖】日本「喵星人瞓胸部」寫真 青山裕企貓創作第二彈 (May 26, 2017) 【有片】日本超靚混色木顏色筆 紅加黃畫蘋果特別立體 (May 26, 2017)

Read more ›
日本超可愛喵星人      瞓鋅盤監視主人洗碗
by / on 10/04/2017 at 7:20 am

日本超可愛喵星人 瞓鋅盤監視主人洗碗

有無發覺喵星人好鍾意睇住你洗碗?對於流動嘅水佢哋特別有興趣,而作為主人,最煩惱就係點樣唔俾佢哋進入廚房範圍嘞。日本有網民幫個鋅盤加蓋,不過最後都係阻擋唔到好奇嘅喵星人,最後仲俾佢進佔埋洗水盤入面嘅最佳位置,睇佢個樣咁可愛,又真係唔忍心趕佢走嘅。入嚟有多啲呢隻喵星人嘅相睇,好可愛。 相關資訊【P圖大戰】超可愛北極熊仔Say Hi   變拳證/ 軍醫/扮嗌埋單 (May 28, 2017) 熱愛運動!日本19歲攀石女選手 網民驚嘆手臂粗壯 (May 25, 2017)

Read more ›