Post Tagged with: "喵星人"

【有片】喵星人專用酒 大量貓薄荷飲完high爆
by / on 21/06/2016 at 7:13 am

【有片】喵星人專用酒 大量貓薄荷飲完high爆

喵星人都可以飲洒?呢款外由外國公司設計嘅喵星人專用酒MosCATo同Pinot Meow ,其實係無酒精嘅,不過喵星人飲完都一樣會High爆,因為入面混合咗大量貓薄荷。聲稱所有貓薄荷都係喺美國有機培植,再加入甜菜同山水,保證新鮮。以後主人飲酒嘅時候,可以斟多杯俾屋企隻喵一隻隊,一齊high。仲可以同佢傾心事,如果佢仲肯理你嘅話。入嚟有真貓實試片睇埋。 相關資訊【新片速報】日本喵星人出動 牛仔褲「貓鬚」製造工場 (May 20, 2018) 【相集】喵星人大得好快 日本熱傳對比照超可愛 (May 18, 2018)

Read more ›

【真母愛】喵星人媽媽好偉大    大字型餵食圖集
by / on 21/06/2016 at 7:13 am

【真母愛】喵星人媽媽好偉大 大字型餵食圖集

做人阿媽究竟有幾複雜,係咪一定要贏在起跑線?動物世界就簡單啲,最重要係餵飽自己嘅仔女。外國網站集合咗一班偉大嘅媽咪,有喵星人、汪星人,睇佢哋嘅動作就知佢哋將自己全身奉獻咗俾班仔女,仲好可愛,入嚟慢慢睇。 相關資訊日本媽媽母親節收「浸浴紅玫瑰」 試用發現超恐怖 (May 19, 2018) 日本喵星人匿藏失敗 鼻頭露出超可愛 (May 17, 2018)

Read more ›
【連環圖】日本柴犬自覺好幸福    喵星人輪流錫開心笑爆
by / on 21/06/2016 at 7:12 am

【連環圖】日本柴犬自覺好幸福 喵星人輪流錫開心笑爆

有魅力嘅汪星人係唔同啲嘅!呢隻日本柴犬一向好鍾意貓,最近主人帶佢去散步,沿路竟然先後有兩隻貓上前錫佢(其實係聞佢),可能佢自覺好幸福,所以笑到見牙唔見眼。輯相放上twitter後好多人RT。玩得咁開心,主人有無諗過養多隻喵星人俾佢做寵物先? 相關資訊日本推出 電話座連散熱風扇 睇片好啱 (May 20, 2018) 日本薄切王 一條方包切47片 (May 20, 2018)

Read more ›
【無得輸】靚仔海軍機師勇救喵星人  迷你喵星人鍾意瞓頭盔
by / on 20/06/2016 at 7:14 am

【無得輸】靚仔海軍機師勇救喵星人 迷你喵星人鍾意瞓頭盔

喵星人雖然有9條命,但真係唔可以成日咁曳。好似最近又有隻喵星人亂咁走咗入架車入面,揸車嘅係一位靚仔海軍直昇機機師Lieutenant Nick Grimmer,當日佢駕駛住公司車由伯明罕機場去英格蘭西南部Cornwall嘅機地,途中行駛咗超過300英里,期間佢隱約聽到啲怪聲,於是地氈式搜查,最後喺泵把位置發現咗隻迷你喵星人,隻喵無受傷,由於佢趕住返工,所以就帶埋佢去開工。而隻喵星人Tigger就長期瞓咗喺佢個頭盔入面。件事放咗上網後好多人Like,仲有好多女仔留言話淨係見到個靚仔留意唔到隻貓。講真,空軍男神加可愛喵星人,夠膽講絕對係無得輸。 相關資訊喵星人夏天新造型 全新水果系列扮菠蘿 (May 17, 2018) 喵星人超爽曬太陽扭蛋 木架合拼好想儲一套 (May 15, 2018)

Read more ›
【咩玩法?】日本喵星人鑽入褲管 卡住咗twitter熱傳
by / on 18/06/2016 at 9:09 am

【咩玩法?】日本喵星人鑽入褲管 卡住咗twitter熱傳

捲成咁究竟係咩玩法?日本呢隻喵星人俾主人影到佢嘅惡行,動機不明,只係知佢走咗去條牛仔褲入面,之後鑽吓鑽吓,喺褲腳位突返個頭出嚟,但係又因為個身太大出唔返嚟。主人仲話佢好似大阪特色壽司「惠方卷」,啲相喺twitter被瘋狂RT。唔好再影喇,快啲救返我出嚟啦。BTW,入嚟有回帶睇佢無著衫褲嘅相,超可愛。 相關資訊日本網民自創絕技 一秒全變「眼鏡娘」 (May 19, 2018) 【一張圖變圖集】新奇揹背囊 二次元、三次元同步挑戰 (May 18, 2018)

Read more ›
【破壞王】日本超曳喵星人 抓爛和室紙門亂入
by / on 18/06/2016 at 7:39 am

【破壞王】日本超曳喵星人 抓爛和室紙門亂入

日本好多屋企嘅房間都用兩面糊紙嘅拉門做間隔,不過如果咁啱養咗喵星人,就有機會好似呢位網友咁,俾佢哋搞爛晒。最近有人放咗連環圖上twitter,影佢屋企嘅喵星人突破防線,穿過紙門想跳入房,佢仲好得戚,吊住喺中間俾主人生擒。輯相放上網後好多人RT。相信佢開闢咗條新路線,惡行會陸續有嚟,以後想打橫行都得啦。 相關資訊又係咁?日本便利店入多貨 店員美圖促銷意粉 (May 18, 2018) 【有片】京都嵐山竹林大量破壞 竹上寫字有中英韓文 (May 18, 2018)

Read more ›

日本喵星人扮四腳蛇 瘋狂爬行twitter熱傳
by / on 16/06/2016 at 7:13 am

日本喵星人扮四腳蛇 瘋狂爬行twitter熱傳

只要肯拼搏,你就有機會喺網絡世界爆紅。呢隻日本喵星人都知,所以最近居然扮四腳蛇,就係呢一爬,令佢喺twitter被瘋狂RT。睇返佢嘅生活照,唔係典型嘅圓碌碌喵星人樣,不過都好可愛,仲好鍾意上網。入嚟有佢嘅生活照睇。BTW,你估佢係跳起定爬高?不過主人都話佢似四腳蛇,應該係爬?但個窗都幾乾淨喎。 相關資訊【有片】挑戰笑點底線 日本網民飼養謎之生物 (May 18, 2018) 【相集】日本Twitter超流行 分享搞笑「貓貓成長對比圖」 (May 18, 2018)

Read more ›
【難捉摸】平價玩具取悅喵星人 300円睇足30分鐘
by / on 15/06/2016 at 7:16 am

【難捉摸】平價玩具取悅喵星人 300円睇足30分鐘

貓奴都知喵星人對玩具嘅喜好,貴嘅嘢未必可以討佢哋歡心,佢哋鍾意嘅往往係個紙皮箱,或者好似今次咁,平平哋300円就可以取悅佢,仲吸引超多人喺twitter轉發。日本有位貓奴買咗呢個滴滴裝飾品,只需要300円,但屋企隻喵星人足足坐咗喺前面觀賞咗30分鐘都唔走,仲想伸手抓佢,各位貓奴,下次見到記住要買返個! 相關資訊日本喵星人「超弱匿藏術」 一眼睇穿Twitter熱傳 (May 14, 2018) 汽球加工變條褲 S.H.Figuarts變態超人? (May 12, 2018)

Read more ›
【推介】超可愛日本喵星人 臉圓眼圓嘴圓twitter超人氣
by / on 15/06/2016 at 7:14 am

【推介】超可愛日本喵星人 臉圓眼圓嘴圓twitter超人氣

好想介紹呢隻咁可愛嘅日本喵星人俾大家識。佢嘅可愛在於有塊肥臉,而且成日一臉無辜咁望住人,臉圓眼圓嘴又圓。佢仲好鍾意爬上貓奴個身再望實你,成個人即刻溶化咗。佢嘅屋企仲有另一隻喵,毛色同佢差唔多,不過就走型格路線,所以更加突顯出佢嘅傻仔樣。入去佢哋主人嘅twitter仲有大量靚相。 相關資訊【有片】超可愛雀仔短片 一齊轉超搞笑Twitter熱傳 (May 19, 2018) 覆whatsapp好攰呀!日本Softbank出啞鈴電話殼 (May 17, 2018)

Read more ›
【親善大使】喵星人與金花鼠一見如故 即瞓肥肚腩超嘆
by / on 14/06/2016 at 7:14 am

【親善大使】喵星人與金花鼠一見如故 即瞓肥肚腩超嘆

都話喵星人其實係動物界嘅親善大使。最近有外國網友放咗自己隻貓輯相上Reddit。相中見到一身灰身厚毛嘅喵星人曬緊太陽,呢個時候有隻金花鼠出現。首先佢行近望吓,之後喵星人瞓底表示友好,金花鼠就越行越埋,之後索性瞓上喵星人毛茸茸嘅肥肚腩上面,好識嘆!喂喂,喵星人會唔會轉頭食咗佢架? 相關資訊【連環圖】 喵星人玩車好肉緊 又抓又咬超可愛 (May 12, 2018) 【奇景】日本龍友新目標 瞓身低炒影喵星人 (May 8, 2018)

Read more ›
【新片速報】喵星人超市廣告熱播 一齊掃貓罐搞破壞
by / on 13/06/2016 at 7:22 am

【新片速報】喵星人超市廣告熱播 一齊掃貓罐搞破壞

喵星人喺網上好受歡迎,所以越嚟越多品牌搵佢哋拍廣告。最近德國嘅超級市場Netto就拍咗段廣告,片中嘅喵星人拎住清單去超級市場掃貨,又貓罐頭又零食,中途仲整亂晒人哋啲陳列品。影片加咗好多特效,啲喵星人隻隻都好可愛,不過究竟同間超級市場有咩關係呢?唔緊要啦,最重要係多人睇,而家眨吓眼已經過3百萬點擊,喵。 相關資訊【有片】痴心喵星人經常送花俾鄰居 怕怕醜醜超可愛 (May 6, 2018) 【相集】自拍喵星人新相特集 繼續selfie肥咗可愛咗 (May 6, 2018)

Read more ›

【唔好再扮貓】喵星人又斷正 玩電腦連錯3次密碼被攝
by / on 12/06/2016 at 7:13 am

【唔好再扮貓】喵星人又斷正 玩電腦連錯3次密碼被攝

有無發覺喵星人好鍾意玩電腦?除咗瞓喺芒前芒後取暖之外,有啲仲好鍾意踩keyboard學打字。最近外國網Imgur有人放咗呢張貓相,佢話自己部電腦設定咗連續入錯3次密碼會自動影相。佢今日返返吓工,電話就收到呢張屋企喵星人嘅相。網友個個留言話好搞笑,有人問係咪Watch Cat 2?另外喵星人個樣似乎好認真,完全唔知自己已經斷正,唉,唔好再扮貓嘞。 相關資訊【相集】日本喵星人變液體喵 融入膠箱超可愛 (May 2, 2018) 日本喵星人裝兇作勢 發惡樣嚇走狗狗 (Apr 30, 2018)

Read more ›
【亂瞓】日本喵星人twitter熱傳    專瞓廁所洗手盤
by / on 10/06/2016 at 7:15 am

【亂瞓】日本喵星人twitter熱傳 專瞓廁所洗手盤

喵星人鍾意瞓邊就瞓,而且越瞓越古怪。好似日本呢隻白喵最近就喺twitter熱傳,因為佢瞓咗喺日本廁所上蓋嘅洗手盤位置,而且個位啱啱好。睇返twitter,呢隻喵經常都會匿喺呢個位置瞓覺,有時仲會瞓喺主人條褲入面!BTW,好彩呢啲洗手盤唔沖廁啲水都唔會滴落嚟,否則呢隻喵就日日沖涼嘞。 相關資訊日本Twitter超流行 分享「影唔返第二次嘅靚相」 (May 17, 2018) 日本《小紅帽》《白雪公主》泳衣 似cosplay衫仲有長褲 (May 17, 2018)

Read more ›
【考試壓力】喵星人「校園心靈治療師」 考試前幫學生減壓
by / on 08/06/2016 at 7:16 am

【考試壓力】喵星人「校園心靈治療師」 考試前幫學生減壓

世界各地嘅學生都有讀書壓力,德國呢間大學就派出喵星人幫學生減吓壓。呢間大學University of Augsburg養咗隻喵星人,佢經常喺校園巡查,當有同學仔唔開心、壓力大嘅時候,佢就可以充當心靈治療師,俾佢哋抱吓玩吓,佢仲會好嗲咁成個身瞓晒上去,好治癒。而家佢有個Facebook專頁,好多學生都留言多謝喵星人。其實香港學生讀書壓力咁大,學校應該考慮養返隻喵等同學仔輕鬆吓。 相關資訊【有片】日本喵星人搞笑短片 有紙袋有計劃 (Apr 30, 2018) 【新片速報】邊彈結他邊摸喵 日本超嗲喵星人完勝 (Apr 28, 2018)

Read more ›
【新片速報】日本喵星人玩「追尾」 超可愛twitter熱傳
by / on 07/06/2016 at 7:13 am

【新片速報】日本喵星人玩「追尾」 超可愛twitter熱傳

出世無耐嘅喵星人特別天真可愛,最近有位日本網民就將自己喵星人嘅片放上twitter,片中見到呢隻小貓不斷追住自己條尾,又撲又捉,超可愛,吸引好多人RT。雖然喵星人玩到瞓晒地又俾人拍埋,不過最終都係捉唔到,最後雖有好無奈咁喵咗聲發洩不滿。入嚟仲有佢舔毛同埋日常生活照,超治癒! 相關資訊【新片速報】日本網民斟水悲劇 無辜受害Twitter熱傳 (May 16, 2018) 日本廁所品牌超強紙模型 免費下載紙樣網民狂玩 (May 16, 2018)

Read more ›