Post Tagged with: "喵星人"

新片速報    終極懶爆喵星人    瞓住嚟玩好過份
by / on 09/03/2015 at 7:09 am

新片速報 終極懶爆喵星人 瞓住嚟玩好過份

喵星人出名串同埋懶,之前報導過佢哋連飲水都懶,就咁攤喺地,搵隻手喺旁邊水兜撩少少水濕吓嘴就算,以為咁已經夠過份?估唔倒佢哋連玩都可以咁懶!網上見倒呢條片,呢個終極懶爆喵星人,表演「瞓住嚟玩」,玩追波玩具咩?攤喺地伸手擋咪當玩咗囉,再唔係又推多兩推囉,連睇片嘅我都好想同佢講句:「咪咁懶啦!」BTW,我諗除咗食嘢之外,佢哋做乜都係咁懶。 相關資訊日本喵星人深夜開舖 帶你進入不可思議世界 (Sep 24, 2017) 【R.I.P.】再見喵喵 中川翔子愛貓「マミタス」離世 (Sep 24, 2017)

Read more ›

有片:喵星人Enjoy跣地板 跣極唔厭
by / on 07/03/2015 at 7:00 pm

有片:喵星人Enjoy跣地板 跣極唔厭

初頭睇仲以為係甚麼虐畜片!好彩唔係!而喵星人果然係喵星人,永遠都出乎人類想像之外。呢隻貓仔盞鬼呀,居然鍾意玩跣地板,好Enjoy主人將佢撳低,旋轉,然後跣出地板,每次都跣到六七呎遠。鏡頭所見,真係跣來跣去不下五六次,跣完一次又一次,貓仔最後仲豎起尾巴,好似仲好想繼續玩咁,得意! 相關資訊貓奴勁羨慕 喵星人瞓衫內超可愛 (Sep 23, 2017) 【新片速報】喵星人表演高空雜技 拉長全身腳揈揈 (Sep 22, 2017)

Read more ›
新片速報     2015最新手機架     喵星人另類功能示範
by / on 03/03/2015 at 7:12 am

新片速報 2015最新手機架 喵星人另類功能示範

呢款2015最新手機架,有埋保暖功能,無得換款,唔啱用亦無得退貨,而且只限貓奴擁有。最近有位貓奴喺YouTube上載咗呢段好閃嘅短片,佢隻貓好乖咁伏喺佢嘅肚腩上面,仲幫佢頂住部手機,最奇蹟係貓奴可以繼續篤芒玩game,喵星人都無彈開喵喵叫。之後喵星人仲將成個頭枕上手機頂,好幸福啊!(當然係指貓奴啦‥‥‥) 相關資訊【新片速報】日本喵星人被玩尾 突然發惡影片Twitter熱傳 (Sep 21, 2017) 【有片】日本喵兄弟 日日一齊瞓超sweet (Sep 19, 2017)

Read more ›
新片速報    喵星人的第一次    照鏡嚇親 / 沖涼狂嗌
by / on 01/03/2015 at 1:56 pm

新片速報 喵星人的第一次 照鏡嚇親 / 沖涼狂嗌

各位貓奴仲記唔記得屋企隻喵星人嘅第一次?例如第一次照鏡、玩自己條尾、飲奶、玩激光點、沖涼‥‥‥全部都係好難忘嘅回憶。呢條YouTube短片就將各位喵星人嘅第一次剪輯成一段好好睇嘅短片,貓奴睇完應該會好懷念,再望吓屋企而家又懶又串嘅肥喵星人,係咪好感觸呢? 相關資訊【有片】中計啦你!日本貓奴拘捕主子計劃成功 (Sep 19, 2017) 掛門柄超可愛!12月出《艦これ》鎮守府「貓」公仔 (Sep 18, 2017)

Read more ›
喵星人挖門罅相集     阻你辦公
by / on 02/02/2015 at 7:13 am

喵星人挖門罅相集 阻你辦公

屋企有喵星人嘅都會發現,佢哋對廁所充滿好奇心,尤其是主人去廁所嘅時候,最鍾意伸隻手入門罅挖挖挖博你注意,搞到人好易分心辦唔到大事。好嘞,日本貓奴們就喺twitter分享大量喵星人嘅惡行相,全部都係奮不顧身出盡力挖門罅嘅相,啲肉球伸晒出嚟任睇,太過份,太可愛嘞! 相關資訊日本Coser貓有慧根 瞓覺最愛毒攬枕 (Sep 18, 2017) 【有片】貓貓障礙賽 跨欄狂奔超動感 (Sep 17, 2017)

Read more ›
喵星人尷尬相集     做壞事斷正呆晒
by / on 27/01/2015 at 7:05 am

喵星人尷尬相集 做壞事斷正呆晒

搭電梯無人嘅時候你會唔會大聲唱歌?我會,仲經常咁做,點知上次唱到忘晒形,發現居然有人入咗嚟都唔知‥‥‥當時我個樣,應該同呢班壞事做盡比人即場發現斷正嘅喵星人一樣,呆晒唔知點反應好。日本網站搜羅咗一大堆動物被發現做衰嘢時嘅尷尬樣,以為無人睇住可以玩得盡情啲,點知你個貓奴突然出現阻住晒,唉,比你搞到無晒心機玩喇,唔玩喇,瞓喇,喵。 相關資訊【相集】喵星人「特色花紋」合集 回帶睇搞笑造型 (Sep 16, 2017) 【新片速報】喵星人進行邪教儀式 咬實轉圈超搞笑 (Sep 15, 2017)

Read more ›

紅到出寫真   日本喵星人睡相奇醜    Twitter爆紅
by / on 11/12/2014 at 7:12 am

紅到出寫真 日本喵星人睡相奇醜 Twitter爆紅

網上好紅嘅貓,99%都係賣得意萌樣,呢隻日本喵星人Mino就係剩餘嗰1%。之前都介紹過,佢因為睡相奇醜而喺Twitter爆紅,最近仲紅到出埋書,絕對係貓界奇葩!反白眼、擘大口、伸脷、四腳朝天,但凡諗到或者諗唔倒嘅睡姿佢都做得到。佢本寫真集《日本一寝顔が酷い絶世の美猫セツちゃん》喺Amazon有得賣,開價950円,我都想買返本支持吓佢,鼓勵佢唔好介意其他人點睇,繼續怒瞓! 相關資訊品味自細培養 日本媽咪帶囡囡進入二次元 (Sep 24, 2017) 日本夕張蜜瓜咭片套 超細緻市長Twitter推介 (Sep 24, 2017)

Read more ›
新片速報 綠色喵星人    網民大搜查追踪源頭
by / on 07/12/2014 at 12:19 pm

新片速報 綠色喵星人 網民大搜查追踪源頭

最近兩日呢隻綠色喵星人喺外國網站曝光率奇高,最先比人發現喺保加利亞嘅Varma流浪,大家以為有賤人將佢全身油成咁嘅色,仲喺facebook開咗個Punishment to the the perpetrator of this criminal act!群組想搵出元兇,最後先發現,喵星人之所以變綠,可能因為佢經常瞓嘅地方有綠色顏料,黐上身之後佢又唔知照舔毛,就搞到自己變咗外星人咁款。好彩啲顏料應該無毒,而且更好彩係其他喵星人無歧視佢,呢啲咪義氣囉。  相關資訊「超級市場喵」不幸離世 顧客籌錢造紀念銅像 (Sep 14, 2017) 【新片速報】日本喵星人與狗 超有愛Twitter長期放閃 (Sep 14, 2017)

Read more ›
【有片】日本超可愛請請貓 求你俾零食我啦
by / on 03/12/2014 at 5:05 pm

【有片】日本超可愛請請貓 求你俾零食我啦

我相信呢隻喵星人嘅行為,會令其他星人睇佢唔起,因為喵星人一向都好高傲,視貓奴如無物,咁叻唔好餵我吖?但呢隻就竟然識得好似狗狗咁做請請動作,要主人俾零食佢!不過我都見過朋友啲貓識俾手,如果你都有隻識請請嘅貓,應該好開心。 相關資訊【有片】「!」日本水獺被偷拍 幾多秒先發現到? (Sep 24, 2017) 日本麥當勞推出夜之邪惡套餐 特大著條加15件雞 (Sep 24, 2017)

Read more ›
【有片】溫馨一幕 日本喵星人帶婆婆過馬路
by / on 02/12/2014 at 12:15 pm

【有片】溫馨一幕 日本喵星人帶婆婆過馬路

好普通嘅一條片,但係睇完之後,個心湧起一陣溫暖嘅感覺。有日本駕駛者喺等燈位嘅時候拍到呢一幕,一位彎晒腰嘅老婆婆好慢咁一步一步過馬路,而一隻相信係佢養嘅貓貓,就帶住佢行,最窩心係行行吓會回頭望吓婆婆行到未。天氣開始凍喇,我哋都要關心吓身邊嘅人,尤其係老人家。 相關資訊日本動物園「豚鼠」排排企 超可愛似迴轉壽司 (Sep 23, 2017) 【有片】兒時夢想呀!Bandai出筋斗雲攬枕 (Sep 22, 2017)

Read more ›
[相集] 喵星人瞓玻璃    肉枕原型畢露
by / on 01/12/2014 at 7:15 am

[相集] 喵星人瞓玻璃 肉枕原型畢露

星期一心情跌到落谷底,好需要治愈系嘅喵星人開解吓。貓嘅肉枕得意好多人都知,咁點先可以最徹底咁觀察佢哋嘅肉枕?就係喺玻璃底度裝佢哋嘞!原來網上好多人都有呢個癖好,仲有大量相片分享,好得意!不過話時話,睇嘅時候我覺得自己有少少變態,好似裝人裙底咁‥‥‥ 相關資訊【多圖】日本貓Cafe列車 80人和浪貓同遊 (Sep 17, 2017) 深夜女僕圖 日本Twitter熱傳 (Sep 15, 2017)

Read more ›

喵星人擰歪面相集   我睇你唔倒
by / on 24/11/2014 at 7:17 am

喵星人擰歪面相集 我睇你唔倒

喵星人出名串,你嗌我咩?我係都唔望你。佢哋仲好鐘意面壁思過,網上搜羅咗大量喵星人搵個蘿柚得住主人嘅無癮相,慘在影嘅貓奴唔覺得無奈仲好開心,唉,貓奴呢個名真係唔係浪得虛名。 相關資訊手機鎖定畫面日本Twitter熱傳 喵星人鬧你:「睇得太多嘞!」 (Sep 12, 2017) 日本「莊內神社」 灰喵瞓地扮石頭Twitter熱傳 (Sep 12, 2017)

Read more ›
【有片】星期日懶洋洋 喵星人瞓樣大集合
by / on 23/11/2014 at 10:04 am

【有片】星期日懶洋洋 喵星人瞓樣大集合

星期日起身,咩都唔願做,hea喺度睇吓得意嘢就最好,被治癒了聽日又要返工喇嘛……呢條片就集合咗好多貓貓嘅瞓覺樣,懶到爆開,有啲一路瞓條尾一路搖,有隻就咁放個頭喺條隧道度瞓,似飲醉酒多啲。 相關資訊【有片】日本進擊黑貓 狂奔飛身撞鏡頭 (Sep 14, 2017) 【有片】日本貓島引你去 福岡相島150隻喵等緊你 (Sep 11, 2017)

Read more ›
喵星人裝假腳    扮長腿極囂張
by / on 19/11/2014 at 7:14 am

喵星人裝假腳 扮長腿極囂張

喵星人腳短,不過跑得快跳得高,唔知以為佢哋隱藏咗對彈弓長腿。可能好多網民都有呢個錯覺,網上見倒大量喵星人假長腿嘅相,貓貓係真嘅,不過拼喺下身嘅長腿就係假嘅,裝假狗道具不外乎長襪加短裙仔,睇嚟養貓嘅網友心底入面都幾寂寞幾無聊。最難得係班貓大哥唔抗拒肯比你舞,皇思浩蕩。 相關資訊【圖集】IG人氣喵星人遊世界 上山下海超寫意 (Sep 11, 2017) 【新片速報】日本喵星人輕鬆出閘 肥Pet太大卡住咗 (Sep 10, 2017)

Read more ›
新片速報 日本奇技貓 兩腳站立向後行
by / on 21/10/2014 at 11:36 am

新片速報 日本奇技貓 兩腳站立向後行

喵星人,其實有好多嘢佢哋都識,不過喺愚蠢嘅人類面前,佢哋扮唔識啫。不過,呢隻日本嘅白色喵星人就好蠢喇,因為佢喺地球人面前表露咗佢嘅特殊技能,仲失策到俾我哋拍埋片,仲有幾條添……片中,呢位喵星人表演兩隻腳企之餘,仲識向後行,最後仲跌親,o依家扮嘢已經太遲喇! 相關資訊【有片】日本瞓欄喵 奇妙動作有改圖有片睇 (Sep 10, 2017) 日本喵翻牆連環圖 原來鍾意咁樣瞓 (Sep 9, 2017)

Read more ›