Post Tagged with: "喵星人"

失明登山喵星人集資 3月登陸愛爾蘭最高山峰
by / on 21/02/2016 at 11:30 am

失明登山喵星人集資 3月登陸愛爾蘭最高山峰

喵星人Stevie雖然雙目失明,好彩4年前搵到個好主人Patrick Corr收養佢,仲知佢性格外向,經常帶埋佢去行山發掘新鮮事物。由於雙眼睇唔到嘢,Stevie會將個頭貼近地面,用觸鬚感覺距離,又會用兩隻前腳探測路面情況,係個好精明嘅登山者。最近佢哋計劃喺今年3月征服愛爾蘭最高嘅一座山Carrauntoohil,為當地嘅動物組織籌款,而家喺網上集緊資,各位貓奴可以去支持吓佢今次嘅遠征行動! 相關資訊京都喵星人失踪半年 大阪地震後返屋企尋親 (Jun 24, 2018) 喵星人食物PS圖集 好想全部吞落圖 (Jun 22, 2018)

Read more ›

Bandai出「真‧喵星人」日本扭蛋 坐UFO襲地球捉老鼠
by / on 20/02/2016 at 1:01 pm

Bandai出「真‧喵星人」日本扭蛋 坐UFO襲地球捉老鼠

一直有傳聞話貓其實係外星人,所以叫喵星人。日本Bandai最近甚至出埋扭蛋,推出咗呢個真‧喵星人系列,每隻喵都坐喺UFO飛碟入面伸個頭出嚟,仲話個形態同被意外拍倒嘅UFO相完全一致,頂部都係呈半圓狀。呢套扭蛋一式六款,每扭一次200円,UFO下面仲吊住個老鼠牌,因為話喵星人襲地球係為咗捉老鼠喎,但係有隻喵星人瞓著咗喎。 相關資訊【新片速報】日本鴨仔超鍾意食西瓜 摩打嘴啄食Twitter熱傳 (Jun 24, 2018) 【有片】青春小鳥 日本棒球部經理人 收驚喜禮物好感動 (Jun 24, 2018)

Read more ›
【新片速報】伊拉克喵星人流亡期間走失 FB成功尋親一家喊爆
by / on 20/02/2016 at 12:41 pm

【新片速報】伊拉克喵星人流亡期間走失 FB成功尋親一家喊爆

一家團聚當然開心,呢家人住喺伊拉克,早前阿媽帶住5個仔女1隻貓Kunkush一齊離開伊拉克流亡去歐洲,喺上年11月登陸希臘嘅列斯伏斯島,由於當時有超過10萬名難民登陸當地,喵星人Kunkush因為太驚而同屋企人失散咗,一家人被迫繼續流亡去到挪威,而喵喵被發現留咗喺當地一個村落,最終有個好心義工發現,幫佢喺FB尋親,最後仲帶埋佢去挪威搵返屋企人。經過3個月嘅流浪生活,影片最尾見到佢哋一家團聚,全家都喊晒好感動,不過喵星人個樣依然cool爆,不過我估佢心入面係好開心嘅。 相關資訊【相集】大量喵星人take嘢實錄 吸食貓草沉淪毒海 (Jun 19, 2018) 【相集】日本喵星人超強「躍動感」 行動迅速充滿喜感 (Jun 18, 2018)

Read more ›
有片:日本貓奴奴才服出新色 人形喵星人更像真!
by / on 19/02/2016 at 3:41 pm

有片:日本貓奴奴才服出新色 人形喵星人更像真!

呢套貓奴奴才服之前都介紹過,前面可以有袋裝喵,又有貓耳又肉球又盛,好正!啱啱日本方面就有新顏色推出,當中包括啡貓同三色貓。今次呢件Mewgaroo Jumpsuit,Unihabitat出品,一式兩款,笠帽有貓耳,帽兩邊附毛毛冷球可以同貓仔玩,肚腩位有個袋可以裝貓仔,衫袖做到成對貓手咁,咁梗唔少得貓尾喇。去洗手間好麻煩?呢個絕對唔係藉口呀,背脊近Pat Pat位有埋開口位,拉開拉鏈開大開細都得,每件10,000円,不過就快夏天喇……咁喺屋企你會開冷氣嘛! 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本怨念喵星人 被困1小時表情超不滿 (Jun 17, 2018)

Read more ›
【我又望】喵星人BB行動一致 偷望門口連環圖Twitter熱傳
by / on 18/02/2016 at 7:13 am

【我又望】喵星人BB行動一致 偷望門口連環圖Twitter熱傳

雖然小朋友又百厭又輪盡,不過出名麻煩嘅喵星人無嫌棄,仲同佢哋相處得幾好喎。最近日本Twitter就見到有個人仔同喵星人一齊偷望門口嘅連環圖,大家行動一致,兩個都要趷高腳先睇倒,不過喵星人嘅持久力似乎差少少‥‥‥ 相關資訊超強痛車日本Twitter熱傳 迷你模型塞爆全車 (Jun 23, 2018) 【新片速報】日本超可愛柴犬仔 矇眼笑影片Twitter熱傳 (Jun 20, 2018)

Read more ›
【有片】喵星人玩臉片Twitter熱傳 肥臉任搓無脾氣
by / on 14/02/2016 at 4:34 pm

【有片】喵星人玩臉片Twitter熱傳 肥臉任搓無脾氣

喵星人出名串,點會咁順攤俾人搓圓撳扁?所以呢段片放上Twitter後即時被熱傳。片中嘅肥喵星人塊臉兩截肉好厚身,而且感覺軟綿綿,難得主人不停搓佢佢都無反抗,仲好似幾舒服咁樣,貓奴們今晚夠唔夠膽搵屋企嘅主子玩吓? 相關資訊三上悠亞著日本波衫 晒長腿撐日本隊 (Jun 19, 2018) 日本女藝人P圖前後 超強對比Twitter熱傳 (Jun 19, 2018)

Read more ›

【有片】喵星人版《魚樂無窮》   睇睇吓忍唔住出手
by / on 09/02/2016 at 12:04 pm

【有片】喵星人版《魚樂無窮》 睇睇吓忍唔住出手

記得1993年亞視喺深宵時段播《魚樂無窮》,影住啲魚游嚟游去,當時都算幾有創意,點估到今時今日會咁樣完結。如果今日再有《魚樂無窮》呢個節目,可能要加多隻喵星人,應該容易啲呃Like。片中呢隻喵星人望住魚缸入面嘅魚望到入晒神,終於,佢忍唔住出手嘞‥‥‥仲嚇到啲魚閃晒埋一邊,好威威。 相關資訊日本喵星人扮蝴蠂 呎吋極大一定發嬲 (Jun 15, 2018) 【有片】宇宙最幸福貓奴 超嗲喵星人又摸又舔 (Jun 14, 2018)

Read more ›
【絕招】有片  喵星人打架用屁股 擺尾狂掃敵人頭
by / on 07/02/2016 at 12:37 pm

【絕招】有片 喵星人打架用屁股 擺尾狂掃敵人頭

喵星人打交離不開都係出吓爪咬吓頭,不過呢兩隻喵星人嘅招式就好另類,日本Twitter最近瘋傳呢段片,片中黑白色嗰隻貓每次打架就用屁股擋住敵人,然後狂fing尾掃頭,敵人視線受阻,如果撞啱去完廁所嘅話,應該仲會有一股惡臭,好屈機!不過平時佢哋好friend嘅,入嚟仲有啲攬頭攬頸嘅相睇。 相關資訊日本網民自創摺紙新玩法 雕空變骨架Twitter大熱 (Jun 17, 2018) 日本Twitter熱傳「透明版可樂」 比想像中更透明 (Jun 16, 2018)

Read more ›
【流浪暴肥】喵星人失踪14個月 好食好住肥足1倍
by / on 05/02/2016 at 7:14 am

【流浪暴肥】喵星人失踪14個月 好食好住肥足1倍

呢隻叫Clive嘅挪威森林貓,流浪咗14個月後最近終於俾主人搵返,不過就發現佢比原先重咗接近一倍!原來呢一年呀Clive經常喺寵物食品工場附近流浪,估計好食好住,所以越食越肥。佢喺14年12月失踪,主人周圍貼街招仲開埋Facebook尋貓都無消息,當佢準備放棄時就收到獸醫來電,原來呀Clive成日嘅寵物食品工場裝咗個捉貓器,最後成功捕獲呢隻為食喵送去俾獸醫,對方就憑呀Clive嘅晶片搵返主人。而家佢返咗屋企,主人話佢胃口大咗好多,成日不停食食食,不過就無諗住要佢減肥,唔知係咪心理作用,感覺上返咗屋企嘅呀Clive好似悶悶不樂,係咪掛住出面班豬朋狗友? 相關資訊日本迷你喵星人亂瞓 攝入軟墊隙縫位超可愛 (Jun 12, 2018) 日本貓奴返屋企第一幕 喵星人試圖破欄而出 (Jun 11, 2018)

Read more ›
【俾喵圍】日本喵星人床單套裝    8隻喵星人陪瞓超幸福
by / on 04/02/2016 at 7:14 am

【俾喵圍】日本喵星人床單套裝 8隻喵星人陪瞓超幸福

可以俾一班喵星人圍住瞓,應該係好多貓奴嘅夢想,日本有公司出咗呢套床單連枕頭套,瞓上去就好似有好多喵星人陪瞓咁,仲要唔會責住你郁唔倒,又唔會咕嚕咕嚕嘈住你。佢哋總共推出咗三個款式,顏色方面有紫色、杏色同粉藍色,每款嘅貓都唔同款,睡姿亦唔同,即係話,就算買晒三款其實都唔過份。價錢方面,而家有優惠,一套6480円,即係港幣5百蚊左右,有啲想買。 相關資訊【有片】日本天才發明 自動掃除電話指模裝置 (Jun 24, 2018) 日本國民美少女高橋ひかる Cos魔法少女/美少女探偵 (Jun 23, 2018)

Read more ›
【喵星人與豬仔】Facebook溫馨影片3百萬點擊 攬頭攬頸一齊瞓
by / on 04/02/2016 at 7:11 am

【喵星人與豬仔】Facebook溫馨影片3百萬點擊 攬頭攬頸一齊瞓

  喵星人成日俾人話高傲,其實佢哋同唔同種類嘅動物都相處得好好,好似今次呢隻豬仔Laura同隻喵星人B就好好朋友,經常攬頭攬頸一齊瞓,網上有大量相,睇見都覺得超溫馨。其中Facebook有段片見到豬仔不停用個鼻嗡埋去貓貓度,喵星人就幫豬仔舔毛回應,勁可愛,難怪條片已經超過3百萬次觀看,入去佢嘅Facebook有大量影片睇,like定放長假再慢慢睇先。 相關資訊【新片速報】日本喵星人「黑色眼淚」 特別印記Twitter熱傳 (Jun 4, 2018) 【連環圖】日本喵星人超溫馨場面 主動攬住一齊瞓 (Jun 3, 2018)

Read more ›

【超像真】喵星人羊毛氈高手 完成品真嘅 一樣
by / on 03/02/2016 at 7:15 am

【超像真】喵星人羊毛氈高手 完成品真嘅 一樣

圖中邊隻貓係真,邊隻係假?日本人好興做羊毛氈(針戳)手工藝品,而且做到出神入化。最常見係將自己嘅籠物用針戳整成一模一型嘅裝飾品,呢位叫Hinali嘅日本女仔強項係整喵星人,比張相佢就可以神還原,佢將自己5年嚟嘅作品放上Instagram,單睇相片真係分唔清邊隻係真邊隻係假,功力深不可測。BTW,如果屋企隻喵星人望見同自己一樣樣嘅完成品,會唔會兇佢?定抑或會走去幫佢舔毛呢? 相關資訊日本「羊毛氈」神人 專整動物「刺猬仔」超像真 (Jun 13, 2018) 【新片速報】日本喵星人玩「彈弓手」 彈出彈入肉球任摸 (Jun 2, 2018)

Read more ›
【有片】3個月大喵星人玩飲管 阿媽睇唔過眼出手秒殺
by / on 02/02/2016 at 7:14 am

【有片】3個月大喵星人玩飲管 阿媽睇唔過眼出手秒殺

喵星人BB特別得意,而且充滿好奇心,呢隻只得3個月大嘅英短喵星人就完美示範咗嘞。影片見佢發現枱上面罐飲品有支飲筒插住,本來好平常嘅事喺佢眼中似乎好得意,佢嘗試用隻手抓吓支飲管,又用個口咬吓佢,但都係無辦法將支飲管挑出嚟玩。呢個時候一直冷眼旁觀嘅喵媽媽Tibbie忍唔住出手嘞,輕輕用口一咬,頭向後一伸,輕輕鬆鬆就將支飲管挑咗出嚟玩,好威威。BTW,留意兩母女啲紋完全一模一樣,唔認有血緣關係都唔得啦。 相關資訊日本超正設計 呔夾變飲管夏日透心涼 (Jun 3, 2018) 日本喵星人女僕造型 單眼賣萌超可愛 (May 29, 2018)

Read more ›
【霸氣外露】喵星人企警車頂 日本一人一張霸氣喵圖
by / on 02/02/2016 at 7:12 am

【霸氣外露】喵星人企警車頂 日本一人一張霸氣喵圖

喵星人個性囂張,要搵佢哋霸氣外露嘅相簡直無難度。日本網民最近就一呼百應,一人一張喵星人霸氣圖,有喵星人肚皮朝天攤喺車頭曬太陽、有大膽到企喺警車車頂,仲有扮馬沙嘅喵星人、鬆弛喵、一拳打穿門嘅一拳超喵,好精彩,貓奴睇完驚唔驚?真係千祈唔好得罪佢哋。 相關資訊日本超為食喵星人斷正 偷食炸雞太大嚿吞唔落 (May 28, 2018) 【新片速報】日本超曳喵星人 紙箱突圍而出嚇親人 (May 28, 2018)

Read more ›
【偷食唔抹嘴】喵星人偷食雪糕斷正 動物古怪食相合集
by / on 31/01/2016 at 1:49 pm

【偷食唔抹嘴】喵星人偷食雪糕斷正 動物古怪食相合集

唔似人類食嘢要講儀態,動物無論肚餓定為食都會奮不顧身狂食。外國網站精選咗動物嘅食嘢相,喵星人食到成面都係雪、倉鼠不自量力成粒花生塞入口、水獺食西瓜食到喊,當然唔少得好經典嘅烏龜食士多啤梨食到一面血嗰張,入嚟有回帶慢慢笑。 相關資訊【連環圖】日本喵星人瞓覺3式 先側睡後仰睡 (May 27, 2018) 魔之融合 童星點心麵 + 雪糕5月29日發售 (May 25, 2018)

Read more ›