Post Tagged with: "喵星人"

15隻笑臉喵星人   瞇眼笑晒有蠱惑
by / on 10/07/2015 at 7:18 am

15隻笑臉喵星人 瞇眼笑晒有蠱惑

柴犬個嘴天生好似笑緊咁,好得意,估唔到出名cool爆嘅喵星人,都有笑笑口和藹可親嘅一面。網上搜羅咗一班善良喵星人,個個瞇晒眼笑晒口,應該係發緊夢瘋狂食罐頭。BTW,咁善良嘅喵星人真係有啲睇唔慣,唔知點解覺得佢哋應該諗緊計對付人類。 相關資訊【有片】日本浸浴喵 浸到想瞓游埋水 (Nov 22, 2017) 日本喵星人「謎之儀式」 猜拳決定邊個陪主人瞓 (Nov 21, 2017)

Read more ›

日本喵星人站立如廁 身懷奇技最叻拗腰亂瞓
by / on 07/07/2015 at 7:20 am

日本喵星人站立如廁 身懷奇技最叻拗腰亂瞓

呢隻喵星人超得意!最初吸引我係呢張佢企喺貓廁所度冥想嘅相,佢個樣好認真,應該辦緊公事,隻手輕輕倚住廁所邊,從來無見過企喺度如廁嘅喵,犀利!之後上埋佢嘅twitter,見到佢更多靚相,原來佢天生係一個演員,經常擺出各種姿勢引主人影佢,最叻拗腰同捐窿捐罅,書櫃咁窄擺晒書都瞓倒覺,仲唔係博人影你? 相關資訊【新片速報】日本網民收1百萬籌碼手信 原來係火機Twitter熱傳 (Nov 22, 2017) 【新片速報】日本超可愛水瀨仔 瞓晏覺識冚被 (Nov 21, 2017)

Read more ›
【黑肉球】非洲「黑足貓」 體積超細膽夠大
by / on 02/07/2015 at 7:10 am

【黑肉球】非洲「黑足貓」 體積超細膽夠大

作為一個專業貓奴,一定要認識埋呢種「黑足貓」(black-footed cat),講到好叻咁,其實我都係啱啱喺Imgur外國網見好多人討論先學識,佢係非洲最細小嘅野生貓,平均體重只有1.6公斤,全身一點點好似豹紋嘅圖案好易認,最特別係佢嘅肉球,即係四隻腳掌都係黑仔嘅,好神秘好想睇!不過雖然貓仔細細,但發起惡上嚟長頸鹿都夠膽襲擊,唔可以睇小佢。美國費城嘅動物園都有幾隻,全部都係腳黑黑好得意,入嚟有多啲相睇。 相關資訊【新片速報】日本超嗲喵星人又出動 遇天敵「吸塵機」即變靜音 (Nov 20, 2017) 【有片】日本喵星人沉迷上YouTube 後腳伸直好識嘆 (Nov 14, 2017)

Read more ›
【斷正】喵星人古怪「玩具」公開    專儲膠樽蓋/橡筋
by / on 01/07/2015 at 12:05 pm

【斷正】喵星人古怪「玩具」公開 專儲膠樽蓋/橡筋

今日放假,係時候搵吓屋企啲窿窿罅罅位,可能會發現好多屋企隻喵星人嘅珍藏「玩具」。網上見到好多罪證,例如有一隻秘密儲起大量膠樽蓋,有一隻好鍾意儲紥頭髮嘅橡筋,仲有啲鍾意玩襪、儲癈紙波,比人發現嘅時候通常都係一臉無辜:「吓咩事呀?我啱啱經過唔好屈我喎!」 相關資訊【新片速報】日本撳鐘貓新玩具 啟動推骨牌裝置超可愛 (Nov 16, 2017) 日本喵星人與老鼠圖Twitter熱傳 和平共處好奇妙 (Nov 13, 2017)

Read more ›
有片:螳臂擋貓 螳螂拳難敵貓爪
by / on 26/06/2015 at 9:00 am

有片:螳臂擋貓 螳螂拳難敵貓爪

螳螂拳定貓爪好打?睇吓邊個人耍啦,咁如果由螳螂耍螳螂拳,由喵星人耍番貓爪呢?答案顯而易見,螳臂不但不能擋車,就連貓爪都擋唔到,計噸位都輸晒喇。呢條片好Funny,螳螂初初係威係勢架,舉起兩把鐮刀有晒起手式,但喵星人唔赦佢,先用個鼻哄佢,之後直頭當佢薑咁拍,最後螳螂不敵,落荒而逃。笑完,有嘢問,我想問嘅係,螳螂唔係識飛架咩?有危險,點解唔拍翼速逃呢? 相關資訊【相集】日本熱傳超樣衰喵星人 梳毛反白眼露雙下巴 (Nov 11, 2017) 日本菜檔發現喵星人店員 恰眼瞓唔夠專業 (Nov 9, 2017)

Read more ›
新片速報 喵星人擊退巨熊 食物鏈的奧秘
by / on 26/06/2015 at 7:19 am

新片速報 喵星人擊退巨熊 食物鏈的奧秘

熊喺我心目中一直係好兇猛嘅動物,喺山上見到佢要詐死,處於食物鏈嘅高層,但原來我錯嘞,喵星人先係皇道。呢條片拍攝地點係美國阿拉斯加,見到一隻熊準備闖入民居,點知隔住玻璃門入面有隻喵星人,雖然身形有相當距離,但當隻貓一發威跳起時,隻身形巨大嘅熊居然嚇到彈開幾丈遠,場面好滑稽,嗱,好以老鼠食象咁,一物冶一物呀。 相關資訊日本喵星人3個月巨變 胸毛暴增肥大一倍! (Nov 8, 2017) 日本鬼祟喵星人 呆坐唔出聲嚇親主人 (Nov 7, 2017)

Read more ›

【極品級】超萌一字眼喵星人 twitter爆紅貓奴慎入
by / on 25/06/2015 at 7:04 am

【極品級】超萌一字眼喵星人 twitter爆紅貓奴慎入

呢隻日本一字眼喵星人係貓界嚟講絕對係極品級數,天生一字眼,好似瞓唔醒又好似想喊咁,超萌超可憐,難怪呢兩日喺twitter爆紅。日本網民せぐめん噚日喺twitter發佈咗兩張相,7小時已經有接近2萬個RT,我仲唔覺意搵咗幾張佢伸脷嘅生活照,嗚呀,救命呀,我融化了。 相關資訊真正貓仙人!日本白貓最愛曬燈 (Nov 20, 2017) 【有片】北海道錄今季最低氣溫-17.3度 留萌市積雪60cm! (Nov 20, 2017)

Read more ›
最強喵星人 3星期不吃不喝遊歴2200英里
by / on 23/06/2015 at 7:17 am

最強喵星人 3星期不吃不喝遊歴2200英里

喵星人唔好學!人哋話貓有9條命,呢隻4歲嘅貓貓更加係挑戰極限,因為佢竟然匿埋咗喺個貨櫃入面,連續3星期無嘢食無水飲而奇蹟生還!佢由歐洲嘅Cyprus運送到去Warwick,經過地中海,足足橫越咗2200英里,最後全靠一位員工聽到喵喵聲而發現佢,收養咗佢嘅流浪貓中心負責人話,當貓貓到達時,情況勁危險,唔單止好瘦仲嚴重缺水,啲皮乾到好似禾稈草,大家估計佢全靠舔貨櫃邊滲入嘅水維生,不過好好彩,佢好快已經好返,而家大家都希望佢快啲搵到個好人家收養佢。貓貓,下次小心啲唔好再亂咁走入貨櫃箱玩嘞,9條命都唔夠用呀。 相關資訊【有片】呆咗!日本喵見按摩墊 著得識轉咁奇都有? (Nov 7, 2017) 【有片】日本流浪貓入屋 畫師畫畫變成咁 (Nov 5, 2017)

Read more ›
【喵星人生命力】殘障喵星人相集 可愛活躍無分別
by / on 21/06/2015 at 1:14 pm

【喵星人生命力】殘障喵星人相集 可愛活躍無分別

養喵星人係一生一世嘅事,無論佢有殘疾都一樣要永遠照顧佢。外國攝影師 Monika Małek為影咗一輯相集,入面所有嘅喵星人都有身體缺陷,例如斷咗腳、盲咗眼,但每一隻依然係咁可愛,咁嗲,依然會靜靜咁幫自己舔毛,氹主人開心。Monika有句嘢講得好好,佢話希望大家唔需要特別關心佢哋或者忽視佢哋,只要將佢哋視為平常嘅喵就已經係最好。所以喺佢輯相入面,你會發現所有喵星人一樣走得跳得,每隻都咁可愛。 相關資訊全球最多人睇過嘅相 攝影師再拍攝3張新作 (Nov 22, 2017) 【呀婆走得快】日本89歲老頑童攝影師 新宿寫真展12月開幕 (Nov 13, 2017)

Read more ›
【見死不救】喵星人爛玩出事 影相先定救喵先?
by / on 18/06/2015 at 7:11 am

【見死不救】喵星人爛玩出事 影相先定救喵先?

  影相大過天,就算喵星人遭遇危難,啲人都係忍唔住影咗張相先,而唔係第一時間去救佢。網上搜羅咗一班滅絕人性嘅罪證,話之你喵到拆天嗌晒救命,都係要影低你嘅慘況先,鬼叫你平時咁囂張呀? 相關資訊【新片速報】大肚腩喵星人見魚發狂 又攬又踢Twitter熱傳 (Nov 3, 2017) 【連環圖】日本喵星人偷彈琴 被發現扮無辜Twitter熱傳 (Nov 2, 2017)

Read more ›
新片速報 喵星人開班做瑜伽 懶懶閒唔願郁
by / on 16/06/2015 at 7:18 am

新片速報 喵星人開班做瑜伽 懶懶閒唔願郁

喵星人咁懶,叫佢做瑜伽一定難度爆燈。不過美國嘅動物收容所Homeward Bound就諗到開個瑜伽貓班,將等待收養嘅喵星人同大家一齊做瑜伽建立友誼,希望更多人關注同埋領養呢班貓咪。睇相見到班喵星人懶懶閒唔多願郁。比人按住個身又好疑惑,有啲索性喺側邊搵個空地瞓覺好過。睇嚟佢哋只係識做Cat pose伸懶腰嗰招。 相關資訊【新片速報】日本倉鼠唔怕貓 背部滑行影片Twitter熱傳 (Nov 5, 2017) 【有片】貓貓狗狗做主打 日本被單毛氈攻主子市場 (Nov 4, 2017)

Read more ›

【馬路如虎口】喵星人扮撞車   twitter狂RT演員有戲
by / on 12/06/2015 at 7:15 am

【馬路如虎口】喵星人扮撞車 twitter狂RT演員有戲

之前都見過有日本喵星人玩呢個宅急便嘅速遞紙箱,由於紙箱個樣有啲似貓巴士,所以喵星人坐上去效果好得意。twitter用戶@oken_ne噚日post咗兩張連環圖,直擊屋企兩隻喵嘅模擬撞車場面,相中兩隻貓勁好戲,一隻用前腳撐開架車,一隻就坐喺車上一臉冷酷,由於太搞笑,吸引超過萬五個RT,好彩無任何傷亡咋,報告完畢。 相關資訊【相集】可愛喵星人識捲脷 超強顏藝瞇眼伸脷 (Nov 1, 2017) 【新片速報】日本喵星人超可愛 玩毛毛球影片Twitter熱傳 (Oct 29, 2017)

Read more ›
【動物超模】喵星人舉腳伸脷擺晒甫     漆黑中嘅螢火蟲
by / on 07/06/2015 at 1:49 pm

【動物超模】喵星人舉腳伸脷擺晒甫 漆黑中嘅螢火蟲

屋企有養寵物都知,要幫佢哋影相難過登天,一撳掣就跑開,所以見到呢批擺晒甫士影相嘅動物,我覺得好驚訝。除咗喵星人,我仲見到狗、樹熊、猩猩、白兔、鴨仔,全部都係supermodel嘅資素,出色程度令我覺得無論佢哋嚮咩地方,都好似漆黑中嘅螢火蟲一樣,咁鮮明,咁出眾! 相關資訊【超治癒】「熊貓之穴」長下巴動物Tote Bag 大阪有得買 (Nov 4, 2017) 【有共鳴】日本超可愛扭蛋 頹爆動物坐住瞓 (Nov 2, 2017)

Read more ›
【真係出】喵星人瞓電腦扭蛋    貓奴感同身受
by / on 06/06/2015 at 1:03 pm

【真係出】喵星人瞓電腦扭蛋 貓奴感同身受

日本嘅貓扭蛋越出越多,不過呢個Epoch出嘅新款貓電腦,各位貓奴應該好難忍手。有養貓嘅都知,喵星人最鍾意趁你開電腦時搞住你,大字型攤喺keyboard上面、用手撳你啲掣、幫你打外星文,總之就係要纏住你等你無時間做嘢要陪佢玩!Epoch呢款扭蛋就完美表達咗呢種狀態嘞,總共有8款喵星人,隨蛋附送電腦notebook,9月推出,嗚呀!又好想買添。 相關資訊日本奇譚「紙箱貓」扭蛋 自動行走超可愛 (Nov 14, 2017) 【2017出GAME表】 11月至12月 [PS4 / XBox One / Switch / PC / 3DS / PS Vita] (Nov 5, 2017)

Read more ›
喵星人愛臭腳      全球怪癖貓相集晒冷
by / on 03/06/2015 at 7:18 am

喵星人愛臭腳 全球怪癖貓相集晒冷

喵星人有好多奇怪嚐好,其中一樣就係聞臭腳!一返到屋企除鞋佢就搵個頭刷你隻臭腳,到你沖完沖香噴噴出嚟時,佢騷都唔騷你,一睇,佢居然瞓喺你對臭鞋上面,仲要兩隻手插咗入鞋窿入面好enjoy‥‥‥網上搜羅咗大量喵星人玩鞋嘅怪異行為,全部斷正,有啲仲攬住隻鞋好肉緊驚死人搶佢咁。最令我欣賞嘅,都係佢哋嗰份自我,就算比人發現都無所謂,我係鍾意臭鞋臭腳呀,有乜問題呀?鬼叫我四隻腳都唔臭咩? 相關資訊日本星貓「ぷー」出筆袋 二足立招牌動作 (Nov 2, 2017) 日本超可愛神社貓 左右門神Twitter熱傳 (Oct 30, 2017)

Read more ›