Post Tagged with: "喵星人"

紙箱人變喵箱人 10款喵星人配貓耳賣萌
by / on 18/08/2015 at 7:07 am

紙箱人變喵箱人 10款喵星人配貓耳賣萌

紙箱人經常出特別版,百貨公司大丸版、「賀正」賀年版都忍得住手?咁呢幾款喵星人嘅紙箱人(ニャンボー)呢?作為貓奴應該會舉手投降。由「千值練」推出,一共有10個款式,除咗不同嘅貓花紋之外,每隻仲配埋雙好萌嘅貓耳,每隻高度60毫米,放喺電腦芒上面啱啱好,預計今年11月推出,每抽一次630円,希望香港可以有齊全套買啦。 相關資訊喵星人變晴天公仔 日本扭蛋超可愛 (Apr 17, 2018) 【新片速報】日本喵星人與倉鼠 超好朋友零防備 (Apr 17, 2018)

Read more ›

【鐵漢柔情】軍人與喵真實相集 野外搵食好老友
by / on 16/08/2015 at 11:27 am

【鐵漢柔情】軍人與喵真實相集 野外搵食好老友

軍人嘅生活好難捱,平時嘅軍人上戰場殺敵,但係私底下呢班鐵漢都有柔情嘅一面,網上搜羅咗大量軍人同喵星人嘅生活片段,當喺野外地方見到喵星人時,佢哋會搵嘢食餵佢,比佢刷刷,一齊瞓覺,場面好溫馨。人哋話鐘意小動物嘅男人特別吸引,再加埋一身肌肉同埋笑到咁冧嘅表情,滿分啦! 相關資訊貓奴要去 日本吉祥寺「貓Cafe」超靚建築 (Apr 20, 2018) 【開花嘞】日本茨城超靚藍花海 攝影師相集Twitter熱傳 (Apr 20, 2018)

Read more ›
喵星人專用電腦 有Mouse有魚樂無窮
by / on 14/08/2015 at 7:16 am

喵星人專用電腦 有Mouse有魚樂無窮

喵星人好鍾意玩電腦,每當貓奴開著電腦嘅時候,喵星人就會施施然走埋嚟,一個唔該就瞓喺Keyboard上面,好彩嘅話電腦會變全屏幕,唔好彩嘅撳到個電源掣,拜拜咯。呢部專為喵星人而設嘅電腦好窩心,keyboard位係貓抓板,螢光幕可以睇魚樂無窮,仲有隻有線mouse老鼠插喺USB位,仲正過你部notebook,以後一人一部聽落好爽。唯一美中不足係部貓notebook無發熱功能,最後可能都係要同隻喵交換機用。 相關資訊日本網民衝動消費 超搞笑「噴鼻水」筆袋Twitter熱傳 (Apr 16, 2018) 日本喵星人激似「海參」 大量網民貼圖回應 (Apr 16, 2018)

Read more ›
【天生明星相】白鬍鬚喵星人 網上大熱似演員劉家輝
by / on 12/08/2015 at 7:05 am

【天生明星相】白鬍鬚喵星人 網上大熱似演員劉家輝

呢隻有白鬍鬚嘅喵星人Hamilton The Hipster Cat 呢兩日喺外國網好紅,其實佢唔係初出道,不過好多人可能未見過佢。佢除咗有兩條白鬍鬚外,兩條白眉毛都好搶眼。有網友就搵佢張相嚟改圖變成警長,有人話佢似80年代荷李活演員Tom Sellick,外國網友甚至話佢似香港藝人劉家輝演過嘅白眉!咁有明星相嘅佢,其實真身並無白眉毛,係後期比網友P上去嘅,不過兩條白鬍鬚就如假包換,入嚟仲有佢嘅IG戶口,可以睇埋佢表演萌技,好得意。 相關資訊喵星人又有新造型 變成一粒糖甜到漏 (Apr 15, 2018) 日本超蠢喵星人 窗簾半透明匿藏失敗! (Apr 14, 2018)

Read more ›
30個喵星人紋身    女貓奴鐘意紋腳踝
by / on 06/08/2015 at 7:03 am

30個喵星人紋身 女貓奴鐘意紋腳踝

作為貓奴,身上面有返幾個喵星人嘅紋身都好合理,雖然我寧願放幾張喵相做手機wallpaper,起碼唔痛嘛。網上搜羅咗30張喵星人紋身,總括都係簡約線條圖案居多,紋嘅通常都係女性,紋嘅位置就集中喺耳背、頸背、腳踝,睇完有無想紋返個?我無,但係感覺到佢哋嘅奴性好重。 相關資訊日本貓奴爛瞓唔知醒 4隻喵星人怒啤超不滿 (Apr 19, 2018) 日本街喵暖屁屁秘訣 超識嘆現聖光 (Apr 14, 2018)

Read more ›
【有片】鬥雞眼喵星人網上大熱 食得瞓得有人錫
by / on 04/08/2015 at 7:12 am

【有片】鬥雞眼喵星人網上大熱 食得瞓得有人錫

呢隻好可愛嘅鬥雞眼喵星人Ozzy最近好紅,黑白毛色,睇落好似Batman戴咗眼罩咁,最特別之處係佢嘅一對鬥雞眼,好傻氣。今年8歲嘅Ozzy並唔係天生鬥雞,因為仲係小貓嘅時候一次意外,由窗口跌咗落街受傷之後就變成鬥雞眼,雖然睇嘢嘅視點窄咗,生活有啲唔方便,不過主人無放棄佢,佢都無放棄自己,而家都係好開心咁食玩瞓,最重要係行得走得有主人錫,加油呀喵! 相關資訊【有片】喵星人「真液體」構造 扭扭吓穿過玻璃門 (Apr 13, 2018) 日本喵星人攬實玩具唔放 三文魚超像真 (Apr 11, 2018)

Read more ›

喵星人與唱片舖    日本做喵真幸福
by / on 31/07/2015 at 7:15 am

喵星人與唱片舖 日本做喵真幸福

唱片舖買少見少,人人都用音樂串流,撳個掣即時聽,反而令人好懷念行唱片舖買CD嘅日子。呢幾日好多日本網友RT呢幾張相,除咗因為唱片舖,更主要係因為主角係喵星人,總共有4張圖,分享咗唔同喵星人喺唱片舖懶洋洋嘅得戚樣。睇班喵星人不問世事攤喺唱片套上面瞓覺嘅相,好寫意,仲帶有幾分文青feel,重點係:「喺日本做貓真幸福!」 相關資訊喵星人「完美圓形」圖集 捲埋瞓覺超可愛 (Apr 11, 2018) 【新片速報】日本喵星人擊掌短片 超可愛Twitter熱傳 (Apr 10, 2018)

Read more ›
蜘蛛俠惡搞喵星人 又趴又擒好煩膠
by / on 31/07/2015 at 7:07 am

蜘蛛俠惡搞喵星人 又趴又擒好煩膠

如果屋企有養寵物,又咁啱有好多玩具嘅話,好似呢位日本網友咁影吓相都幾好玩,仲好多人RT添。佢叫@xxhama2,屋企有貓有狗,睇相見佢應該仲好鍾意蜘蛛俠,因為佢成日拎隻蜘蛛俠嚟惡搞兩隻小動物。例如放粒狗零食喺蜘蛛俠隻手度引隻狗狗,或者迫蜘蛛俠趴喺喵星人個身度搞佢,將蜘蛛俠嘅潛能無限發揮。睇見喵星人個無奈樣,我諗佢好憎蜘蛛俠,好想講:「走開啦喵。」 相關資訊日本Coser貓好威 《Monster Hunter: World》「カガチネコ装備」 (Apr 10, 2018) 沙灘專用「貓腳印拖鞋」 日本設計貓奴要買 (Apr 10, 2018)

Read more ›
喵星人超正插畫 無人喺屋企時做乜?
by / on 30/07/2015 at 7:16 am

喵星人超正插畫 無人喺屋企時做乜?

作為一個貓奴,應該會成日諗自己唔喺屋企時,隻喵星人究竟會做啲咩呢?瞓覺?玩紙巾?睇電視?周圍摷嘢食?外國插畫師Lingvistov好有諗頭,畫咗輯超得意插畫,喺佢幻想之中,喵星人會趁佢唔喺度嘅時候翻查佢嘅上網紀錄、收埋對襪喺盆栽底、嗌女朋友返屋企玩,全部都畫得好搞笑,推介!特別係最尾嗰張,貓奴應該好有共鳴。 相關資訊【相集】殘障喵星人超強顏藝 大量表情網上熱傳 (Apr 10, 2018) 日本網民推介「喵星人居酒屋」 邊食Pizza邊玩喵 (Apr 9, 2018)

Read more ›
喵星人大量出浴照     最愛瞓鋅盆好香豔
by / on 27/07/2015 at 7:08 am

喵星人大量出浴照 最愛瞓鋅盆好香豔

一直覺得喵星人唔鍾意沖涼,不過睇完呢輯相又有啲改觀。相中一班喵星人爭住出浴,個樣勁可愛,仲幾嘆。原來喵星人好鍾意玩浴缸同埋鋅盆。除咗喵,仲有狗狗、倉鼠、白兔、馬騮、大笨象,好香豔! 相關資訊【新片速報】日本喵星人食自助餐 食幾多抓幾多 (Apr 9, 2018) 【相集】喵星人發現「毛冷球」 超肉緊浪漫時刻 (Apr 6, 2018)

Read more ›
囡囡與喵相集    紐約愛心女生領養喵星人
by / on 23/07/2015 at 7:13 am

囡囡與喵相集 紐約愛心女生領養喵星人

非正式統計,Gameover嘅讀者應該有好多貓奴,因為同喵星人有關嘅新聞,瀏覽數目同囡囡新聞差唔多。咁如果兩樣加埋呢?呢輯由攝影師BriAnne Wills用咗4個月拍攝嘅「Girls and Their Cats」,入面全部都係紐約女生同佢哋領養嘅喵星人,喵星人加女仔,仲要愛心爆棚,仲唔係網上最易呃like嘅post?攝影師開咗個IG戶口,嚟緊會去其他地方繼續影影影,入嚟睇吓啦,我梗係指睇喵啦,唔通睇囡囡咩? 相關資訊【連環圖】日本貓沖涼 由掙扎到緊張到接受 (Apr 4, 2018) 【改圖】日本潛力貓變萬能key 大量改圖Twitter熱傳 (Apr 4, 2018)

Read more ›

20張喵星人亂瞓相集 睡姿千變萬化
by / on 20/07/2015 at 7:31 am

20張喵星人亂瞓相集 睡姿千變萬化

老細唔好怪我,星期一返工真係咁嘅樣架。呢班喵星人完美表達咗我呢刻嘅心情 ─ 好想攤喺屋企嘆冷氣瞓晏覺睇動畫。網上搜羅咗20張喵星人亂瞓嘅相,睇完會發現喵星人真係全宇宙最鍾意瞓覺嘅生物,坐坐下可以瞓,岳起頭又可以瞓,求其搵啲嘢挨住又瞓得,而且睡姿千變萬化,好難捉摸。BTW,貓一般嘅睡眠時間係12-16小時,而貓仔同老貓更加多,大概20小時以上,我都好想做貓。好彩我都有強項,就係「cat nap」,即係可以好似貓咁,快速入睡。 相關資訊放假cosplay吓 日本網民扮時尚貓LISA LARSON (Apr 3, 2018) 日本超可愛扭蛋 6款動物摀眼扮瞓覺 (Mar 28, 2018)

Read more ›
新片速報 喵星人吊飾遮敏感部位 更鮮明更出眾
by / on 17/07/2015 at 7:07 am

新片速報 喵星人吊飾遮敏感部位 更鮮明更出眾

好高深嘅設計,呢個遮住喵星人米字部位嘅小掛飾,圈喺條尾嘅根部,吊墜啱啱好遮住佢嘅敏感部位,而且仲要係閃石設計,等呢個部位,無論出現嚮咩地方,都好似漆黑中嘅螢火蟲一樣,咁鮮明,咁出眾!但係去廁所辦大事嘅時候咪好唔方便?仲有,去完廁所想清潔嘅時候可能又會擋住喎,估計喵星人應該會鍾意坦蕩蕩多啲。BTW,由Cat Crib出品嘅呢個Twinkle Tush,售價美金$6,相信主要都係用嚟整蠱人(貓)嘅。 相關資訊日本喵星人「復活節」變裝 兔耳伸脷超可愛 (Mar 27, 2018) 【新片速報】日本貓奴發現超強紙門 喵星人敗走片Twitter熱傳 (Mar 27, 2018)

Read more ›
【可愛到暈】初生喵星人學舔毛 學極唔識放棄自己
by / on 11/07/2015 at 6:02 pm

【可愛到暈】初生喵星人學舔毛 學極唔識放棄自己

呢段喵星人短片好得意,程度達到十級,加上仲比我cap到張咁可愛嘅截圖,點都要同各位貓奴分享吓。啱啱出世無耐嘅喵星人乜都唔識,主要都係有樣學樣,片中呢隻貓仔就學緊媽咪舔毛,但舉得手嚟個頭又唔識就,最後舔舔吓決定放棄,由媽咪代勞,仲爽! 相關資訊日本超驚嚇動物園告示牌 松鼠張牙舞爪咬BB (Mar 26, 2018) 【有片】喵星人版冰壼 超搞笑影片Twitter熱傳 (Mar 19, 2018)

Read more ›
15隻笑臉喵星人   瞇眼笑晒有蠱惑
by / on 10/07/2015 at 7:18 am

15隻笑臉喵星人 瞇眼笑晒有蠱惑

柴犬個嘴天生好似笑緊咁,好得意,估唔到出名cool爆嘅喵星人,都有笑笑口和藹可親嘅一面。網上搜羅咗一班善良喵星人,個個瞇晒眼笑晒口,應該係發緊夢瘋狂食罐頭。BTW,咁善良嘅喵星人真係有啲睇唔慣,唔知點解覺得佢哋應該諗緊計對付人類。 相關資訊鬆弛熊喵星人頭套 出賣朋友超可愛 (Mar 17, 2018) 【有片】奴才搞住瞓 日本貓表示好煩趴地 (Mar 16, 2018)

Read more ›