Post Tagged with: "喵星人"

【根本係人扮】喵星人反肚曬太陽 Twitter熱傳超嘆日光浴
by / on 27/11/2015 at 7:19 am

【根本係人扮】喵星人反肚曬太陽 Twitter熱傳超嘆日光浴

貓奴唔喺屋企嘅時候,都會諗吓隻衰喵喺屋企做咩呢?可能,佢就好似呢隻日本喵星人咁,大字型攤喺度曬緊太陽享受日光浴!呢隻喵星人嘅twitter一向有好多fans,強項係反肚賣萌,最近主人話返到屋企以為佢唔知去咗邊,不過用心一睇,就發現佢原來攤咗喺枱面曬太陽,好識嘆,根本就係人扮嘅!入嚟有多啲佢嘅反肚相反肚片睇,好可愛! 相關資訊【有片】日本喵星人迫爆紙箱 超痴纏攬實唔放 (Jul 19, 2018) 【有片】地震前有咩反應 日本貓Cafe閉路電視足本睇 (Jul 16, 2018)

Read more ›

【超可愛】京都「站立喵」爆紅        望窗扮文青天生鍾意企
by / on 25/11/2015 at 7:18 am

【超可愛】京都「站立喵」爆紅 望窗扮文青天生鍾意企

之前都見過唔少鍾意企起身嘅喵星人,不過好似呢隻,一邊企一邊憂鬱咁望窗外風景嘅喵星人,格外有情調。呢隻住喺京都嘅喵星人最近呢幾張相喺Twitter好多人RT,有眼利網民仲發現佢就係之前摷櫃筒喺網上爆紅嗰隻喵,入嚟有回帶,原來佢真係好鍾意企起身。睇完想探佢其實唔難,原來佢而家住喺京都嘅一間貓cafe「Cat Apartment Coffee」,去開京都記住探吓佢喇! 相關資訊日本喵星人「下巴貼地」睡姿熱傳 一人一張分享圖 (Jul 15, 2018) 【有片】日本人氣喵星人 「握手會」反應超熱烈 (Jul 13, 2018)

Read more ›
【喵星人反恐】Twitter一人一張貓相 反恐網民混淆視聽
by / on 24/11/2015 at 7:16 am

【喵星人反恐】Twitter一人一張貓相 反恐網民混淆視聽

比利時布魯塞爾依然維持最高級別恐襲警戒,不過而家上Twitter搜尋#BrusselsLockdown嘅時候,就會發現大量喵星人嘅相,原來當地國防部長Steven Vandeput最近喺Twitter留言,呼籲民眾唔好喺社交網站張貼同警方動態有關嘅內容,以免洩露風聲,咁網民都好合作,仲一呼百應齊齊貼喵星人嘅相混淆思聽,啲相有喵星人拎槍、戴頭盔、包頭巾、戴面具等,配合埋「你已經曝光喇」等搞笑caption,將緊張氣氛稍為緩和。 相關資訊【新片速報】日本街貓完全唔怕人 直行直撞超嗲Twitter熱傳 (Jul 19, 2018) 日本小妹妹天才發明 消暑西瓜特飲Twitter熱傳 (Jul 19, 2018)

Read more ›
【勁樣衰】有片 喵星人fing頭超慢鏡 寫真集高清特寫
by / on 23/11/2015 at 7:15 am

【勁樣衰】有片 喵星人fing頭超慢鏡 寫真集高清特寫

  作為貓奴,呢本寫真集要買,就算唔買,都要睇吓條宣傳短片,好好笑!名為《Shake Cats》(《ぶるにゃん》),由女攝影師Carli Davidson操刀,特寫咗大量喵星人嘅fing頭相,將佢哋最忘形、最盡情、最樣衰嘅一面高清重現,嫌睇相唔夠喉可以睇埋高清慢動作影片,真係睇一次笑一次架。11月24日發行,日本amazon有得買,售價16000円,同日仲有本fing頭狗寫真《ぶるわん》,一樣忘晒影。 相關資訊日本阿媽試玩「全景相」 喵星人慘變超長貓巴士 (Jul 6, 2018) 【相集】喵星人變電影海報主角 怪獸喵亂入超正 (Jul 6, 2018)

Read more ›
【喵星人襲地球】20種另類喵星人 野生貓種大公開
by / on 23/11/2015 at 7:10 am

【喵星人襲地球】20種另類喵星人 野生貓種大公開

一講起喵星人,自不然諗起唐貓、英短、摺耳呢啲品種,外國網就搜羅咗20款其他種類嘅野生貓,大部份都聞所未聞,最常見應該係藝人周慧敏都有養嘅豹貓,其餘沙漠貓(Sand Cat)同黑足貓(Black-footed Cat)都好得意,仲有個樣惡得嚟又奇特嘅獰貓(Caracal)、蠢蠢哋嘅漁貓(Fishing Cat),入嚟仲有維基解說,大開眼界。 相關資訊【有片】日本喵星人瞓覺圖 超型睡姿似「浮世繪」 (Jul 2, 2018) 【新片速報】日本喵星人玩iPad 自創新玩法超搞笑 (Jul 1, 2018)

Read more ›
【有片】喵星人闖入G20國際會議 台上亂走突破防線
by / on 18/11/2015 at 7:14 am

【有片】喵星人闖入G20國際會議 台上亂走突破防線

G20係一個好重要而且嚴肅嘅國際會議,偏偏今次出現咗3隻喵星人,仲走咗上台玩!早兩日喺土耳其舉行嘅G20,美國總統奧巴馬、俄羅斯總統普京、英國首相卡麥隆都有出席, 有影片拍到喺開場前有一隻大貓喺布簾後施施然走出嚟,之後又有兩隻小喵喺台上走嚟走去玩,場面好搞笑。場外都一樣喵蹤處處,有人影到開場前班保安喺門口等緊大人物出場時,突然間又有隻喵星人好囂張咁行過,所以都話喵星人有性格,咩大場面未見過呀!喵! 相關資訊【有片】高速公路救貓仔 沖涼梳毛變靚樣 (Jul 15, 2018) 煩膠日本貓 強項降低貓奴工作效率 (Jul 11, 2018)

Read more ›

【新片報報】喵星人超正聖誕廣告 闖禍燒屋800萬點擊熱爆
by / on 17/11/2015 at 7:13 am

【新片報報】喵星人超正聖誕廣告 闖禍燒屋800萬點擊熱爆

越嚟越多廣告搵喵星人做主角,今次呢個好勁,影片4日已經過咗800萬點擊,片中嘅主角係英國家傳戶曉嘅喵星人Mog,搵咗名作家Judith Kerr改編,講Mog喺平安夜發噩夢,闖禍破壞聖誕樹,仲連間屋都燒燶埋,特技做得好精彩,最後帶出聖誕節係一個「分享」嘅節日,即係叫大家去多啲消費囉。廣告主係英國第二大超市Sainsbury’s,佢哋仲特別出咗本插畫喺超市入面賣,收益會捐去Save the Children幫助小朋友,做慈善做全套。 相關資訊【有片】日本貓有前科 一手打低航拍機 (Jul 11, 2018) 啲蕉好好瞓 日本看板貓爽過人 (Jul 10, 2018)

Read more ›
有片:喵星人嚇到彈開幾呎!究竟驚青瓜啲乜?
by / on 16/11/2015 at 8:15 pm

有片:喵星人嚇到彈開幾呎!究竟驚青瓜啲乜?

拿,唔好笑我,我唔係貓奴,唔熟貓事,所以睇完呢條《Cats VS Cucumbers》,我認真地上網查資料,但搵嚟搵去都搵唔到貓驚青瓜嘅資料。照計青瓜形狀唔恐怖,又唔會郁,又唔曉發聲,顏色又無乜點,因乜解究喵星人一見到就彈開幾呎呢?仲要係好驚好驚嗰隻彈起,彈到撞埋牆撞中門都在所不惜。虛心求問,有無人知道答案呢? 相關資訊搬新屋有驚喜 前主人送隻貓做禮物 (Jul 10, 2018) 【新片速報】波蘭教授訪問時被貓襲擊 搞笑反應Twitter熱傳 (Jul 10, 2018)

Read more ›
【手短不是罪】日本喵星人輸在起跑線  Twitter熱傳欺凌圖
by / on 11/11/2015 at 7:19 am

【手短不是罪】日本喵星人輸在起跑線 Twitter熱傳欺凌圖

隻手生得短唔係罪,不過就會俾人笑。好似呢隻日本白喵,同屋企隻豹紋貓玩鬥抓,人哋一手拍落佢個頭度,當佢想還擊時就發現自己隻手太短,只可以凌空拍空氣,好陰功豬呀!呢3張連環圖放上twitter後好快有過萬個RT,入去佢嘅Twitter仲見到有下集,兩個都玩到反晒肚,好可愛。入面仲有好多呢兩隻喵星人嘅生活照,其實佢哋平時好friend,經常互相舔毛,白喵嘅額頭中間仲有撮深色咗嘅毛,令佢睇落懵懵哋好搞笑。 相關資訊日本小妹妹IG熱傳 超濃密頭髮大爆發 (Jul 20, 2018) 日本熱到癲 太陽伯伯「變樣」網民大改圖 (Jul 20, 2018)

Read more ›
【冬天喵星人要新屋】超級粗冷織貓兜 貓狗合用暖笠笠
by / on 11/11/2015 at 7:11 am

【冬天喵星人要新屋】超級粗冷織貓兜 貓狗合用暖笠笠

噚日落吓雨又凍返少少,屋企隻喵星人有無貼住你瞓取暖?其實都係時候幫佢哋整返間屋過冬,網上見倒呢款用超級粗冷織成嘅貓兜,瞓上去應該暖笠笠好舒服,唔止喵星人,狗狗都啱瞓,有無高手識得自己織?如果懶又唔想自己整,都可以直接上Etsy網站店舖「Ohhio」買,港幣$644(未包運費),設計師Anna Mo之前都用過呢款超粗冷織過冷衫、頸箍、梳化墊,上網都有得買,不過睇落都係呢個貓兜最實用。如果隻喵星人肯瞓嘅話。 相關資訊【新片速報】日本超合作喵星人 指甲任剪Twitter熱傳 (Jul 1, 2018) 日本喵星人古怪睡姿 舉腳反白眼Twitter熱傳 (Jun 30, 2018)

Read more ›
喵星人睡姿10式 霸晒成個枕頭 踢貓奴落床
by / on 08/11/2015 at 11:44 am

喵星人睡姿10式 霸晒成個枕頭 踢貓奴落床

作為貓奴,有乜好得過隻喵星人晚晚跳上床同你瞓?不過都要睇佢爛唔爛瞓,睡姿過唔過份。外國網Catsass嘅貓插畫一向好抵死,最近就有呢個「與喵同眠」嘅特集,搵咗10款喵星人床上睡姿同大家研究吓,有霸晒成個枕頭、瞓上你個身、踢你落床、夾喺你同佢之間,搵唔搵到你屋企嗰隻嘅睡姿?BTW,佢嘅網站入面有好多幽默喵插畫,貓奴必睇。 相關資訊【新片速報】原來有兩隻貓 超治癒貓媽媽片Twitter熱傳 (Jul 7, 2018) 日本貓肉球keyboard粒粒 超可愛放F5狂撳 (Jul 4, 2018)

Read more ›

【救命呀喵】喵星人出醜時刻圖集 貓奴第一時間影相share
by / on 06/11/2015 at 7:16 am

【救命呀喵】喵星人出醜時刻圖集 貓奴第一時間影相share

喵星人經常出醜,通常因為佢哋唔知驚、玩得盡又曳,佢哋唔介意你點睇,出咗事亦唔會學精,下次一樣照樣亂玩,網上搜羅咗大量喵星人出醜相,全部都係一班貓奴出賣主人貼上網嘅,最常見係比嘢卡住個頭或身,亦有不自量力跳得太高嘅搞笑相,睇見佢哋出事,貓奴第一時間梗係影咗相放上網先啦,我諗班喵星人都慣晒。「喂,影完好救啲我嘞喵!」 相關資訊外國藝術家「超現實PS圖集」 真人配死物超詭異 (Jul 6, 2018) 世界盃16強美女球迷圖集 好唔捨得葡萄牙/阿根廷 (Jul 5, 2018)

Read more ›
【貓專用音樂 – 有試聽】40分鐘越聽越放鬆   首隻科學驗證貓CD
by / on 04/11/2015 at 7:13 am

【貓專用音樂 – 有試聽】40分鐘越聽越放鬆 首隻科學驗證貓CD

作為貓奴,有無試過播音樂甚至自己唱歌比喵星人聽?可惜人類聽嘅音樂同貓嘅頻率唔同,例如貓鐘意聽雀仔叫、喵媽咪嘅咕嚕咕嚕聲,所以呢位有20年演奏經驗嘅音樂人David Teie就製作咗呢隻專比貓聽嘅CD,聲稱係第一隻有科學實證可以充實貓咪生命嘅音樂,仲可以令佢哋放鬆啲。入面將貓最鐘意嘅聲音結合音樂,再以貓咪咕嚕嘅頻率混合而成,仲搵咗唔少明星貓做測試,而家喺Kickstarter集緊資,40分鐘完整版下載價美金$15,入面仲有demo試聽,測試過,屋企隻喵星人的確有反應,明顯溝通到,不過就好似無平靜到,貓奴快啲搵屋企隻喵星人試吓啦。 相關資訊日本貓奴插畫家 分析貓毛流向圖超專業 (Jul 12, 2018) 【特寫】貓奴「腳控」必睇 粉紅肉球超誘人 (Jul 1, 2018)

Read more ›
【感人】單眼喵星人「海盜」 被收養後成日咕嚕咕嚕
by / on 01/11/2015 at 3:50 pm

【感人】單眼喵星人「海盜」 被收養後成日咕嚕咕嚕

呢隻叫Pirat(Pirate海盜)嘅喵星人只得一隻眼,背後嘅故事好感人。當初佢係一隻又瘦又污糟而且受咗傷嘅貓,喺街流浪之後俾而家嘅主人發現咗再帶佢睇獸醫,醫生話佢隻眼受傷太深要做手術切除,經過幾日留院,佢哋先發現原來隻貓唔係灰色係白色,唔係兩個月大而係兩歲。最後手術成功,主人帶咗佢返屋企,仲幫佢改咗個好型嘅名叫Pirat(Pirate海盜)。主人話貓貓而家好開心,成日講嘢同咕嚕咕嚕,仲好鍾意跳上枕頭同佢哋一齊瞓,佢嘅Instagram有大量生活照。睇完咁溫馨嘅故事,大家以後見到有需要幫助嘅小動物,都記住要伸出援手。 相關資訊日本網民返屋企嚇親 喵星人破牆而出Twitter熱傳 (Jun 27, 2018) 【新片速報】日本喵星人超進擊 衝力撞「自動餵食器」自助出糧 (Jun 27, 2018)

Read more ›
待領養喵星人改髮型    全新造型食正萬聖節
by / on 30/10/2015 at 7:16 am

待領養喵星人改髮型 全新造型食正萬聖節

美國每年有340萬隻喵星人被送去動物收容所等收養,攝影師Ryen Blaschke好想為呢班喵星人做少少嘢,於是請埋佢嘅造型師好朋友Shaina Fishman一齊影咗呢輯相,希望多啲人留意倒呢班喵星人,快啲帶佢哋返屋企。相入面嘅喵星人全部嚟自動物收容所Brooklyn Animal Action,至於貓頭上嘅造型,例如假髮、帽或者裝飾品,全部都係位造型師設計晒,新造型慶祝萬聖節,好合理吖。 相關資訊日本宮崎市「超巨型刨冰」 勁過大岡髮型 (Jun 30, 2018) 京都喵星人失踪半年 大阪地震後返屋企尋親 (Jun 24, 2018)

Read more ›