Post Tagged with: "喵星人"

新片速報 迷你喵星人玩摔角 唔跟國際規例亂出爪
by / on 30/08/2015 at 2:08 pm

新片速報 迷你喵星人玩摔角 唔跟國際規例亂出爪

女子泥漿摔角好好睇,估唔到喵星人摔角都好精彩!兩位選手完全唔跟國際規例,亂咬亂出爪,仲打到出晒界撻咗出摔角台都照玩,好茅!最重要係兩位選手睇落都未成年,要吹雞終止賽事嘞! 相關資訊【相集】大量喵星人take嘢實錄 吸食貓草沉淪毒海 (Jun 19, 2018) 【相集】日本喵星人超強「躍動感」 行動迅速充滿喜感 (Jun 18, 2018)

Read more ›

最佳衣著喵星人 巨星百變造型配高傲眼神
by / on 29/08/2015 at 3:35 pm

最佳衣著喵星人 巨星百變造型配高傲眼神

如果貓界有最佳衣著大獎,呢隻喵星人BooBoo應該贏梗。體重18磅肥嘟嘟嘅佢,原來之前係流浪貓,好彩2005年比主人收養咗,之後就開始走上呢條明星不歸路。佢嘅衣著唔係一般換件衫嗰種,而係total look由頭到腳有太陽眼鏡、一大堆配件搭配,迷彩look、沙灘look、馬戲團look、西部牛仔look,就連監犯look都玩埋,好浮誇!但我欣賞佢保持到高傲嘅眼神,明星就是不一樣。 相關資訊【相集】日本怨念喵星人 被困1小時表情超不滿 (Jun 17, 2018) 【有片】玩具瘋狂郁 日本高傲的喵擔天望地唔得閒理 (Jun 15, 2018)

Read more ›
【高材喵】好學喵星人有學生證    日日上堂最鐘意Lunch
by / on 22/08/2015 at 11:37 am

【高材喵】好學喵星人有學生證 日日上堂最鐘意Lunch

喵星人天生懶散,絕對唔係讀書嘅材料,不過都有例外嘅。呢隻叫Bubba嘅喵星人性格好學,日日都會上堂返學,有時朝早課室門都未開就坐喺門口排隊。不過最令學生們羨慕嘅,係佢可以上上吓堂隨時瞓覺,覺得悶又可以隨時走出去吹吹風。而家佢有Leland High School嘅學生證,所有老師、同學都好鐘意佢,仲幫佢成立埋Facebook專頁。不過原來佢係有主人嘅,Amber Marienthal喺2009年收養咗佢,但發覺佢好鐘意去屋企附近嘅學校玩,仲經常玩到同學仔放晒學、課外活動完晒先返屋企。唔知佢最鐘意邊科呢?係咪Lunch? 相關資訊日本Sharp推出智能貓廁所 紀錄尿量/逗留時間 (Jun 15, 2018) 日本喵星人扮蝴蠂 呎吋極大一定發嬲 (Jun 15, 2018)

Read more ›
【點解要迫我做泥棒?】日本喵星人奇妙扭蛋    得意頭巾扮賊仔
by / on 21/08/2015 at 7:12 am

【點解要迫我做泥棒?】日本喵星人奇妙扭蛋 得意頭巾扮賊仔

日文「泥棒」,即係我哋講嘅賊仔,不過套用喺呢班咁可愛嘅喵星人身上,佢要偷乜都比佢啦。唔係賣寵物用品廣告,今次呢套喵星人頭巾「かわいい かわいい ねこ泥棒」,其實係專出玩具扭蛋嘅奇譚Kitan嘅新產品,一式5款9月底推出,抽完可以拎返去幫喵星人扮賊仔,如果佢肯嘅話,走開啦,喵。 相關資訊日本網上熱傳相片 未來世界其實係澳門景 (Jun 19, 2018) 日本女藝人P圖前後 超強對比Twitter熱傳 (Jun 19, 2018)

Read more ›
殭屍喵網上爆紅 兩隻殭屍爆牙露出超得意
by / on 18/08/2015 at 7:09 am

殭屍喵網上爆紅 兩隻殭屍爆牙露出超得意

喵星人喺網上好易走紅,尤其是擁有一啲與別不同特徵嘅,紅得更快。好似呢隻叫Loki嘅喵星人,兩隻哨牙爆晒出嚟好似殭屍咁,配埋圓碌碌嘅臉同埋扮晒惡嘅眼神,唔恐怖之餘仲超得意,難怪近日喺網上火速爆紅。主人話當初收養佢時都唔知佢係殭屍喵,仲話佢初頭好多病痛,好彩睇佢近來啲相個樣好精靈,應該無晒事嘞,唔通因為吸飽人血所以咁精神? 相關資訊日本貓頭套扭蛋 被迫扮「米奇老鼠」超無奈 (Jun 15, 2018) 日本扭蛋「貓貓舔毛」系列 反肚照舔超治癒 (Jun 14, 2018)

Read more ›
紙箱人變喵箱人 10款喵星人配貓耳賣萌
by / on 18/08/2015 at 7:07 am

紙箱人變喵箱人 10款喵星人配貓耳賣萌

紙箱人經常出特別版,百貨公司大丸版、「賀正」賀年版都忍得住手?咁呢幾款喵星人嘅紙箱人(ニャンボー)呢?作為貓奴應該會舉手投降。由「千值練」推出,一共有10個款式,除咗不同嘅貓花紋之外,每隻仲配埋雙好萌嘅貓耳,每隻高度60毫米,放喺電腦芒上面啱啱好,預計今年11月推出,每抽一次630円,希望香港可以有齊全套買啦。 相關資訊【有片】宇宙最幸福貓奴 超嗲喵星人又摸又舔 (Jun 14, 2018) 【有片】超可愛「紙箱人」揚聲器 左右一個自製環迴立體聲 (Jun 13, 2018)

Read more ›

【鐵漢柔情】軍人與喵真實相集 野外搵食好老友
by / on 16/08/2015 at 11:27 am

【鐵漢柔情】軍人與喵真實相集 野外搵食好老友

軍人嘅生活好難捱,平時嘅軍人上戰場殺敵,但係私底下呢班鐵漢都有柔情嘅一面,網上搜羅咗大量軍人同喵星人嘅生活片段,當喺野外地方見到喵星人時,佢哋會搵嘢食餵佢,比佢刷刷,一齊瞓覺,場面好溫馨。人哋話鐘意小動物嘅男人特別吸引,再加埋一身肌肉同埋笑到咁冧嘅表情,滿分啦! 相關資訊日本迷你喵星人亂瞓 攝入軟墊隙縫位超可愛 (Jun 12, 2018) 日本貓奴返屋企第一幕 喵星人試圖破欄而出 (Jun 11, 2018)

Read more ›
喵星人專用電腦 有Mouse有魚樂無窮
by / on 14/08/2015 at 7:16 am

喵星人專用電腦 有Mouse有魚樂無窮

喵星人好鍾意玩電腦,每當貓奴開著電腦嘅時候,喵星人就會施施然走埋嚟,一個唔該就瞓喺Keyboard上面,好彩嘅話電腦會變全屏幕,唔好彩嘅撳到個電源掣,拜拜咯。呢部專為喵星人而設嘅電腦好窩心,keyboard位係貓抓板,螢光幕可以睇魚樂無窮,仲有隻有線mouse老鼠插喺USB位,仲正過你部notebook,以後一人一部聽落好爽。唯一美中不足係部貓notebook無發熱功能,最後可能都係要同隻喵交換機用。 相關資訊【有片】沉厚聲線!日本網民發現「貓界大塚明夫」 (Jun 7, 2018) 日本貓被蜜蜂針下爬 瞬間變身「城之内」 (Jun 6, 2018)

Read more ›
【天生明星相】白鬍鬚喵星人 網上大熱似演員劉家輝
by / on 12/08/2015 at 7:05 am

【天生明星相】白鬍鬚喵星人 網上大熱似演員劉家輝

呢隻有白鬍鬚嘅喵星人Hamilton The Hipster Cat 呢兩日喺外國網好紅,其實佢唔係初出道,不過好多人可能未見過佢。佢除咗有兩條白鬍鬚外,兩條白眉毛都好搶眼。有網友就搵佢張相嚟改圖變成警長,有人話佢似80年代荷李活演員Tom Sellick,外國網友甚至話佢似香港藝人劉家輝演過嘅白眉!咁有明星相嘅佢,其實真身並無白眉毛,係後期比網友P上去嘅,不過兩條白鬍鬚就如假包換,入嚟仲有佢嘅IG戶口,可以睇埋佢表演萌技,好得意。 相關資訊【新片速報】日本喵星人「黑色眼淚」 特別印記Twitter熱傳 (Jun 4, 2018) 【連環圖】日本喵星人超溫馨場面 主動攬住一齊瞓 (Jun 3, 2018)

Read more ›
30個喵星人紋身    女貓奴鐘意紋腳踝
by / on 06/08/2015 at 7:03 am

30個喵星人紋身 女貓奴鐘意紋腳踝

作為貓奴,身上面有返幾個喵星人嘅紋身都好合理,雖然我寧願放幾張喵相做手機wallpaper,起碼唔痛嘛。網上搜羅咗30張喵星人紋身,總括都係簡約線條圖案居多,紋嘅通常都係女性,紋嘅位置就集中喺耳背、頸背、腳踝,睇完有無想紋返個?我無,但係感覺到佢哋嘅奴性好重。 相關資訊【新片速報】日本喵星人玩「彈弓手」 彈出彈入肉球任摸 (Jun 2, 2018) 【非P圖】二足步行貓其實是錯覺 日本網上熱傳瘋狂改圖 (Jun 2, 2018)

Read more ›
【有片】鬥雞眼喵星人網上大熱 食得瞓得有人錫
by / on 04/08/2015 at 7:12 am

【有片】鬥雞眼喵星人網上大熱 食得瞓得有人錫

呢隻好可愛嘅鬥雞眼喵星人Ozzy最近好紅,黑白毛色,睇落好似Batman戴咗眼罩咁,最特別之處係佢嘅一對鬥雞眼,好傻氣。今年8歲嘅Ozzy並唔係天生鬥雞,因為仲係小貓嘅時候一次意外,由窗口跌咗落街受傷之後就變成鬥雞眼,雖然睇嘢嘅視點窄咗,生活有啲唔方便,不過主人無放棄佢,佢都無放棄自己,而家都係好開心咁食玩瞓,最重要係行得走得有主人錫,加油呀喵! 相關資訊【有片】虛擬玩貓!《貓咪收集VR》今日下載 日本網民好開心 (May 31, 2018) 日本喵星人女僕造型 單眼賣萌超可愛 (May 29, 2018)

Read more ›

喵星人與唱片舖    日本做喵真幸福
by / on 31/07/2015 at 7:15 am

喵星人與唱片舖 日本做喵真幸福

唱片舖買少見少,人人都用音樂串流,撳個掣即時聽,反而令人好懷念行唱片舖買CD嘅日子。呢幾日好多日本網友RT呢幾張相,除咗因為唱片舖,更主要係因為主角係喵星人,總共有4張圖,分享咗唔同喵星人喺唱片舖懶洋洋嘅得戚樣。睇班喵星人不問世事攤喺唱片套上面瞓覺嘅相,好寫意,仲帶有幾分文青feel,重點係:「喺日本做貓真幸福!」 相關資訊【真英雄】外國真人版蜘蛛俠 4年探訪近萬個病童 (Jun 1, 2018) 日本超為食喵星人斷正 偷食炸雞太大嚿吞唔落 (May 28, 2018)

Read more ›
蜘蛛俠惡搞喵星人 又趴又擒好煩膠
by / on 31/07/2015 at 7:07 am

蜘蛛俠惡搞喵星人 又趴又擒好煩膠

如果屋企有養寵物,又咁啱有好多玩具嘅話,好似呢位日本網友咁影吓相都幾好玩,仲好多人RT添。佢叫@xxhama2,屋企有貓有狗,睇相見佢應該仲好鍾意蜘蛛俠,因為佢成日拎隻蜘蛛俠嚟惡搞兩隻小動物。例如放粒狗零食喺蜘蛛俠隻手度引隻狗狗,或者迫蜘蛛俠趴喺喵星人個身度搞佢,將蜘蛛俠嘅潛能無限發揮。睇見喵星人個無奈樣,我諗佢好憎蜘蛛俠,好想講:「走開啦喵。」 相關資訊【新片速報】日本超曳喵星人 紙箱突圍而出嚇親人 (May 28, 2018) 【連環圖】日本喵星人瞓覺3式 先側睡後仰睡 (May 27, 2018)

Read more ›
喵星人超正插畫 無人喺屋企時做乜?
by / on 30/07/2015 at 7:16 am

喵星人超正插畫 無人喺屋企時做乜?

作為一個貓奴,應該會成日諗自己唔喺屋企時,隻喵星人究竟會做啲咩呢?瞓覺?玩紙巾?睇電視?周圍摷嘢食?外國插畫師Lingvistov好有諗頭,畫咗輯超得意插畫,喺佢幻想之中,喵星人會趁佢唔喺度嘅時候翻查佢嘅上網紀錄、收埋對襪喺盆栽底、嗌女朋友返屋企玩,全部都畫得好搞笑,推介!特別係最尾嗰張,貓奴應該好有共鳴。 相關資訊【成功上樓】小黑喵變大黑喵 被領養喵星人超幸福 (May 25, 2018) 日本喵星人影寫真 懷舊甫士超有少女味 (May 23, 2018)

Read more ›
喵星人大量出浴照     最愛瞓鋅盆好香豔
by / on 27/07/2015 at 7:08 am

喵星人大量出浴照 最愛瞓鋅盆好香豔

一直覺得喵星人唔鍾意沖涼,不過睇完呢輯相又有啲改觀。相中一班喵星人爭住出浴,個樣勁可愛,仲幾嘆。原來喵星人好鍾意玩浴缸同埋鋅盆。除咗喵,仲有狗狗、倉鼠、白兔、馬騮、大笨象,好香豔! 相關資訊日本真實版《龍貓》 喵星人瞓巨型毛公仔Twitter熱傳 (May 23, 2018) 日本大阪cafe三代貓 喵星人與貓頭鷹和睦共處 (May 22, 2018)

Read more ›