Post Tagged with: "外國"

外國神人高質「南瓜雕刻」  Wonder Woman真嘅一樣
by / on 14/10/2017 at 11:49 am

外國神人高質「南瓜雕刻」 Wonder Woman真嘅一樣

萬聖節就嚟到,南瓜又係時候出動嘞。外國呢位藝術家Alex Wer出名雕刻南瓜,佢嘅作品由Wonder Woman、Spider Man以至遊戲角色Mario到迪士尼卡通角色都有,全部作品都好高質,佢仲會接單幫人整,不過咁遠嘅我哋應該唔會訂嘞,但係入嚟可以欣賞吓佢嘅作品。 相關資訊【圖集】Wonder Woman低成本cosplay 膠紙加瑜伽墊50小時完成 (Nov 24, 2017) 【圖集】俄羅斯高質cosplayer 扮乜似乜超百變 (Oct 26, 2017)

Read more ›

【公關災難】外國Dove廣告涉種族歧視    官方道歉網民鬧爆
by / on 10/10/2017 at 7:39 am

【公關災難】外國Dove廣告涉種族歧視 官方道歉網民鬧爆

Dove沐浴露又引發公關災難。呢兩日喺外國Twitter好多人談論呢個新廣告。黑人女人除咗件T恤之後變白人,好多人話係種族歧視,Dove最終道歉兼將廣告落架。睇返之前Dove都試過有類似嘅廣告出街。不過留言都有正反兩面,有人睇完成段廣告片之後話其實只係想表達Dove適合唔同膚色嘅人用,如果將白人女人同黑人女人嘅出場次序調轉就唔會有今次嘅爭議,大家又點睇? 相關資訊日本網民自創食譜 「芝士湯豆腐」融晒喺口Twitter熱傳 (Dec 13, 2017) 日本網民分享四季風景 各有特色Twitter熱傳 (Dec 10, 2017)

Read more ›
【新片速報】外國貓奴自製紙箱迷宮 50個紙箱排陣超興奮
by / on 11/08/2017 at 7:07 am

【新片速報】外國貓奴自製紙箱迷宮 50個紙箱排陣超興奮

一個紙箱已經足以令喵星人好`興奮,而家仲要一次過50個,見到都爽死!外國有貓奴用50個紙箱砌成呢個迷宮陣,中間仲有門可以通過每個紙箱,睇片見兩隻喵星人玩得勁開心,不如開返個貓party招咪埋朋友啦。BTW,隻黑貓鐘意反傳統,最終都係喺啲紙箱上面行嚟行去,好古惑。 相關資訊狐狸仔扮喵星人 偷闖入屋瞓貓床被發現 (Dec 12, 2017) 【圖集】大量喵星人扮耶穌 專瞓聖誕場景超搞笑 (Dec 10, 2017)

Read more ›
【圖集】外國超高質女cosplayer 女巨人/FF角色cos乜似乜
by / on 29/06/2017 at 7:01 am

【圖集】外國超高質女cosplayer 女巨人/FF角色cos乜似乜

外國呢位女cosplayer Alyson Tabbitha好多人都識,佢本身唔單止靚女,每次cosplay嘅造型仲好高質,由服裝以至化妝,就好似變咗另一個人一樣。外國網站集合咗佢所有造型,由《進擊之巨人》嘅女巨人,以至《Final Fantasy XIII》嘅雷姐Lightning,就連扮《魔街理髮師》嘅Johnny Depp都難佢唔到,好勁。不過咁多角色之中,似乎佢對《Final Fantasy》系列情有獨鐘,好多集嘅女主角都有扮過,入嚟有合集回帶。 相關資訊【圖集】超強PS技術加創意 奇妙組合混淆視聽 (Dec 13, 2017) 新片速報 FF三揪三 《DISSIDIA FINAL FANTASY NT》下月PS4開戰 (Dec 6, 2017)

Read more ›
外國警隊Facebook專頁網民激讚 有動物睇幽默感爆棚
by / on 24/05/2017 at 7:44 am

外國警隊Facebook專頁網民激讚 有動物睇幽默感爆棚

外國警察一向有幽默感,最近網上好多人討論澳洲「新南威爾斯州」(NSW Police Force)警局嘅Facebook專頁。有網民放咗上Imgur討論,發現呢個Facebook專頁好有幽默感,仲好多動物睇。例如會影住隻狗仔喺警局入面,然後作啲對白出嚟,話佢要報案因為主人走失咗12秒。又例如影隻坐喺電腦枱前嘅狗狗,話佢hack入警局電腦搵緊好主人。除咗狗狗之外仲間中有貓客串,睇得出佢哋好有愛心。佢哋間中亦會講吓哲學性嘅道理,勸吓人唔好超速,又會影吓街頭嘅搞笑嘢,總之就同警察一向以嚟嘅形象好唔同,贏得好多網民讚賞。雖然成日有搞笑嘢,但係佢哋嘅FB都有尋人啟事、最新消息之類,並唔係只係玩嘅。 相關資訊【圖集】日本Twitter動物得意相比賽 超強參賽作品 (Dec 5, 2017) 「鱷魚先生」14歲囝囝最愛攝影 超靚動物相集回帶 (Dec 4, 2017)

Read more ›
外國女人焗Brownie太香   為食黑熊企圖硬闖入屋
by / on 11/05/2017 at 7:26 am

外國女人焗Brownie太香 為食黑熊企圖硬闖入屋

睇相的確幾好笑,不過現實應該好恐怖。最近美國小村莊Avon嘅一位女人喺屋企焗Brownie,可能太香,竟然吸引咗附近一隻黑熊想衝入屋。睇相見到隻黑熊企喺玻璃門前好想入去,突破唔到廚房門防線嘅佢,仲試埋其他玻璃門。屋企嘅女主人勁驚,嗌埋鄰居嚟幫手,最後更加要報警收場。不過警察嚟之前黑熊已經走咗,但係空手而回嘅佢究竟會唔會返嚟再試吓呢? 相關資訊黑熊坐姿勁嘆網上熱傳 日本網民:「真實版『鬆弛熊』!」 (Oct 7, 2017) 【靚喎】日本藝人「志尊淳」扮女人 眼大豐唇超可愛 (May 2, 2017)

Read more ›

【有愛】外國IKEA捐公仔床俾流浪貓 喵星人唔駛瞓地板
by / on 18/04/2017 at 7:49 am

【有愛】外國IKEA捐公仔床俾流浪貓 喵星人唔駛瞓地板

IKEA呢張本來俾公仔用嘅床,自從俾貓奴發現咗用嚟做貓床之後就大受歡迎。最近加拿大嘅IKEA仲將佢發揚光大,捐咗10張床仔比安大略嘅動物之家Etobicoke Humane Society,另外再加多美金$300。雖然唔係好大手筆,但就好有人情味而且好貼地嘞。以後班貓仔就唔駛再瞓喺凍冰冰嘅地板,如果快啲搵到人收養住新屋就更好嘞! 相關資訊日本超可愛「鮮果撻貓床」 迫迫哋啱晒喵星人 (Dec 11, 2017) 日本流浪喵星人出巡 扮大佬似晒馬Twitter熱傳 (Dec 8, 2017)

Read more ›
【天價】影相放上網收7萬蚊 外國旅遊達人天堂式生活
by / on 05/04/2017 at 7:11 am

【天價】影相放上網收7萬蚊 外國旅遊達人天堂式生活

每Post一張相有港幣7萬蚊,每日工作1小時,呢啲究竟係乜嘢生活?外國呢對俊男美女Jack Morris同Lauren Bullen擁有好多人夢寐以求嘅生活,佢哋上年喺Fiji認識,兩個都係網絡紅人,男嘅IG而家有200萬個followers,女嘅有120萬,好多品牌以至旅遊局都會搵佢哋影吓相share吓喺個人平台。佢哋話每日會喺日出時用一小時影相,每出一個post最多可以有9千蚊美金,即係超過7萬蚊港幣,低過美金3千蚊嘅job佢哋都唔會接。入嚟有佢哋嘅IG可以follow。不過建議唔好喺返工時間睇,睇完好可能會心情低落。 相關資訊【相集】超強IG攝影師過百萬followers 擅長影黑白靚相 (Nov 23, 2017) 呃like必試 俄羅斯私人飛機「影相」服務 (Oct 21, 2017)

Read more ›
外國攝影師「風中勁狗」相集 長毛吹拂超動感
by / on 31/01/2017 at 11:00 am

外國攝影師「風中勁狗」相集 長毛吹拂超動感

好鍾意睇「風中勁狗」相集,之前都分享過唔少日本狗狗喺強風中散步嘅圖,今次呢個再勁啲,由外國攝影師Illona Haus操刀,將一隻隻狗置身於風扇旁邊,用咗3年時間,拍攝咗呢輯叫「Blow」嘅相集。呢班狗狗全部無懼強風,啲長毛喺強風下飄揚,好有動感!原來呢個企劃最難係要搵把風力夠勁嘅風扇,同埋一班肯坐近風扇嘅狗狗,為咗吸引佢哋,拍攝主要喺夏天進行。入嚟有大量佢哋吹到古靈精怪嘅相,好好笑。 相關資訊日本熱傳超靚風景相 紅葉鯉魚池塘靚到似幅畫 (Dec 12, 2017) 【有片】超強攝影師LOGO相集 品牌LOGO變大自然靚景 (Nov 30, 2017)

Read more ›
【這些機會】外國美女去日本探男朋友    日本網民:「好唔甘心!」
by / on 21/12/2016 at 7:17 am

【這些機會】外國美女去日本探男朋友 日本網民:「好唔甘心!」

都話學識外語,貫通全球。最近有日本網民cap咗電視節目《youは何しに日本へ》嘅圖放上2ch,呢個節目專門訪問嚟日本嘅外國男女,今集有個美國靚女,話專程嚟日本搵佢嘅日本男朋友。由於佢男朋友唔算靚仔,戴眼鏡個樣仲老老實實,日本網民睇完就好葡萄嘞。有人留言話:「好唔甘心」、「係咪真架?我都要去美國」、「超級羨慕」、「真係嬲嬲哋」,有過來人就留言話:「要識個外國女朋友,首先要學好外語。」其實學外語嘅學校,應該用呢啲嚟做宣傳,報名數量相信會激增。 相關資訊【日本投選】你試過想出嘅必殺技!「龜波」每個動漫迷都試過? (Dec 13, 2017) 日本網民愛看旅遊節目 瘋狂截圖全因合法蘿莉 (Dec 12, 2017)

Read more ›
【實驗】攝影師用$1相機影靚相 技術比器材重要
by / on 23/10/2016 at 11:19 am

【實驗】攝影師用$1相機影靚相 技術比器材重要

係咪只有貴嘅相機同鏡頭,先可以影得出靚相?外國女攝影師Skyler Adams因為平時買太多器材,突然醒覺,決定回歸基本做個實驗,連續一個月用一部價值美金1蚊嘅Canon Sure Shot相機,再配Fujifilm Superia 400菲林,啲相出嚟嘅效果好靚,佢重讚部機有得手動設定ISO,令佢啲相更完美,而且用呢部平價機,反而仲令佢重拾對影相嘅熱情,入嚟有得睇佢嘅作品。睇完咁勵志嘅故事,有無阻止到你買相機器材嘅強烈慾望? 相關資訊【新片速報】影相靠天份+技術 真人實證「相機平貴」唔重要 (Jun 14, 2017) 【有片】攝影師自製超巨型相機cosplay 真係影得識閃光 (Nov 2, 2016)

Read more ›

如果Tim Burton畫超級英雄 超強插畫暗黑魅力
by / on 22/09/2016 at 7:15 am

如果Tim Burton畫超級英雄 超強插畫暗黑魅力

想睇到Tim Burton拍攝超級英雄嘅動畫,應該機會微乎其微。不過幻想吓都得嘅,外國插畫家Andrew Tarusov之前都設計過Tim Burton風格嘅迪士尼海報,最近就有超級英雄嘅新系列,Iron Man、蝙蝠俠、蜘蛛俠、美國隊長,全部都好正,滿足晒掛住Tim Burton嘅一班fans,入嚟有得回帶睇返迪士尼系列,都正。 相關資訊Ironman改裝新作 今次變身「大空魔竜」 (Dec 7, 2017) 【有片】日本DC動畫 《Batman Ninja》蝙蝠俠變武士 (Dec 2, 2017)

Read more ›
【新片速報】最憎自拍神棍 外國YouTuber拍片怒剪遊客神棍
by / on 06/09/2016 at 7:12 am

【新片速報】最憎自拍神棍 外國YouTuber拍片怒剪遊客神棍

出街成日見人揸住支自拍神棍,有時係幾炆嘅,不過好似呢個YouTuber Buddy Bolton咁,快閃狂奔去剪爛人哋嘅自拍神棍,行為又似乎激咗啲。佢哋話好唔滿意紐約市經常有遊客拎自拍神棍出嚟影相阻街,於是做咗呢個行動,見人拎自拍神棍出嚟影相,就馬上衝出去一把較剪剪爆人哋支自拍神棍,被剪嘅人錯愕完之後十居其九會衝上去追打佢。喂,支自拍神棍剪斷事小,部手機跌爆芒事大,憎還憎,千祈唔好亂試。 相關資訊「Selfie係我哋發明嘅!」 Paris Hilton狂言引發網民出圖回應 (Nov 28, 2017) 有片:日本YouTuber大整蠱 飯檯標出大隻佬嚇祖母 (Nov 22, 2017)

Read more ›
【有片】外國Bra公司男職員身懷E-Cup 實測有幾辛苦
by / on 27/08/2016 at 12:55 pm

【有片】外國Bra公司男職員身懷E-Cup 實測有幾辛苦

身懷巨乳有幾辛苦?男人或者大部份女人都唔明白,不過外國呢間專造Bra嘅公司PrimaDonna,佢哋嘅CEO就諗到方法令自己嘅男職員親身體驗吓。佢哋製作咗一個模擬E Cup女士胸部重量嘅裝置,每邊重1至1.5公斤,再叫職員著住佢過日常生活。原來唔止背部會痛,身上又會留低紅印,一啲都唔容易。目的係令班男士明白好嘅bra必須要有好嘅承托力。當然,呢班男員工都不忘搞吓事,例如帶埋個假胸去影印‥‥‥ 相關資訊【新片速報】日本整蠱節目熱傳 傾緊電話途人遞咩都會拎? (Dec 7, 2017) 變態紳士專用 日本男士Bra眼罩勇氣考驗 (Oct 28, 2017)

Read more ›
【鯉魚王回帶】外國Pokémon cosplay日本Twitter熱傳 身形fit爆投入角色
by / on 31/07/2016 at 7:14 am

【鯉魚王回帶】外國Pokémon cosplay日本Twitter熱傳 身形fit爆投入角色

本身喺Twitter出呢個post嘅,都係一個日本靚女cosplayer(入嚟有相睇)。佢最近唔知係咪捉得小精靈多,所以分享咗一輯相,話係第一次見到呢輯外國Pokemon嘅cosplay照,令佢覺得好大衝擊,仲形容對方係謎之性感。其實呢位「コイキング」鯉魚王Coser叫「sev cosplay」,喺上年已經影咗呢輯爆肌相,唔知佢o依家進化咗做「ギャラドス」鯉魚龍未? 相關資訊創意王 《FGO》「山の翁」Cosplay 用盡全身扮個頭 (Dec 13, 2017) 【有片】比卡超玩Hip Hop 《Ultra Sun/Ultra Moon》Battle聽咗啲咩? (Dec 12, 2017)

Read more ›