Post Tagged with: "外國"

【有片】外國Twitter大熱「爬牆浣熊」 死裡逃生網民狂改圖
by / on 16/06/2018 at 4:11 pm

【有片】外國Twitter大熱「爬牆浣熊」 死裡逃生網民狂改圖

最近幾日外國Twitter最熱門話題一定係呢隻浣熊,去Twitter搵#MPRRaccoon就會搵到大量內容。話說佢俾人發現爬咗上美國St.Paul嘅UBS Tower,停咗喺13樓似乎唔知點算好,估計佢係由地下開始爬起。有人報導之後大家都放低手頭工作睇實佢,網民好擔心佢會攰得濟唔夠力抓唔住跌落街,消防員嘗試救佢,不過個玻璃窗又打唔開,唯有靠隻浣熊自己爬上頂。連《Guardians of the Galazy》嘅導演James Gunn都忍唔任喺Twitter話願意捐1千蚊美金俾非慈善團體救返隻浣熊落嚟。隻浣熊爬到攰攰哋忍唔住喺窗台瞓咗陣,入夜之後先係戲肉,隻浣熊向上爬吓又向返下爬,似乎進退兩難,網民就唔瞓都要睇住佢嘅安危,好彩最終喺凌晨3點佢終於爬咗上頂安全落地!不過件事仲未完,大量二次創作喺網上流傳,例如將佢key咗落巨石強森套新片度,又推出Tee,仲有專屬嘅fans page,似乎隻浣熊仲會有排紅。入嚟有回帶可以睇返呢個驚險歷程。 相關資訊日本女藝人P圖前後 超強對比Twitter熱傳 (Jun 19, 2018) 日本透明可樂新素材 網民狂key圖任玩 (Jun 17, 2018)

Read more ›

床下底發現貓媽媽產子        外國導演突然成為貓爸爸
by / on 01/06/2018 at 7:38 am

床下底發現貓媽媽產子 外國導演突然成為貓爸爸

如果有一日你返上樓拎返件褸,點知發現床下底有隻貓媽媽啱啱生咗幾隻細貓,你會點?住喺英國嘅Paris Zarcilla就遇到呢個情況,本身係導演加編劇嘅佢,影咗相放上Twitter,之後超多人RT,最後佢取消晒當日行程,接受自己最新嘅「Cat Dad」身份。期間佢不斷出新圖,將自己嘅心路歷程講出嚟,本身係編劇嘅佢寫嘢又幽默又真誠,將初為人父嘅心路歷程表達晒出嚟,好好睇,加上又有片有相,所以吸引好多人留言。最新情況係有人提議佢要帶隻貓媽媽去做檢驗,又有人話可能隻貓係鄰居嘅,佢就話好唔捨得交返啲貓出嚟,不過都會接受命運嘅安排,睇佢嘅post可以感受到佢已經完完全全成為咗一個貓奴,阿門。入嚟有回帶。 相關資訊【生活智慧】日本網民新發現 錫紙剝皮超實用 (May 14, 2018) 日本發現真實版「蜘蛛伯伯」 可愛笑臉似真人Twitter熱傳 (May 3, 2018)

Read more ›
成功混入畢業禮       外國肥仔扮畢業生行禮
by / on 26/05/2018 at 1:27 pm

成功混入畢業禮 外國肥仔扮畢業生行禮

邊個話要讀完大學先可以行畢業禮?外國呢位肥仔Jaron Myers就成功混入畢業禮扮畢業生!佢用38蚊美金買咗件畢業袍同頂畢業帽,仲用Photoshop整咗張學生證,之後就殺入畢業典禮,仲成功上埋台、拎埋證書、握埋手同影埋相!其實佢4年前已經輟學,今次純粹貪玩,網民嘅反應就好兩極化,有人讚佢係天才,有人話佢唔尊重其他畢業嘅人,不過佢本人就留言反擊,話唔係大學畢業唔等於個人唔勤力或者唔會貢獻社會,入嚟有回帶。 相關資訊【新片速報】航拍機差少少跌落水 機主喪游成功救回 (Jun 13, 2018) 【有片】日本劍生產過程 燒紅一刻放入水Twitter熱傳 (May 27, 2018)

Read more ›
【畢業留念】外國學生畢業創舉     撞爛校長大廈門口
by / on 19/05/2018 at 12:28 pm

【畢業留念】外國學生畢業創舉 撞爛校長大廈門口

又到畢業嘅季節,外國嘅學生好興喺畢業時做啲創舉,搞吓事留個念。美國學校Cumberland High School嘅學生就索性將架車撞入校長室門口,仲撞穿咗個大窿。不過一切當然係假嘅,個黑洞其實係用黑色膠紙貼出嚟,至於架車就係一架舊車拆出嚟嘅,效果真嘅一樣!連警察都讚佢哋有創意,話係呢間學校有史最嚟其中一次最好嘅Senior Pranks! 相關資訊【有片】美國加州理工畢業禮 學生帶「矢澤にこ」攬枕上台 (Jun 14, 2018) 調轉的藝術 日本學生美術作品Twitter熱傳 (Feb 10, 2018)

Read more ›
【相集】外國媽咪自製可愛食物 超強創意講求健康
by / on 23/04/2018 at 7:54 am

【相集】外國媽咪自製可愛食物 超強創意講求健康

有個識整嘢食嘅媽咪真係好幸福,外國呢位媽咪Laleh Mohmedi更加係高手之中嘅高手,整乜似乜,而且食材超多樣化,作品包括海棉寶寶、Minion、白雪公主、功夫熊貓、怪獸公司嘅毛毛等等,全部都難佢唔到,而且食材配搭仲好豐富,佢標榜全部都係健康食材好有益,入去佢IG有多啲食品睇。 相關資訊【相集】日本喵星人超強「躍動感」 行動迅速充滿喜感 (Jun 18, 2018) 【有片】超可愛「紙箱人」揚聲器 左右一個自製環迴立體聲 (Jun 13, 2018)

Read more ›
【命中註定】外國小童天生兔唇及雙色瞳   被收養流浪貓竟然一樣
by / on 29/03/2018 at 7:15 am

【命中註定】外國小童天生兔唇及雙色瞳 被收養流浪貓竟然一樣

有啲嘢真係命中註定嘅,呢位住喺美國嘅7歲小朋友Madden天生有兔唇同埋雙色瞳,因為咁而經常受到同學排擠,不過最近佢終於唔再孤獨,因為佢哋收養咗一隻貓,而呢隻貓同Madden一樣有兔唇同埋雙色瞳,雙眼嘅顏色仲要一樣,好神奇!Madden媽媽最近喺群組見到有人發現呢隻被遺棄嘅喵,毫不猶豫就決定收養佢,而家小主人同隻喵好好朋友,網民都留言鼓勵佢哋,入嚟有多啲資料可以睇。 相關資訊【新片速報】流浪貓大大啖咬人 調解員出動補鑊 (Apr 25, 2018) 日本流浪貓好聰明 書店關門後入內取暖 (Jan 21, 2018)

Read more ›

【相集】外國大隻cosplayer轉風格 cos美少女戰士fans離棄
by / on 21/03/2018 at 7:07 am

【相集】外國大隻cosplayer轉風格 cos美少女戰士fans離棄

  法國呢位cosplayer Leo Bane大大隻,一睇就知玩開健身。佢cos過嘅角色都係啲大隻仔角色,例如God of War嘅戰神、LOL嘅Udyr、戰狼300、街霸等等,不過最近佢好大膽,竟然轉風格cosplay美少女戰士,仲因為咁而流失咗大量fans。睇返佢輯相,唔只撐爆咗美少女戰士件衫,啲表情仲超摟打,但係我鍾意。入嚟有多啲相睇。 相關資訊【有片】唱得太差?乃木坂46《美少女戰士》舞台劇 山下美月魔音級數 (Jun 9, 2018) 【圖集】《復仇者聯盟3》角色動畫化 超似彼思動畫風格 (May 4, 2018)

Read more ›
比錢女兒新玩法 外國爹哋屋企角落暗藏現金
by / on 03/02/2018 at 4:04 pm

比錢女兒新玩法 外國爹哋屋企角落暗藏現金

外國呢位爹哋好有心思,唔單止成日俾錢個女駛,仲會每次都收埋喺唔同位置,等佢自己尋寶!尋到之後就會再收埋喺下一個地方,作為一個親子活動,實在好有心思同愛呀!呀囡仲放咗佢同爹哋喺手機上嘅對話上網分享,睇到都覺得超sweet。快啲分享去屋企人個whatsapp group啦。 相關資訊日本貓奴返屋企第一幕 喵星人試圖破欄而出 (Jun 11, 2018) 【有片】木村拓哉15歲囡囡曝光 超強基因登日版《ELLE》封面 (May 28, 2018)

Read more ›
【圖集】外國雪景超震憾 北美/東歐凍到震雪景巡禮
by / on 04/01/2018 at 7:14 am

【圖集】外國雪景超震憾 北美/東歐凍到震雪景巡禮

落雪好浪漫,唔單止日本,北美州以至東歐好多地方最近都落咗大雪,網上搜羅咗大量雪景相,地點包括美國嘅波士頓、紐約以至加拿大、東歐,除咗啲人成滿鬚都係雪之外,高塔、雕像、單車、噴水池全部都係雪好壯觀,加拿大甚至凍到連屋企嘅玻璃窗都爆裂,入嚟有得睇,不過依然有超多好靚嘅景色,都係留喺屋企睇相,睇咗當去咗好嘞。 相關資訊超靚「銀山溫泉」雪景圖 日本Twitter熱傳 (Jan 15, 2018) 日本「銀山溫泉」超靚雪景 人生必到Twitter熱傳 (Jan 4, 2018)

Read more ›
【圖集】爸爸畫作再出動 機械人改圖變神作(4)
by / on 27/12/2017 at 7:45 am

【圖集】爸爸畫作再出動 機械人改圖變神作(4)

又係呢個非常爸爸,住喺日本嘅外國插畫家Thomas Romain最鍾意幫仔仔嘅畫作加工,無見幾個月,佢一啲都無鬆懈,繼續同仔仔創作咗大量新插畫。除咗平時成日見嘅巨型機械人之外,最近仲多咗小丑、國王之類嘅邪惡角色,全部都好正,入嚟有得睇。BTW仔仔嘅畫功真係越嚟越好呀! 相關資訊有片:日本工程師係高達迷 自製8.5米高機械人曉行曉開槍 (Jun 7, 2018) 貓界「巨石強森」 網上熱傳 龐大體形網民狂改圖 (Jun 2, 2018)

Read more ›
【圖集】冰天雪地鹿仔相 超應節聖誕啱睇
by / on 24/12/2017 at 1:56 pm

【圖集】冰天雪地鹿仔相 超應節聖誕啱睇

一直覺得鹿仔好得意,除咗日本奈良有大量鹿仔,蘇格蘭都有好多。專影野生動物嘅外國攝影師John Betts呢輯雪地鹿仔相好高質,啱晒聖誕節。除咗鹿仔,佢仲有影大量動物,入去佢嘅IG有得慢慢睇。 相關資訊【相集】日本攝影師「青蛙」寫真 口擘擘超可愛 (Jun 2, 2018) 【圖集】日本超靚風景相似海報 網民出手改圖 (May 27, 2018)

Read more ›

超富貴LV版星戰角色 開價過萬大量作品售罄
by / on 22/12/2017 at 7:55 am

超富貴LV版星戰角色 開價過萬大量作品售罄

外國藝術家Gabriel Dishaw之前都介紹過,佢擅長整星戰主題嘅藝術品,今次呢個LV系列好正,主要用LV嘅行李包,再埋加電腦同埋機器嘅棄置零件、電線之類,重新組合成為星戰嘅角色,有齊白兵、黑武士、C3PO,全部都好精緻,配埋LV皮仲好富貴!佢嘅星戰LV作品喺網站有得賣,每個價錢大約美金$1500至$4000不等,不過大部份已經售罄。入去佢嘅網站有得睇晒全部作品,除咗LV系列仲有其他星戰作品,全部都好正。 相關資訊日本神級「樹脂黏土家」 超迷你作品2mm熊貓! (Jun 2, 2018) 《Dark Souls》超正角色設計 怪物精細設計睇到心寒 (May 29, 2018)

Read more ›
外國網民發現可愛鄰居      海牛郵箱間中「變裝」
by / on 21/12/2017 at 7:15 am

外國網民發現可愛鄰居 海牛郵箱間中「變裝」

屋企隔籬住咗個可愛嘅鄰居,生活都開心啲。外國有網民放咗幾張相上Twitter後好多人RT,佢嘅鄰居用緊一個巨型嘅海牛郵箱,本身已經好可愛,更可愛嘅係鄰居不時會同呢隻海牛變裝,有時著雨褸,有時扮聖誕老人,令佢每次經過都有期待,有驚喜。好多人留言叫樓主去讚吓鄰居,有人話自己屋企附近都有鄰似嘅創意鄰居,講真係幾開心嘅。 相關資訊日本網民自創摺紙新玩法 雕空變骨架Twitter大熱 (Jun 17, 2018) 日本網民推介銀座餐廳 超正星空佈置Twitter熱傳 (Jun 16, 2018)

Read more ›
外國神人高質「南瓜雕刻」  Wonder Woman真嘅一樣
by / on 14/10/2017 at 11:49 am

外國神人高質「南瓜雕刻」 Wonder Woman真嘅一樣

萬聖節就嚟到,南瓜又係時候出動嘞。外國呢位藝術家Alex Wer出名雕刻南瓜,佢嘅作品由Wonder Woman、Spider Man以至遊戲角色Mario到迪士尼卡通角色都有,全部作品都好高質,佢仲會接單幫人整,不過咁遠嘅我哋應該唔會訂嘞,但係入嚟可以欣賞吓佢嘅作品。 相關資訊日本網民自製《星之卡比》麵包 擘大口超搞笑Twitter熱傳 (Apr 21, 2018) 【有片】大阪ストフェス高質cosplayer合集 安倍晉三學揸槍 (Mar 19, 2018)

Read more ›
【公關災難】外國Dove廣告涉種族歧視    官方道歉網民鬧爆
by / on 10/10/2017 at 7:39 am

【公關災難】外國Dove廣告涉種族歧視 官方道歉網民鬧爆

Dove沐浴露又引發公關災難。呢兩日喺外國Twitter好多人談論呢個新廣告。黑人女人除咗件T恤之後變白人,好多人話係種族歧視,Dove最終道歉兼將廣告落架。睇返之前Dove都試過有類似嘅廣告出街。不過留言都有正反兩面,有人睇完成段廣告片之後話其實只係想表達Dove適合唔同膚色嘅人用,如果將白人女人同黑人女人嘅出場次序調轉就唔會有今次嘅爭議,大家又點睇? 相關資訊Sony E3演奏樂器涉嫌歧視 網民鬧爆原來跟車太貼 (Jun 19, 2018) 日本超正錯覺圖集 網民Twitter熱傳搵公仔試玩 (Jun 9, 2018)

Read more ›