Post Tagged with: "多啦A夢"

【有片】星野源唱《多啦A夢》主題曲 新劇場版3月上
by / on 16/01/2018 at 12:00 pm

【有片】星野源唱《多啦A夢》主題曲 新劇場版3月上

日本嚟緊3月3日就會有《多啦A夢》嘅長編劇場版第38作《映画ドラえもん のび太の宝島》上映,啱啱有新預告片睇,而且仲有《逃避雖可恥但有用》而爆紅嘅星野源唱主題曲,另外首挿入歌〈ここにいないあなたへ〉都係佢嘅。 相關資訊技安到底有幾高?小學生181cm 阿媽過兩米 (Jan 3, 2017) 日本真人《多啦A夢》舞台劇 樋口日奈演「靜香」 (Dec 28, 2016)

Read more ›

【新片速報】日本女藝人扮多啦A夢 超神似贏走1千萬円獎金
by / on 12/12/2017 at 7:31 am

【新片速報】日本女藝人扮多啦A夢 超神似贏走1千萬円獎金

cosplay見得多,不過cosplay多啦A夢真係比較少見。最近女藝人ゆりやんレトリィバァ喺日本節目「女藝人No.1決定戰」入面cosplay多啦A夢最終獲高票數完勝。佢唔只身形肥肥哋似多啦A夢,講嘢嘅語氣同埋純真嘅表情都表達到恰到好處,網民都讚佢神似。最終佢贏走咗1千萬円獎金,仲感動到喊,入嚟有片睇。 相關資訊日本玩具攝影師新作 星際勇者救藪貓連環圖 (Feb 17, 2018) 日本爛賭新人「結婚蛋糕」 巨型牌局坐低即開枱 (Feb 17, 2018)

Read more ›
【季節性表演】落葉掃畫第一擊係「多啦美」 日本藤子・F・不二雄博物館
by / on 14/11/2017 at 9:11 pm

【季節性表演】落葉掃畫第一擊係「多啦美」 日本藤子・F・不二雄博物館

近呢兩次,喺日本川崎市「藤子・F・不二雄ミュージアム」入面,啲職員秋季都會有啲表演,就係將啲落葉掃出圖案,之前見過「多啦A夢」、「Q太郎」、「神奇小子」佢哋,今年第一擊就係「多啦美」啦! 相關資訊【圖集】秋天落葉變超靚圖案 大學職員自發性美化校園 (Dec 13, 2017) 【被上帝遺棄的聲音】多啦A夢走音王 Medicom新figure值得儲 (Oct 28, 2016)

Read more ›
【有片】鐵漢柔情 日本暴走族飛車 扭油奏出《多啦A夢》主題曲
by / on 29/09/2017 at 11:04 am

【有片】鐵漢柔情 日本暴走族飛車 扭油奏出《多啦A夢》主題曲

呢呢門手藝真係唔簡單嘅,喺Twitter見到有呢段片,片中暴走族一邊行車一邊扭油,用排氣喉奏出《多啦A夢》主題曲。不過呢首唔係香港我哋成日聽到嗰啲,而係1979年喺日本用咗兩年左右嘅〈ぼくドラえもん〉,入嚟有原曲拼一拼。 相關資訊【有片】日本網民自製《多啦A夢》動漫畫 公文袋變漫畫框 (Sep 7, 2016) 【出浴圖集】最新《多啦A夢》自我審查?「靜香」著水著沖涼 (Sep 2, 2016)

Read more ›
【有圖有片】多啦A夢今日生日 網民賀-95歲
by / on 03/09/2017 at 5:00 pm

【有圖有片】多啦A夢今日生日 網民賀-95歲

係,係-95歲,因為多啦A夢雖然係9月3日生日,但佢係2112年出生嘅……今日佢生日,喺日本Twitter好多網民出圖出片賀一賀,其實好多人都係同佢一齊長大,咁長壽咁經典嘅動漫角色有幾多個? 相關資訊Family Mart出肉包 《多啦A夢》「技蘭」登場 (Aug 18, 2016) 【有片】真人版《多啦A夢》再臨 技蘭亂入大雄小夫Rap Battle (Jul 15, 2016)

Read more ›
【新片速報】胖虎唱歌變靚聲王 台下同學感動到喊
by / on 08/08/2017 at 7:32 am

【新片速報】胖虎唱歌變靚聲王 台下同學感動到喊

聽胖虎唱歌本身就係一種折磨,絕對係「被撒旦吻過的聲音」嘅級數。不過日本有網民就分享咗呢段另類影片,片中嘅胖虎一開聲竟然變咗做靚聲王!台下嘅同學仔聽到喊晒兼拍爛手掌,好驚喜。key入影片嘅歌連《你的名字》都有,歌手包括Ed Sheeran、RADWIMPS同MAN WITH A MISSION。BTW,靚聲如果再生得靚仔少少,肯定連靜香都鍾意呀。 相關資訊【新片速報】日本熱傳恐怖「唱歌魚」 每間屋總有一條 (Aug 22, 2017) 【好聽到喊】美國17歲少女超靚聲 對井口唱歌片百萬點擊 (Apr 4, 2017)

Read more ›

【有片】最新2017年版「見到靜香沖涼」動畫 大雄反問:「點解你成日沖涼?」
by / on 03/06/2017 at 3:20 pm

【有片】最新2017年版「見到靜香沖涼」動畫 大雄反問:「點解你成日沖涼?」

由靜兒到靜香,當佢沖涼已經成為習慣,我哋都好想知到底佢係咪咁大汗,一日沖幾多次?仲要次次都浸浴?靜香唔只沖涼,仲有一舖俾大雄見到佢沖涼嘅癮,但嚟到2017年,唔再係一如以往女嘅大叫男嘅臉紅走出去,當靜香例牌大叫嘅時候,大雄嘅竟然係反問佢點解你成日都喺度沖涼?仲要埋怨靜香叫佢要顧吓人哋感受……唔,大雄真係越嚟越醒,但喂,係你用隨意門去人哋浴室喎?靜香都幾慘,沖涼俾人睇到仲要被埋怨,難怪最後佢都唔知俾咩反應。 相關資訊「小夫」長大變靚仔 日本最新一集《多啦A夢》現奇景 (May 6, 2016) 大雄阿媽都有份 越南Family Mart出《多啦A夢》肉包 (May 2, 2016)

Read more ›
日本夾公仔機 臉紅「多啦A夢」好多綁法
by / on 14/05/2017 at 1:36 pm

日本夾公仔機 臉紅「多啦A夢」好多綁法

之前都有日本網民出過一張夾公仔機中嘅「多啦A夢」圖,就係呢隻公仔,但吊住本來問題唔大,但加埋佢臉紅紅嘅表情,可觀性就大增喇。啱啱又有新綁法,再加埋其他網民見到嘅唔同情況,似乎無論係點綁,呢隻「多啦A夢」都…… 相關資訊【有片】終於成功了!夾公仔機 + 汽球被成功破解! (Sep 4, 2017) 【有片】又玩人!日本夾獎品機彈力啱啱好 (Jul 30, 2017)

Read more ›
【有片】Bandai出超合金「多啦A夢」 多機關勁好玩
by / on 03/05/2017 at 2:50 pm

【有片】Bandai出超合金「多啦A夢」 多機關勁好玩

超合金要嚟玩梗係好過淨係要嚟擺,嚟緊9月發售呢隻「超合金 ぐるぐるドラえもん」就好玩喇。繼12年前嘅GACHA-GACHA DORAEMON,今次呢隻回歸超合金嘅就係GURU-GURU DORAEMON,首先拉右手,多啦A萬對眼就會有唔同眼神,而且竹蜻蜓仲會旋轉,左手呢,就有8種道具,可以隨機「變」出嚟。7,992円。 相關資訊【有片】東京地鐵《多啦A夢》合作 隨意門唔見咗? (Mar 31, 2016) 日本模型友魔改造 R2-D2變「R2-A夢」 (Feb 22, 2016)

Read more ›
日本「多啦A夢」朝聖地 櫻花落下員工掃心心
by / on 12/04/2017 at 6:47 pm

日本「多啦A夢」朝聖地 櫻花落下員工掃心心

神奈川縣川崎市嘅「藤子・F・不二雄ミュージアム」,即係我哋慣咗講嘅叮噹博物館啦,咁館入面都有好靚嘅櫻花,經過早日嘅風雨,地下好多花瓣,而負責清潔嘅員工唔係就咁掃走佢,而係將佢掃成一個心形。睇番,其實早兩年都睇過,秋天紅葉時佢哋都有玩,仲掃咗隻多啦A夢出嚟添! 相關資訊《多啦A夢》最新話狂迷偶像 鍾意人定鍾意喵? (Feb 6, 2016) 【有片】大雄屋企3D間格示範單位 睡房玩360VR (Jan 27, 2016)

Read more ›
前啷啷後百寶袋 《多啦A夢》Instapump Fury 3月發售
by / on 28/02/2017 at 6:08 pm

前啷啷後百寶袋 《多啦A夢》Instapump Fury 3月發售

嘩!之前流出過一張圖,o依家確定喇,ATOMS會喺3月4日有得賣,就係《多啦A夢》Instapump Fury,大嘅2萬円(23-30cm),細嘅5,900円(12-16cm),係為咗記念電影《映画ドラえもん のび太の南極カチコチ大冒険》而推出,前面有「多啦A夢」個啷啷,後面就有個百寶袋同竹蜻蜓!但多毛成咁…… 相關資訊【有片】3個紙杯做《多啦A夢》動畫 時光機旋轉效果 (Jan 17, 2016) 【有片】Toyota《多啦A夢》新作 睇埋「如意丸」動畫版 (Jan 13, 2016)

Read more ›

【你呢?】大人、小朋友有分別 最想要嘅《多啦A夢》道具
by / on 20/02/2017 at 9:24 pm

【你呢?】大人、小朋友有分別 最想要嘅《多啦A夢》道具

如果問你,你最想要嘅《多啦A夢》道具係咩,你會點答?你嘅答案會唔會同10年前一樣?呢位網民就cap咗張圖,係大人同小朋友揀嘅道具排名,第一名係兩邊都一樣嘅,時空門,呢個都冇乜得輸啦,不過之後就全部都唔同喇,小朋友好似偏向玩樂、純真多啲,嗰啲道具大家都應該記得,但大人嗰邊……有網民就話顯露成年嘅陰暗面,包括有「人生重來機(人生やり直し機)」,戴到一個人身上,就可以當時嘅智力同體力去到人生嘅某個時段改變過去;仲有「如果電話亭(もしもボックス)」,呢個記得啦?係製造一個如果乜乜嘅平行世界出嚟;最後最恐怖嘅係「獨裁按鈕(どくさいスイッチ)」,講一個人個名出嚟,撳個掣,嗰個人就會喺世上消失,只有使用者會記得有呢個人……,但當使用者反省後悔時,呢個按鈕就會失效。 相關資訊「超合金の塊」終於有靜宜/阿福 下年5月推出 (Dec 23, 2015) 【靚仔大晒咩】下年7月推出 「かっこいいドラえもん」「美男子のび太」Figure化 (Nov 25, 2015)

Read more ›
【有片】日本《多啦A夢》VR體驗 重現部屋有隨意門實物
by / on 13/02/2017 at 12:32 pm

【有片】日本《多啦A夢》VR體驗 重現部屋有隨意門實物

嘩呢個真係正,正在唔係就咁戴個VR眼罩,而係有埋隨意門實物,你自己開門推門就好似進入另一個世界,而且仲重現大雄間房,書枱又有係有實物,即係你伸手拉開個櫃桶,就可以伸個頭入去睇,多啦A夢亦都會彈出嚟!呢個「ドラえもんVR『どこでもドア』」體驗活動,係記念電影《映画ドラえもん のび太の南極カチコチ大冒険》上映嘅特別活動,2月20日開始,至到4月14日,網上o依家有得預約,地點就係東京晴空塔嘅「東京ソラマチ」3樓。 相關資訊【有片】日本神人聲演3角幫《多啦A夢》配音 網民:「超似超感動!」 (Nov 18, 2015) 【媽呀】《多啦A夢》最新話 年輕大雄媽出場 (Nov 7, 2015)

Read more ›
日本真人版《多啦A夢》 大雄好潮 靜香好可愛
by / on 04/02/2017 at 4:46 pm

日本真人版《多啦A夢》 大雄好潮 靜香好可愛

之前都報道過嘅係9年前《ドラえもん》舞台劇《ドラえもん のび太のアニマル惑星(プラネット)》,3月喺日本又會再演,男主角「大雄」係有演過「テニスの王子様」、「刀剣乱舞」、「弱虫ペダル」舞台劇嘅22歲小越勇輝;乃木坂46嘅18歲樋口日奈就演「靜香」,仲有皇希演「胖虎」,28歲嘅陳内将演「小夫」,啱啱有造型圖睇喇,嘩「大雄」無論髮型到衣著再到副眼鏡都好似走喺潮流尖端咁,「靜香」又真係幾可愛,唔知有冇出浴鏡頭?至於「多啦A夢」,就會由2005年開始至今幫動畫版「多啦A夢」配音嘅「水田わさび」聲演,3月26日喺東京公演,之後仲會去福岡、愛知、宮城、大阪等地。 相關資訊【媽呀】下周《多啦A夢》最新話「大雄媽」除眼鏡 日網民:「同人誌內容?」 (Oct 30, 2015) 【唔沖涼算點?】靜香來了!3月拍住「Dorami」出Figuarts (Oct 21, 2015)

Read more ›
多啦A夢、大雄去南極取景 新電影3月上映
by / on 14/01/2017 at 2:32 pm

多啦A夢、大雄去南極取景 新電影3月上映

動畫電影《映画ドラえもん のび太の南極カチコチ大冒険》3月4日就喺日本上映,咁大雄同埋多啦A夢就真係去咗南極宣傳影相,話佢哋1月9日就登陸南極喇。我諗扮佢哋嚟講,今次呢啲天氣應該最舒服…… 相關資訊【有片】日本網民拍「多啦A夢」打鼓合奏〈紅〉 「X Japan」Yoshiki都轉發 (Oct 14, 2015) 日本郵區推出《多啦A夢》郵票連公仔 收藏值高即日開放預訂 (Sep 17, 2015)

Read more ›