Post Tagged with: "大阪"

大阪超正士多啤梨店     日本網民絕密推介
by / on 08/07/2018 at 9:50 am

大阪超正士多啤梨店 日本網民絕密推介

有無發覺日本嘅士多啤梨特別甜特別靚?仲要平香港好多,難怪每次去日本都會忍唔住食。如果你都係士多啤梨迷,下次去大阪旅行記住去埋心齋橋嘅「STRAWBERRY MANIA」,有日本網民喺blog度推介,嗰度有好靚嘅士多啤梨撻(800円)、即日採摘嘅士多啤梨串(300円)、士多啤梨大福(300円),仲有其他士多啤梨蛋糕同大量甜品,睇見都流口水! 相關資訊生日賀一賀 日本fans用962,120円預訂718隻新碟 (Jul 19, 2018) 【新片速報】日本街貓完全唔怕人 直行直撞超嗲Twitter熱傳 (Jul 19, 2018)

Read more ›

大阪水上樂園怪招宣傳 免費朋友陪影合照
by / on 02/07/2018 at 2:42 pm

大阪水上樂園怪招宣傳 免費朋友陪影合照

好想夏天有一大班朋友同你去水上樂園玩?日本大阪嘅Hirakata Park最新嘅宣傳活動「#瞬間フレンズ 」,賣點係提供一班朋友俾你影合照,然後你可以放上網分享吓,唔知係咪好似張宣傳相咁,有黑人有金髮美女?呢個主題樂園其實都做開啲古怪嘢,之前有個活動係幫人喺樂園製造「英雄救美」嘅機會,有啲假壞人出嚟撩你女朋友,然後你可以逐一擊破佢哋,宣傳手法好突破,入嚟有回帶。 相關資訊日本動物醫院「心寒」宣傳板 貓貓震晒好驚青 (Jul 17, 2018) 【有片】協助盲聾朋友睇世界盃 自製迷你球場「講波」超感人 (Jun 28, 2018)

Read more ›
日本地震後遺症 大阪公園出現「流浪貓」
by / on 25/06/2018 at 7:16 am

日本地震後遺症 大阪公園出現「流浪貓」

早前大阪地震,好多喵嚇到跳窗走,喺Twitter搜尋「#迷子猫」就會見到大量貓主尋貓嘅啟事。啱啱有人喺大阪某公園見到一隻肥貓,睇個樣好哀愁,加埋肥肥哋嘅身型,都估到佢係有主人養開嘅,樓主話佢每見到有人經過就會喵喵叫,相信好努力咁搵緊主人。希望佢同埋其他走失咗嘅貓,都可以快啲成功返到屋企啦。 相關資訊日本小妹妹天才發明 消暑西瓜特飲Twitter熱傳 (Jul 19, 2018) 【有片】日本喵星人迫爆紙箱 超痴纏攬實唔放 (Jul 19, 2018)

Read more ›
京都喵星人失踪半年    大阪地震後返屋企尋親
by / on 24/06/2018 at 3:13 pm

京都喵星人失踪半年 大阪地震後返屋企尋親

前排大阪6.1級地震,好多喵喵都嚇到爬窗走,大量貓奴喺網上尋貓,好慘。另一邊廂,呢位住喺京都嘅網民,隻失咗踪半年嘅喵就喺地震完當日返咗屋企。貓主好開心忍唔住放上網同大家分享,亦都鼓勵唔見咗喵嘅主人唔好放棄。大量網民留言恭喜佢,有人話隻喵應該係擔心佢哋,趕返嚟睇吓佢哋一家人有無事。而隻喵無見一排胃口好好無瘦到,係隻腳黑咗少少,同埋隻耳仔俾人剪咗個三角型。個三角型應該係貓義工證明佢絕咗育嘅標記。不過唔駛擔心,走失前主人已經幫佢絕咗育,唔係走失期間俾人無端端絕咗育嘅。希望其他走失咗嘅喵都快啲識返屋企啦。 相關資訊日本喵星人「下巴貼地」睡姿熱傳 一人一張分享圖 (Jul 15, 2018) 【有片】日本人氣喵星人 「握手會」反應超熱烈 (Jul 13, 2018)

Read more ›
【新片速報】大阪地震電車停駛 人力推動向前行
by / on 18/06/2018 at 3:08 pm

【新片速報】大阪地震電車停駛 人力推動向前行

繼續都係大阪嘅地震新聞,Twitter好多人分享唔同嘅消息,呢段片見到御堂筋線嘅電車因為地震而中斷行駛,好多職員幫手推車。之後有人留言,奇怪點解原本有10個車廂嘅電車得返5個。 相關資訊大阪地震 動漫迷災區震出「本子」 喜好慘被媽媽發現 (Jun 18, 2018) 【手信】日本Kit Kat「地震應援」版 熊本熊搞笑樣必買 (Mar 31, 2018)

Read more ›
大阪地震 家貓瘋狂逃難 匿得就匿
by / on 18/06/2018 at 3:00 pm

大阪地震 家貓瘋狂逃難 匿得就匿

今朝大阪地震,動物本能當然係逃跑搵安全地方,所以Twitter有好多網民都出圖影自己啲貓匿去邊。不過唔開心嘅係亦都見到好多主人出Twitter話自己隻貓走失咗,有啲仲係整爛窗網衝咗出去,希望佢哋快啲搵得返,或者快啲返屋企啦,屋企人好掛住你哋o架! 相關資訊【今日GIF】日本高手製懷舊遊戲GIF 幻想中的遊戲世界 (Jul 18, 2018) 超正!打破敵對關係 日本連鎖快餐Twitter編輯玩聯手 (Jul 18, 2018)

Read more ›

大阪地震「環球影城」售票處玻璃爆裂      暫時照常營業
by / on 18/06/2018 at 2:59 pm

大阪地震「環球影城」售票處玻璃爆裂 暫時照常營業

大阪發生6.1級地震,情況都幾嚴重,希望唔好再有餘震。好多遊客到大阪必去嘅「環球影城」,有網民影到售票處塊大玻璃因為地震而碎裂咗,好彩事發時售票處未開,如果唔係無論喺入面嘅職員或者買票嘅遊客都好危險。據網民講,而家嘅環球影城暫時仍然照常營業,不過喺當地或準備去玩嘅都要格外小心。 相關資訊使徒再來襲 大阪環球影城「EVA XR Ride」過山車限定復活 (May 17, 2018) 【有片】日本USJ隨地噴水畫 賀生日乜人物都畫到? (Dec 19, 2017)

Read more ›
大阪地震 列車座墊緊急變逃難梯
by / on 18/06/2018 at 1:40 pm

大阪地震 列車座墊緊急變逃難梯

大阪今朝發生地震,希望當地嘅居民同遊客都平安,同埋唔好再有餘震啦。有網民就影到,原來列車座墊除咗早前公佈可以喺遇到緊急情況下當盾牌外,仲可以拆出嚟成為逃難梯,又長知識了。 相關資訊【有片】日本大阪香煙舖「看板犬」近照 成熟穩重霸氣依舊 (Oct 19, 2017) 【食肉獸時間】日本網民推介 大阪任食放題1350円狂食肉 (Oct 6, 2017)

Read more ›
日本大阪cafe三代貓 喵星人與貓頭鷹和睦共處
by / on 22/05/2018 at 12:12 pm

日本大阪cafe三代貓 喵星人與貓頭鷹和睦共處

貓頭鷹同貓有咩相同之處?都有個「貓」字,同埋都係眼仔碌碌好可愛!日本大阪呢間Hukulou Coffee最近分享咗呢幾張相,估唔到貓頭鷹可以同喵星人相處得咁好。更特別之處係圖中嘅三隻貓其實來自三代!可能DNA嘅影響,咁多年嚟佢哋都同貓頭鷹可以和睦相處,好感人。而家佢哋都大個晒,有機會去大阪可以探吓佢哋呀。 相關資訊【有片】廁紙變子彈 日本高火力水槍月尾發售 (Jul 18, 2018) 日本熱到癲 名古屋39度/ 沖繩變避暑地 (Jul 18, 2018)

Read more ›
【有片】大阪環球影城有新嘢 3D投影玩 哈利波特/變形金剛/Minions/侏羅紀
by / on 09/04/2018 at 10:44 pm

【有片】大阪環球影城有新嘢 3D投影玩 哈利波特/變形金剛/Minions/侏羅紀

嚟緊如果諗住去大阪環球影城嘅話,又有新嘢可以睇埋,因為5月17日開始就會有呢個「ユニバーサル・スペクタクル・ナイトパレード ~ベスト・オブ・ハリウッド~」,即係巡遊加3D投影,投影嘅壁面長達600米,最高到8米!作品方面有《哈利波特》、《變形金剛》、《Minions》、《侏羅紀世界》。雖然USJ宣傳片一向都誇張咗啲,不過都幾期待喎,囡囡記得著短褲同高踭鞋去睇呀! 相關資訊日本瘋狂fans自製「廣瀨鈴」假人 遊環球影城Twitter熱傳 (Nov 25, 2017) 大阪環球影城Cool Japan 下年玩《Final Fantasy》VR過山車 (Sep 20, 2017)

Read more ›
【有片】大阪ストフェス高質cosplayer合集 安倍晉三學揸槍
by / on 19/03/2018 at 7:32 am

【有片】大阪ストフェス高質cosplayer合集 安倍晉三學揸槍

啱啱喺大阪舉行第14回日本橋ストフェス (Street Festa),每年都吸引超多cosplayer進駐,喺Twitter已經有大量造型睇,最多人RT有《POP TEAM EPIC》呢對學生妹,有搞笑版亦有靚女版,超正,另外仲有DARLING in the FRANXX嘅ゼロツー、Resident Evil、藪貓、Iron Man等等,連安倍晉三都有,仲揸槍添!全部都勁高質,入嚟有得慢慢睇。 相關資訊農夫的浪漫2018 日本超靚稻田畫Twitter熱傳 (Jul 17, 2018) 【有片】木村拓哉15歲囡囡曝光 超強基因登日版《ELLE》封面 (May 28, 2018)

Read more ›

【有片】大阪環球影城「Final Fantasy XR Ride」 戴VR遊魔晃爐摸陸行鳥
by / on 27/12/2017 at 11:28 am

【有片】大阪環球影城「Final Fantasy XR Ride」 戴VR遊魔晃爐摸陸行鳥

今年USJ嘅Cool Japan又有新嘢公開,之前講過嘅係《Final Fantasy》主題嘅XR Ride啦,啱啱有片睇喇,而呢個「ファイナルファンタジー XRライド」會由1月19日至6月24日有得玩,戴VR眼罩進入《FF VII》世界,當然亦都有大把嘢買!仲有,遊戲嘅標誌都係由天野喜孝畫嘅,正! 相關資訊新片速報 《DISSIDIA FINAL FANTASY》Rinoa Heartilly參戰 (Jul 10, 2018) 【有片】外國機迷出擊!《Final Fantasy XV》新patch新MOD (Jun 9, 2018)

Read more ›
【好想去】大阪《龍珠》主題餐廳 食物超精緻大量精品
by / on 10/12/2017 at 1:23 pm

【好想去】大阪《龍珠》主題餐廳 食物超精緻大量精品

嚟緊計劃去大阪嘅龍珠迷,呢間主題餐廳應該必去嘞。12月8日開幕,喺大阪梅田,食物方面幾有誠意,有筋斗雲班戟、神龍春卷、四星珠甜品/蛋包飯、大魔王封印沙律,全部都好正,唯一係個豬肉拉麵有啲殘忍,不過有佢最鍾意嘅底褲仔,好可愛。仲可以嗌埋貓仙人仙豆。另外有大量精品發售,由T恤、外套到電話套散紙包乜都有,而且開到夜晚11點,最緊要帶定張信用咭。 相關資訊《龍珠 超》劇場版正式命名 超級撒亞人「布洛尼」回歸 (Jul 10, 2018) 《龍貓》30週年推出大量精品 18隻跳舞龍貓有排儲 (Jul 7, 2018)

Read more ›
日本大阪紀念塔景點 超似動漫「魔鬼塔」
by / on 17/11/2017 at 7:57 am

日本大阪紀念塔景點 超似動漫「魔鬼塔」

呢座位於日本嘅高塔睇落真係好似漫畫或者遊戲入面嘅古怪城堡,入面住咗個惡魔,總之就係好有藝術感。最近有日本媒體去咗探險,其實呢座大平和祈念塔位於大阪富田林市,係宗教團體為咗紀念萬國戰爭犧牲者而喺1970年建成嘅,每朝10點至下午4點免費開放俾公眾入去參觀,去開大阪可以考慮去吓。 相關資訊日本經典朱古力變棋子 實物原大繼續鬥 (Jul 18, 2018) 日本「藍色食物醬汁」量產 沙律飯團全部變藍 (Jul 18, 2018)

Read more ›
【有片】有冇咁勁?投資70億円 大阪環球影城新晚間巡遊
by / on 04/11/2017 at 4:30 pm

【有片】有冇咁勁?投資70億円 大阪環球影城新晚間巡遊

有《Harry Porter》、《Minions》、《侏羅紀世界》、《變形金剛》,投資70億円嘅新晚間巡遊,如果真係有咁勁嘅投影效果,到時又要去啦。 相關資訊大阪環球影城2018年「Cool Japan」陣容公開 《FF VII》、《美少女戰士》有嘢玩 (Sep 13, 2017) 日本Sailor Moon Cafe 全新Menu東京/大阪/名古屋9月開店 (Sep 11, 2017)

Read more ›