Post Tagged with: "大陸"

大陸「程序員鼓勵師」傳到日本 網民表示歡迎引入
by / on 19/09/2017 at 1:18 pm

大陸「程序員鼓勵師」傳到日本 網民表示歡迎引入

大陸嘅「程序員鼓勵師」,早喺2015年已經出現,即係用各種方法去鼓勵程序員嘅囡囡啦。兩年之後,啱啱呢幾張相就傳到去日本,作為奇妙服務大國,日本網民覺得好新奇刺激,仲有網民好理性分析,如果有呢啲囡囡喺公司出現,唔怕洩漏公司機密咩? 相關資訊【有片】中國Coser認真製作 《League of Legends》fan made影片有睇頭 (Sep 6, 2017) 【俾返桶炸雞我】中國杭州開綠色KFC 無炸雞得烤雞 (Jul 12, 2017)

Read more ›

【有片】係威嘅!大陸業主收樓 發現啲窗畫上去
by / on 16/09/2017 at 9:12 pm

【有片】係威嘅!大陸業主收樓 發現啲窗畫上去

喺大陸,咩都可以係假,其實收到層樓,(暫時)實實淨淨,齊晒廁所廚房廳都願啦?係估唔到佢會咁有心思,連啲窗都係畫上去啫……呢件事係喺哈爾濱發生嘅,不過又其實,少年你太年輕啦,早喺2013年,青島宜昌路嘅大廈都發生過類似事件,而且仲有誠意,連窗框都畫埋。   相關資訊【有片】好嘢喎!中國製遊戲 直用《薩爾達BOTW》遊戲Gameplay做宣傳 (Jul 8, 2017) 【多圖】日本男士之欲望 中國少女Misa煎餃Twitter熱傳 (Jul 2, 2017)

Read more ›
【有片】日本網民嘖嘖稱奇 中國山寨《你的名字。》Figure開箱
by / on 04/09/2017 at 10:48 pm

【有片】日本網民嘖嘖稱奇 中國山寨《你的名字。》Figure開箱

三葉?你係咪三葉呀?你係邊個時空嘅三葉呀?之後又可以起音樂喇……無版權當然唔妥,但你山寨都俾啲誠意好唔好?呢兩隻《君の名は。》嘅無版權Figure真係威嘅,首先點解會有人買呢?買嘅人仲搞開箱,開箱之後仲傳到去日本,唔,今日農曆七月十四日,果然好多怪事。 相關資訊北韓新聞報道背景似《你的名字。》「糸守湖」?網民推出圖變金仔版《你的核試。》 (Sep 8, 2017) 《你的名字。》杯緣子 睡衣造型對調身體超想儲 (Aug 8, 2017)

Read more ›
日本網站好驚訝 中國夏天之日常圖集
by / on 28/07/2017 at 3:08 pm

日本網站好驚訝 中國夏天之日常圖集

大熱天,入去冷氣地方涼吓係人之常情,但有冇咁眼瞓先?早幾日中國杭州氣溫高達40度,地鐵站、商場,有冷氣嘅地方都被佔領,而呢啲相就傳到去日本網站,2ch都有人討論……其實咁樣唔駛家家戶戶開冷氣,好環保呀!我轉頭都落7-11買支可樂順便恰陣…… 相關資訊嚇親日本人 淘寶山寨「比卡超」充電器耳仔係插頭 (Jun 5, 2017) 中國KFC推出「皮卡丘」套餐 比卡超玩具識叫識著燈 (Apr 27, 2017)

Read more ›
【好彩有睇日本節目】上海假的士 公安認出的士證上係「大野智」
by / on 28/07/2017 at 8:37 am

【好彩有睇日本節目】上海假的士 公安認出的士證上係「大野智」

大陸假嘅嘢好多,假到你認唔出嘅嘢都好多,好彩呢位公安先生應該有睇日劇或者日本節目,所以認得呢張駕駛證上面嘅係……話說呢架假的士唔只架車冇攞牌,連入面張司機行車證都係假,張相就係日本組合「嵐」嘅大野智…… 相關資訊【有冇遇過】日本原宿現告示 中國僧人騙子出沒注意? (Apr 12, 2017) 嚇死日本網民 中國列車壯觀風景係地下 (Apr 7, 2017)

Read more ›
嚇親日網民 大陸防身武器 隨時火燒腸仔
by / on 19/07/2017 at 5:36 pm

嚇親日網民 大陸防身武器 隨時火燒腸仔

嘩!大殺傷力武器呀!日本2ch有人講呢支「便携防身火武器」,殺傷力會唔會太大?喺淘寶賣幾十蚊人仔,但你睇佢噴啲火出嚟,成支短版光劍咁,而且仲話有加強版,如果女性要嚟防身,遇到色狼真係嚇得吓人,不過太危險啦,如果壞人有呢支火槍咪一樣危險?同埋大家都知,中國製,仲要易燃,隨時未遇到危險已經自傷其身。 相關資訊日本網民都想買 中國製超萌Doll (Mar 20, 2017) 【_ 出國際】大陸30米版Hulkbuster 蟻俠變大唔使怕 (Feb 24, 2017)

Read more ›

【有片】上海商場「老公休息艙」 封閉空間 陳年遊戲任玩
by / on 15/07/2017 at 9:33 pm

【有片】上海商場「老公休息艙」 封閉空間 陳年遊戲任玩

大陸好多商場都有類似嘅休息區俾陪女友、太太shopping嘅男士使用,ok嘅,幾好添。但上海呢個「環球港商場」就威啲,有幾個好似大型櫥櫃嘅透明艙喺度,入面有電腦可以打機……但啲遊戲就好似比較懷舊,條片亦都訪問咗啲用家,有人話太密封好熱…… 相關資訊【新片速報】中國廚師炒「大鑊飯」揚威日本 腕力驚人功夫炒飯 (Jan 7, 2017) 中國司機有新招 女鬼後車窗貼淘寶熱賣 (Nov 18, 2016)

Read more ›
【有片】冇版權狂偷片?大陸版咸超10月上映唔怕醜
by / on 15/07/2017 at 8:58 pm

【有片】冇版權狂偷片?大陸版咸超10月上映唔怕醜

其實我都覺得條題有啲多餘,怕醜就唔係佢哋啦。嚟緊國慶咁大件事,梗係要搵番啲可以代表大陸文化嘅嘢嚟搞,呢套就啱喇,絕對可以將無視版權呢個山寨文化發揚光大。呢套名叫《鋼鐵飛龍之再見奧特曼》嘅3D動畫,早前舉行咗發佈會,由樂視影業、廣州藍奇文化製作。日本円谷已經表明冇授權拍攝,但電影官方就強調自己攞正版權,至於個版權,就係話同一間UM Co.公司攞嘅,而呢間公司個海外拍攝版權係早年由一個被判決偽造文件嘅單位手中攞到嘅……咁都得?好嘢喎!再講,預告片入面見到好多場面都係抄同偷,首先有官方嘅影片、相片,又有日本人氣親子YouTuber嘅影片……唉,總之就癲啦,行開啦! 相關資訊咸蛋超人出跑車 M78星雲跑86 (Jul 25, 2017) 潮流星人?咸蛋超人「宇宙恐竜ゼットン」出衛衣 (Jun 14, 2017)

Read more ›
【有片】奇妙的電話 大陸出KFC電話 附餐廳點歌App
by / on 13/07/2017 at 8:26 pm

【有片】奇妙的電話 大陸出KFC電話 附餐廳點歌App

我都鍾意食炸雞,但冇話鍾意到想部電話都係KFC嘅……KFC為慶祝進軍大陸30年,竟然同華為合作推出電話,個樣紅色有上校個樣,內置KFC App之餘又送分,最勁都係有餐廳點歌功能,即係你喺餐廳入面就可以用自己部電話點歌,之後就會由餐廳嘅揚聲器播出嚟,迫全餐廳嘅人同你一齊聽…… 相關資訊食KFC拆骨大法 日本網民分享食雞圖Twitter熱傳 (Sep 20, 2017) 【邪惡】日本KFC再推出「炸雞Pizza」 韓式烤肉加芝士 (May 30, 2017)

Read more ›
有啲咁嘅事?大陸50歲美魔女 少女身材靠游水
by / on 29/06/2016 at 10:51 pm

有啲咁嘅事?大陸50歲美魔女 少女身材靠游水

今朝報咗日本20歲Coser「 御伽ねこむ」宣佈同51歲就嚟52歲漫畫家「藤島康介」結婚,仲要係奉子成婚,大家都覺得充滿希望,人生o依家先啱啱開始係咪?亦有讀者有超正嘅留言,就係話證明各位年輕男都可以搵50路嘅女朋友同結婚……咁如果係呢位,都好似冇想像中咁艱辛。有大陸傳媒報道,仲要有好多圖好多真相咁介紹呢位50歲美魔女,佢有少女一般嘅身材,塊臉仲見唔到皺紋…….但其實佢已經有個仔出嚟做緊嘢,咁有咩秘密呢?唔係用神仙水,而係由30歲開始日日游水,仲有去做健身……但我想知點解一直都見唔到佢雙眼? 相關資訊日本人親試中國火鍋店 有得點「安倍牛腸」同「小鬼子肺片」 (Nov 17, 2016) 【有片】中國司機揸車食杯麵被停職 日本網民:「喺漫畫見過!」 (Nov 7, 2016)

Read more ›
山寨品牌一條街   國內樓盤揚威海外
by / on 14/01/2014 at 7:07 am

山寨品牌一條街 國內樓盤揚威海外

大陸山寨品牌大家見識唔少,不過今次成條街都係山寨品牌,仲吸引埋多個外國網站報導,認真尷尬。呢條山寨街出現喺無錫某樓盤,有齊H&N、Hugo BGSS、SFFCCCKS Coffee、Appla、Zare,全部用返原裝正版嘅招牌字款,不過自創串法,而全部商舖都未開業,估計係用嚟吸引睇樓人士,等佢哋知道嚟緊會有好多商店進駐。唔臉紅嗰吓好嘢,佩服。 相關資訊日本品牌推出《Street Fighter》內衣 春麗Cammy套裝開訂 (Aug 30, 2017) 中國超巨型小丸子嚇親日本網民 仲有3個花輪同學 (Sep 23, 2016)

Read more ›

【有片】你夠膽用嗎?4百幾人仔 另類無線充電Android手機
by / on 02/09/2013 at 10:34 pm

【有片】你夠膽用嗎?4百幾人仔 另類無線充電Android手機

國產貨,好老實,我只能講句,生命誠可貴……呢部名為N100i嘅手機,聲稱「走遍天下不缺電,技術走在世界最前面」,因為佢真係唔需要用充電線,直接打開機殼就可以伸出兩腳,插入大陸嘅電源位就可以充電……Android 4.0,4.3吋800×480芒,470蚊人仔……Engadget拍咗條片,你夠唔夠薑試? 相關資訊手機鎖定畫面日本Twitter熱傳 喵星人鬧你:「睇得太多嘞!」 (Sep 12, 2017) 【議員很忙】日本國會議員各有各忙 整理咭片/匿埋玩手機 (May 20, 2017)

Read more ›
新片速報 黑仔揸綿羊 1分鐘炒5次
by / on 26/05/2013 at 4:37 pm

新片速報 黑仔揸綿羊 1分鐘炒5次

呢條由疑似大陸閉路電視錄到嘅影片,名為「Darwin Awards Winner – 2013 Dumbest Funny Motorcycle Scooter Accident」,影片裏面有一個揸綿羊駕機車嘅司機,佢先撞到私家車,私家車司機落車講咗幾句,佢想走,又撞到另一架私家車。再走,又撞到另一架機車,好喇,今次行遠啲,唉!又撞埋架大貨車度……你以為就咁完,最後一嘢真係好爆,我知,唔應該落井下石笑人哋,但睇到最尾一下,我真係忍唔住……對唔住。 相關資訊中國馬拉松cosplay圖集 日本網民:「熊本熊係真定假?」 (Sep 20, 2016) 【成功上樓後記】被領養中國馬拉松狗狗 突然失踪嚇壞主人 (Aug 28, 2016)

Read more ›
獵奇新片    大陸喪爸狂fing B
by / on 23/03/2013 at 1:18 pm

獵奇新片 大陸喪爸狂fing B

呢段片真係要睇!睇完唔該「unlike」埋。外國網報導,大陸有個瘋狂爸爸,居然將個仔當搖搖咁舞,fing完左再fing右,跟手打個後空翻,再將bb放喺手掌上面玩‥‥‥片段仲配埋功夫音樂,懶風趣。大佬,你有無聽過乜嘢叫「搖晃症」?bb仲要下身赤裸,既失禮又好易凍親。翻查資料,原來bb由8個月大開始接受「訓練」,片段入面嘅佢已經15個月大,目標係入「少林寺」。痴線!不過都唔及呢個外國網友串,佢留言話:「Awesome! Father of the year.」,又揚威海外嘞。 相關資訊日本廚神爸爸「炸紙鶴」 超強料理Twitter熱傳 (Sep 3, 2017) 海棉寶寶日本動畫版 超正短片Twitter熱傳 (Aug 26, 2017)

Read more ›