Post Tagged with: "奇妙"

再嚟芒亨古怪造型 綠色bob頭/ 白臉造型
by / on 27/01/2018 at 12:50 pm

再嚟芒亨古怪造型 綠色bob頭/ 白臉造型

呢兩日日本Twitter俾《Monster Hunter:World》狂洗版,當中最多人講就係自創嘅角色。除咗會崩壞嘅靚女、菲利、初音大叔之外,仲有好多人整白面紫式部角色,另外古怪色調嘅髮型都好受日本人歡迎,有網民話係跟住動畫《Re:ゼロから始める異世界生活》嘅角色「ペテルギウス」嚟做,仲同其他網民撞樣! 相關資訊【新片速報】日本喵星人陪玩芒亨 等Load Game可以摸喵 (Feb 17, 2018) 【新片速報】日本芒亨真人版「貓飯片」 分鏡/配樂跟到足 (Feb 15, 2018)

Read more ›

日本超奇妙產品 手機專用剪鼻毛機
by / on 21/01/2018 at 1:12 pm

日本超奇妙產品 手機專用剪鼻毛機

日本公司Thanko專出奇怪產品,之前有腋下吹風機、手掌托頭機等等,最新有呢款便攜式剪鼻毛機。配埋手機可以即插即用,唔駛用電,賣1480円,啱晒突然間喺公眾場合發現自己有鼻毛露出,又想即刻清埋嘅男士。佢仲有個黑色嘅刷仔俾人掃乾淨,又可以揀iPhone或者Android頭,好細心。不過呢個裝置咁大嚿,點解唔帶把較剪仔取代呢?入嚟有其他奇妙產品回帶。 相關資訊日本人形蘿蔔出頭天 大細攬枕陪你瞓 (Feb 20, 2018) 【有片】再闖日本美術館!尾道市黑貓突破防線? (Feb 19, 2018)

Read more ›
日本喵星人與老鼠圖Twitter熱傳 和平共處好奇妙
by / on 13/11/2017 at 7:02 am

日本喵星人與老鼠圖Twitter熱傳 和平共處好奇妙

呢兩張相最近喺Twitter有超過10萬轉發,有住喺4樓嘅日本網民發現自己曬緊張棉被唔見咗,睇真啲原來跌咗落樓下,再睇真啲,點解上面瞓咗啲嘢?原來上面瞓咗兩隻喵喺度曬太陽!不過更奇妙嘅係旁邊草叢又匿埋咗隻喵,而係灰色石地上面有隻嘢,睇真啲原來係老鼠嚟嘅!有人就好奇怪點解佢哋可以和平共處,有人話嗰個灰色位其實係廚房,班喵諗住瞓醒先食晚餐‥‥‥ 相關資訊日本網民DIY襯衫相簿 自由配搭Twitter熱傳 (Feb 19, 2018) 【有片】日本超大膽電視節目 「鼻接觸100%」嘉賓笑到癲 (Feb 19, 2018)

Read more ›
【新片速報】】日本奇妙「嘔吐」玩具 嘔Gel狀物Twitter熱傳
by / on 18/10/2017 at 7:25 am

【新片速報】】日本奇妙「嘔吐」玩具 嘔Gel狀物Twitter熱傳

日本100円店經常發掘到奇妙產品,最近有日本網民放咗呢個玩具上Twitter,圓形球狀嘅公仔,重點係識「嘔吐」!大力撳佢就會嘔咗攤粉紅色嘅物體出嚟,之後又可以吸返埋去,究竟我睇咗啲咩?不過相信佢有好強嘅減壓作用。 相關資訊【有片】日本網民睇冬奧玩冰壼 掀起家居清潔熱潮? (Feb 19, 2018) 日本宮崎「立飲」有長腿 網民讚老闆聰明 (Feb 19, 2018)

Read more ›
【多圖】韓國超可愛扭蛋 狗雀合體夠奇妙
by / on 05/09/2017 at 7:38 am

【多圖】韓國超可愛扭蛋 狗雀合體夠奇妙

韓國扭蛋比較少介紹,不過今次呢間Third Stage嘅產品好得意,佢將雀仔同狗仔結合,即係個樣係狗仔,但下半身就變咗雀仔。一共有6個款式,最後意係頭圓圓好似個波咁嘅嗰款啦。呎吋方面1/5超迷你。呢個系列之前都有出過,仲有手機殼,入嚟有回帶。 相關資訊【相集】超創意爹地PS作品網上熱傳 可愛囡囡變主角 (Feb 18, 2018) 超萌熊貓仔集體日光浴 唔覺意跌底超可愛 (Feb 17, 2018)

Read more ›
日本網民揸車經山路 發現「JoJo奇妙路牌」
by / on 16/08/2017 at 12:58 pm

日本網民揸車經山路 發現「JoJo奇妙路牌」

日本揸車真係一種享受嚟,如果行鄉郊山路更加係風景好靚啦。有日本網民經過一段山路時就發現呢兩個路牌,係《JoJo奇妙冒險》嘅「空条承太郎」同埋第5部嘅「布差拉迪」……據講係位於彥根市豊郷琵琶湖附近,而網民亦都話呢啲牌係想提醒駕車者可以揸慢啲,留意有冇過路人。如果我見到,直情想停車影相啦! 相關資訊日本女高中生迪士尼扮死 網民不滿放Twitter聲討 (Feb 19, 2018) 過年有無食肥咗? 日本熱傳「女性理想體重」算式 (Feb 19, 2018)

Read more ›

【有片】香蕉加奇異果再灑水 種出超奇妙品種真定假?
by / on 18/04/2017 at 11:00 am

【有片】香蕉加奇異果再灑水 種出超奇妙品種真定假?

究竟我睇咗啲乜?呢段片喺Twitter好多人分享,影片一開始出現咗一條蕉,切一片出嚟,再切多片奇異果,然後放入泥土入面,定時淋水,3個星期後,居然會生返條蕉出嚟!條蕉切開之後,入面居然係‥‥‥未睇過嘅記住入嚟開吓眼界,睇吓真定假?BTW,放完長假返工係灰啲嘅,睇吓啲無聊嘢輕鬆吓啦。 相關資訊【有片】日本小朋友匿埋角落食香蕉 網民大讚超可愛熱傳 (Feb 5, 2018) 肥柴大脾似奇異果 主人偷拍相日本Twitter熱傳 (Aug 28, 2017)

Read more ›
日本網民自創「獅子狗卷」造型    變身外星人超可愛
by / on 10/03/2017 at 7:57 am

日本網民自創「獅子狗卷」造型 變身外星人超可愛

日本人發明嘅「獅子狗卷」都算係國民級美食,可惜呢樣食物其貌不揚,但落喺日本人手上,一樣可以變身超可愛造型。有人加條腸仔入去,再加兩粒黑芝麻然後切開個口,即刻變咗好可愛嘅外星人;亦有人講求健康,加條西蘭花再喺頂加啲沙律醬,就變咗鬈毛外星生物。呢條獅子狗卷仲可以變狗仔、羊咩、雞仔,全部都好得意,應該仲幾好味添! 相關資訊日本柴犬變黑人問號 估錯接受唔倒影片Twitter熱傳 (Feb 18, 2018) 日本神級寶石畫作 木顏色畫出超強立體感 (Feb 18, 2018)

Read more ›
日本網民水底玩甩咗個頭    光之折射嚇死人
by / on 05/03/2017 at 10:27 am

日本網民水底玩甩咗個頭 光之折射嚇死人

水底加上光嘅折射,有時會出現好好笑嘅情況,好似呢位日本網民,最近呢張相喺Twitter熱傳,相中佢嘅姐姐喺水入面同海豚玩遊戲,不過光嘅折射令到姐姐個頭好似甩咗咁,驟眼睇真係嚇一跳,好彩無見血。BTW,佢之後都放返張正常靚相補鑊,攝影技術都唔錯! 相關資訊【大集合】「羽生結弦」Twitter洗版 大量影片/靚相/改圖/回帶 (Feb 18, 2018) 日本玩具攝影師新作 星際勇者救藪貓連環圖 (Feb 17, 2018)

Read more ›
【日本熱傳】女田徑選手「奇妙的關節」圖 要做原來唔難
by / on 28/06/2016 at 7:12 am

【日本熱傳】女田徑選手「奇妙的關節」圖 要做原來唔難

呢張相第一眼睇會覺得好奇怪,有位日本田徑女選手喺場上做出呢個伸展動作,之後喺2ch好多人討論。有人話佢嘅關節好離奇,咁樣屈都得。但無幾耐好多人都嘗試做呢個動作,發現其實唔難喎,啲骨骼仲會發出格格聲感覺幾爽。之後有網民上傳其他人做相同動作嘅相,原來都幾普遍,再之後又有人分享埋其他靚女田徑選手嘅相,會員福利。 相關資訊日本爛賭新人「結婚蛋糕」 巨型牌局坐低即開枱 (Feb 17, 2018) 日本曳貓偷飲麵豉湯 診所驗血好彩無事 (Feb 16, 2018)

Read more ›
奇妙的中國製品圖集    熊公仔玩具崩壞
by / on 29/08/2015 at 3:11 pm

奇妙的中國製品圖集 熊公仔玩具崩壞

大陸嘢就算唔爆炸,都好大機會偷工減料,最近日本網民回帶睇返好多奇妙嘅中國製品,例如熊仔公仔除咗件衫之後原來無身體嘅、沙包打打吓爛咗發現入面全部都係布碎、手袋背面原來係高露潔牙膏盒‥‥‥ 相關資訊BB-8+R2D2陪過情人節 送《Star Wars》公仔花束畀女友 (Jan 18, 2018) 【有片】隨時嘟錯俾錯錢 中國租單車有假QR Code (Jan 17, 2018)

Read more ›

奇妙職業   狗糧試食員   年薪高達58萬
by / on 08/01/2015 at 7:28 am

奇妙職業 狗糧試食員 年薪高達58萬

職業無分貴賤,但有好玩同唔好玩之分,好似呢位Philip Wells返嘅工就就夠晒特別,因為佢係一個狗糧試食員!嚴格嚟講,唔單止狗,貓糧佢都會試,佢喺一間寵物食品公司Lily’s Kitchen返工,每日嘅工作就係開罐頭,聞兩聞然後試試食,確保啲貓狗罐頭品質達標,雖然全部都通過認證,人類食都無問題,不過味道就唔多滋味。好彩年薪都唔錯,有23萬至58萬左右,視乎經驗而定,而且計埋計埋,即係包伙食,年中可以慳唔少。  相關資訊日本狐狸開餐圖 網民發現原來餵「狗糧」 (Mar 16, 2017) cosplayer正職揭秘 心理學家/教師/副總統都愛cosplay (Oct 20, 2014)

Read more ›