Post Tagged with: "奇譚"

日本奇譚「紙箱貓」扭蛋      自動行走超可愛
by / on 14/11/2017 at 8:15 am

日本奇譚「紙箱貓」扭蛋 自動行走超可愛

日本扭蛋公司奇譚之前出過呢個自動行走嘅動物系列,第一次係企鵝,今次終於到紙箱貓,吸引力即時增強幾百倍!總共有6個款式,每隻喵都笠咗唔同嘅紙皮箱,只要放喺傾斜嘅位置佢就會自動向前走,唔駛用電,諗起都想玩。另外紙箱後面仲會露出條貓尾巴,可愛到暈! 相關資訊【有片】日本奈良現奇景 「霧氷」、藍天共演! (Nov 25, 2017) 日本網民分享30款髮型 日日轉款Twitter熱傳 (Nov 25, 2017)

Read more ›

日本傳統貓奴怪 奇譚新扭蛋夠古怪夠特別
by / on 20/09/2017 at 7:25 am

日本傳統貓奴怪 奇譚新扭蛋夠古怪夠特別

又貓又妖怪,今次日本專出扭蛋嘅奇譚又新嘢玩,用咗繪本作家石黒亜矢子最擅長嘅喵同妖怪結合嚟做題材,一式七款,好有傳統風味,鍾意儲古怪特別扭蛋嘅朋友應該會鍾意,預計9月底正式推出。 相關資訊日本瘋狂fans自製「廣瀨鈴」假人 遊環球影城Twitter熱傳 (Nov 25, 2017) 日本可愛鹿仔「禦寒」大法 枯葉包圍成為景點 (Nov 25, 2017)

Read more ›
日本「排隊喵」扭蛋 全部貓排排企超可愛
by / on 28/08/2017 at 7:39 am

日本「排隊喵」扭蛋 全部貓排排企超可愛

專出奇怪扭蛋嘅日本奇譚又有新嘢,今次係排隊喵星人,之前出過樹熊版,仲有高度分,今次到喵星人,有4種顏色,企最前嗰隻叉腰,最尾嗰隻就垂直雙手企到直一直,好似朝早開早會咁,識玩嘅一定係買多幾隻排個長龍出嚟,好可愛!預計12月發售。 相關資訊【有片】日本外務省官方出片 介紹模型歷史文化 (Nov 24, 2017) 日本車站職員超強手藝 剪票紙碎15萬粒砌列車畫 (Nov 24, 2017)

Read more ›
【圖集】日本喵星人戴「兔耳」想殺人   受害喵照片大公開
by / on 16/08/2017 at 7:01 am

【圖集】日本喵星人戴「兔耳」想殺人 受害喵照片大公開

都話奇譚呢個扭蛋系列係喵星人嘅惡夢,有日本網民買咗「兔耳」系列,即係左邊嗰幅圖啦,黃色耳仔戴咗上去之後隻貓直情想殺人咁款!張相喺Twitter勁多人RT,網民個個都話隻喵嘅殺意好濃,好憤怒,之後有其他網民放其他受害喵嘅相,有啲扮羊咩,有啲扮兔仔,仲有之前嘅賊仔款,基本上全部都係好無奈或者好呆,入嚟有得回帶笑吓。 相關資訊【圖集】日本喵星人冬天著斗篷 戴埋帽仔超可愛 (Nov 24, 2017) 日本公司「另類」員工福利 同動漫人物結婚每月5千円津貼 (Nov 24, 2017)

Read more ›
喵星人惡夢      萬聖節奇譚加推新扭蛋
by / on 15/08/2017 at 7:05 am

喵星人惡夢 萬聖節奇譚加推新扭蛋

10月31日又到萬聖節,點可以只有你自己cosplay?有喵星人惡夢之稱嘅奇譚扭蛋系列又有新嘢,嚟到第11彈,今次主題係萬聖節,4款喵星人頭套,有齊女巫、蝙蝙、南瓜同鬼,最正都係紫色尖頂嘅女巫款,戴住佢應該呆咗唔識郁。另外後面蝙蝠嗰款都好有特色,最適合配白貓,9月初推出。BTW,我成日諗呢張宣傳相究竟係真戴定係合成嘅呢? 相關資訊「熊貓之穴」爆笑扭蛋「巨型化」 熊貓鞋抽下巴超崩壞 (Nov 23, 2017) 日本喵星人「謎之儀式」 猜拳決定邊個陪主人瞓 (Nov 21, 2017)

Read more ›
日本奇譚喵頭套扭蛋 今次扮Hello Kitty吉蒂貓
by / on 22/07/2017 at 11:58 am

日本奇譚喵頭套扭蛋 今次扮Hello Kitty吉蒂貓

奇譚呢款貓頭套扭蛋真係長出長有,之前有賊仔款、船梨精、生果主題,連兔仔都扮埋,最近終於輪到扮貓嘞,不過係扮吉蒂貓Hello Kitty!今次同Sanrio合作,除咗Hello Kitty之外仲有布甸狗、小惡魔Kuromi等等,可惜要等到10月頭先正式推出,呢排俾隻喵抖吓先,遲啲先同你大變身! 相關資訊【相集】超合拍野外喵狗組合 上山下海成為好朋友 (Nov 25, 2017) 相差10歲一樣可愛 網民狂讚藤田ニコル/佐佐木希和服造型 (Nov 23, 2017)

Read more ›

【又嚟】 日本喵星人頭套扭蛋   「水族館」主題扮魚仔
by / on 18/07/2017 at 7:10 am

【又嚟】 日本喵星人頭套扭蛋 「水族館」主題扮魚仔

呢款貓頭套扭蛋之前都出過唔少款式,有賊仔頭巾、水果主題,今次輪到水族館嘞。都係日本嘅奇譚扭蛋出品,一共有6個款,最無奈應該係魚仔嗰款,明明食魚嘅喵星人俾條魚騎住,睇得唔食得,難怪黑晒面嘞。今個月中推出,每扭一次300円,去開日本記住扭俾喵星人做手信嘞,雖然佢唔想要。 相關資訊新片速報 PS4《幪面超人 巔峰戰士》「南光太郎」Black參戰! (Nov 23, 2017) 日常生活二次元化 全40種各300円「主角透明濾鏡」 (Nov 23, 2017)

Read more ›
IG女皇渡邊直美出杯緣子 重量級攀爬夠突出
by / on 22/06/2017 at 7:54 am

IG女皇渡邊直美出杯緣子 重量級攀爬夠突出

日本搞笑女藝人渡邊直美喺日本勁受歡迎,IG粉絲更加去到680萬,好誇張,日本人鐘意佢夠真唔造作,除咗有自家服飾品牌,最近佢仲同奇譚合作出埋杯緣子擺設。重量級嘅身形爬喺杯邊,效果夠晒突出!姿勢包括倒吊、坐、爬同趴,各有特式,仲有一個隱藏款式,合共5款,今年8月推出。 相關資訊【相集】超強IG攝影師過百萬followers 擅長影黑白靚相 (Nov 23, 2017) 日本人氣美食家 多士畫圖案IG熱傳 (Oct 3, 2017)

Read more ›
【災難級】喵星人水果頭套 扮蕉星人超爆笑
by / on 04/03/2017 at 7:44 am

【災難級】喵星人水果頭套 扮蕉星人超爆笑

喵星人有難嘞!日本扭蛋公司奇譚Kitan又出貓頭罩,今次唔扮賊仔唔扮羊,改為扮「水果」!總共有六款水果,包括蘋果、香蕉、西瓜、士多啤梨、哈蜜瓜同蜜柑,最正當然係蕉星人啦!不過喵頭要28cm-29cm先戴得落,可惜6月先推出,到時記住要儲一套日日換新款! 相關資訊【新片速報】日本超嗲喵星人又出動 遇天敵「吸塵機」即變靜音 (Nov 20, 2017) 【有片】日本喵星人沉迷上YouTube 後腳伸直好識嘆 (Nov 14, 2017)

Read more ›
日本邪教喵星人扭蛋 披住毛毯圍爐取暖
by / on 15/02/2017 at 7:23 am

日本邪教喵星人扭蛋 披住毛毯圍爐取暖

專出古怪扭蛋嘅日本公司奇譚最近又有新嘢,今次係一式六款嘅喵星人,不過係披住張毯神神秘秘嘅喵,每隻唔同色嘅喵會配唔同色嘅毛毯,佢哋個樣都係木無表情,好似信咗邪教咁。儲齊6個仲可以等佢哋圍爐取暖,圍埋一齊開神秘會議。預計今年5月發售,每扭一次`300円,去開日本記住留意吓嘞。 相關資訊可以咁樣玩!螢光耳環變玩具螢光棒 (Nov 23, 2017) 日本「DJ社長」惡搞雙馬尾囡囡 超醜造型Twitter熱傳 (Nov 23, 2017)

Read more ›
日本「杯緣喵」扭蛋第二彈 喵星人爛瞓爬杯邊
by / on 03/01/2017 at 7:19 am

日本「杯緣喵」扭蛋第二彈 喵星人爛瞓爬杯邊

日本扭蛋公司奇譚旗下嘅PUTITTO,之前已經出過「杯緣狗」,之後居然出埋「杯緣貓」!由於反應太好,官方決定出第二彈,啱啱正式推出,繼續都係瞓到攤喺杯邊嘅喵星人,仲有伸懶腰、抓住瞓同埋坐住瞓,完全反映倒喵星人爛瞓嘅真實面貌,貓奴一定想新一年帶晒佢哋返屋企! 相關資訊有片:日本YouTuber大整蠱 飯檯標出大隻佬嚇祖母 (Nov 22, 2017) 【有片】日本浸浴喵 浸到想瞓游埋水 (Nov 22, 2017)

Read more ›

日本奇譚出手錶      8 bit名錶超想要
by / on 06/10/2016 at 7:14 am

日本奇譚出手錶 8 bit名錶超想要

呢隻手錶堅正喎,8bit名錶,日本設計,而且只係需要300円。由專出古怪扭蛋嘅奇譚同TOKYO PIXEL嘅大図まこと合作,一式7款,由勞力士款到金錶款到電子錶款,以至最新嘅Apple Watch都有,下年1月開始發售,而家開始儲定錢就啱嘞。不過補充多句,隻錶無得睇時間嘅,唔緊要啦,你都係用手機睇架啦。 相關資訊【新片速報】日本網民收1百萬籌碼手信 原來係火機Twitter熱傳 (Nov 22, 2017) 【新片速報】日本超可愛水瀨仔 瞓晏覺識冚被 (Nov 21, 2017)

Read more ›
靜香杯緣子月底發售 白色浴巾出浴款最搶手
by / on 23/08/2016 at 7:13 am

靜香杯緣子月底發售 白色浴巾出浴款最搶手

終於到你喇靜香!日本扭蛋公司奇譚旗下專同動漫合作嘅PUTITTO,最近公佈咗呢款靜香杯緣子,一式四款,最吸引當然係包住白色浴巾面紅紅嗰款啦,另外著傳統一件頭泳衣單眼嗰款都好迷人,預計今個月底推出,見到記住買嘞! 相關資訊日本貓奴品味之選 白色恤衫領變貓紳士 (Nov 12, 2017) 日本白色鬚鬍喵 超搞笑外型Twitter熱傳 (Sep 21, 2017)

Read more ›
日本「狗狗警察帽」扭蛋 1式5款好想抽
by / on 05/08/2016 at 7:15 am

日本「狗狗警察帽」扭蛋 1式5款好想抽

專出搞笑扭蛋嘅日本奇譚又有新嘢玩,繼之前幫貓仔出賊仔頭巾、聖誕帽之後,今次輪到狗仔Cosplay做警察!合共設咗咗5款警察帽,除咗經典藍之外,仲有專為狗女而設嘅可愛粉紅帽,連迷彩款都有。不過箍頸個圈有啲細,大約適合頭型圓周22至36厘米嘅狗狗。預計8月初推出,每扭一次300円,去開日本記住扭嚟做手信送俾有養狗嘅朋友嘞。 相關資訊真正貓仙人!日本白貓最愛曬燈 (Nov 20, 2017) 【有片】北海道錄今季最低氣溫-17.3度 留萌市積雪60cm! (Nov 20, 2017)

Read more ›
【層層叠】超正日本喵星人扭蛋 捐紙巾盒前後睇都正
by / on 04/08/2016 at 7:13 am

【層層叠】超正日本喵星人扭蛋 捐紙巾盒前後睇都正

喵星人對玩具嘅要求好簡單,最緊要捐得,而且係紙製嘅!其中紙皮箱、紙巾盒呢啲就最啱佢哋嘞。出名多諗頭夠古怪嘅扭蛋公司「奇譚」(Kitan)最近又有新作品,今次呢款蘇格蘭摺耳貓紙巾盒,全部都係喵星人喺盒度捐出嚟嘅姿勢,前面睇好可愛,後面睇突出個pet都好正,仲可以將佢哋叠高嚟玩,預計11月頭推出,去開日本一定要買! 相關資訊日本另類麻雀Twitter熱傳 百潔布/刷膠全部變麻雀 (Nov 20, 2017) 【理想與現實】迪士尼煙花相崩壞版 日本網民分享失敗作 (Nov 20, 2017)

Read more ›