Post Tagged with: "小朋友"

【羨慕】超正可乘坐《龍貓》貓巴士      小朋友專用
by / on 21/04/2018 at 11:38 am

【羨慕】超正可乘坐《龍貓》貓巴士 小朋友專用

有睇過《龍貓》嘅應該都好想試吓坐貓巴士 (唔係貓車呀!)最近見到日本推出咗呢款人坐嘅貓巴士玩具,可惜只係俾1-4歲嘅小朋友坐,不過就唔係坐喺入面,但已經令人覺得好幸福好羨慕!售34560円,即係2500港幣左右,都唔平喎。 相關資訊佛系蛋糕 日本網民分誕佛誕專用蛋糕 (Apr 10, 2018) 沙灘專用「貓腳印拖鞋」 日本設計貓奴要買 (Apr 10, 2018)

Read more ›

日本殘暴小朋友 原隻「ファービ」放入煎pan烹調
by / on 11/02/2018 at 2:25 pm

日本殘暴小朋友 原隻「ファービ」放入煎pan烹調

呢隻「ファービ」好受小朋友歡迎,個樣有啲似貓頭鷹又有啲似雞,不過喺小朋友眼中,原來可以用嚟煮雞肉料理。有日本網民放咗啲相上Twitter,屋企嘅囡囡學煮嘢食,竟然放埋「ファービ」入煎pan。其實煮之前應該要先脫晒佢啲毛嘛。BTW,個煎pan其實同隻「ファービ」啲大細啱啱好,又好難怪會有呢個誤會嘅。 相關資訊貓奴要去 日本超正旅館有貓入房陪玩 (May 21, 2018) 【新片速報】日本超嗲海豹仔 反肚摟摸捉實飼養員隻手 (May 21, 2018)

Read more ›
【有片】日本小朋友匿埋角落食香蕉     網民大讚超可愛熱傳
by / on 05/02/2018 at 7:13 am

【有片】日本小朋友匿埋角落食香蕉 網民大讚超可愛熱傳

其實食香蕉係一件好健康嘅事,呢位住喺大阪嘅小朋友偏偏好似偷食零食咁,匿埋喺廚房嘅角落跪喺地下食,之後俾媽咪發現,然後拍極佢都唔應,驚人搶咗佢咁。網民個個留言都話好可愛,但係有無人好似我咁,諗起《咒怨》嘅俊雄? 相關資訊【相集】日本攝影師超治癒相集 祖母與柴犬置身花海 (May 21, 2018) 日本渋谷任食炸雞 100円放題Twitter熱傳 (May 21, 2018)

Read more ›
《美女與野獸》填色簿 小朋友自創「美女」超性感服裝
by / on 29/01/2018 at 7:05 am

《美女與野獸》填色簿 小朋友自創「美女」超性感服裝

小朋友諗嘢好簡單直接,好似呢張最近喺日本Twitter熱傳嘅圖,有媽咪話見到囡囡嘅填色簿,入面嘅美女Belle件衫竟然咁性感,忍唔住放上Twitter分享!睇嚟囡囡本身個人都好開通,不過著成咁,野獸應該會獸性大發。之後有網民留言,原來佢個囡都係填色填成咁‥‥‥ 相關資訊日本網民自創絕技 一秒全變「眼鏡娘」 (May 19, 2018) 【圖集】日本超可愛倉鼠仔 自創多款梳化坐姿 (Dec 16, 2017)

Read more ›
日本黑喵慘遇小朋友 全身變玩具枱坐定定任玩
by / on 19/01/2018 at 12:44 pm

日本黑喵慘遇小朋友 全身變玩具枱坐定定任玩

都話喵星人最大嘅敵人係小朋友,最近又有一個受害者嘞。呢隻日本黑喵坐喺屋企休息緊,不過就淪為小朋友嘅玩具枱,最終擺到成身都係嘢,由頭到尾,不過佢都好乖,全程坐定定,好叻呀! 相關資訊【有片】日本鴨仔亂過馬路 司機超自律停車放行 (May 21, 2018) 【新片速報】日本喵星人出動 牛仔褲「貓鬚」製造工場 (May 20, 2018)

Read more ›
【多片】日本神級小機迷 玩《GT 6》高手風範
by / on 06/01/2018 at 10:02 pm

【多片】日本神級小機迷 玩《GT 6》高手風範

越嚟越多女仔鍾意打機,不過就算玩賽車都係玩「孖車」多啫?唔係喎,呢位日本5歲小朋友,見佢仲係玩緊PS3,即係《Gran Turismo 6》啦,而且片中喺鈴鹿賽道揸得好好!睇番佢Twitter,原來佢平時仲有玩小型賽車,似乎未來可能係女車手喎!最後留意番,佢隻貓喺薄電視頂都瞓到,都係高手喎! 相關資訊日本推出 電話座連散熱風扇 睇片好啱 (May 20, 2018) 日本薄切王 一條方包切47片 (May 20, 2018)

Read more ›

小朋友想養貓屋企人唔俾    貼大字報展示超強說服力
by / on 13/12/2017 at 7:40 am

小朋友想養貓屋企人唔俾 貼大字報展示超強說服力

唔少人細過都試過求爹哋媽咪俾我哋養寵物,不過去到呢個小朋友咁盡就比較少見嘞。呢位外國小朋友好想養貓但係爹哋唔比,但係佢無放棄,反而不停寫紙仔、畫公仔說服(其實係讉責)對方。內容包括「你令佢哋要喺個好細嘅盒入面乜都做唔到只可以喊」、「你殺害無辜嘅生命!」、「佢哋將會好孤獨咁死去,永遠都得唔到一個家,因為有啲人想佢哋死」,後加好多張自畫或者喺網上下載落嚟嘅貓圖貓相,每張都係喊緊嘅,睇完簡直覺得自己殺咗人咁,好內疚呀!啲相由佢家姐Danielle Grubisic‏放上網,之後喺Twitter熱傳。咁最後結果係點?入嚟睇吓最尾張相就知嘞。 相關資訊【連環圖】小朋友/狗狗排排企 好奇心爆棚Twitter熱傳 (Jul 13, 2017) 【圖集】日本恐怖遊樂園設施 小朋友見到實喊 (Jul 10, 2017)

Read more ›
【新片速報】高手在民間   日本超強小朋友自彈自唱
by / on 30/10/2017 at 7:28 am

【新片速報】高手在民間 日本超強小朋友自彈自唱

都話高手在民間,今次仲要係小朋友。呢段片最近喺Twitter好多人分享,片中嘅小朋友拎住結他自彈自唱,水準仲要好高,淨係聽聲會俾佢呃到以為係大人。好多網民都留言話等睇佢大個成為明日之星,入嚟有片睇。 相關資訊日本媽媽母親節收「浸浴紅玫瑰」 試用發現超恐怖 (May 19, 2018) 【一張圖變圖集】新奇揹背囊 二次元、三次元同步挑戰 (May 18, 2018)

Read more ›
日本網民改裝史萊姆 變小朋友專用背囊
by / on 02/10/2017 at 12:31 pm

日本網民改裝史萊姆 變小朋友專用背囊

史萊姆啲產品好可愛,其實好啱小朋友。之前嘅超大型咕臣同埋眼藥水都好受歡迎,最近有日本網民花咗少少心思,將個史萊姆袋改裝成小朋友專用背囊,仲搵咗自己屋企嘅小model做示範,出嚟嘅效果好可愛,網民喺Twitter狂RT,仲叫佢考慮量產化,如果成事的話應該好多人會買。 相關資訊又係咁?日本便利店入多貨 店員美圖促銷意粉 (May 18, 2018) 【有片】京都嵐山竹林大量破壞 竹上寫字有中英韓文 (May 18, 2018)

Read more ›
【地獄料理】日本小朋友「運動會便當」 獅子狗變雞仔
by / on 30/09/2017 at 12:02 pm

【地獄料理】日本小朋友「運動會便當」 獅子狗變雞仔

日本人好鍾意整便當,仲會自創啲得意圖案出嚟。最近有日本網民放咗呢款奇趣雞仔卷上Twitter,話係呀妹整俾細佬去學校運動會嘅便當。每粒獅子狗卷入面都塞咗兩粒枝豆,就好似一隻隻掙扎緊求救嘅雞仔。之後好多網民出圖回應,原來呢款獅子狗卷好受主婦歡迎,又原來除咗青豆之外仲可以放粟米,千變萬化。 相關資訊【有片】挑戰笑點底線 日本網民飼養謎之生物 (May 18, 2018) 【相集】日本Twitter超流行 分享搞笑「貓貓成長對比圖」 (May 18, 2018)

Read more ›
小朋友雨衣戴起似condom   日本amazon有得買
by / on 13/09/2017 at 7:05 am

小朋友雨衣戴起似condom 日本amazon有得買

之前都有類似嘅產品,最近日本網民熱烈討論呢款小朋友雨衣,話著起好似去咗巴黎咁,應該係指頂帽好似紳士啩。之後有網民話其實有大人裝,可以親子裝咁出街,然後有人搵咗大量相似圖,有condom亦有其他搞笑嘢,入嚟有回帶。想買嘅都有條amazon嘅link,不過我估淘寶都有。 相關資訊【相集】喵星人大得好快 日本熱傳對比照超可愛 (May 18, 2018) 覆whatsapp好攰呀!日本Softbank出啞鈴電話殼 (May 17, 2018)

Read more ›

日本5歲小朋友 第一次見卡式帶想插USB
by / on 06/09/2017 at 7:22 am

日本5歲小朋友 第一次見卡式帶想插USB

都好正常嘅,21世紀嘅小朋友,對於乜嘢係cassette帶甚至CD或者DVD都應該完全無概念嘞。日本有位媽媽拎咗餅cassette帶出嚟,點知5歲嘅囡囡好自然就拎上耳仔以為可以講電話,又試圖想插個USB頭落去,「喂喂?無聲嘅,快啲叉電啦!」不過就算呢部真係電話,佢好快都會放低,因為都無得睇YouTube。 相關資訊日本Twitter超流行 分享「影唔返第二次嘅靚相」 (May 17, 2018) 日本喵星人匿藏失敗 鼻頭露出超可愛 (May 17, 2018)

Read more ›
【有片】日本5歲小朋友開網店     摺紙/畫作「天價」賣9億円
by / on 02/09/2017 at 12:06 pm

【有片】日本5歲小朋友開網店 摺紙/畫作「天價」賣9億円

5歲就可以做網店店主,呢位日本嘅小朋友嚇親好多大人,特別係定價方面。佢嘅屋企人幫佢整咗個美術館網站,入面放咗佢嘅摺紙、畫作,而定價就由小朋友自已決定,於是你會見到9萬円嘅恐龍摺紙、9億7萬円嘅畫作,連佢媽咪都覺得有啲唔好意思,所以過億円嘅作品都會寫明「不發售」。而入面有幾款幾百円嘅摺紙都已經「售罄」,估計客人包括店主嘅家人同親戚‥‥‥ 相關資訊日本《小紅帽》《白雪公主》泳衣 似cosplay衫仲有長褲 (May 17, 2018) 【新片速報】日本網民斟水悲劇 無辜受害Twitter熱傳 (May 16, 2018)

Read more ›
9歲小朋友去信NASA應徵太空職位     信件Twitter熱傳
by / on 08/08/2017 at 7:26 am

9歲小朋友去信NASA應徵太空職位 信件Twitter熱傳

細個有無想過做太空人?外國有位9歲嘅小朋友Jack Davis好鍾意睇同太空或者外星人有關嘅電影,仲夢想加入NASA美國太空總署,最近佢寫信去應徵Planetary Protection Officer呢個職位,下款仲話自己係「Guardian of the Galaxy」。封信俾佢嘅親友放上網之後而家熱傳緊。之後NASA嘅Director回覆佢,話呢個職位要保護地球好重要,叫呢位小朋友要俾心機讀書,將來希望喺NASA見到佢,好勵志!入嚟有足本版慢慢睇 相關資訊【有片】超可愛雀仔短片 一齊轉超搞笑Twitter熱傳 (May 19, 2018) 【新片速報】日本酒店升降床 網民入住拍片Twitter熱傳 (May 10, 2018)

Read more ›
【新片速報】日本小朋友大開殺戒     開槍狂轟布甸狗
by / on 07/08/2017 at 7:03 am

【新片速報】日本小朋友大開殺戒 開槍狂轟布甸狗

究竟布甸狗做錯咗啲乜嘢要受到咁大嘅懲罰?日本有小朋友揸住支巨型兵器,然後集中火力攻擊布甸狗,期間仲發出幻彩光,睇佢連環開火,似乎一定要殺布甸狗滅口,之後仲近距離開槍,究竟布甸狗知道咗佢乜嘢衰嘢?係咪偷食咗雪櫃筒雪糕? 相關資訊日本廁所品牌超強紙模型 免費下載紙樣網民狂玩 (May 16, 2018) 【我佛你】日本霧中大佛極有氣氛 網民諗起《Gantz》《Hunter》 (May 15, 2018)

Read more ›