Post Tagged with: "崔成安"

崔成安「俠義龍情」環保Tote Bag 每個$120開訂
by / on 16/01/2018 at 9:00 pm

崔成安「俠義龍情」環保Tote Bag 每個$120開訂

正呀喂,崔成安又有新精品推出,今次係「俠義龍情」環保購物Tote Bag,有兩款,每個$120。兩個袋構圖都靚到犯規,若硬要二揀一的話,我會揀彩色嗰個,搶眼啲吖嘛,咁當然,最好就兩個都買晒喇。 相關資訊【超治癒】「熊貓之穴」長下巴動物Tote Bag 大阪有得買 (Nov 4, 2017) 《今晚打喪屍》作品展 仲有Tee同Tote Bag要搶 (Oct 17, 2017)

Read more ›

李小龍生忌 劉萬梁x崔成安推出1127紀念套裝
by / on 29/11/2017 at 8:45 pm

李小龍生忌 劉萬梁x崔成安推出1127紀念套裝

Sorry,呢條News遲早兩日出,真係唔知仲有無得落訂。1127,李小龍生忌,好多面書朋友仔都有出圖致敬,而劉萬梁師傅同崔成安就推出咗個1127紀念套裝,包崔成安最新雙節棍25式Poster、合一雙節棍與刺繡暗龍雙節棍套、雙節棍架同雙節棍筆、燙金雙節棍連環圖譜封面袋。咁多Item,都不過係$450,限量10套,唔知賣晒未呢?有興趣嘅唔該快啲落訂,呢鋪真係手快有手慢無呀老友。 相關資訊有片:一樣型!當李小龍舞雙節棍光劍…… (Jan 17, 2018) 睇比賽+「十二神將」展覽 雙節棍點只兩碌木咁簡單 (Dec 13, 2017)

Read more ›
劉萬梁x崔成安 出紅酒招紙有舞棍Pose
by / on 15/11/2017 at 1:21 am

劉萬梁x崔成安 出紅酒招紙有舞棍Pose

劉萬梁師傅又有新搞作喇,除推出實牙實齒嘅雙節棍同畫集,最新精品有紅酒。係,你無睇錯我都無寫錯,真係推出紅酒。酒樽本身無乜特別,但正在樽身招紙見到劉師傅型仔舞棍Pose,當然又係出自崔成安手筆喇,用《雙節棍連環圖譜》封面複印而成,好鬼型,預計嚟緊12月推出,價錢未定。我唔多好飲酒,但都好想擁有,當精品儲都正呀喂。 相關資訊馬榮成推出風雲紅酒 $1680送水墨畫集 (Jan 17, 2018) 「女神のルビー」Pocky 配紅酒有品味 (Oct 10, 2017)

Read more ›
崔成安雙節棍連環圖譜Poster 一套四張$200開賣
by / on 04/11/2017 at 4:41 pm

崔成安雙節棍連環圖譜Poster 一套四張$200開賣

終於有詳細資料,之前報導過嘅崔成安雙節棍連環圖譜Poster,一套四張畫齊晒25招,正式售價為$200,A3 Size。試幻想吓,將25個舞住雙節棍嘅劉萬梁師傅掛上牆,肯肯定係威係勢喇,必買之選也。 資料來源: https://www.facebook.com/nunchaku.hk/photos/a.425899590785879.93898.425743624134809/2040328296009659/?type=3&theater 相關資訊崔成安超巨型海報先睹為快 時鐘變畫框超正 (Feb 5, 2017) 門小雷《The Blister Exists》後續精品 Tote Bag+Poster+邀請卡要儲 (Jan 23, 2017)

Read more ›
崔成安雙節棍連環圖譜Postcard 先睹為快
by / on 01/11/2017 at 10:45 pm

崔成安雙節棍連環圖譜Postcard 先睹為快

真係靚到啪啪聲,公仔主角劉萬梁師傅畫得固然靚,連啲毛筆字體都足堪回味,呢套由崔成安繪畫嘅雙節棍連環圖譜Poster,一套四張,會畫齊總共25式雙節棍招式,甚麼鐵打三角、翻山越嶺、虎口換手、先斬後奏、射棍勢,嘩,好型呀,點可能唔買? 相關資訊張君豪送賀年Postcard 蛋散變英雄 (Feb 7, 2018) Pen So送新年Postcard 想攞唔該留意佢面書 (Dec 26, 2017)

Read more ›
好消息!《雙節棍連環圖譜》搞多次簽名會!
by / on 05/10/2017 at 9:00 am

好消息!《雙節棍連環圖譜》搞多次簽名會!

崔成安聯乘劉萬梁師傅本《雙節棍連環圖譜》剛喺上周搞完新書簽名會,由於好評如潮,所以決定添食搞多次,日期係10月7日,不過今次移師「李公館」,屆時同樣有新書、特別會場版雙節棍同限量十套嘅李小龍電影系列海報售賣。對我嚟講絕對係好消事,上週因事忙去唔到,今個禮拜六有機會補飛,開心呀喂。 相關資訊崔成安《龍的傳奇》畫展 香港無得睇? (Jan 15, 2017) 真心正!崔成安開「龍的傳奇」畫展! (Jan 10, 2017)

Read more ›

《雙節棍連環圖譜》發佈會 搶崔成安電影系列海報
by / on 30/09/2017 at 6:28 pm

《雙節棍連環圖譜》發佈會 搶崔成安電影系列海報

聽日就係《雙節棍連環圖譜》新書發佈會,主角劉萬梁同崔成安會駐場同大家簽名影相吹水,我就一定撐場架嘞。And,提提大家,屆時會發售崔成安李小龍電影系列海報,一套五張分為「唐」、「精」、「猛」、「龍」、「死」,即係取五套電影《唐山大兄》、《精武門》、《猛龍過江》、《龍爭虎門》同《死亡遊戲》第一個字取名,家陣登咗兩張相畀大家睇睇,記住,限量10套,每套$200,要搶! 相關資訊好葡萄!崔成安贈畫劉萬梁師父! (Dec 29, 2016) 網圖分享:2016港漫人的聖誕賀圖 (Dec 25, 2016)

Read more ›
《雙節棍連環圖譜》新書簽名會 買書抽獎送崔成安原稿
by / on 18/09/2017 at 3:52 pm

《雙節棍連環圖譜》新書簽名會 買書抽獎送崔成安原稿

訂咗崔成安聯乘劉萬梁本大作《雙節棍連環圖譜》未?未訂的話,可以喺10月1日親臨新書發佈會買書,屆時兩人會駐場,影相簽名甚至叫劉師傅耍番兩招都問題。記住嘞,已訂書嘅,到場可以領書,未買書嘅,可以即買,另有特別會場版雙節棍、珍藏版木雙節棍、崔成安李小龍水晶畫版同Poster發售。最最最最最重要係,到場買書仲有可以參加大抽獎,有機會奪得崔安《雙節棍連環圖譜》原稿一張,名額五個,嘩!原稿呀,真係諗吓都興奮,好想要呀喂。 相關資訊《武當功法》見街 齋買崔成安封面都抵 (Dec 13, 2016) 崔成安《我的武俠世界》釘裝出錯 歡迎讀者預約換書 (Sep 28, 2016)

Read more ›
有片:崔成安《雙節棍連環圖譜》短片 劉萬梁師傅好像真
by / on 28/08/2017 at 10:00 pm

有片:崔成安《雙節棍連環圖譜》短片 劉萬梁師傅好像真

唔係吹水,真係靚架,崔成安畫嘅《雙節棍連環圖譜》真係靚到啪啪聲架,畫靚人都靚,劉萬梁師傅亦係靚仔啫。為宣傳《雙節棍連環圖譜》,崔成安製作咗條Stop motion漫畫短片,短短哋,加埋配樂,搞到成件事非常有氣勢。留意番,公仔面相同劉萬梁係極相似嘅,還原度極高,不得不服。 相關資訊馬雲新著《鐵拐俠盜》 附戴慶賢插畫要撐 (Sep 22, 2016) 小說《鐵拐俠盜──無價之寶》復刻創刊 崔成安繪畫封面 (Jul 19, 2016)

Read more ›
《雙節棍連環圖譜》封面曝光 早買送雙節棍袋
by / on 02/08/2017 at 8:30 pm

《雙節棍連環圖譜》封面曝光 早買送雙節棍袋

之前本網站報導過劉萬梁同崔成安一老一少將合作推出《雙節棍連環圖譜》,一個耍棍,一個畫圖,成畫壇美事也。家陣封面曝光,一貫崔成安水準,封面裡面嘅劉萬梁畫得好英偉,我諗劉萬梁師傅本尊應該好開心。此書限量300本,各有獨立編號,首100個購買嘅讀者,會送多個價值$60金龍刺繡雙節棍袋,正呀喂。 相關資訊網圖分享:崔成安的《我的武俠世界》系列 (Jun 1, 2016) 網圖分享:木頭上的風雲/馬Sir/華英雄 崔成安贈畫馬榮成 (Apr 11, 2016)

Read more ›
崔成安x劉萬梁《雙節棍連環圖譜》 送手機環+Poster
by / on 20/07/2017 at 9:00 am

崔成安x劉萬梁《雙節棍連環圖譜》 送手機環+Poster

崔成安同劉萬梁師傅一老一少成莫逆,Friend到唔只贈畫,家陣仲決定合作出書添,《雙節棍連環圖譜》暫定9月出版,由劉萬梁示範十五式雙節棍法,再由崔成安畫番出嚟,有板有眼有根有據,畫面一定好靚。此書有兩個版本,普通版每本$150,送雙節棍連環圖譜手機環;限量版每本$250,送紀念雙節棍,首100個訂購嘅讀者送手機環兼Poster。心郁郁想學雙節棍?大可以親臨劉萬梁師傅打骰嘅「香港雙節棍總會」望望,啱Feel嘅,報名上堂啦,記得讚好專頁兼打卡喎,即送你崔成安漫畫手機環,限量50個,係咪好多著數呢? 相關資訊有片:大渡聚餐2016 雙截棍表演助慶 (Apr 5, 2016) 大渡x鳯凰電子飛鏢機 出李小龍圖案Phoenix Card (Apr 3, 2016)

Read more ›

上官小威復刻《迷離世界》 崔成安贈畫鼓勵
by / on 30/05/2017 at 5:30 pm

上官小威復刻《迷離世界》 崔成安贈畫鼓勵

《迷離世界》決定復刻,回響極大,未出書先興奮就係呢隻嘞。唔只港漫迷興奮,連上官小威本尊都應該一百個開心,因為崔成安專登賜畫,贈賀圖兩大幅,當真物輕情義重。港漫人真係好團結,好事嚟嘅,,希望誠上官小威所言,復刻版《迷離世界》可以趕得切喺佢嫩人家生日前見街啦。 相關資訊上官小威出抱枕/水晶畫板套裝 各限量40套要搶 (Dec 7, 2017) 上官小威復刻《金漫畫》 3+1特別贈品版$98超抵 (Nov 13, 2017)

Read more ›
崔成安x劉萬梁 密切期待《雙節棍連環圖譜》
by / on 25/04/2017 at 10:45 pm

崔成安x劉萬梁 密切期待《雙節棍連環圖譜》

唔多,齋睇封面啫,我已經決定捧崔成安《雙節棍連環圖譜》場,原因有二,一,崔成安畫功精湛到一個點,畫乜都咁靚,佢出書點可以唔儲?二,叫得圖譜當然要有人示範,而示範者正是靚仔到叮一聲嘅劉萬梁師傅,劉師傅唔係得個殼,靚仔就梗,功夫亦係實牙實齒揮灑自如嗰隻,唔信可以去YouTube搵佢啲短片睇睇。一個示範,一個畫,誠完美組合也,真心Mode拭目以待。 相關資訊大渡2016聚餐 漫畫價先開賣+飛鏢機試玩 (Mar 30, 2016) 網圖分享:猴年伊始 港漫人新年賀圖 (Feb 8, 2016)

Read more ›
網圖分享:港漫人贈畫 鼓勵雷特氏症小朋友(三)
by / on 24/04/2017 at 10:50 pm

網圖分享:港漫人贈畫 鼓勵雷特氏症小朋友(三)

嚟到四月尾,贈畫鼓勵雷特氏症小朋友嘅港漫人未停過,梁偉家有份畫,剛奪第三十六屆香港金像獎專業精神獎嘅阮大勇都有份畫,連一向忙到甩轆嘅邱福龍都不吝時間,賜畫一幅,齊齊支持「愛不罕見」呢個咁有意義嘅活動。Fine,睇靚畫之餘,本網站亦祝患病小朋友早日康復喇。 相關資訊買《山海逆戰》送2018年曆卡 (Jan 25, 2018) 《山海逆戰》火將大呼過癮? 于若蘭驚啲乜? (Jan 12, 2018)

Read more ›
崔成安《龍的傳奇紀念水晶巨型畫板》開訂 一套三款$780
by / on 05/04/2017 at 9:00 am

崔成安《龍的傳奇紀念水晶巨型畫板》開訂 一套三款$780

雖則無緣過加拿大一睹「龍的傳奇‧崔成安插畫武俠系列作品展」,但可以買《龍的傳奇紀念水晶巨型畫板》捧場。崔成安手畫已經達藝術品級數,於我,呢一套三款畫板實屬必儲之列。每套畫板附獨立Number,雙重畫面,底係紙板面係水晶板,有崔成安親筆簽名,每套三張售$750。唔多,限量100套,有心買要搶,依家「123漫畫精品專門店」開訂,有買趁手喇老友。 相關資訊《73漫畫》加推書店精裝本 送海報限量73本 (Apr 23, 2017) 《73漫畫》開訂 送匙扣小醉仙/壽星仔二揀一 (Apr 18, 2017)

Read more ›