Post Tagged with: "廣告"

新片速報 日本「第一生命」新CM 武井咲戰隊救柴犬
by / on 03/08/2013 at 11:27 am

新片速報 日本「第一生命」新CM 武井咲戰隊救柴犬

點解去日本旅行夜晚都唔願瞓,要開住部電視?因為啲廣告好睇囉。好似呢個「第一生命」嘅「Dセイバー」戰隊系列咁,啱啱又有新片,武井咲、田辺誠一、東出昌大、伊吹吾郎扮演嘅戰隊又出場,武井咲仲要抱起隻柴犬!真係超級可愛呀!放開那柴犬,換我來!另外仲有幕後製作,原來吊起咗武井咲,正! 相關資訊日本貓零食變「投藥用」 超聰明設計呃喵星人 (Feb 21, 2018) 唔覺意cosplay咗《動物朋友》 日本Twitter熱傳「かばんちゃん」 (Feb 21, 2018)

Read more ›

新片速報 日本寶礦力神奇紙碟 放iPad自動播歌
by / on 26/07/2013 at 6:30 pm

新片速報 日本寶礦力神奇紙碟 放iPad自動播歌

呢件事好神奇,為咗宣傳「FUJI ROCK FESTIVAL ’13」,日本Pocari喺8月號嘅《Switch》落咗個廣告,廣告可以搣3隻細嘅紙黑膠碟出嚟。之後你喺iPad裝個「POCARI MUSIC PLAYER」app,就可以放隻黑膠上去播歌……哦,輕觸嘛,掂到咪播歌囉!冇咁簡單,3隻唔同嘅紙碟,放上iPad表面部機會分到,播3隻唔同嘅歌!原來,係用印刷技術加上靜電原理……其實我都唔係好明,幾神奇。 相關資訊日本貓睇冬奧 最愛冰壼玩埋一份 (Feb 20, 2018) 日本人形蘿蔔出頭天 大細攬枕陪你瞓 (Feb 20, 2018)

Read more ›
狼人出爪    隧道內廣告牌抓爛晒!
by / on 26/07/2013 at 7:24 am

狼人出爪 隧道內廣告牌抓爛晒!

《狼人:武士激戰》噚日上畫,我都準備去睇,不過係為咗主角Hugh Jackman而入場。今集會殺入亞洲喺日本展開大戰,咁官方當然有賣吓廣告,美國Brooklyn某隧道嘅廣告牌夠晒誇張,出自「Poster Boy」嘅flickr戶口嘅作品集,狼人旁邊嘅廣告全部比佢抓爛晒,呢啲先係真正嘅廣告嘛。fans睇完實會心微笑。    相關資訊狼人好溫柔 同樹熊鼻尖碰鼻尖Twitter熱傳 (Dec 31, 2017) 短篇電影《江湖夢裡人》首播 尹光唱腔一絕 (Dec 22, 2017)

Read more ›
新片速報 PS Vita共鬪先生 水著沙灘
by / on 25/07/2013 at 7:29 pm

新片速報 PS Vita共鬪先生 水著沙灘

PS Vita嘅共鬪先生都出咗好幾條廣告,踏入夏季,仲有沙灘篇。鏡頭影住佢一男一女嘅學生去到沙灘,換咗水著,正想……最後,著住水著投入《PSO 2》嘅世界囉。 相關資訊【有片】日本貪玩雀仔 跳風扇扇葉超可愛Twitter熱傳 (Feb 20, 2018) 【太像真】日本男生收「工具箱朱古力」 搭飛機被截查 (Feb 20, 2018)

Read more ›
新片速報 深田恭子新廣告新電影 依然女神
by / on 23/07/2013 at 12:18 pm

新片速報 深田恭子新廣告新電影 依然女神

自從見到結衣BB之後,我以為我已經忘記咗深田恭子,點知佢今季有日劇上,加上睇埋呢個「大東建託」新廣告之後,我先發覺自己好長情,又原來深田恭子依然好得。另外,入嚟仲有一條片,就係嚟緊喺日本上映嘅電影《ルームメイト(Roommate)》,仲有北川景子,條預告片……我都係睇深田恭子。 相關資訊深夜邪念 深田恭子食串燒連環圖 (Feb 1, 2018) 【有片】深田恭子玩「劍玉」 連環失敗好可愛 (Jan 15, 2018)

Read more ›
新片速報 日本10號 VS 10號 香川/中村同場賣廣告
by / on 14/07/2013 at 4:06 pm

新片速報 日本10號 VS 10號 香川/中村同場賣廣告

曼聯嘅香川真司同橫濱水手嘅中村俊輔,都算係兩代日本國家隊皇牌10號球員。可以撮合兩個星級球員賣廣告嘅係adidas,呢條片見到佢哋兩個喺球場露兩手,香川好謙虛咁求教中村,有英文字幕,如果足球係你朋友,入嚟睇睇撐吓兩位。 相關資訊【有片】土屋太鳳/松井愛莉/廣瀨鈴賣朱古力 跳舞扮G字 (Oct 31, 2017) 【新片速報】星野源‧吉岡里帆變狐狸 日清新廣告fans必睇 (Oct 28, 2017)

Read more ›

新片速報 結衣BB食麵加蛋 日清即食麵CM
by / on 14/07/2013 at 2:03 pm

新片速報 結衣BB食麵加蛋 日清即食麵CM

冇o架,冇特別o架,純綷就係日清即食麵嘅新廣告,有兩條片,兩條都有新垣結衣,佢教你整即食麵加隻蛋囉,甜笑囉,食麵囉,唱「チキンラーメンの歌」囉,鍾意結衣BB嘅就要入嚟睇囉。不過講番轉頭,我都係鍾意睇佢之前嗰個Asahi十六茶廣告,著導遊制服加埋啲吉祥物紮紮跳咁,冇得輸,入嚟有回帶。 相關資訊【有片】日本網報道中國版「結衣」 網民覺得似唔似? (Jan 7, 2018) 長澤まさみ18歲、新垣結衣16歲開始 2005年至2017年對比圖 (Dec 25, 2017)

Read more ›
新片速報 CG李小龍嚟香港賣Johnny Walker廣告
by / on 12/07/2013 at 12:48 pm

新片速報 CG李小龍嚟香港賣Johnny Walker廣告

李小龍係好多人嘅永遠偶像,最新大陸就有一個Johnny Walker嘅Blue Label廣告出現咗,由佢做主角。老實講,呢條CG片入面嘅李小龍唔係好似李小龍,佢仲望住香港嘅夜景講普通話,睇完之後,我唉咗口氣,都係摷番隻《猛龍過江》出嚟回味吓好過。 相關資訊有片:一樣型!當李小龍舞雙節棍光劍…… (Jan 17, 2018) 李小龍生忌 劉萬梁x崔成安推出1127紀念套裝 (Nov 29, 2017)

Read more ›
內地廣告外牆直播《金瓶梅》    電腦技工被捕
by / on 04/07/2013 at 7:05 am

內地廣告外牆直播《金瓶梅》 電腦技工被捕

呢單內地新聞真係好好笑,笑中有淚,仲吸引埋英國BBC新聞網報導。 說話內地吉林市有個技術人員,本來維修緊電腦,但忍唔住開著部電腦睇電影《金瓶梅》,好衰唔衰電腦原來駁咗上大廈外牆嘅LED廣告大電視,仲直播咗足足十分鐘!當然吸引好多途人圍觀,佢知道後即時將隻碟掉出街,不過大廈喺正鐵路沿線,好多人已經影咗相放埋上網‥‥‥最後呢位男士被公安拘捕!令我諗唔通嘅係,點解唔返屋企先睇呢?唔通呢隻係用嚟試機嘅天碟? 相關資訊【有片】日本喵直播「放送事故」熱傳 跌鏡頭出現另一隻喵 (Dec 1, 2017) 【有片】佐佐木希人妻賣汁 29歲依然靚 (Oct 27, 2017)

Read more ›
新片速報 日本「明治安田生命」廣告 肌肉兔賣保險變摔角手
by / on 23/06/2013 at 3:35 pm

新片速報 日本「明治安田生命」廣告 肌肉兔賣保險變摔角手

我睇見香港啲電視廣告就真係眼火爆,無啦啦借錢關陳百強咩事?叫人唔好浪費食物又Rap乜春?食唔晒嘥嘥嘥……我堅想打爆個電視!日本嘅廣告就好睇得多,女靚就梗,冇女都一樣可以好搞笑,好似呢個「明治安田生命」廣告係賣醫療保險,都係住院有得賠嗰啲,但公司嘅祥物兔仔就突然變成肌肉兔玩摔角,仲唔留手,好殘暴…… 相關資訊【貓奴共鳴】日本貓扭蛋 喵星人瞓電腦超寫實 (Feb 20, 2018) 【有片】日本吉祥物唔易做 玩平衡球踢牆撞甩帽 (Feb 20, 2018)

Read more ›
新片速報 真樹熊賣廣告 樂天熊仔餅冇熊仔版 火速賣晒!
by / on 18/06/2013 at 9:59 pm

新片速報 真樹熊賣廣告 樂天熊仔餅冇熊仔版 火速賣晒!

樂天熊仔餅好味又可愛,味道越出越多,不過都唔及呢個破格。日本今次再推出呢款冇熊仔嘅樂天熊仔餅,限量500 Set,每Set賣1,050円,就係啲餅冇咗熊仔樣囉!呢個活動仲有電視廣告,話啲熊仔逃走咗。最後,入開佢官網睇,原來近日佢哋有幾條拍澳洲樹熊拍嘅廣告,超可愛! 相關資訊【有片】再闖日本美術館!尾道市黑貓突破防線? (Feb 19, 2018) 日本網民DIY襯衫相簿 自由配搭Twitter熱傳 (Feb 19, 2018)

Read more ›

新片速報 中川翔子 X 成龍 麒麟廣告有得睇 翔子開心到喊
by / on 04/06/2013 at 6:33 pm

新片速報 中川翔子 X 成龍 麒麟廣告有得睇 翔子開心到喊

好多fans都知,中川翔子好鍾意香港,連帶仲鍾意埋香港(定大陸?)嘅成龍大哥。佢有得同成龍齊齊賣「Kirin麒麟」廣告,真係開心到喊喎,喊出聲嗰隻……好喇,廣告有得睇,有180秒版、6分鐘、11分鐘三條片,喺一條中國嘅古裝街道…… 相關資訊【有片】中川翔子到香港 尖沙咀拍片遇不明飛行物體? (Nov 25, 2017) 【有片】34歲深田恭子 + 46歲藤原紀香 共演廣告一樣可愛 (Oct 16, 2017)

Read more ›
日本KFC x Kyary Pamyu Pamyu新廣告 網友大嗌難頂
by / on 02/06/2013 at 11:33 am

日本KFC x Kyary Pamyu Pamyu新廣告 網友大嗌難頂

日本女歌手Kyary Pamyu Pamyu個形象,唔係人人都接受到,就好似呢個KFC嘅新廣告咁,Kyary Pamyu Pamyu加埋日本藝術家兼視覺科學家Akiyoshi kitaoka設計嘅圖案,即係嗰啲明明冇郁但你望住好暈嗰啲呀,融合出令人有少少想嘔嘅效果。日本2ch討論區都有唔少網民討論呢個問題,入嚟睇完片,你又覺得點? 相關資訊【有片】日本超大膽電視節目 「鼻接觸100%」嘉賓笑到癲 (Feb 19, 2018) 【有片】日本網民睇冬奧玩冰壼 掀起家居清潔熱潮? (Feb 19, 2018)

Read more ›
舊片出土 超任/GameBoy店頭遊戲宣傳影片 開你眼界
by / on 20/05/2013 at 3:28 pm

舊片出土 超任/GameBoy店頭遊戲宣傳影片 開你眼界

80/90年代,未有YouTube,未有得上網,但遊戲始終要宣傳嘛。雖然網絡唔發達,但去到90年代都已經有宣傳動畫影片,係俾啲舖頭喺店頭度播放嘅。而呢幾條VHS片就啱啱重現喺YouTube,當中有超任/GameoBoy嘅熱門遊戲,好似Mario Kart、Super Mario World、Donkey Kong Country、Kirby等等,好正!懷舊能入來慢慢看。 相關資訊真係打到機嘅Gameboy手機殼 $89抵玩 (Jan 17, 2018) 【有片】MINI超任已被Hack 加200遊戲後果自負 (Oct 10, 2017)

Read more ›
新片速報 PS Vita電視廣告 「共鬪先生」登場!
by / on 17/05/2013 at 11:21 am

新片速報 PS Vita電視廣告 「共鬪先生」登場!

PS啲廣告一向都幾好笑,呢條片就趁未放暑假喺班房拍,一位名叫「共鬪先生」嘅老師出場,但學生們都唔理佢,直到佢戴起個頭盔企上張枱度大叫之後……原來就係想介紹PS Vita嚟有啲咩可以「共鬪」嘅遊戲,包括《討鬼傳》、《Soul Sacrific》等……唓你都冇《Monster Hunter》,梗係好笑啦。 相關資訊【2018出GAME表】 1月至2月 [PS4 / XBox One / Switch / PC / 3DS / PS Vita] (Jan 7, 2018) 【咁就6年!】PS Vita 6歲生日快樂 咩Game最好玩? (Dec 17, 2017)

Read more ›