Post Tagged with: "強國"

【無敵】山寨Pixar《Cars》 中國《汽車人總動員》:「街度啲車都係差唔多樣。」
by / on 10/07/2015 at 3:05 pm

【無敵】山寨Pixar《Cars》 中國《汽車人總動員》:「街度啲車都係差唔多樣。」

Pixar有套《Cars》,大陸叫《賽車總動員》(唔係《汽車總動員》咩?),但This Summer,啱啱上星期7月4日,大陸就有套叫《汽車人總動員》嘅動畫上映,睇完幅圖都唔駛講嘢喇,據講迪士尼已經發出警告,但係製作單位就回應:「街上的車還不是長得都很像。」嘩無恥到極限!不過,睇埋條預告片,我真係唔敢講佢係抄,因為啲CG仲係停留喺第1代PlayStation年代……呢單料已經傳到日本喇,日本網民啲留言又係冇得頂:「明明以前發明咗紙同火藥,點解嚟到現代會變成山寨國?」「爆發中美大戰?」「唔好意思,係邊套打邊套?」 相關資訊【有片】隨時嘟錯俾錯錢 中國租單車有假QR Code (Jan 17, 2018) 【圖集】核戰後的中國 日本網民熱傳重型面罩圖 (Dec 26, 2017)

Read more ›

中國貨Van裝窗口機 日本網民好驚奇
by / on 25/06/2015 at 6:09 pm

中國貨Van裝窗口機 日本網民好驚奇

其實幾好喎,裝幾多匹自己有得選擇,想靜啲又可以裝分體式添,咁今個夏天車入面個冷氣就實夠凍啦!有日本2ch網民近日就放咗呢兩張相,話大陸呢架窗口機貨Van太有型,之後有網民話一早已經喺外國見過,唔知佢點發電……我就比較擔心佢冷氣機滴水嘅問題,同埋我睇咗好耐,都認唔到戴太陽眼鏡掉轉咗嗰位係邊位…… 相關資訊日本化粧品店貼紙拒中國人內進 網民:「其實唔需要道歉。」 (Nov 27, 2017) 【有片】大陸電競選手 直播中打女友被解約 (Oct 27, 2017)

Read more ›
上海車模扮「乞衣」 抗議車展謝絕性感
by / on 29/04/2015 at 1:34 pm

上海車模扮「乞衣」 抗議車展謝絕性感

今年上海車展少咗啲咩?少咗啲圍影龍友同埋超性感車模囉。之前啲車模性感到極限級,大把人唔為睇車只為影囡囡,可能因為咁,今年上海車展就謝絕車廠請車模喇。咁班車模呢,又真係好似冇其他嘢做喎,佢哋扮成「乞衣」嚟住紙牌抗議,話自己咩功夫白練呀,咩失業要做乞衣呀。呢件事日本網都報道,你哋除咗識得性感之外,真係冇其他嘢可以做? 相關資訊【有片】大陸男酒店消費想走數 30米高電線玩花式 (Oct 4, 2017) 大陸「程序員鼓勵師」傳到日本 網民表示歡迎引入 (Sep 19, 2017)

Read more ›
【有片】中國公路塞車 大叔大媽街舞Battle
by / on 28/04/2015 at 8:15 pm

【有片】中國公路塞車 大叔大媽街舞Battle

唔係講笑,今次我真心嘅,遇到塞車苦中作樂落車跳舞係開心嘅。話說喺上星期22日,雲南省一條高速公路因為意外大塞車,咁大家就諗住搵啲娛樂喇,落車跳舞囉!大叔大媽們勁舞連場,完全上演咗中國版《油脂》,街舞Battle!係威嘅。 相關資訊【有片】係威嘅!大陸業主收樓 發現啲窗畫上去 (Sep 16, 2017) 【有片】中國Coser認真製作 《League of Legends》fan made影片有睇頭 (Sep 6, 2017)

Read more ›
日本網民收中國手信 老翻熊仔餅變傻仔餅 日文亂咁嚟
by / on 27/04/2015 at 4:17 pm

日本網民收中國手信 老翻熊仔餅變傻仔餅 日文亂咁嚟

又係瘋狂恥笑時間,放咗上Twitter幾日,已經有成2萬幾個RT!話說呢位日本網民佢收到去完中國旅行嘅朋友手信,之後就放上網俾大家笑吓。呢一盒明顯抄樂天熊仔餅嘅產品,山寨得嚟相當有心思。首先,係個盒,形狀、用色同隻樹熊都好似,但啲日文就完全亂嚟,好似紅色字下面嗰句,意思就係:「喺兒童嘅天堂接吻。」日本網民睇見,話咁樣做犯法o架喎……之後輪到餅上面喇,唔再係樹熊,亦都唔係包裝上面嗰啲唔知咩熊,係咁嘅樣……日本網民就話既然喺中國出,點解上面唔係熊貓?唯一安慰,係佢話啲味道同正牌熊仔餅差唔多,不過我想講嘅係,你食咗咩嘢落肚都未知呀! 相關資訊【有片】日本網民嘖嘖稱奇 中國山寨《你的名字。》Figure開箱 (Sep 4, 2017) 日本網站好驚訝 中國夏天之日常圖集 (Jul 28, 2017)

Read more ›
【有片】奇妙中國 極限級違例過馬路 橫越一級方程式道賽道
by / on 11/04/2015 at 1:46 pm

【有片】奇妙中國 極限級違例過馬路 橫越一級方程式道賽道

曾經聽過一個喺好多地方工作過嘅外國朋友話,作為駕駛者,如果可以適應到中國嘅馬路,咁全世界任何地方都難唔到佢。因為啲車亂嚟之餘,仲有好多人亂過馬路。不過,估唔到係連一級方程式賽道都照過!呢兩日喺上海奧迪國際車場舉行嘅「2015年F1中國大獎賽上海站」就出現呢一幕,呢位男人竟然喺賽車試跑時橫越呢條道路,嘩,人哋時速幾百公里喎……俾警察拉咗之後,佢話原來佢係想衝入去Ferrari嘅garage試車,吓?試車?當然,佢未入到去已經俾兩位職員阻止咗喇…… 相關資訊【好彩有睇日本節目】上海假的士 公安認出的士證上係「大野智」 (Jul 28, 2017) 嚇親日網民 大陸防身武器 隨時火燒腸仔 (Jul 19, 2017)

Read more ›

【有片】上海大丸螺旋形電梯 連貫7層全球最大
by / on 21/03/2015 at 2:25 pm

【有片】上海大丸螺旋形電梯 連貫7層全球最大

香港冇咗大丸好耐,不過上海就有一間新世代大丸,而且入面仲有條好有型嘅螺旋形電梯。連貫7層商場,由Mitsubishi Electric設計,雖然上個月已經開通,不過近呢兩日英國、日本網站都有報道,據講更加係全球最大嘅螺旋形扶手電梯。 相關資訊【有片】上海商場「老公休息艙」 封閉空間 陳年遊戲任玩 (Jul 15, 2017) 【有片】冇版權狂偷片?大陸版咸超10月上映唔怕醜 (Jul 15, 2017)

Read more ›
中國公路奇景 貨車運100噸大船 罰200蚊扣3分
by / on 17/03/2015 at 3:02 pm

中國公路奇景 貨車運100噸大船 罰200蚊扣3分

睇完呢幾張相,大家就知道中國嘅物流業有幾蓬勃喇。話說今個月8日,喺上海西邊嘅安慶市一條公路,就有一架貨車運緊一艘重100噸、長17米嘅船……最後佢就被警察截停,罰咗$200人仔同扣3分,但係……架船點呢?罰完俾佢繼續行?回帶,其實喺上年都喺江西省有公路奇景,一架6米長嘅車,竟然運一艘35米長嘅船!考膽色仲考埋平衡力喎! 相關資訊【俾返桶炸雞我】中國杭州開綠色KFC 無炸雞得烤雞 (Jul 12, 2017) 【有片】好嘢喎!中國製遊戲 直用《薩爾達BOTW》遊戲Gameplay做宣傳 (Jul 8, 2017)

Read more ›
【有片】做個真的漢子 大陸交通警睇得成龍多
by / on 16/03/2015 at 12:54 pm

【有片】做個真的漢子 大陸交通警睇得成龍多

警察飛上車頂追賊,以前睇戲就睇得多,喺現實?如果喺香港我會建議佢舉起黃旗叫佢唔好衝擊之後再舉紅旗叫佢唔好衝擊之後用胡椒噴霧噴佢車頭冚,好彩嘅話如果司機手無寸鐵冇攻擊力就正咯,可以撳佢喺地用雙腳拑住佢再告佢襲警,禮成……唔係喎,大陸嘅交通警真係好盡責喎!呢度有兩條片,一條喺上海,一條喺遼寧,兩架車都犯咗交通條例逃走,而且瘋狂到警察欄佢車都想照撞埋去,於是成龍大哥就飛撲上車喇!第二條仲恐怖,咁樣一嘢撞埋前面架車度,個警察飛咗落地…… 相關資訊【多圖】日本男士之欲望 中國少女Misa煎餃Twitter熱傳 (Jul 2, 2017) 嚇親日本人 淘寶山寨「比卡超」充電器耳仔係插頭 (Jun 5, 2017)

Read more ›
中國男友送「隆胸手術」生日禮物 女友大爆發拳拳到肉全記錄
by / on 14/03/2015 at 2:32 pm

中國男友送「隆胸手術」生日禮物 女友大爆發拳拳到肉全記錄

今日白色情人節喎,有冇送嘢俾女朋友呀?係囉,有時送咩真係好難諗。不過其實只要肯花多少少心思,你都可能可以諗到送一份與別不同、送俾佢等於送俾自己嘅生日禮物。英國《每日鏡報》報道,中國河南省鄭州市早前就有一名譯名「Wang Chen」嘅26歲男友,送咗一份禮物俾24歲女友「Wen Ting」,佢仲叫朋友幫手影相,希望影低女友呢個開心時刻……至於嗰份佢好有信心女友會鍾意嘅禮物,就係「隆胸手術」,據講佢女友聽到後即是大爆發,南拳北腿齊出進擊佢男友,仲話從來未受過呢種侮辱,話如果佢唔鍾意佢個胸o依家咁就快啲走!之後男友道歉都冇用,佢仲話真心以為女朋友會鍾意呢份可以令佢「變靚啲」嘅禮物……唉,我覺得佢好無辜呀嘻。 相關資訊中國KFC推出「皮卡丘」套餐 比卡超玩具識叫識著燈 (Apr 27, 2017) 【有冇遇過】日本原宿現告示 中國僧人騙子出沒注意? (Apr 12, 2017)

Read more ›
【問你怕未】日本網報道 淘寶搶先Apple Watch $200人仔買「IWATCH」
by / on 13/03/2015 at 1:23 pm

【問你怕未】日本網報道 淘寶搶先Apple Watch $200人仔買「IWATCH」

啲日本網站真係大驚小怪,其實淘寶啲嘢就係咁,明知係假但可以填補人民心靈空虛。蘋果嘅「Apple Watch」發表咗啦,日本4月24日有得賣,唔同款式價錢由42,800円至128萬円,咁佢哋就發現咦淘寶原來已經有……「AW08」、「IWATCH」呢啲產品,而且價錢仲只係200蚊人仔,仲3日先要充一次電,問你怕未? 相關資訊嚇死日本網民 中國列車壯觀風景係地下 (Apr 7, 2017) 日本網民都想買 中國製超萌Doll (Mar 20, 2017)

Read more ›

【有片】中國汕頭超壯觀 炮仗舖街大爆發
by / on 11/03/2015 at 4:38 pm

【有片】中國汕頭超壯觀 炮仗舖街大爆發

嘩,燒炮仗香港一早禁咗,危險嘛,咁如果舖到成條街都係炮仗,之後由一邊點火一路炸過嚟……真係《變形金剛》、《奪寶奇兵》級嘅壓迫感,無論係啲聲或者煙都氣勢爆燈。話說呢個係汕頭市澄海蓮下南灣喺正月十三嘅「迎老爺」活動,不過睇嚟係兩種唔同舖法,兩地方嚟……如果有人走唔切…… 相關資訊【_ 出國際】大陸30米版Hulkbuster 蟻俠變大唔使怕 (Feb 24, 2017) 【新片速報】中國廚師炒「大鑊飯」揚威日本 腕力驚人功夫炒飯 (Jan 7, 2017)

Read more ›
中國PS4發售日決定 3月20日鎖區唔鎖區?
by / on 11/03/2015 at 12:11 pm

中國PS4發售日決定 3月20日鎖區唔鎖區?

之前PS首次打入中國市場有啲阻滯,新機要延期發售。啱啱官方消息就公開話會PS4/PS VITA等主機會喺3月20日發售,咁大陸機迷就唔駛落香港買水貨啦?部機仲有簡體中文同兩年保養添,不過,據網上消息話之前要延期就係有關鎖區嘅問題,咁到底會唔會連PS都要鎖呢?有辨睇係Xbox One鎖區之後喺大陸爆死啦…… 相關資訊【2018出GAME表】 1月至2月 [PS4 / XBox One / Switch / PC / 3DS / PS Vita] (Jan 7, 2018) 新片速報 狩獵前做好準備 《Monster Hunter: World》官方試玩指南影片 (Dec 9, 2017)

Read more ›
中國寄失郵包街頭賣 10蚊人仔尋寶機會
by / on 09/03/2015 at 4:50 pm

中國寄失郵包街頭賣 10蚊人仔尋寶機會

其實據講好多外國郵局都會咁做,就係寄失又冇回郵地址又冇人認領嘅郵包,就會拎出嚟賣,不過要寄存一段時間先,同埋唔會好似地攤咁……前排大陸微博就出現咗呢幾張相,據講係河北省霸州巿路邊影到嘅,就係一大堆所謂寄失郵包舖晒喺地下以10蚊人仔發售。得意嘅除咗係喺街邊賣之外,仲發現有啲郵包其實係12月左右寄出嘅,咁即係有排都未到中國郵局規定嘅6個月存放期,中國郵政見到呢啲相之後話會查證一下喎……呢啲係咪叫「被寄失」,搵番筆? 相關資訊中國司機有新招 女鬼後車窗貼淘寶熱賣 (Nov 18, 2016) 日本人親試中國火鍋店 有得點「安倍牛腸」同「小鬼子肺片」 (Nov 17, 2016)

Read more ›
紅到日本 中國小偷被整蠱 背貼「我是扒手」字條繼續偷
by / on 04/03/2015 at 3:06 pm

紅到日本 中國小偷被整蠱 背貼「我是扒手」字條繼續偷

唔只大陸嘅,全世界好多地方都會有好多扒手出沒,而且好多都專向旅客埋手,所以去旅行都要小心啲。呢單就好笑喇,話說係上月尾喺廣西網終上出現幾張相,見到呢位喺度伸手去偷緊嘢嘅男人,一來俾人偷拍緊唔知啦,二來佢背部仲俾人貼咗張「我是扒手」嘅字條,隔籬仲有個鬼馬笑臉。據知網上一個自稱「父皇」嘅網民,話係佢貼嘅而且從旁跟縱,傳媒報道之後公安都話會展開調查喎。呢單嘢搞到日本Yahoo!都有報道,有網民仲搞笑咁話,小偷先生係咪想增加難度,所以咁樣表明身份? 相關資訊【有片】中國司機揸車食杯麵被停職 日本網民:「喺漫畫見過!」 (Nov 7, 2016) 中國超巨型小丸子嚇親日本網民 仲有3個花輪同學 (Sep 23, 2016)

Read more ›