Post Tagged with: "影片"

新片速報 熱爆怪嬰周街嚇人 兩日200萬點擊
by / on 17/01/2014 at 7:09 am

新片速報 熱爆怪嬰周街嚇人 兩日200萬點擊

呢條恐怖BB片喺網上瘋傳,2日點擊已經過200萬。先有一架BB車喺街頭無人駕駛,突然間超邪惡嘅BB彈出,仲怪叫噴奶舉中指,嚇到途人依嘩鬼叫。唔駛驚虐B,因為個BB係假嘅,不過做到超像真,睇到尾先知原來係宣傳即將上映嘅電影《DEVIL’S DUE》。負責製作嘅公司Thinkmodo之前整過網上超多人睇嘅咖啡店鬼上身片,入嚟有回帶,今次依然keep倒水準,好波! 相關資訊【有片】屋企地下變熔岩 我知你細個有咁玩 (Sep 16, 2017) 【新片速報】日本憤怒喵星人投訴「門柄」反轉 喵喵叫影片Twitter熱傳 (Sep 8, 2017)

Read more ›

有片   戰鬥民族吊臂點煙超霸氣
by / on 09/01/2014 at 7:10 am

有片 戰鬥民族吊臂點煙超霸氣

勁!戰鬥民族真係唔講得少,閒閒哋點支煙都超霸氣!呢條俄文標題嘅YouTube影片,片中男士坐喺一片頹桓敗瓦嘅地盤內,擔起支煙,點知發覺無火,於是佢大嗌一聲講咗堆我聽唔明嘅嘢,突然一架吊臂出現喺佢面前,其中一截仲要著住火,之後佢輕輕湊埋佢點起支煙,呢啲咪型囉! 相關資訊【有片】超萌魔鬼魚影片Twitter熱傳 腳踢踢好似人仔 (Sep 6, 2017) 【新片速報】日本網民養鵪鶉仔 超怕醜影片Twitter熱傳 (Sep 5, 2017)

Read more ›
「相」都識郁! 影片+相片=新媒體
by / on 24/12/2013 at 7:06 am

「相」都識郁! 影片+相片=新媒體

唔好笑我孤陋寡聞,平日上網經常睇GIF圖,亦睇過唔少靚相,不過將兩者二合為一,做出好似影片又好似相片嘅圖,叫做「Cinemagrpahs」嘅呢種技術我就好少見。即係好似《哈利波特》入面見倒識郁嘅報紙海報嘅一樣,好詭異。由紐約攝影師Jamie Beck同做影片動畫嘅網頁設計師Kevin Burg共同創作嘅「相」集,主要用喺影時裝相方面,明明靜態嘅相,頭髮、裙尾會隨風飄揚‥‥‥可惜Facebook唔支援GIF格式,想開眼界要入網站慢慢欣賞。 相關資訊「紫菜文字便當」動畫版 第一至六集餐餐有魚 (Sep 15, 2017) 【有片】製作決定 《Re:ゼロから始める異世界生活》動畫新作宣傳片 (Sep 10, 2017)

Read more ›
新片速報  Google總結2013年搜尋趨勢
by / on 19/12/2013 at 7:28 am

新片速報 Google總結2013年搜尋趨勢

Google真係Google,新片放上YouTube兩日時間已經過百萬views,而且肯定無篤數(啩)。今次總結返2013年全球搜尋趨勢,影片入面有南非總統曼德拉、碧咸,連台灣蘋果動新聞劈炮嘅跳舞女,同埋勇救葛咸城嘅蝙蝠俠小朋友都有份。有口痕友問Google同啲片有乜關係,唔,咁YouTube都係Google架嘛。另外入嚟有得試玩名為Trends Globe嘅Google網站,可以睇倒世界各地每一日最多人搜尋嘅題材,不過我一入去就自動設定咗我喺廣州,點解呢? 相關資訊新日本製鐡所 Google 3D地圖似幅畫 (Sep 15, 2017) 【新片速報】無見美國隊長10星期 汪星人激動狂舔片熱傳 (Sep 4, 2017)

Read more ›
【有片】日本YouTube排行榜 AKB48/麵包超人大贏家!
by / on 11/12/2013 at 9:53 pm

【有片】日本YouTube排行榜 AKB48/麵包超人大贏家!

香港YouTube影片排行榜出咗啦,恭喜一眾香港YouTuber先!好嘢自然有人睇。咁不如睇吓日本點搞?呢個日本非音樂關連嘅熱門影片榜,因為AKB48隻〈恋するフォーチュンクッキー〉有唔同嘅召募版本,演出嘅係素人,唔計入MV內!所以,十大入面有兩個版本嘅〈恋するフォーチュンクッキー〉,另外,估唔到《麵包超人》玩具嘅影片勁受歡迎,係咪啲小朋友loop完又loop呀?有3條咁多?10大入面仲有遊戲影片,係第3位有《God Eater 2》,第9位係《JoJo奇妙冒險》。不過,講真,個人覺得咁多條片中,第6位係最值得回味嘅,係小嶋陽菜嘅內衣廣告,我淨係今晚都睇兩次啦。最後,入嚟可以睇埋熱門頻道。 相關資訊八哥變四方狗 日本扭蛋一式6款層層叠 (Sep 20, 2017) 日本傳統貓奴怪 奇譚新扭蛋夠古怪夠特別 (Sep 20, 2017)

Read more ›
新片速報 草地最強 超霸氣加速
by / on 10/12/2013 at 6:52 pm

新片速報 草地最強 超霸氣加速

我唔知點樣形容呢部嘢。如果發生喺雪地上,唔算係咩特別事,但今次係草地,佢一起步爆速狂飆嘅時候,後面剷起起大量沙土,嗰份霸氣,我覺得好似睇緊動畫入面先有嘅畫面。 相關資訊【有片】超巨型生物 新聞報道背景成日見海鷗 (Aug 13, 2017) 【新片速報】日本《芝麻街》Moppy終於識上石壆 影片Twitter熱傳 (Aug 7, 2017)

Read more ›

貓奴聖誕咭    掃QR Code睇貓貓影片
by / on 23/11/2013 at 10:47 am

貓奴聖誕咭 掃QR Code睇貓貓影片

好懷念細過親手寫聖誕咭嘅日子,每年聖誕過後會數吓自己收咗幾多張聖誕咭。突然咁感性,因為見倒張貓奴一定鐘意嘅聖誕咭,呢張「Say It With A Cat」嘅咭,打開入面有個QR Code,用手機掃吓就會見倒貓貓影片,旁邊仲有用貓做主題嘅聖誕詩,一張大約港幣60蚊,包運費。起碼仲會收到張真實紙印嘅聖誕咭,開心過打開email見倒嘅一大堆e-card吖。MERRY CATMAS! 相關資訊【有片】日本喵兄弟 日日一齊瞓超sweet (Sep 19, 2017) 【有片】中計啦你!日本貓奴拘捕主子計劃成功 (Sep 19, 2017)

Read more ›
新片速報    Booking.com拍片宣傳鬧鬼酒店
by / on 21/10/2013 at 10:09 pm

新片速報 Booking.com拍片宣傳鬧鬼酒店

外國人嘅幽默感真係好難學得嚟,好似著名預訂酒店網Booking.com,最近食正哈囉喂熱潮拍咗個新廣告宣傳鬧鬼酒店!片入面嘅女主角瞓瞓吓電視突然自動開著,仲喺電視入面見倒自己‥‥‥最正係片尾話你知,佢哋有超過35萬間酒店,當中仲包括鬧鬼酒店!仲挑你機,叫你:「Stay if you dare。」!同時間仲推出一系列驚嚇電影海報,超型。 相關資訊海棉寶寶日本動畫版 超正短片Twitter熱傳 (Aug 26, 2017) 【新片速報】超熱血日本甲子園短片 充滿淚水睇完眼濕濕 (Aug 2, 2017)

Read more ›
新片速報     香檳金iPhone 5s遇上攪拌機   幾秒鐘爛晒
by / on 06/10/2013 at 1:37 pm

新片速報 香檳金iPhone 5s遇上攪拌機 幾秒鐘爛晒

Blendtec呢間攪拌機公司,每次有新手機出都會拍片,影底整個過程宣傳自己部攪拌機有幾勁,最近佢就攪iPhone 5s同埋5c,部5s仲要係好渴市嘅香檳金版本!睇見呢部人人搶住要(嚟炒)嘅金色5s慢動作被攪爛,其實幾爽皮。至於5c佢都好揼本,一次過攪爛4隻新色,但係點解4部機加埋嘅灰,同金色5s一部機嘅灰差唔多?唔通5s重料啲? 相關資訊老鬼大測試 日本網民貼懷舊玩具Twitter熱傳 (Sep 12, 2017) 【新片速報】iPhone計時器神奇測試 遮住最尾數字會變慢? (Sep 2, 2017)

Read more ›
新片速報   《GTA V》的日與夜     睇日落風景超Detail
by / on 04/10/2013 at 9:29 pm

新片速報 《GTA V》的日與夜 睇日落風景超Detail

日日喺《GTA V(Grand Theft Auto V)》橫衝直衝,有無細心欣賞吓沿途嘅天色轉變?外國YouTube頻道DespicableChannel呢條片好好睇,主打天空景色,睇見喺唔同場景下天空隨住時間變色,啲雲仲飄飄吓,太陽落山都有得睇,細緻度好高,難怪Rockstar要用足4年時間整。仲有,首背景首樂好有洗滌心靈效果,殺人殺得多,平衡吓心理啱晒數。 相關資訊日本漫畫家露兩手 畫功超細緻Twitter熱傳 (Sep 13, 2017) 日本傳統藝術糖果 超細緻雕功最緊要快 (Aug 27, 2017)

Read more ›
新片速報 上班族 VS 露宿者 邊個跌低多人扶
by / on 29/09/2013 at 4:11 pm

新片速報 上班族 VS 露宿者 邊個跌低多人扶

人性真面目,如果有人跌親,你會唔會埋去扶?老實講,好多人都應該會,但如果嗰個係衣衫襤褸嘅露宿者呢?再老實講,我都會,男人見到呢啲情況,唔想都要頂硬上!呢個意大利YouTube頻道就搵嚟兩個演員,一個扮商人,一個扮露宿者,兩個都拎住拐杖跌親,最後結果係……如果你睇完都有腔熱血湧上嚟,下次喺街見到有人需要幫忙,記得唔好怕醜。 相關資訊【有片】奇妙實驗 難過攞第一 跑第五比較難 (Jul 9, 2017) 【有片】幻想就是型 日本男等開閘 助跑跣入去其實失敗 (Jul 9, 2017)

Read more ›

新片速報 台北熊貓仔首次同媽媽相認
by / on 15/08/2013 at 7:10 am

新片速報 台北熊貓仔首次同媽媽相認

之前報導過臺北市立動物園有隻小熊貓圓圓出世,網上仲有片睇,萌爆!最新有呢條片,熊貓仔終於成形,細到得隻手掌咁大,但一樣有個超級黑眼圈,貓仔細細,但識得四腳爬爬,得意到暈!佢仲第一次同媽媽見面,好溫馨。可惜媽媽表現太熱情,又咬又攬搞到圓圓招架不住,最好笑係貓媽媽餵完奶發揮完母愛後,轉頭好嗲咁等護理人員餵佢食飯,其實佢都係一個大細路。 相關資訊日本超爛玩小熊貓 典地笑晒口 (Jul 5, 2017) 【有片】亡命跳樓梯片Twitter熱傳 日本網民:「係咪玩緊Mirror’s Edge?」 (Jul 5, 2017)

Read more ›
新片速報   俄國得意貓    身體語言摟主人摸
by / on 14/08/2013 at 12:12 pm

新片速報 俄國得意貓 身體語言摟主人摸

天文台似是而非嘅「兩點前後落波」消息,令打工仔心情處於極忐忑狀態。為咗平伏心情,我選擇上YouTube睇得意動物片,呢隻俄國貓超意,我未見過有貓貓識用咁清楚嘅身體語言同人類溝通。話說呢隻貓貓想主人摸佢個頭,但係自己又唔識講俄文喎,於是佢就用隻手仔摸吓自己個頭,再掃吓主人隻手,如是者重覆幾次後,主人終於醒覺出手摸吓佢,好嘢,舒服晒。 相關資訊掛門柄超可愛!12月出《艦これ》鎮守府「貓」公仔 (Sep 18, 2017) 日本Coser貓有慧根 瞓覺最愛毒攬枕 (Sep 18, 2017)

Read more ›
有片   狗仔做老臨推骨牌    YouTube破二百萬點擊
by / on 30/07/2013 at 9:30 am

有片 狗仔做老臨推骨牌 YouTube破二百萬點擊

外國人好鍾意設計骨牌再拍埋片放上網,不過今次推骨牌嘅主角係一班狗仔臨記,影片由一隻曳狗咬波開始,越玩越大陣仗,最後搞到好難收科。可能機關實在太完美,班狗仔又太得意,影片唔夠一個月已經有二百萬點擊,最開心應該係贊助拍片嘅狗糧品牌Beneful,全程都見倒佢嘅食物,今次廣告費認真抵比。 相關資訊有片:日本宣傳片 骨牌效應玩足四分鐘 (Aug 31, 2017) 【新片速報】外國貓奴自製紙箱迷宮 50個紙箱排陣超興奮 (Aug 11, 2017)

Read more ›
新片速報  街霸Blanka突入現實生活   瘋狂撞人
by / on 13/07/2013 at 11:50 am

新片速報 街霸Blanka突入現實生活 瘋狂撞人

星期六,最啱睇吓笑片開心吓,由Youtube頻道ParodiePub.fr製作嘅呢條短片,主角有街霸嘅Blanka,重點係將日常生活啲人唔小心仆親、跣底嘅畫面,加咗Blanka入去,變成被Blanka突襲而跌底,加埋啲特別聲效,真係好爽!短短幾日已經有30萬人睇過,入嚟仲有得回帶睇返6月出嘅第一集,而家已經有90幾萬點擊,原來大家都好鐘意睇人PK。 相關資訊終於有廣告賣 《街霸》軍佬賣日本J-gel影相做訪問 (Aug 3, 2017) 【有片】莫斯科流動廁所 狂風暴雨中飄移 (Jul 3, 2017)

Read more ›