Post Tagged with: "影片"

新片速報    可口可樂偷拍片  明串睇戲嘈嘈貢人士
by / on 14/03/2014 at 7:00 am

新片速報 可口可樂偷拍片 明串睇戲嘈嘈貢人士

睇戲最怕遇到三類人:高談闊論劇情、食嘢食到O習O習聲或者邊睇邊玩手機,排名不分先後。可口可樂最近拍咗兩段片喺戲院播放,呼籲大家睇戲時靜啲,其中一條玩法好特別,先喺戲院大堂偷裝咗攝錄機,再裝咗塊綠色佈景板,偷拍啲人食嘢傾計嘅人生百態,再用9秒9搵人極速剪接,之前入場睇戲就到戲肉,在場觀眾見倒自己被key入畫面之中,不停啜飲筒o趙嘢食發出怪聲,提醒大家睇戲時保持安靜,個人認為好正,好過香港戲院搵C All Stars拍嗰段無間道片頭好多。 相關資訊日本柴犬變黑人問號 估錯接受唔倒影片Twitter熱傳 (Feb 18, 2018) 【大集合】「羽生結弦」Twitter洗版 大量影片/靚相/改圖/回帶 (Feb 18, 2018)

Read more ›

Encore! 爆紅Vine魔術師大量新片     隔空飲可樂
by / on 09/03/2014 at 2:51 pm

Encore! 爆紅Vine魔術師大量新片 隔空飲可樂

好少有魔術師我會介紹完再介紹,不過呢個名為Zach King嘅6秒鐘魔術師,喺影片社交平台vine勁紅,最近又有幾條新片,例如將商場入面嘅假公仔變真人、巴黎鐵塔假變真、汽水機隔空拎可樂‥‥‥每條片都搵倒破碇位,但我欣賞佢嘅創意同埋幽默感,信我,總有幾條片會令你笑到o格o格聲。 相關資訊【新片速報】日本芒亨真人版「貓飯片」 分鏡/配樂跟到足 (Feb 15, 2018) 【新片速報】日本喵星人打交片熱傳 慢動作拍攝超搞笑 (Feb 6, 2018)

Read more ›
新片速報 紐約連環55盞綠燈唔停車
by / on 02/03/2014 at 2:28 pm

新片速報 紐約連環55盞綠燈唔停車

香港就算深夜3點,都好難唔停一個燈位,但喺紐約,呢位拍片者Tim Burke就做到一個紀錄,係連續唔停車行咗55個燈位…… 相關資訊【新片速報】日本喵星人超可愛 玩毛毛球影片Twitter熱傳 (Oct 29, 2017) 【有片】地球最大力之男?徒手捲埋平底鑊 (Oct 21, 2017)

Read more ›
有片  剝香蕉皮新方法   馬騮醒過人
by / on 01/03/2014 at 11:27 am

有片 剝香蕉皮新方法 馬騮醒過人

old news is so唔識串,不過呢條片我都係第一次睇。有無發覺剝香蕉皮通常有啲輪盡?頂頂嗰截好多時又會唔小心剝埋?外國有位專家教大家馬騮仔嘅剝香蕉方法,剝出嚟嘅香蕉一啲肉都無浪費,原來秘訣喺香蕉嘅底部‥‥‥呢條教學片喺YouTube已經有超過5百萬個點擊,有無興趣下次試吓? 相關資訊日本網民食薯片新方法 方便易拎Twitter熱傳 (Feb 10, 2018) 【有片】日本小朋友匿埋角落食香蕉 網民大讚超可愛熱傳 (Feb 5, 2018)

Read more ›
新片速報  西人靚女直擊日本貓Cafe   探險過程有片睇
by / on 29/01/2014 at 12:14 pm

新片速報 西人靚女直擊日本貓Cafe 探險過程有片睇

去親日本都趕頭趕命食嘢shopping,邊有時間去貓cafe探險?旅居日本嘅西人靚女Sharla就唔同,拍埋短片影底日本新宿同練馬區兩間貓cafe嘅探險過程同大家分享。先除鞋放locker換拖鞋,再用皂液洗乾淨雙手就正式開始玩!貓!兩間cafe每間都有廿幾隻貓,收費大約1小時1000円,入面有漫畫睇有嘢飲,用300円買雞肉零食,全體貓大哥仲會即時圍住晒,訪客突然變得超受歡迎。睇見靚女們對貓貓嘅熱情溫柔,有無一刻葡萄感,覺得貓仔呀貓仔,你哋好幸福好溫暖呀? 相關資訊日本貓零食變「投藥用」 超聰明設計呃喵星人 (Feb 21, 2018) 唔覺意cosplay咗《動物朋友》 日本Twitter熱傳「かばんちゃん」 (Feb 21, 2018)

Read more ›
新片速報    測試坦克車刹車  軍人馬路中心企定定
by / on 29/01/2014 at 11:40 am

新片速報 測試坦克車刹車 軍人馬路中心企定定

勇氣同反智都係一絲之差。一架坦克車喺你背後衝埋嚟,近到差啲貼倒你個身先停底,你會唔會本能反應擰轉頭望或者跑開?呢班23人嘅團隊據知係荷蘭軍人,為咗測試坦克車Leopard Tank嘅刹車系統,大家就企喺馬路中心十足射罰球咁等候發落。有網友鬧爆呢個測試勁變態,萬一有閃失,大家就會變成一攤肉泥,你點睇? 相關資訊日本「喵星人坦克車」扭蛋 超可愛好想儲 (Dec 19, 2017) 【有片】破世界紀錄 30秒內著到幾多條內褲? (Oct 13, 2017)

Read more ›

新片速報 影片版PS 一路拍片一路執 素顏變濃妝
by / on 22/01/2014 at 10:25 am

新片速報 影片版PS 一路拍片一路執 素顏變濃妝

好勁,執相PS神人見得多,但係一路拍片一路執,而且拍攝對象之後喺鏡頭入面都係跟番佢之前執嘅膚色、五官、妝容、髮型活動,係咪好強先!呢段片係由DesignBoom嘅導演Bálint Nagy同Nándor Lőrincz製作,而拍攝對象就係唱作歌手Boogie,可惜,最後出Credits先知,原來一切係CG……呢種科技暫時仲未面世。 相關資訊【有片】由棚骨開始 女雕塑家製作Figure影片爆6800萬Views (Oct 9, 2017) 【新片速報】日本喵星人被玩尾 突然發惡影片Twitter熱傳 (Sep 21, 2017)

Read more ›
超正6秒鐘魔術片  vine爆紅魔術師快靚正
by / on 19/01/2014 at 1:20 pm

超正6秒鐘魔術片 vine爆紅魔術師快靚正

超正!睇魔術我最怕故弄玄虛搞一大輪,呢個魔術師Zach King堪稱快靚正,因為佢用嘅係影片社交平台vine,每次只可以上傳6秒鐘影片,佢就善用呢6秒鐘時間,表演出一個個精彩魔術,成為vine上最紅嘅魔術師。佢嘅表演好鐘意融合現代科技,例如電腦copy and paste嘅銀紙可以拎出嚟用,電腦上嘅貓貓又可以1秒鐘變成真貓,仲有iPhone嘅app icon可以fing出枱面,好好睇,星期日hea時間一流。 相關資訊【有片】屋企地下變熔岩 我知你細個有咁玩 (Sep 16, 2017) 【新片速報】日本憤怒喵星人投訴「門柄」反轉 喵喵叫影片Twitter熱傳 (Sep 8, 2017)

Read more ›
新片速報   玩命男徒手攀爬   置生死於度外
by / on 19/01/2014 at 12:23 pm

新片速報 玩命男徒手攀爬 置生死於度外

而家啲o靚仔真係唔怕死,之前介紹過嘅Tom Ryaboi鐘意爬上建築物高點影鳥瞰圖,今次呢個叫Mustang Wanted嘅男仔最近仲上傳咗一條片,睇倒佢搵命搏喺不同建築物頂徒手攀爬,仲喺建築物邊緣玩單手懸掛,完全置生死於度外,睇倒人抹一額汗!可憐佢嘅阿爸阿媽,每日都要擔驚受怕。 相關資訊【新片速報】日本喵星人玩鱷魚 鑽入口「玩命」Twitter熱傳 (Jan 19, 2018) 【新片速報】日本「刺客喵」挑戰高難度 玩命片Twitter熱傳 (Jan 9, 2018)

Read more ›
新片速報 熱爆怪嬰周街嚇人 兩日200萬點擊
by / on 17/01/2014 at 7:09 am

新片速報 熱爆怪嬰周街嚇人 兩日200萬點擊

呢條恐怖BB片喺網上瘋傳,2日點擊已經過200萬。先有一架BB車喺街頭無人駕駛,突然間超邪惡嘅BB彈出,仲怪叫噴奶舉中指,嚇到途人依嘩鬼叫。唔駛驚虐B,因為個BB係假嘅,不過做到超像真,睇到尾先知原來係宣傳即將上映嘅電影《DEVIL’S DUE》。負責製作嘅公司Thinkmodo之前整過網上超多人睇嘅咖啡店鬼上身片,入嚟有回帶,今次依然keep倒水準,好波! 相關資訊日本網民自製恐怖「雪面具」 車頭排陣整蠱父母 (Feb 7, 2018) 【新片】日本「上野動物園」熊貓明星B 偷撞媽媽片Twitter熱傳 (Feb 2, 2018)

Read more ›
有片   戰鬥民族吊臂點煙超霸氣
by / on 09/01/2014 at 7:10 am

有片 戰鬥民族吊臂點煙超霸氣

勁!戰鬥民族真係唔講得少,閒閒哋點支煙都超霸氣!呢條俄文標題嘅YouTube影片,片中男士坐喺一片頹桓敗瓦嘅地盤內,擔起支煙,點知發覺無火,於是佢大嗌一聲講咗堆我聽唔明嘅嘢,突然一架吊臂出現喺佢面前,其中一截仲要著住火,之後佢輕輕湊埋佢點起支煙,呢啲咪型囉! 相關資訊【有片】超萌魔鬼魚影片Twitter熱傳 腳踢踢好似人仔 (Sep 6, 2017) 【新片速報】日本網民養鵪鶉仔 超怕醜影片Twitter熱傳 (Sep 5, 2017)

Read more ›

「相」都識郁! 影片+相片=新媒體
by / on 24/12/2013 at 7:06 am

「相」都識郁! 影片+相片=新媒體

唔好笑我孤陋寡聞,平日上網經常睇GIF圖,亦睇過唔少靚相,不過將兩者二合為一,做出好似影片又好似相片嘅圖,叫做「Cinemagrpahs」嘅呢種技術我就好少見。即係好似《哈利波特》入面見倒識郁嘅報紙海報嘅一樣,好詭異。由紐約攝影師Jamie Beck同做影片動畫嘅網頁設計師Kevin Burg共同創作嘅「相」集,主要用喺影時裝相方面,明明靜態嘅相,頭髮、裙尾會隨風飄揚‥‥‥可惜Facebook唔支援GIF格式,想開眼界要入網站慢慢欣賞。 相關資訊【新片速報】日本瘋狂動畫「情人節」賀片 Twitter半日3百萬瀏覽 (Feb 14, 2018) 【相集】日本攝影師超靚相集 東京大雪全紀錄 (Feb 9, 2018)

Read more ›
新片速報  Google總結2013年搜尋趨勢
by / on 19/12/2013 at 7:28 am

新片速報 Google總結2013年搜尋趨勢

Google真係Google,新片放上YouTube兩日時間已經過百萬views,而且肯定無篤數(啩)。今次總結返2013年全球搜尋趨勢,影片入面有南非總統曼德拉、碧咸,連台灣蘋果動新聞劈炮嘅跳舞女,同埋勇救葛咸城嘅蝙蝠俠小朋友都有份。有口痕友問Google同啲片有乜關係,唔,咁YouTube都係Google架嘛。另外入嚟有得試玩名為Trends Globe嘅Google網站,可以睇倒世界各地每一日最多人搜尋嘅題材,不過我一入去就自動設定咗我喺廣州,點解呢? 相關資訊日本網民又發現 Google地圖電單車炒車意外 (Oct 20, 2017) 新日本製鐡所 Google 3D地圖似幅畫 (Sep 15, 2017)

Read more ›
【有片】日本YouTube排行榜 AKB48/麵包超人大贏家!
by / on 11/12/2013 at 9:53 pm

【有片】日本YouTube排行榜 AKB48/麵包超人大贏家!

香港YouTube影片排行榜出咗啦,恭喜一眾香港YouTuber先!好嘢自然有人睇。咁不如睇吓日本點搞?呢個日本非音樂關連嘅熱門影片榜,因為AKB48隻〈恋するフォーチュンクッキー〉有唔同嘅召募版本,演出嘅係素人,唔計入MV內!所以,十大入面有兩個版本嘅〈恋するフォーチュンクッキー〉,另外,估唔到《麵包超人》玩具嘅影片勁受歡迎,係咪啲小朋友loop完又loop呀?有3條咁多?10大入面仲有遊戲影片,係第3位有《God Eater 2》,第9位係《JoJo奇妙冒險》。不過,講真,個人覺得咁多條片中,第6位係最值得回味嘅,係小嶋陽菜嘅內衣廣告,我淨係今晚都睇兩次啦。最後,入嚟可以睇埋熱門頻道。 相關資訊日本貓睇冬奧 最愛冰壼玩埋一份 (Feb 20, 2018) 日本人形蘿蔔出頭天 大細攬枕陪你瞓 (Feb 20, 2018)

Read more ›
新片速報 草地最強 超霸氣加速
by / on 10/12/2013 at 6:52 pm

新片速報 草地最強 超霸氣加速

我唔知點樣形容呢部嘢。如果發生喺雪地上,唔算係咩特別事,但今次係草地,佢一起步爆速狂飆嘅時候,後面剷起起大量沙土,嗰份霸氣,我覺得好似睇緊動畫入面先有嘅畫面。 相關資訊【新片速報】無見美國隊長10星期 汪星人激動狂舔片熱傳 (Sep 4, 2017) 【有片】超巨型生物 新聞報道背景成日見海鷗 (Aug 13, 2017)

Read more ›