Post Tagged with: "影片"

有片  剝香蕉皮新方法   馬騮醒過人
by / on 01/03/2014 at 11:27 am

有片 剝香蕉皮新方法 馬騮醒過人

old news is so唔識串,不過呢條片我都係第一次睇。有無發覺剝香蕉皮通常有啲輪盡?頂頂嗰截好多時又會唔小心剝埋?外國有位專家教大家馬騮仔嘅剝香蕉方法,剝出嚟嘅香蕉一啲肉都無浪費,原來秘訣喺香蕉嘅底部‥‥‥呢條教學片喺YouTube已經有超過5百萬個點擊,有無興趣下次試吓? 相關資訊【有片】自然界超驚險影片 蜥蜴遇蛇群大逃走 (Jul 16, 2018) 【新片速報】日本超可愛柴犬仔 矇眼笑影片Twitter熱傳 (Jun 20, 2018)

Read more ›

新片速報  西人靚女直擊日本貓Cafe   探險過程有片睇
by / on 29/01/2014 at 12:14 pm

新片速報 西人靚女直擊日本貓Cafe 探險過程有片睇

去親日本都趕頭趕命食嘢shopping,邊有時間去貓cafe探險?旅居日本嘅西人靚女Sharla就唔同,拍埋短片影底日本新宿同練馬區兩間貓cafe嘅探險過程同大家分享。先除鞋放locker換拖鞋,再用皂液洗乾淨雙手就正式開始玩!貓!兩間cafe每間都有廿幾隻貓,收費大約1小時1000円,入面有漫畫睇有嘢飲,用300円買雞肉零食,全體貓大哥仲會即時圍住晒,訪客突然變得超受歡迎。睇見靚女們對貓貓嘅熱情溫柔,有無一刻葡萄感,覺得貓仔呀貓仔,你哋好幸福好溫暖呀? 相關資訊日本小妹妹IG熱傳 超濃密頭髮大爆發 (Jul 20, 2018) 日本熱到癲 太陽伯伯「變樣」網民大改圖 (Jul 20, 2018)

Read more ›
新片速報    測試坦克車刹車  軍人馬路中心企定定
by / on 29/01/2014 at 11:40 am

新片速報 測試坦克車刹車 軍人馬路中心企定定

勇氣同反智都係一絲之差。一架坦克車喺你背後衝埋嚟,近到差啲貼倒你個身先停底,你會唔會本能反應擰轉頭望或者跑開?呢班23人嘅團隊據知係荷蘭軍人,為咗測試坦克車Leopard Tank嘅刹車系統,大家就企喺馬路中心十足射罰球咁等候發落。有網友鬧爆呢個測試勁變態,萬一有閃失,大家就會變成一攤肉泥,你點睇? 相關資訊【有片】好好玩?外國囡囡學AKIRA100% 玩移動鐵珠遮重點 (Jun 5, 2018) 【有片】咁威?自動辨識功能 直播影片彈幕不遮臉 (Jun 3, 2018)

Read more ›
新片速報 影片版PS 一路拍片一路執 素顏變濃妝
by / on 22/01/2014 at 10:25 am

新片速報 影片版PS 一路拍片一路執 素顏變濃妝

好勁,執相PS神人見得多,但係一路拍片一路執,而且拍攝對象之後喺鏡頭入面都係跟番佢之前執嘅膚色、五官、妝容、髮型活動,係咪好強先!呢段片係由DesignBoom嘅導演Bálint Nagy同Nándor Lőrincz製作,而拍攝對象就係唱作歌手Boogie,可惜,最後出Credits先知,原來一切係CG……呢種科技暫時仲未面世。 相關資訊【有片】日本痴漢出沒注意 偷拍影片Twitter熱傳 (May 26, 2018) 【新片速報】超強骨牌效應影片 食早餐啟動大量機關 (May 16, 2018)

Read more ›
超正6秒鐘魔術片  vine爆紅魔術師快靚正
by / on 19/01/2014 at 1:20 pm

超正6秒鐘魔術片 vine爆紅魔術師快靚正

超正!睇魔術我最怕故弄玄虛搞一大輪,呢個魔術師Zach King堪稱快靚正,因為佢用嘅係影片社交平台vine,每次只可以上傳6秒鐘影片,佢就善用呢6秒鐘時間,表演出一個個精彩魔術,成為vine上最紅嘅魔術師。佢嘅表演好鐘意融合現代科技,例如電腦copy and paste嘅銀紙可以拎出嚟用,電腦上嘅貓貓又可以1秒鐘變成真貓,仲有iPhone嘅app icon可以fing出枱面,好好睇,星期日hea時間一流。 相關資訊有片:日本男魔術師上《Britain’s Got Talent》 剝衫露Bra博掌聲 (May 28, 2018) 【有片】喵星人打乞嚏 打極打唔出超搞笑 (Apr 27, 2018)

Read more ›
新片速報   玩命男徒手攀爬   置生死於度外
by / on 19/01/2014 at 12:23 pm

新片速報 玩命男徒手攀爬 置生死於度外

而家啲o靚仔真係唔怕死,之前介紹過嘅Tom Ryaboi鐘意爬上建築物高點影鳥瞰圖,今次呢個叫Mustang Wanted嘅男仔最近仲上傳咗一條片,睇倒佢搵命搏喺不同建築物頂徒手攀爬,仲喺建築物邊緣玩單手懸掛,完全置生死於度外,睇倒人抹一額汗!可憐佢嘅阿爸阿媽,每日都要擔驚受怕。 相關資訊【有片】超實用機器 自動出蛋糕機 (Apr 13, 2018) 【新片速報】日本超強裸露男新作 玩命鐘擺片6百萬點擊 (Mar 22, 2018)

Read more ›

新片速報 熱爆怪嬰周街嚇人 兩日200萬點擊
by / on 17/01/2014 at 7:09 am

新片速報 熱爆怪嬰周街嚇人 兩日200萬點擊

呢條恐怖BB片喺網上瘋傳,2日點擊已經過200萬。先有一架BB車喺街頭無人駕駛,突然間超邪惡嘅BB彈出,仲怪叫噴奶舉中指,嚇到途人依嘩鬼叫。唔駛驚虐B,因為個BB係假嘅,不過做到超像真,睇到尾先知原來係宣傳即將上映嘅電影《DEVIL’S DUE》。負責製作嘅公司Thinkmodo之前整過網上超多人睇嘅咖啡店鬼上身片,入嚟有回帶,今次依然keep倒水準,好波! 相關資訊日本動物醫院「心寒」宣傳板 貓貓震晒好驚青 (Jul 17, 2018) 揭露日本大企業OT問題 YouTube頻道專拍大廈外牆片 (Jul 12, 2018)

Read more ›
有片   戰鬥民族吊臂點煙超霸氣
by / on 09/01/2014 at 7:10 am

有片 戰鬥民族吊臂點煙超霸氣

勁!戰鬥民族真係唔講得少,閒閒哋點支煙都超霸氣!呢條俄文標題嘅YouTube影片,片中男士坐喺一片頹桓敗瓦嘅地盤內,擔起支煙,點知發覺無火,於是佢大嗌一聲講咗堆我聽唔明嘅嘢,突然一架吊臂出現喺佢面前,其中一截仲要著住火,之後佢輕輕湊埋佢點起支煙,呢啲咪型囉! 相關資訊【有片】喵星人版冰壼 超搞笑影片Twitter熱傳 (Mar 19, 2018) 【有片】日系風格?超靚旅遊宣傳動畫 (Mar 13, 2018)

Read more ›
「相」都識郁! 影片+相片=新媒體
by / on 24/12/2013 at 7:06 am

「相」都識郁! 影片+相片=新媒體

唔好笑我孤陋寡聞,平日上網經常睇GIF圖,亦睇過唔少靚相,不過將兩者二合為一,做出好似影片又好似相片嘅圖,叫做「Cinemagrpahs」嘅呢種技術我就好少見。即係好似《哈利波特》入面見倒識郁嘅報紙海報嘅一樣,好詭異。由紐約攝影師Jamie Beck同做影片動畫嘅網頁設計師Kevin Burg共同創作嘅「相」集,主要用喺影時裝相方面,明明靜態嘅相,頭髮、裙尾會隨風飄揚‥‥‥可惜Facebook唔支援GIF格式,想開眼界要入網站慢慢欣賞。 相關資訊【新片速報】日本另類瘋狂動畫 煮「蛋包飯」上月球爆破 (Jun 27, 2018) 【相集】日本攝影師「青蛙」寫真 口擘擘超可愛 (Jun 2, 2018)

Read more ›
新片速報  Google總結2013年搜尋趨勢
by / on 19/12/2013 at 7:28 am

新片速報 Google總結2013年搜尋趨勢

Google真係Google,新片放上YouTube兩日時間已經過百萬views,而且肯定無篤數(啩)。今次總結返2013年全球搜尋趨勢,影片入面有南非總統曼德拉、碧咸,連台灣蘋果動新聞劈炮嘅跳舞女,同埋勇救葛咸城嘅蝙蝠俠小朋友都有份。有口痕友問Google同啲片有乜關係,唔,咁YouTube都係Google架嘛。另外入嚟有得試玩名為Trends Globe嘅Google網站,可以睇倒世界各地每一日最多人搜尋嘅題材,不過我一入去就自動設定咗我喺廣州,點解呢? 相關資訊【有片】日本喵星人「發射」影片 超貼題Twitter熱傳 (Mar 11, 2018) 日本超熱誠交通督導員 落力指揮影片Twitter熱傳 (Mar 9, 2018)

Read more ›
【有片】日本YouTube排行榜 AKB48/麵包超人大贏家!
by / on 11/12/2013 at 9:53 pm

【有片】日本YouTube排行榜 AKB48/麵包超人大贏家!

香港YouTube影片排行榜出咗啦,恭喜一眾香港YouTuber先!好嘢自然有人睇。咁不如睇吓日本點搞?呢個日本非音樂關連嘅熱門影片榜,因為AKB48隻〈恋するフォーチュンクッキー〉有唔同嘅召募版本,演出嘅係素人,唔計入MV內!所以,十大入面有兩個版本嘅〈恋するフォーチュンクッキー〉,另外,估唔到《麵包超人》玩具嘅影片勁受歡迎,係咪啲小朋友loop完又loop呀?有3條咁多?10大入面仲有遊戲影片,係第3位有《God Eater 2》,第9位係《JoJo奇妙冒險》。不過,講真,個人覺得咁多條片中,第6位係最值得回味嘅,係小嶋陽菜嘅內衣廣告,我淨係今晚都睇兩次啦。最後,入嚟可以睇埋熱門頻道。 相關資訊日本超可愛倉鼠 扮雪米滋四腳朝天好啱位 (Jul 20, 2018) 生日賀一賀 日本fans用962,120円預訂718隻新碟 (Jul 19, 2018)

Read more ›

新片速報 草地最強 超霸氣加速
by / on 10/12/2013 at 6:52 pm

新片速報 草地最強 超霸氣加速

我唔知點樣形容呢部嘢。如果發生喺雪地上,唔算係咩特別事,但今次係草地,佢一起步爆速狂飆嘅時候,後面剷起起大量沙土,嗰份霸氣,我覺得好似睇緊動畫入面先有嘅畫面。 相關資訊日本柴犬變黑人問號 估錯接受唔倒影片Twitter熱傳 (Feb 18, 2018) 【大集合】「羽生結弦」Twitter洗版 大量影片/靚相/改圖/回帶 (Feb 18, 2018)

Read more ›
貓奴聖誕咭    掃QR Code睇貓貓影片
by / on 23/11/2013 at 10:47 am

貓奴聖誕咭 掃QR Code睇貓貓影片

好懷念細過親手寫聖誕咭嘅日子,每年聖誕過後會數吓自己收咗幾多張聖誕咭。突然咁感性,因為見倒張貓奴一定鐘意嘅聖誕咭,呢張「Say It With A Cat」嘅咭,打開入面有個QR Code,用手機掃吓就會見倒貓貓影片,旁邊仲有用貓做主題嘅聖誕詩,一張大約港幣60蚊,包運費。起碼仲會收到張真實紙印嘅聖誕咭,開心過打開email見倒嘅一大堆e-card吖。MERRY CATMAS! 相關資訊【有片】地震前有咩反應 日本貓Cafe閉路電視足本睇 (Jul 16, 2018) 【有片】高速公路救貓仔 沖涼梳毛變靚樣 (Jul 15, 2018)

Read more ›
新片速報    Booking.com拍片宣傳鬧鬼酒店
by / on 21/10/2013 at 10:09 pm

新片速報 Booking.com拍片宣傳鬧鬼酒店

外國人嘅幽默感真係好難學得嚟,好似著名預訂酒店網Booking.com,最近食正哈囉喂熱潮拍咗個新廣告宣傳鬧鬼酒店!片入面嘅女主角瞓瞓吓電視突然自動開著,仲喺電視入面見倒自己‥‥‥最正係片尾話你知,佢哋有超過35萬間酒店,當中仲包括鬧鬼酒店!仲挑你機,叫你:「Stay if you dare。」!同時間仲推出一系列驚嚇電影海報,超型。 相關資訊【新片速報】寄艙行李無好下場 職員掟喼短片Twitter熱傳 (May 30, 2018) 【有片】超可愛雀仔短片 一齊轉超搞笑Twitter熱傳 (May 19, 2018)

Read more ›
新片速報     香檳金iPhone 5s遇上攪拌機   幾秒鐘爛晒
by / on 06/10/2013 at 1:37 pm

新片速報 香檳金iPhone 5s遇上攪拌機 幾秒鐘爛晒

Blendtec呢間攪拌機公司,每次有新手機出都會拍片,影底整個過程宣傳自己部攪拌機有幾勁,最近佢就攪iPhone 5s同埋5c,部5s仲要係好渴市嘅香檳金版本!睇見呢部人人搶住要(嚟炒)嘅金色5s慢動作被攪爛,其實幾爽皮。至於5c佢都好揼本,一次過攪爛4隻新色,但係點解4部機加埋嘅灰,同金色5s一部機嘅灰差唔多?唔通5s重料啲? 相關資訊【新片速報】日本芒亨真人版「貓飯片」 分鏡/配樂跟到足 (Feb 15, 2018) 【新片速報】日本喵星人打交片熱傳 慢動作拍攝超搞笑 (Feb 6, 2018)

Read more ›