Post Tagged with: "影片"

【新片速報】日本浣熊影片Twitter熱傳 舉手要嘢食超可愛
by / on 11/07/2016 at 7:13 am

【新片速報】日本浣熊影片Twitter熱傳 舉手要嘢食超可愛

呢段影片喺日本Twitter好多人瘋狂轉發,片中嘅浣熊仔好有禮貌,見有人掉嘢食過嚟,就不停舉手,好似同人講:「呢邊呀,我喺呢邊呀!」可惜雖然佢有禮貌,但都無得食,因為掉嘢食嘅人掉得唔準,經常都落入佢其他企得前啲嘅兄弟度。唉,都話有時有禮貌係無用架,會有人打尖架。 相關資訊【毁容】日本網民餐廳中伏 吉祥物甜品咁嘅樣 (Jul 25, 2017) 日本電車駕駛室K房 投影車窗扮行車 (Jul 24, 2017)

Read more ›

【有片】熱血到爆 跌完再試再跌再試 48歲Tony Hawk最後900
by / on 29/06/2016 at 11:48 pm

【有片】熱血到爆 跌完再試再跌再試 48歲Tony Hawk最後900

無論你係咪板仔,曾經係o依家係或者從來唔係,睇呢條片都會感受到嗰份熱血!當年,1999年6月27日,佢係第一個做到900動作,即係凌空轉身兩圈半、900度嘅人,當年佢話練咗幾年,最後喺嗰日做咗12次先成功……之後嚟到今年,同日6月27日,Tony Hawk已經48歲,佢再次挑戰900呢個動作!48歲喎!佢去到滑板場又再跌低,又再企起身執番塊板,又再跌低……到最後,完成之後,佢講咗句:「Spencer was there on my first one, and now he was there on my last. Bye.」咁就走咗去,型到喊!而Spencer就係佢個大仔,1999年3月26日出生,趕得切同時經歷、見證兩個歷史時刻。 相關資訊【有片】奇妙實驗 難過攞第一 跑第五比較難 (Jul 9, 2017) 【有片】幻想就是型 日本男等開閘 助跑跣入去其實失敗 (Jul 9, 2017)

Read more ›
【新片速報】浣熊有義氣 合力爬牆影片YouTube熱播
by / on 24/06/2016 at 7:13 am

【新片速報】浣熊有義氣 合力爬牆影片YouTube熱播

相比起行行吓跌幾隻兄弟落坑渠都唔理嘅鴨仔,浣熊似乎有義氣好多喎。呢段影片喺YouTube熱播,拍到夜晚路邊有隻浣熊媽媽同兩隻浣熊BB,由於牆身好高,企喺最上面嘅媽媽要扶兩隻B上嚟,不過佢哋開頭唔係幾順利,最底嘅BB仲跌埋落地,但兄弟無放棄佢,最後成功一家團眾,展現出偉大嘅團隊精神! 相關資訊【有片】亡命跳樓梯片Twitter熱傳 日本網民:「係咪玩緊Mirror’s Edge?」 (Jul 5, 2017) 【有片】莫斯科流動廁所 狂風暴雨中飄移 (Jul 3, 2017)

Read more ›
【有片】水瀨仔餵食影片YouTube熱爆 超可愛食到一臉都係
by / on 20/06/2016 at 7:10 am

【有片】水瀨仔餵食影片YouTube熱爆 超可愛食到一臉都係

餵貓貓狗狗食嘢見得多,餵水瀨食嘢都係第一次見,而且仲要係兩隻超可愛嘅水瀨仔,難怪段片放上YouTube幾日已經超過2百萬點擊啦。影片見倒兩隻水瀨一邊食一邊興奮到呱呱叫,仲食到成面都係喎,另一隻索性將隻手伸入食物兜入面再舔隻手,可愛到暈! 相關資訊【新片速報】日本超可愛水獺仔 任人摸得意叫聲Twitter熱傳 (Jul 10, 2017) 【新片速報】日本「比卡超」結婚證書 估吓比卡超講咩? (Jun 24, 2017)

Read more ›
【有片有觸手】完全異次元 超巨型飄浮生物 原來係風箏
by / on 30/05/2016 at 12:02 pm

【有片有觸手】完全異次元 超巨型飄浮生物 原來係風箏

呢啲巨型異世界觸手生物,睇動畫見好多,喺天空上面飄嚟飄去,啲觸手捲嚟捲去……估唔到係,原來風箏可以做到咁嘅效果。網上有呢條超有型影片,喺藍天之下飄浮嘅異形,好想射佢落嚟。 相關資訊【有片】食花掉火球 《Mario’s Lost Kart》邪惡大叔唔見車 (Jun 11, 2017) 【新片速報】日本喵星人刁鑽飲水法 其實飲唔倒Twitter熱傳 (Apr 24, 2017)

Read more ›
【新片速報】未來生活會係點?   超勁預想片睇到頭都爆
by / on 21/05/2016 at 11:31 am

【新片速報】未來生活會係點? 超勁預想片睇到頭都爆

睇親Iron Man都覺得超型,啲屏幕可以喺面前比你用手任掃,飛行途中又有晒指示。不過如果未來真係咁嘅話,原來都幾煩。外國有個勁人Keiichi Matsuda整咗段短片,構想未來世界會係點,全智能之下,面前經常會有半透明嘅pop up彈出嚟,提你有訊息,或者指示路程,甚至有廣告彈出,每個路人頭頂都好似Sim City咁有個鑽石標誌,去到Supermarket買嘢有購物清單自動出現,又可以隨時同客服視像通話,連信耶穌都可以劃個十字就完成儀式。不過睇6分鐘已經頭都爆,我都係要返簡單啲嘅生活就夠嘞。 相關資訊【有片】太強!13歲殘障男 唔用手射3分絕殺 (Apr 8, 2017) 【有片】咁著數 逆求婚 女友睇波突然跪地求婚 (Apr 7, 2017)

Read more ›

【新片速報】6千支火柴一齊燒 場面壯觀過百萬點擊熱播
by / on 24/03/2016 at 7:11 am

【新片速報】6千支火柴一齊燒 場面壯觀過百萬點擊熱播

要每一根火柴全為這一刻燃燒,6千支火柴一齊點著會係點?可能好多人都想知,所以呢段片短短幾日已經超過140萬點擊。首先點著最旁邊嘅一支火柴,然後火勢一直蔓延,最後全部化為灰燼,嘩好浪費呀,好唔環保呀。講真,估唔到又幾好睇。仲有,喺張木枱上面燒其實好易燒燶枱。   相關資訊【新片速報】日本超可愛柴犬影片 攝喺隙縫等餵食 (Mar 29, 2017) 【有片】睇波中場Kiss Camera 男友唔理 目前錫隔籬 (Mar 16, 2017)

Read more ›
【新片速報】喵星人都有分「左撇子」   簡單測試方法影片熱傳
by / on 21/03/2016 at 7:11 am

【新片速報】喵星人都有分「左撇子」 簡單測試方法影片熱傳

我哋會形容用左手嘅人做「左撇子」,通常佢哋嘅藝術天分都比較高。估唔到唔只人類,原來貓都有分左撇子或者右撇子。日本好紅嘅喵星人Maru最近又有新片,今次教一班貓奴測試自己嘅喵星人習慣用左手定右手,方法好簡單,喺一隻水杯入面放粒貓餅,喵星人先用邊隻手抓貓餅,佢就係慣用嗰隻手嘞。今次仲搵嚟另一隻喵Hana一齊做測試,但係Maru原來左右撇子都唔係,而係用塊臉?根據統計,大概4成喵星人用左手,5成用右手,剩底嘅係兩隻手都會輪流用,你屋企隻喵星人係邊種? 相關資訊【有片】超正鸚鵡仔拯救喵星人片 最終被爪大報復 (Jul 24, 2017) 【有片】十級可愛喵星人 叫主人起身失敗自己瞓埋 (Jul 22, 2017)

Read more ›
【愛上殺手】Twitter熱傳槍手打拍子影片  邊開槍邊唱夾啱beat
by / on 21/03/2016 at 7:10 am

【愛上殺手】Twitter熱傳槍手打拍子影片 邊開槍邊唱夾啱beat

音樂係生活嘅一部份,就算上膛開槍,都可以組成一首美妙嘅樂曲,呢啲咪男人的浪漫囉。呢段影片最近喺Twitter熱傳,片中嘅外藉男人一邊拍手打拍子,一邊上膛,之後拍兩吓手又開槍射杯,仲自己開口唱埋歌,全程拍子啱晒beat,首歌仲幾好睇。如果佢係一個殺手,應該係一個氣定神閒殺人唔眨眼嘅冷血殺手。 相關資訊【相集】網上最劣貓畫作 Twitter帳戶專畫經典貓圖 (Jul 21, 2017) 【有片】日本「拉麵對烏冬麵」繪本 瘋狂畫風Twitter熱傳 (Jul 20, 2017)

Read more ›
【有片】天空之鏡玩航拍 日本網民出超奇幻影片
by / on 09/02/2016 at 11:48 am

【有片】天空之鏡玩航拍 日本網民出超奇幻影片

玻利維亞嘅「烏尤尼鹽沼(Salar de Uyuni)」,即係天空之鏡,監沼反射天空景像,睇電視、電影睇過係好靚。不過,原來用航拍機嚟拍片,仲靚,而且感覺好奇幻。呢群日本人就去旅行兼拍咗片,入嚟睇。 相關資訊【新片速報】日本小朋友虐待鹹蛋超人 超動感影片Twitter熱傳 (Mar 14, 2017) 【有片】睇見都覺好玩 隨身噴射器 隨時飛上天拍4K片 (Feb 25, 2017)

Read more ›
【有片】Model專用按摩師玩嘢 拍片剖析工作苦悶感
by / on 08/02/2016 at 7:56 pm

【有片】Model專用按摩師玩嘢 拍片剖析工作苦悶感

你對o依家份工有咩不滿?呢位按摩師佢每一日要同超級模特兒做按摩,奉旨同佢哋有親密同頻密嘅身體接觸,但係佢都好不滿喎,佢喺片入面話:「呢份工冇超時補水,啲Model又多多要求,公眾假期又可能要開工……唉我遲早都要脫離呢個行業,真係好想搵番份寫字樓工呀。」嘩,睇到都嬲呀!不過,其實,呢條唔係嗰啲咩星期幾檔案,而係新加坡一間搵工公司嘅宣傳片,入嚟仲有幾條睇,雖然唔係好新,但我未睇過,又真係睇到好肉緊…… 相關資訊日本GU網站賣恤衫 Model「拎」住唔著上身 (Jul 12, 2017) 靚女Rachel做Model 想要Fruit Punch Tee唔該PM黃水斌 (Jul 11, 2017)

Read more ›

【新片速報】喵星人試玩BB-8 Droid合集 原來個頭好易甩
by / on 10/01/2016 at 3:14 pm

【新片速報】喵星人試玩BB-8 Droid合集 原來個頭好易甩

呢隻BB-8 Droid都出咗一段時間,可以用手機操控走嚟走行,聽講唔少貓奴都乘機買咗隻返去同喵星人玩。咁究竟班主子玩唔玩呢?之前都有唔少試玩片,最近外國有人一次過將好多段喵星人嘅試玩後片剪接成一段2分半鐘嘅短片,比準買家參考吓。睇片見班喵星人都好好奇,會追住隻BB-8嚟抓,不過BB-8 Droid個頭就好易甩。另外我哋發現玩得最開心嘅唔係一班喵星人,而係控制住隻BB-8嘅主人,佢哋玩到依娃鬼叫,擺明就係利用喵星人比個藉口自己買新玩具啦。 相關資訊【多圖】日本超可愛水管喵星人 瞓主人床識冚被 (Jul 22, 2017) 【新片速報】日本貓奴打機新玩法 狂掃喵星人 (Jul 22, 2017)

Read more ›
【新片速報】無敵貓貓拳 喵星人瘋狂打老虎仲插眼
by / on 15/12/2015 at 7:12 am

【新片速報】無敵貓貓拳 喵星人瘋狂打老虎仲插眼

條片雖然低清咗啲,不過其實聽聲就夠。呢隻喵星人唔知點解同屋企個老虎頭有深仇大恨,瘋狂出貓貓拳連環攻擊對手,揼到個老虎頭啪啪聲,聽到都覺痛。見老虎無反應就將行動升級,學人出到插眼呢招,好大仇口。咁出力,難怪放上網唔夠兩日已經超過70萬點擊。其實大家都係貓科類,唔駛去到咁盡喎。 相關資訊日本奇譚喵頭套扭蛋 今次扮Hello Kitty吉蒂貓 (Jul 22, 2017) 坐箱望窗好文青 日本人貓爭紙箱圖集 (Jul 20, 2017)

Read more ›
【有片】直播聲控爆頭 真人版第一身射擊遊戲第2擊落重本
by / on 06/11/2015 at 6:37 pm

【有片】直播聲控爆頭 真人版第一身射擊遊戲第2擊落重本

之前呢個單位「RealmPictures」都拍過一條,不過就係喺屋企花園拍嘅,今次無論環境同敵人造型都更加落本,感覺超真實!操控方面,佢哋照舊搵咗唔同人嚟睇直播「聲控」遊戲角色,執槍開門行邊條路真係好似打機咁,最後仲有巨型Boss登場,好正!仲有最好睇就係有埋幕後製作過程!不過頭段有人忍唔住偷笑,臨時演員都係演員呀! 相關資訊【有片】狂click滑鼠100萬次 17.5小時史詩式長片 (Feb 17, 2017) 【新片速報】比卡超出場前warm up片流出 小朋友瘋狂吶喊 (Dec 28, 2016)

Read more ›
【自廢IG】18歲索女放棄58萬followers    重獲新生唔呃Like
by / on 05/11/2015 at 7:14 am

【自廢IG】18歲索女放棄58萬followers 重獲新生唔呃Like

呢件事最近外國好多人談論,呢位只得18歲嘅澳洲索女Essena O’Neill本來IG擁有超過58萬個followers,經常放性感靚相,不過早幾日佢一次過刪除咗自己IG超過2000張相,剩底嘅相佢就改晒caption寫出「真相」。例如一張泳衣相,原來係佢強迫細妹幫自己影咗過百個甫士先影到咁結實嘅腹部;另一張相入面著住條裙,就係收咗美金$400影嘅軟性廣告。之所以咁做,因為佢發現自己嘅青春時光絕大部份時間放哂喺社交網絡,每星期用超過50小時對住電話螢幕影相放相,尋求自我肯定,雖然好多人Like,但佢發覺呢啲嘢全部都係假象,只會令佢心靈更空虛,最新狀況係佢連IG戶口都刪除埋。佢開咗個網站「LetsBeGameChangers」,將自己嘅真實感受拍成影片同其他人分享,聲淚俱下,好感人,好多外國傳媒都力撐,睇完有無啲啟發?  相關資訊【相集】日本網民狂玩「西瓜裙」 IG美女/BB扮著裙 (Jul 11, 2017) 【相集】IG可愛妹妹做超模 食物植物變時裝 (Jul 5, 2017)

Read more ›