Post Tagged with: "復刻"

上官小威復刻《金漫畫》 3+1特別贈品版$98超抵
by / on 13/11/2017 at 3:29 pm

上官小威復刻《金漫畫》 3+1特別贈品版$98超抵

真係好難唔買,因為實在係抵,上官小威復刻《金漫畫》,出3+1特別贈品版,每套$98包《金漫畫》1至3期、特刊一本、滑鼠墊一個、《五兄弟》海報一張、紀念證書一張,限量100套,「123漫畫精品專門店」同「收藏家港漫專區」開訂。上官小威講到明唔會加印,想睇番謝志榮、馮志明同馬榮成成名舊作,真係要搶,亦真係抵搶,我話嘅。 相關資訊《小鐵漢》+《風雲徙置區》9月20日獨家開訂 (Sep 18, 2017) 《迷離世界》印得唔好 上官小威送海報致歉抵讚 (Jul 30, 2017)

Read more ›

日本復刻《Slam Dunk》月曆 20年前產品10月賣街
by / on 03/10/2017 at 1:32 pm

日本復刻《Slam Dunk》月曆 20年前產品10月賣街

放心,冇咁天才嘅,呢個「スラムダンク 復刻 2018カレンダー」雖然復刻1996年嘅月曆,但日期冇復刻,係2018年嘅!原來已經20年前有多,雖然動畫麻麻,但唔識郁嘅彩圖都OK嘅,腦入面又響起嗰首歌啦!月曆喺10月下旬會喺日本開賣,全日本書店有售。掛牆1,800円,座枱1,500円。 相關資訊【有片】北海道錄今季最低氣溫-17.3度 留萌市積雪60cm! (Nov 20, 2017) 日本另類麻雀Twitter熱傳 百潔布/刷膠全部變麻雀 (Nov 20, 2017)

Read more ›
上官小威復刻《金漫畫》 星級陣容每本$98
by / on 24/09/2017 at 5:49 pm

上官小威復刻《金漫畫》 星級陣容每本$98

早前報導話上官小威正準備復刻《金漫畫》,依家有進一步消息。《金漫畫》將以12期作為一個總結,保證完滿出版所有故事,售$98。一舊水可以睇到啲乜呢?可以話係星級陣容,包括上官小寶、上官小威同馮志明,最喜出望外係徐大寶同黃國興都有份供稿,真真久違了。可以睇番佢哋嘅漫畫,我諗好多港漫迷都會好Happy。 相關資訊網圖分享:港漫人出圖望颱風快快走 (Aug 28, 2017) 馮志明出Post有辦你睇 《大漠蒼狼》手繪封面 (Aug 15, 2017)

Read more ›
復刻停不了 上官小威復刻《金漫畫》
by / on 19/09/2017 at 10:15 pm

復刻停不了 上官小威復刻《金漫畫》

復刻停不了,上官小威又打算將1976年《金漫畫》復刻,內包馬榮成《五兄弟》、《馬仔世界》同《經典漫畫》、馮志明《擂台振家聲》、謝志榮《記者中》等作品,Total十幾期內容。利申,我未睇過《金漫畫》,對呢堆作品毫無印象,談不上好惡,但都好有興趣睇吓。 相關資訊復刻《迷離世界》重開「讀者天地」 獎品人人有份永不落空 (Jun 6, 2017) 上官小威復刻《迷離世界》 崔成安贈畫鼓勵 (May 30, 2017)

Read more ›
馮志明《兄弟》同《小偷》 上官小威不日復刻
by / on 13/09/2017 at 10:14 pm

馮志明《兄弟》同《小偷》 上官小威不日復刻

利申,我係未睇過馮志明《兄弟》同《小偷》嘅,所以對上官小威打算復刻呢兩本40年前嘅大作,我非常有興趣。兩本打孖一齊買,售$68,唔貴,雖然唔知實際印書數,但講到明限量絕不加印,到時仲會出多個贈品版添,老土都係呢一句,必撐,拭目以待。 相關資訊馮志明《大漠蒼狼》簽名會 睇埋《刀劍江湖上河圖》 (Aug 9, 2017) 馮志明N呎長《刀劍江湖上海圖》曝光! (Aug 6, 2017)

Read more ›
很想要吧 Kent Chu復刻超迷你版《金報》同《生報》
by / on 12/09/2017 at 4:45 pm

很想要吧 Kent Chu復刻超迷你版《金報》同《生報》

一向熱心港漫嘅Kent Chu又有新搞作推出喇,今次仲要係「小小的大壇嘢」──大壇嘢者,復刻《金報》同《生報》是也,那何謂「小小的」?復刻完縮成一張細細卡片是也。佢Post咗相上面書,底面都經過重新印製,望見都想要,佢話送出方法「容後細表」喎,好心急!唔知點先可以擁有呢? 相關資訊Kent Chu做到嘢 非Dark Club會員都攞到貼紙 (Sep 21, 2017) 《山海逆戰》印錯期數 Kent Chu送免費貼紙彌補缺陷 (Sep 18, 2017)

Read more ›

上官小威添食 復刻馬榮成《小鐵漢》與《風雲徙置區》
by / on 07/09/2017 at 9:00 am

上官小威添食 復刻馬榮成《小鐵漢》與《風雲徙置區》

上官小威又有復刻作嘞,今次係馬榮成嘅《小鐵漢》同《風雲徙置區》。《風雲徙置區》分上下兩冊,普通版$68,尊貴限量版包書、兩幅水晶畫板、簽名證書$300;《小鐵漢》一期完,普通版$38,尊貴限量版包書、一幅水晶畫板同簽名證書$180。利申,呢兩本大作我係未睇過嘅,所以好有興趣買番嚟睇,唔知大家又點睇? 相關資訊山月畫友聯展今日開幕 馬榮成連畫框都畫埋 (Nov 9, 2017) 展出聶風火麒麟雕像 驗明真身落訂唔遲 (Oct 10, 2017)

Read more ›
如果上官小威復刻《南拳北腿》 你撐唔撐?
by / on 09/08/2017 at 9:30 am

如果上官小威復刻《南拳北腿》 你撐唔撐?

好簡單嘅問題:「《南拳北腿》當年非常穩定上揚的作品,假如復刻面世,大家還會接受嗎?」呢個問題係上官小威問嘅,你哋又點睇?利申,我係未睇過《南拳北腿》嘅,本身對佢無乜感情,但如果復刻得成,我一定撐,就當買番N年前睇港漫嘅美好回憶都好。如果大家都想再睇《南拳北腿》,入上官小威面書多多留言鼓勵喇。 相關資訊《73漫畫》加推書店精裝本 送海報限量73本 (Apr 23, 2017) 上官小威落實復刻《73漫畫》 分兩版本各售$180 (Apr 4, 2017)

Read more ›
書局版送迷你《魔幻集》。
by / on 20/06/2017 at 9:00 am

上官小威添食 復刻精美版送迷你《迷離世界》Or《魔幻集》

  過癮喎又,將睇開嘅傳統港漫Size縮細一半,但又唔係甚麼合訂本精裝版珍藏本,效果究竟會點呢?上官小威復刻特別版《迷離世界》搶購一空,為免其他讀者詐型,所以推出多一個復刻精美版。精美版又細分為書店版同書局版,前者送迷你《迷離世界》一本;後者送迷你《魔幻集》一本,各限量100本,各順序1至100獨立編號。有興趣的話,唔該快啲致電「收藏家港漫專區」或「123漫畫精品專門店」落訂,肯肯定搶手架,有買趁手呀。 相關資訊《畫出彩虹四十年》好賣唔加印 《73漫畫》復刊有期? (Feb 7, 2017) 等到頸都長!上官小威《畫出彩虹四十年》開訂! (Dec 22, 2016)

Read more ›
上官小威復刻《迷離世界》 暫定年底推出
by / on 25/05/2017 at 11:00 am

上官小威復刻《迷離世界》 暫定年底推出

資深港漫迷無理由無睇過《迷離世界》,想當年細路仔嗰陣唔夠零用錢唔可以期期買,買得返屋企又驚俾老竇老母鬧,要匿入被竇邊驚邊睇,當真係美好回憶。家陣唔使回憶嘞,因為上官小戈威決定復刻《迷離世界》,打算年底推出,仲喺面書講到明:「至於附帶內容,早已訂下了非常豐富的腹稿,如果全部搞好,肯定比《73漫畫》復刻版,豐富十倍。」聽到呢個消息,我好興奮,你又點睇? 相關資訊《漫畫賓治2》12月3日出版 課金支持唔好得個講字 (Nov 30, 2016) 《今晚打喪屍》漫畫化 誰是主筆等余兒開估 (Nov 8, 2016)

Read more ›
復刻《壽星仔》?讀者提議最終回當創刊號出!
by / on 04/05/2016 at 9:30 am

復刻《壽星仔》?讀者提議最終回當創刊號出!

無聊瀏覽「壽星仔專門店」面書專頁,但見上官小強出圖一張,留言只簡簡單單得四隻字──將會復刻?復刻?係就好咯!此言一出,八方留言和應──陳俊雄:「最好全套復刻,一定支持。」、Jackson Lou:「全套出?」、朱建良:「等待童年美好時光。」不過講到最有創意,則非fungbob莫屬,佢咁提議:「一係試試倒轉出,最終回係第一期,幾打耳。」嘩,唔係咁破天荒呀?Anyway,真心希望出得成,強哥,支持你呀。 相關資訊跟進:林祥焜《Les 100 Filles》不公開發售 出悼圖向上官小強致敬 (Jan 26, 2017) 上官小強離世 港漫人&讀者出圖致敬 (Jan 25, 2017)

Read more ›

創造館復刻《龍虎門》 周刊形式橫度推出
by / on 11/09/2015 at 10:00 am

創造館復刻《龍虎門》 周刊形式橫度推出

係為《龍虎門》死忠Fans,收到呢個消息真係好開心,睇清楚,今次創造館復刻嘅《龍虎門》係由第99期《小流氓》易名《龍虎門》開始,以周刊形式推出,仲要係最原汁原味嘅橫度,售價同依家公仔書睇齊賣$17,並唔係以往推出過嘅合訂本。據知推出日期係9月25日,頭三期會同時推出特別版,據知會附送三皇大頭銀仔,港九報攤有售,並唔係甚麼特約書屋限量版。睇過宣傳廣告,上寫「一神二妖三煞四鬼五怪六騎士,好快就會重現江湖」,個心登時熱一熱,正呀喂! 相關資訊喪屍圍西貢 創造館小說《異人》不日推出 (Nov 2, 2017) 余兒《今晚打喪屍》作品展 推出畫板每張$1200 (Oct 16, 2017)

Read more ›
添食!老馮出紅色版霸刀之死Figure!
by / on 17/07/2015 at 3:00 pm

添食!老馮出紅色版霸刀之死Figure!

喺剛剛過去嘅2015香港動漫Show,馮志明都有親臨現場,仲親手替霸刀之死修訂復刻黑色會場版Figure潑色上油開光,惹來全場起哄,最後迅速售罄,買唔到嘅Fans大嘆走寶。最新消息,老馮決定加推紅色版Figure,每個$280。預訂方法可以直接上面書問問,都係嗰句,有買趁手呀。 相關資訊馮志明《大漠蒼狼》 早訂送Folder (Jul 21, 2017) 合味道杯麵黑湯底 墨汁新口味食完烏卒卒 (Jul 20, 2017)

Read more ›