Post Tagged with: "戒指"

超細緻異形頭戒指 反晒光夠招搖
by / on 24/05/2018 at 3:32 pm

超細緻異形頭戒指 反晒光夠招搖

「TorchTorch」出品,將異形頭戴上手……指,一式三款有銀(54,000円)、黑鍍銀(54,000円)同白金(1,296,000円),有四個Size選擇,戴出街肯肯定好招搖。睇相都見反晒光,造工超細緻,《異形》迷一定Like,我唔算超迷《異形》都有啲心郁。 相關資訊異形追殺白雪公主 PixelFaker角色大兜亂 (Apr 3, 2015)

Read more ›

結婚都要出動精靈球   打開內藏一對結緍戒指
by / on 18/07/2017 at 7:14 am

結婚都要出動精靈球 打開內藏一對結緍戒指

可能鍾意比卡超嘅都開始到適婚年齡,繼早前比卡超同日本婚嫁雜誌《Zexy》推出結婚證書之後,仲有呢個精靈球戒指盒連戒指。打開個精靈球,入面就裝住一對婚戒,一對圖案仲可以合埋。淘寶有得代訂呢個盒,另外想買Pokemon婚介可以上ebay搵U-TREASURE,都有好多選擇。 相關資訊【有片】互動小精靈 頭擰擰「比卡超」8月發售 (Jun 5, 2018) 新片速報 Switch版「Pokémon GO!」?《Pokémon Let’s Go》11月有中文版 (May 30, 2018)

Read more ›
日本女士求婚專用套裝 自備戒指仲有「回郵信封」
by / on 23/02/2017 at 7:21 am

日本女士求婚專用套裝 自備戒指仲有「回郵信封」

求婚通常都係男士做,不過日本有公司就好有創意,出咗個產品專俾心急女士求婚用嘅套裝。入面包括一隻戒指同一封求婚信,入面有埋官方建議嘅書信內容可以抄考。寫好晒就可以寫埋男方嘅地址然後寄出。如果男方接受嘅話,入面會建議佢拎住隻戒指直接去搵個女仔求婚。不過唔好彩男方唔想結嘅話,封信入面都有個「回郵信封」,將隻戒指放返入去就會寄返去嗰間公司,為免女方難受,公司會收返隻戒指,然後寄條鑽石項鍊俾女方,好窩心。咁最唔好彩應該係男方收咗隻戒指然後走佬嘞,不過唔駛驚,呢個套裝售價只係1萬円,即係港幣700蚊左右,少少錢就可以試到對方人格,其實好抵。 相關資訊【新片速報】日本鴨仔超鍾意食西瓜 摩打嘴啄食Twitter熱傳 (Jun 24, 2018) 【有片】青春小鳥 日本棒球部經理人 收驚喜禮物好感動 (Jun 24, 2018)

Read more ›
【多一隻耳】超像真耳環34款膚色任揀   仲有手指戒指
by / on 10/01/2017 at 7:05 am

【多一隻耳】超像真耳環34款膚色任揀 仲有手指戒指

好核突!但無可否認係好像真嘅。住喺德國嘅設計師Nadja Buttendorf好與眾不同,佢設計嘅耳環係一隻耳仔,可以扣上真耳下面,等你每邊有兩隻耳。隻耳仔用silicone製作,像真度極高,仲有34種膚色,確保戴上耳仔後同真嘅一樣。另外佢都有戒指,上面係一隻手指,戴起佢就變成有6隻手指,好詭異!網站仲有GIF圖,嚇死人咩? 相關資訊日本「羊毛氈」神人 專整動物「刺猬仔」超像真 (Jun 13, 2018) 日本超像真車厘子耳環 真嘅一樣Twitter熱傳 (Apr 14, 2018)

Read more ›
使唔使咁型 Hello Kitty x Jam Home Made骷髏頭頸鏈+戒指
by / on 05/02/2016 at 1:45 pm

使唔使咁型 Hello Kitty x Jam Home Made骷髏頭頸鏈+戒指

好難想像Hello Kitty可以同骷髏頭聯乘埋一齊,不過其實呢隻無嘴貓近年都好濫……估唔到嘅係替骷髏頭貼番個平平無奇嘅大紅蝴蝶結,出嚟嘅效果可以幾有型。日本銀器潮版Jam Home Made出品,戒指每隻29,000日圓,頸鏈每條16,000日圓,就嚟情人節,買畀女朋友或者男朋友或者自己,點睇? 相關資訊【有片】機會來了!嚇爆Hello Kitty!日本Sanrio Puroland今年玩喪屍 (Apr 25, 2018) 點解嘅?大男人著Hello Kitty波衫比賽! (Mar 14, 2018)

Read more ›
訂造《Falcon》戒指 富貴款任鑲鑽石
by / on 10/06/2014 at 7:03 am

訂造《Falcon》戒指 富貴款任鑲鑽石

之前出過Star Wars戒指嘅Paul Michael Design最近又有新作,今次玩嘅係《Falcon》,又係繼續出戒指,不過呢隻係貴嘢,有鑽石有寶石,全人手製,大家好想知嘅價錢方面,會視乎選嘅材料而定,戒指有黑、銀、金三款式,起跳價都要美金$995,即係港幣7千,好似我呢啲平民諗都唔駛諗。 相關資訊《Star Wars》光劍變芥末醬 黑武士出手唧醬 (May 22, 2018) 【有片】超可愛星戰Porgs飯團 製作過程影片跟住學 (Jan 20, 2018)

Read more ›

醒神早餐戒指    齋睇唔食得
by / on 02/03/2014 at 1:30 pm

醒神早餐戒指 齋睇唔食得

粟米沙律、熱香餅、太陽蛋‥‥‥今朝早餐你食咗咩?可惜呢堆咁好味嘅早餐唔放得入口,只可以戴喺手。喺Etsy網站有得賣嘅食物戒指,外形幾像真,店名係CaseyTheCrafter,店主都幾靚女,每隻戒指賣港幣$128起。睇真啲仲有生蠔、帶子!噢,打打吓字都流口水! 相關資訊喵星人食物PS圖集 好想全部吞落圖 (Jun 22, 2018) 女版Low Cost Cosplay玩謝金正恩 食物做主題影完食返晒 (May 18, 2018)

Read more ›
LEGO戒指 任砌個性Pattern
by / on 04/11/2013 at 4:06 pm

LEGO戒指 任砌個性Pattern

敢問閣下係乜嘢人!? LEGO? PSV? iPad? 係就啱喇! FORMA Laboratory有位COVO設計師, 出咗多款戒指, 完完全全表現到你個性同奔放一面, 不過個人覺得, 隻純銀做嘅LEGO Brick Ring形像非常百變, 你砌乜嘢上去, 就代表度你乜嘢性格, 你睇! 啱啱兩格、連LEGO人仔都坐上去都得, 唔知呢排旺角街邊熱賣啲LEGO人仔啱唔啱擺呢? 相關資訊【有片】LEGO影片大劇透 Stop Motion重現《Avengers: Infinity War》爽快一幕 (May 21, 2018) 日本網民製高達LEGO畫 Wing Gundam Zero Custom (May 3, 2018)

Read more ›
斬手指戒指  夠驚嚇廚師咪用
by / on 27/07/2013 at 2:11 pm

斬手指戒指 夠驚嚇廚師咪用

唔係變魔術,呢隻戒指係由外國珠寶設計師raulsouza為佢做廚師嘅朋友度身訂造嘅,不過我唔建議呢個廚師朋友帶住佢煮餸,唔老嚟得嚟仲好易嚇親周圍工作緊嘅兄弟,不過由於隻戒指反應好好,唔少人想要返隻,於是設計師整多幾隻放上網站Etsy賣,每隻港幣$1750,咁貴?你切咗我隻手指好過嘞。

Read more ›
新片速報   戒指unlock手機   高科技懶型必備
by / on 24/07/2013 at 7:05 pm

新片速報 戒指unlock手機 高科技懶型必備

戒指除咗用嚟表明你已婚之外,有無諗過仲可以unlock手機甚至開門?英國設計師John McLear發明咗一款NFC戒指,等你可以懶型咁神不知鬼不覺開啟裝置,最勁嘅地方係有雙層NFC,最保密嘅資料例如手機密碼之類,要打開手掌先可以讀取倒,感覺安全好多。而家喺Kickstarter集資中,港幣大約$300左右就可以買返隻,預計10月起貨。 相關資訊Logitech型棍新品 鎖匙扣做小喇叭 (Apr 9, 2014) Samsung NX mini $1,790平玩換鏡1吋BSI CMOS (Apr 4, 2014)

Read more ›
救命戒指  自動發熱提示紀念日
by / on 30/05/2013 at 10:15 pm

救命戒指 自動發熱提示紀念日

相識一週年、結婚紀念日、訂婚紀念日‥‥‥有男女朋友老公老婆嘅,相信都好怕自己會唔記得週念紀念日,人命關天,呢隻戒指The Remember Ring分分鐘喺重要時刻救你一命。聲稱用咗新科技Hot Spot Technology,可以喺預設嘅紀念日前24小時,自動發熱至攝氏38度,提醒你紀念日殺到埋身。而且每隔一時小時會自動加熱,直至熱醒你為止,好嚴謹。不過個款幾趕客,可能你一送比對方已經即時致命。 相關資訊【見死不救】喵星人爛玩出事 影相先定救喵先? (Jun 18, 2015)

Read more ›

《Candy Crush》中毒者適用      iRing戒指防麻痺
by / on 16/03/2013 at 2:52 pm

《Candy Crush》中毒者適用 iRing戒指防麻痺

早幾日朋友話我知,佢玩《Candy Crush》玩得耐時,隻食指(佢用食指,有無人用第二隻?)會好似無晒感覺輕微麻痺,如果你都出現以上症狀,證明你中毒已深,一係uninstall咗個程式戒除毒癮,一係買呢隻戒指,圈喺手指入面,就可以利用戒指上嘅鑽石操控屏幕,開價港幣$100左右,如果張示範圖換埋《Candy Crush》畫面,我諗銷售數字會急升。 相關資訊時代X海賊新聞稿 竟然係橡膠X火焰果實 (Jul 20, 2014) 時代廣場今晚飛走爛蘋果 玩Candy Crush 2014倒數 (Dec 31, 2013)

Read more ›
發聲字戒指 打到0拍0拍聲!
by / on 21/12/2012 at 6:03 pm

發聲字戒指 打到0拍0拍聲!

  我知道打人唔0岩!不過一生人之中,有0的事總要用拳頭解決……0係呢個時候最緊要係講氣勢,我0係日本密買東京網站,忽然見到呢0的漫畫發聲字戒指,戴0左你未必有承太朗或者白金之星0甘好打,不過感覺會好似有替身上身一樣!

Read more ›
魔戒有得賣 咕嚕我明白你嘅痛苦嘞!
by / on 16/12/2012 at 9:53 am

魔戒有得賣 咕嚕我明白你嘅痛苦嘞!

呢兩日我心情有啲低落,因為睇完《哈比人》,見倒咕嚕比巴金斯偷咗隻魔戒,大叫:「Thieves!」我個心就隱隱作痛。都話魔戒害人不淺,網上比我見倒呢隻戒指,價錢美金$99,上面印咗同電影魔戒入面一模一樣嘅精靈句字,我好想買隻戴住去冒險呀!但係,點解咁多size都斷碼架?唔通要我買隻加大碼袋落西裝袋?我驚跌喎!所以我登記咗email,等佢有貨時通知我,聽聞2月有貨,我而家同咕嚕一樣,好辛苦呀! 相關資訊【有片】超強情景 甘道夫決戰炎魔「You shall not pass!」 (May 11, 2018) 【有片】《魔戒》15周年 哈比人去旅行 記念網站遊紐西蘭 (Dec 19, 2016)

Read more ›