Post Tagged with: "房間"

京都超古怪民宿房間 廚房搭張床2500円一晚
by / on 10/11/2017 at 7:05 am

京都超古怪民宿房間 廚房搭張床2500円一晚

日本嘅酒店以至民宿都出名細,不過呢間嘅情況就比較特殊。有日本網民上載咗張圖,話佢老公最近去東京嘅時候,入住嘅房間竟然係咁!網民睇完都嚇一跳,仲熱烈討論同分享。有人話呢個根本係廚房,有人仲發現枕頭底有幾塊石磗。之後樓主再出Post,話呢間係民宿,每晚大約2500円。不過最令人最擔心其實係安全,因為張床中間好似唔係幾穩陣。 相關資訊日本寵物古怪睡姿Twitter熱傳 鼬鼠仔無限拉長 (Feb 11, 2018) 日本超古怪扭蛋 一盒盒精肉有「國產和牛」 (Feb 9, 2018)

Read more ›

大阪發現1000円超平旅館      網民:「好似監獄嘅房間」
by / on 11/01/2017 at 7:15 am

大阪發現1000円超平旅館 網民:「好似監獄嘅房間」

呢間喺大阪1000円可以住一日嘅旅館,其實2015年已經有人報導過,不過最近日本網民又摷返出嚟討論,大家可以當溫故知新。呢個單位入到去啱啱好夠一個人瞓,勉強都叫轉到身,前後仲可以擺吓嘢。網民留言話:「睇落都好正常」、「淨係瞓覺其實幾好」、「房間可以,但啲被舖好似好污糟」、「可以用嚟做倉庫」、「好似監獄嘅房間」。其實佢位於大阪西成區,之所以咁平因為西成區出名舊、暴力同色情,號稱「関西一番危険」,所以遊客都係唔建議去嗰度住嘞。好似網民留言咁話:「不如去漫畫cafe啦。」 相關資訊【有片】大阪環球影城「Final Fantasy XR Ride」 戴VR遊魔晃爐摸陸行鳥 (Dec 27, 2017) 【好想去】大阪《龍珠》主題餐廳 食物超精緻大量精品 (Dec 10, 2017)

Read more ›
日本超筍住宿房間 1900円12小時東京大阪有分店
by / on 06/12/2016 at 7:06 am

日本超筍住宿房間 1900円12小時東京大阪有分店

瞓12個鐘1900円,即係港幣140蚊左右,的確幾抵喎。有日本網民最近試咗呢間叫NET MARU嘅旅館,仲影埋相,話瞓咗12小時只係1900円,好抵。呢間店標榜係24小時營業,提供有得上網嘅高品質房間,仲有女性專用個室,睇返啲房,啱啱好一個床位,又有電腦可以上網,洗衫乾衣都係免費嘅,仲有得沖埋涼吹埋頭,喺東京池袋西口同大阪道頓堀都有分店,下次玩得夜無JR搭可以考慮瞓返晚喎! 相關資訊日本柴犬變黑人問號 估錯接受唔倒影片Twitter熱傳 (Feb 18, 2018) 日本神級寶石畫作 木顏色畫出超強立體感 (Feb 18, 2018)

Read more ›
執拾前vs執拾後Twitter熱傳 粉紅明星房變無印簡約房
by / on 25/11/2016 at 7:05 am

執拾前vs執拾後Twitter熱傳 粉紅明星房變無印簡約房

Twitter帳戶「Before & After」經常分享啲執房前同執房後嘅對比相,對於想裝修或者想執房嘅人嚟講會帶嚟唔少靈感。最近呢輯Before & After圖好多人RT,由原來貼滿明星相嘅粉紅小屋,變成超簡約好似無印嘅示範單位,其實幾靚。有無激起你執吓間房嘅決心? 相關資訊【大集合】「羽生結弦」Twitter洗版 大量影片/靚相/改圖/回帶 (Feb 18, 2018) 【新片速報】日本超為食喵星人 狂舔空氣回味無窮 (Feb 16, 2018)

Read more ›
日本無業青年房間實拍 網民:「睇落好臭!」
by / on 25/10/2016 at 7:14 am

日本無業青年房間實拍 網民:「睇落好臭!」

究竟呢間係睡房定雜物房?無論係邊樣都好,亂嘅程度都已經達到瀕臨崩潰嘅邊緣。最近日本有網民放咗呢張相上2ch討論區,話係自己間房嘅實際情況,住喺鳥取縣無業嘅樓主,似乎幾滿意呢個狀況,仲同大家報平安話自己無事。有網民問:「間屋係咪斜咗?」、「好似垃圾屋」、「睇落好臭」、「樓底好矮」、「小心火災」。其實有時間影相放上網,不如認真執拾吓‥‥‥ 相關資訊日本玩具攝影師新作 星際勇者救藪貓連環圖 (Feb 17, 2018) 日本爛賭新人「結婚蛋糕」 巨型牌局坐低即開枱 (Feb 17, 2018)

Read more ›
日本獨立「房間」有得買 4個款式最平港幣$32000
by / on 11/01/2016 at 7:15 am

日本獨立「房間」有得買 4個款式最平港幣$32000

日本獨立「房間」有得買 4個款式最平港幣$32000一間 香港地寸金尺土,要有自己一間獨立房間都唔易,日本都有住屋問題,加上近年越嚟越多人在家工作,所以呢類型嘅「家中小屋」喺日本越嚟越盛行。SuMiKa係其中一間專門做呢類型小屋嘅公司,喺佢嘅網頁入面見倒有4個款式嘅小屋,連床連書枱,最重要係有塊好高牆嘅板,提供小小嘅私人空間比當事人,設計仲幾靚,不過價錢就唔平,由最平嘅「co-ba home」賣47萬円(港幣約$32000),以至最貴嘅「Urokoya」賣155萬円(港幣約$10萬)不等。為咗吸引大家買房,佢哋仲建議18個月分期,最低月供港幣$715就有間房住吓,不過好似我呢類零積蓄嘅,都係自己諗辦法加塊板算嘞。 相關資訊【新片速報】日本喵星人陪玩芒亨 等Load Game可以摸喵 (Feb 17, 2018) 日本曳貓偷飲麵豉湯 診所驗血好彩無事 (Feb 16, 2018)

Read more ›

【怪癖】日本妹妹儲物櫃養魚 位置超奇特網民瘋傳
by / on 18/12/2015 at 7:15 am

【怪癖】日本妹妹儲物櫃養魚 位置超奇特網民瘋傳

雖然住埋同一間屋,你有無認真留意吓屋企人嘅生活習慣?我估大家都無乜,好似日本呢位網民,近日就發現阿妹間房嘅半透明儲物櫃其中一層有啲怪異,睇真啲,原來入面裝咗半滿嘅水,養咗一條魚!由於擺放嘅位置太奇特,佢放咗上Twitter之後吸引好多人RT,而呢種養魚法,其實佢可以有一楝魚缸。 相關資訊日本屁孩破壞迷宮 紙皮迷宮爛晒無得玩 (Feb 16, 2018) 日本網民收「尚方寶劍」 帶木雕巨魚歌舞伎町散步 (Feb 16, 2018)

Read more ›
我的妹妹哪有這麼亂! 日本網友出賣妹妹   post相一齊笑
by / on 27/06/2015 at 1:54 pm

我的妹妹哪有這麼亂! 日本網友出賣妹妹 post相一齊笑

好多女仔表面睇好乾淨,但係間房可以亂到難以想像,女神都係咁話。最近有位日本網友就將自己妹妹間房嘅相放上2ch,即係圖左嗰張,亂嘅程度達到核爆級,唔止成張床都係衫,連枱底都係滿滿嘅垃圾。網友爭相叫佢post埋妹妹張相出嚟,樓主啋佢都傻,有網友突破盲點,問咗句:「等等先,究竟呢個妹妹係咪真實存在架?」我諗係真啩,唔好嚇我呀。BTW,順手搵咗幾張日本女生嘅超混亂房間相,即係右邊嗰幾張,入嚟仲有大量,睇完有無興趣挑戰吓? 相關資訊日本網民為阿妹興生日 低成本蛋糕似「危機一發」? (Dec 29, 2017) 有片:日本YouTuber飛機杯自娛 專登叫妹妹撞破好事 (Dec 13, 2017)

Read more ›
幾年無執屋      網友核爆級亂房曝光
by / on 30/04/2015 at 7:18 am

幾年無執屋 網友核爆級亂房曝光

唔執屋好正常,懶起上嚟我都試過幾日唔執,不過去到圖中呢個外國網友咁強啲垃圾陣容,連地下都見唔倒,真係少啲忍耐力都唔得,《大時代》阿博都未必做到。呢張相噚晚喺外國網站曝光即刻驚為天人,post相嘅網友poisonedbymercury留咗一句:「started cleaning my room for the first time in years.」即係起碼幾年無執過,原來佢自認有情緒病,所以先搞到咁嘅狀況,好彩,佢決定重新做人,仲share咗自己執乾淨之後嘅相。網友都大讚佢終於的起心肝重見天日,其實間房越亂心情越差,只係一個惡性循環,而家係一個好開始,睇完大家都係時候快啲執屋嘞。 相關資訊【敬禮】每次Comiket到場執垃圾 5年前後比較圖 (Jan 7, 2018) 日本「醫院餐」超豐富 新任媽媽放相上網震驚網民 (Oct 8, 2017)

Read more ›