Post Tagged with: "手指"

【有片】挑戰鷹哥?日本「指男」破世界紀錄 撻手指奏〈恋〉
by / on 16/02/2017 at 5:11 pm

【有片】挑戰鷹哥?日本「指男」破世界紀錄 撻手指奏〈恋〉

我知,喺我哋心目中,冇人可以代替到鷹哥嘅地位,但呢位日本大學生隻手指,真係隨時勁過神之手。佢早幾日就破咗健力氏世界紀錄,1分鐘內撻手指撻咗296次,即係1秒鐘差唔多撻5次?你同我都撻過手指,真係睇見都攰喎,所以喺片中佢撻得好忘我好盡力…….之後,最新佢又拍咗條片,就係用撻手指演奏星野源首〈恋〉,嗰份投入感,並唔係常人可以理解嘅。   相關資訊GUCCI推出日本紙扇 索價26,000円網民熱傳 (Feb 24, 2017) 我願意做貓奴 日本Coser扮貓圖 (Feb 23, 2017)

Read more ›

【手指有救】日本網民熱傳圖 藥水膠布新貼法
by / on 01/02/2017 at 7:12 am

【手指有救】日本網民熱傳圖 藥水膠布新貼法

最怕手指整親要貼藥水膠布,因為永遠貼得唔好,個頂好似皺埋一團咁好肉酸。日本有網民分享咗個小秘技後喺Twitter熱傳,原來只要喺膠布嘅兩邊剪一刀,之後打個交叉,睇落唔難,包出嚟仲幾靚!下次整親記住試吓嘞。 相關資訊【毒婚】秋葉原結婚相談所 志趣相投咁著數? (Feb 23, 2017) 【有片】青春小鳥閃到盲 日本中學生畢業好Sweet (Feb 23, 2017)

Read more ›
【多一隻耳】超像真耳環34款膚色任揀   仲有手指戒指
by / on 10/01/2017 at 7:05 am

【多一隻耳】超像真耳環34款膚色任揀 仲有手指戒指

好核突!但無可否認係好像真嘅。住喺德國嘅設計師Nadja Buttendorf好與眾不同,佢設計嘅耳環係一隻耳仔,可以扣上真耳下面,等你每邊有兩隻耳。隻耳仔用silicone製作,像真度極高,仲有34種膚色,確保戴上耳仔後同真嘅一樣。另外佢都有戒指,上面係一隻手指,戴起佢就變成有6隻手指,好詭異!網站仲有GIF圖,嚇死人咩? 相關資訊日本女士求婚專用套裝 自備戒指仲有「回郵信封」 (Feb 23, 2017) 真心型 Death Trooper耳環發青光 (Feb 21, 2017)

Read more ›
【新片速報】日本喵星人愛好咬手指 攬實唔放Twitter熱傳
by / on 29/09/2016 at 7:14 am

【新片速報】日本喵星人愛好咬手指 攬實唔放Twitter熱傳

作為貓奴,有乜開心得過屋企隻喵星人同自己玩手指?呢位幸運貓奴放咗段曬命片上Twitter,即時吸引好多人RT。睇片分唔出究竟隻喵星人係咬緊定舔緊佢隻手指,只係知佢好肉緊,越攬越實,好似隻手指係佢嘅玩具咁,仲咬到瞇晒眼,超可愛! 相關資訊日本「五貓神」相集Twitter熱傳 居高臨下望實貓奴 (Feb 23, 2017) 【相集】日本音樂人澤部渡被嫌棄 喵星人「超不滿」表情發自內心 (Feb 23, 2017)

Read more ›
有片:人蠢無藥醫!滴假血扮釘親手指!Fake晒!
by / on 29/08/2016 at 11:15 pm

有片:人蠢無藥醫!滴假血扮釘親手指!Fake晒!

片中被人整蠱嘅大隻佬,真係中晒我老死問嘅一個問題:「一般嚟講,豬係點死架?」答案係──蠢死呀。點蠢法?話說木匠滴假血、就啱擺位,扮畀鐵釘連住木塊釘實左手手指,呼喚大隻佬幫手解窘,大隻佬初頭都唔知點搞好,木匠用左手指指點點,叫佢嘗試用鐵夾扯番口釘出嚟。睇到問題係邊未?無錯,就係用番「左手」嚟「指指點點」,左手手指既釘實喺木頭,又如做到呢個動作呢?大隻佬又真係聽晒佢話,連續俾人Fake咗兩次先知俾人玩,睇嚟唔只豬,人都會蠢死…… 相關資訊有片:癡線的!吊住途人尾!扮蟹打橫行! (Dec 19, 2016) 有片:被迫露底!快閃黨通街剝人褲! (Dec 17, 2016)

Read more ›
【點指貓貓】日本貓奴Twitter狂玩    喵星人最愛手指指
by / on 13/05/2016 at 7:13 am

【點指貓貓】日本貓奴Twitter狂玩 喵星人最愛手指指

細個以為狗先會周圍聞嘢,大個咗先發現喵星人個鼻都好靈敏,而且好鍾意周圍聞,特別係對住手指指嘅手指。日本呢排好多貓奴狂試,只要伸出你隻手指指住喵星人,佢哋就會自自然然行近你,甚至搵塊臉刷吓你,萬試萬寧。最強嗰位貓奴一次過連篤屋企5隻貓,全部都中招嗲到暈。不過都有例外嘅,睇最尾段片就明。 相關資訊日本新人玩嘢請帖 《Pokémon》主題打機一樣 (Feb 23, 2017) 【有片】有樓萬事Joke?日本貓貓都要買樓 (Feb 22, 2017)

Read more ›

【練出神之手】日本手指健身器材扭蛋 低頭族鍛鍊手指肌肉
by / on 17/02/2016 at 7:14 am

【練出神之手】日本手指健身器材扭蛋 低頭族鍛鍊手指肌肉

成日用手指篤手機捽芒,有時啲手指都會痺痺哋。日本TAKARATOMY就推出呢款專門訓練手指嘅扭蛋「T-ARTS ユビ・アップ -Training-」。好似健身器材咁,有啞鈴、拉筋機合共5款,不過就變晒迷你版,專門用嚟鍛鍊手指肌肉,雖然實用性成疑 (官方都戴定頭盔話效果因人而異),不過睇落又真係幾好玩,買嚟送比低頭族朋友最啱。 相關資訊爆Dry恩物 超靚日本燈膽噴濕器 (Feb 22, 2017) 【有片】日本貓奴裝新門 喵星人玩出禍 (Feb 22, 2017)

Read more ›
【為食發明】套入手指嘅曲奇 點朱古力醬一流
by / on 13/09/2015 at 1:01 pm

【為食發明】套入手指嘅曲奇 點朱古力醬一流

好欣賞呢個設計,呢隻牌子嘅朱古力醬真係毒性超強,買咗返屋企,得閒就會想伸隻手指入去偷食一啖。意大利設計師Paolo Ulian就諗倒設計呢款手指頭形狀嘅曲奇餅,戴住佢就可以直接伸入朱古力醬度點完再食,唔怕整污糟手指,爽!我估我會5隻手指都戴晒曲奇,然後一次過插隻手入朱古力醬度‥‥‥BTW,佢之前仲設計過另一款曲奇杯,飲完嘢可以直接連個杯都食埋,睇落都堅正。 相關資訊意大利麥當勞推出Nutella朱古力漢堡 流心朱古力超想食 (Nov 15, 2016) 神級日本媽媽超強手藝 咖喱蛋包飯「曲奇」Twitter熱傳 (Nov 8, 2016)

Read more ›
新片速報 手指斷開露骨超恐怖 神級特技化妝靠陰影
by / on 26/08/2015 at 7:06 am

新片速報 手指斷開露骨超恐怖 神級特技化妝靠陰影

特技化妝化上面見得多,今次化喺手,估唔到效果都可以咁正。第一次見到呢張相時我都嚇咗一跳,隻手好似斷開咗,連骨頭都睇埋,勁恐怖,不過睇真啲,發現原來某啲位加咗黑色陰影,不過效果超迫真。由化妝師Natalie Nakles創作,好正。要做得似仲有個小秘訣,就係要揀返個黑背景嚟影相,效果差好遠,入嚟睇埋前後對比就明晒。 相關資訊【起死回生】韓國超強化妝師 IG分享Before and After相 (Jan 23, 2017) 【母親節】外婆變媽媽 孫女幫80歲外婆化妝爆紅 (May 9, 2016)

Read more ›
驚報!齊齊來檢查    玩得手機多尾指會變形?
by / on 10/03/2015 at 7:17 am

驚報!齊齊來檢查 玩得手機多尾指會變形?

呢兩日喺日本網站好多人討論呢張相,話說有網友話玩得手機多,隻手指尾中間嗰截就會好似右圖咁凹咗,我都即刻忍唔住伸隻手出嚟睇吓‥‥‥咦!真係喎!仲好凹吓喎,點算?呢張相成功令好多人留言兼放埋自己隻手上網,有網民留言話:「我都係喎!」,亦有人話:「唓,仲以為係真,點知睇埋隻左手都係咁!」另外仲有理智型嘅分析:「手機超過5吋就唔會咁拎啦!」係啦,其實我都唔係咁樣拎手機嘅,不過又忍唔住睇喎‥‥‥ 相關資訊【新片速報】日本網民用手機「畫」漫畫 睇落唔難Twitter熱傳 (Jan 5, 2017) 日本「美少女議員」手機育成遊戲 「アイドル事変」揀偶像議員 (Oct 26, 2016)

Read more ›
新片速報 韓國新興心心舞 韓妹玩手指示愛
by / on 16/12/2014 at 7:18 am

新片速報 韓國新興心心舞 韓妹玩手指示愛

韓國最近又有新舞興起,今次呢隻叫Heart Dance,齋坐喺度就跳到得。重點係兩隻手指,好似人哋問你有無錢借咁,用手指公捽食指,從而做出好似心形嘅符號,唔止網上興,好多韓星都鐘意做嚟冧fans。跳嘅時候,都係用雙手砌吓心型,舉吓個心型喺額頭之類嘅基本動物,重點係示範嘅兩位韓妹都好有女神feel,但係點解條片咁低清?你哋無用Samsung部新手機咩? 相關資訊【新片速報】超可愛狗狗反肚「請請」 唔准停任摸唔嬲 (Feb 12, 2017) 【騙案】韓國網上熱傳美女P圖 長頸男激似《寄生獸》 (Jan 18, 2017)

Read more ›

多啦A夢有手指?  日本網民摷舊圖舉證
by / on 11/11/2014 at 7:18 am

多啦A夢有手指? 日本網民摷舊圖舉證

多啦A夢有幾多隻手指?無?我都以為係,原來佢好興出彈弓手,曾經喺漫畫出現過兩隻或者五隻手指!最近日本網民摷返啲舊《叮噹》出嚟,大爆當年叮噹猜包剪揼時曾經出過有五隻手指嘅「包」!又試過唔覺意突咗隻手指出嚟指指貢,至於兩隻手指嗰張之前網上都流傳過。BTW,如果多啦A夢真係無手指,佢隻手係咪裝咗磁石,否則豆沙包點解唔跌? 相關資訊【有片】使唔使咁感人?日本喵星人自我增值o氹婆婆 (Feb 22, 2017) 日本網民狂玩 網站畫貓 撳個掣圖畫變相片 (Feb 22, 2017)

Read more ›
網圖分享:拗斷手指未呀?
by / on 30/04/2014 at 10:00 am

網圖分享:拗斷手指未呀?

純粹個人觀感呀,我覺得呢輯相都幾……又唔可以話好恐怖,不過都幾令人不安咁囉,好哋哋十隻手指,點可以拗到咁違反常理?拗多幾拗,唔會唔啪一聲斷架?有時真係好懷疑,可以拗到啲手指變晒形嘅人,應該或多或少都有啲骨骼疏鬆。都係老土一句,小朋友切勿模仿,一個唔好彩真係拗斷手指的話,到時唔只痛,仲會俾人笑傻仔架。 相關資訊新片速報 Iron Man尿袋識發聲 隨時補電 (May 15, 2013) Iron Man出USB 手指識郁分埋左右手 (May 3, 2013)

Read more ›
有片   機械結他手     78隻手指超屈機
by / on 20/03/2014 at 7:08 am

有片 機械結他手 78隻手指超屈機

好屈機!呢位機機結他手有78隻手指,最正係一頭電線頭髮,真嘅一樣,好Rock!呢位結他手一早比人簽咗,來自日本一隊機機Band團「Z-Machines」,近年仲幾紅,上網聽過佢哋嘅歌,好難相信全部來自一隊機械Band。唔知「Z-Machines」會唔會考慮同初音未來Jam歌搞演唱會呢?又或者外國都有隊機械Band團「Compressorhead」,一齊Jam歌,諗起都覺得好科幻,Let’s Rock It!! 相關資訊男仔都一樣得 SOD男社員下海拍AV (Feb 22, 2017) 【有片】日本狗狗被迫加粗眉 超無奈Twitter熱傳 (Feb 22, 2017)

Read more ›
夠鐘啦!起身啦!
by / on 17/05/2013 at 10:00 am

網圖分享:起身喇小寶寶!

一次過上載廿八張相,Upload到我手都軟埋,正所謂無功勞都有苦勞,當畀面,呢條News一定要睇呀。呢組圖非常有趣,用Total廿八張插圖串成一個簡單故事,故事講媽媽點樣湊頑皮小寶寶,由小寶寶賴床開始,到揭開被竇換衫,到強制性換片,到澡涼洗頭,到刷牙洗面,到著番乾淨衫,到飲奶飲湯,到抹面戴多朵小黃菊,到最後同媽媽親嘴,全程由萌到爆o既插畫加兩隻手指表達,零對白,畫面簡單但畀到人好Warm好溫馨o既感覺,單係呢份心機同心思,已經值得表揚,我畀Like。 相關資訊《哈利波特》未曝光插畫圖集 暑假翻煲做好準備 (Jul 17, 2013) 機迷 VS 普通人 手指多功能 (Dec 16, 2012)

Read more ›