Post Tagged with: "手機"

【有片】日本熱傳《黑洞》手機遊戲 玩法似《塊魂》
by / on 21/06/2018 at 7:10 am

【有片】日本熱傳《黑洞》手機遊戲 玩法似《塊魂》

鍾唔鍾意玩《塊魂》?最近有日本網民分享咗呢隻手機遊戲,仲話係天才級嘅遊戲。玩家係一個黑洞,喺街度不斷吸走街上嘅人、車,甚至高樓大廈,玩法其實好似《塊魂》。段片好多人RT,亦有唔少網民下載嚟玩,遊戲名係《BlackHole.io》,由Tentek Games出品,不過香港Store無得下載,想玩嘅可以上Google搵吓。 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›

集英社推出「漫畫版YouTube」 手機程式免費下載
by / on 10/05/2018 at 7:50 am

集英社推出「漫畫版YouTube」 手機程式免費下載

日本漫畫銷量一直下跌,唔少人都覺得漫畫行業唔能夠與時並進,適應現今嘅網絡時代。最近日本最大嘅漫畫出版社「集英社」推出呢個叫「Jump Rookie」嘅手機App,理念係一個漫畫版嘅YouTube平台,任何人都可以上載自己嘅作品,其他人亦可以入去睇、like、follow同埋俾comment,like數最多理論上就會排名越高越多人睇到,至於廣告費就會100%俾返原作者。好多知名漫畫家都留言支持,包括《One Piece》嘅尾田榮一郎、《龍珠》嘅鳥山明等等。用戶體驗方面,入到個app主要分少年、青年或女性漫畫,香港都下載到,畫面擺位睇得好舒服,識日文嘅朋友可以用吓。 相關資訊日本漫畫網吧有隔音個室 網民:「係咪即係平價情侶酒店?」 (Jun 18, 2018) 日本成人漫畫網站 引你登記越填越脫 (Jun 1, 2018)

Read more ›
日本網民掟手機     攝正天花板隙縫超強身手
by / on 01/05/2018 at 1:03 pm

日本網民掟手機 攝正天花板隙縫超強身手

係型嘅,呢位日本網民返到屋企好攰,隨手將部手機掟上半空,之後竟然卡咗喺天花板嘅隙縫之中,好搞笑。張相喺Twitter好多人RT,有人研究樓主當時喺手機睇緊啲咩,而樓主都影咗張相,解釋自己天花板本身有比較大嘅裂縫‥‥‥ 相關資訊【有片】哥倫比亞球迷侮辱日女球迷 小學雞教講「我是妓女」 (Jun 20, 2018) 【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018)

Read more ›
睇手機扮睇書    日本超強電話套扮文青
by / on 17/04/2018 at 7:03 am

睇手機扮睇書 日本超強電話套扮文青

喺地鐵個個都拎住部手機嘅時候,點樣可以突出自己?日本有人設計咗呢款電話套,表面睇係一本書,但其實係電話套,拎佢出街即時文青味出晒嚟,仲要係日系文青!書名大概係話停止用智能手機睇多啲書咁。賣2916円,5月底發售,iPhone 6~8同Xperia XZ1 Compact都有,入嚟有得訂。 相關資訊【相集】超可愛日本柏餅倉鼠 扮和菓子Twitter熱傳 (Mar 16, 2018) 【有片】日本文青書店旅館 儲物櫃秘道入口超特色 (Mar 8, 2018)

Read more ›
日本超奇妙產品 手機專用剪鼻毛機
by / on 21/01/2018 at 1:12 pm

日本超奇妙產品 手機專用剪鼻毛機

日本公司Thanko專出奇怪產品,之前有腋下吹風機、手掌托頭機等等,最新有呢款便攜式剪鼻毛機。配埋手機可以即插即用,唔駛用電,賣1480円,啱晒突然間喺公眾場合發現自己有鼻毛露出,又想即刻清埋嘅男士。佢仲有個黑色嘅刷仔俾人掃乾淨,又可以揀iPhone或者Android頭,好細心。不過呢個裝置咁大嚿,點解唔帶把較剪仔取代呢?入嚟有其他奇妙產品回帶。 相關資訊日本秋葉原神奇特飲 凍結奇異果屹立不倒 (Jun 20, 2018) 【新片速報】日本超可愛柴犬仔 矇眼笑影片Twitter熱傳 (Jun 20, 2018)

Read more ›
手機版美沙酮 戒毒人士專用每日任掃
by / on 15/12/2017 at 7:17 am

手機版美沙酮 戒毒人士專用每日任掃

有時手機癮吊起上嚟都幾辛苦,患者會好想拎起部手機掃吓碌吓篤吓。外國品牌KLEMENS SCHILLINGER發明咗呢個手機代替品,作用好似美沙酮咁,等上咗癮嘅人可以慢慢戒除毒癮。有五個款式唔同掃法,上下掃又得、Zoom又得,每個操作位都係由好多粒珠組合而成,掃起上嚟手感好好,不過價錢好貴,賣185歐羅起,即係港幣1700左右,快啲叫你中手機毒嘅朋友入去買。 相關資訊日本GU超突出新褲 拉鍊位唔同色勇士專用 (Jun 1, 2018) 日本女士專用「瞓覺的士」 有得按摩兼卸妝 (May 25, 2018)

Read more ›

【有片】貓奴冬天要買 日本保暖手套支援手機觸碰
by / on 18/10/2017 at 7:28 am

【有片】貓奴冬天要買 日本保暖手套支援手機觸碰

冬天係時候買返對暖手套,專出貓產品嘅日本網站Felissimo最近有呢款喵手套,三款貓樣任揀,最正係手指公位可以感應手機屏幕觸碰,戴住都可以繼續玩電話,仲可以邊望住隻貓邊玩。而家網站有得買,3980円,買嚟送俾貓奴朋友啱晒。 相關資訊【有片】宇宙最幸福貓奴 超嗲喵星人又摸又舔 (Jun 14, 2018) 【超幸福】貓奴FF場面出現了 兩隻喵星人挨住瞓 (Apr 27, 2018)

Read more ›
日本超可愛動物手機配件   保護叉電線咬實唔放
by / on 28/09/2017 at 7:55 am

日本超可愛動物手機配件 保護叉電線咬實唔放

雖然呢個產品都見咗一排,不過可愛又實用,日本Twitter又見到有網民推啦!iPhone條叉電線屈多幾次好易斷,有日本網民喺Loft用500円買咗呢個叫「Cable Bite」嘅產品,隻動物咬住條線無咁易斷之外,最重要係超可愛!用咗佢叉電嘅時候,隻鱷魚就會好似咬住部iPhone咁,除咗鱷魚仲有貓、狗、北極熊、老虎等等總共12種動物,有網民喺Amazon都搵到,入嚟有link。 相關資訊【圖集】摺紙的藝術 超可愛樹人BB/死侍 (Jun 21, 2018) 三上悠亞著日本波衫 晒長腿撐日本隊 (Jun 19, 2018)

Read more ›
手機鎖定畫面日本Twitter熱傳     喵星人鬧你:「睇得太多嘞!」
by / on 12/09/2017 at 7:59 am

手機鎖定畫面日本Twitter熱傳 喵星人鬧你:「睇得太多嘞!」

成日忍唔住拎起部電話撳撳?日本Twitter最近熱傳呢幾幅圖,插畫家設計咗4個鎖芒畫面俾大家用,喵星人個樣好惡咁話你「睇得太多嘞!」不過似乎阻嚇力量不足,因為鬧人個樣都仲係好可愛。唔少貓奴已經率先試用,有人仲話好似自己屋企隻貓,然後出現大量貓貼圖‥‥‥仲有改圖。 相關資訊日本網上熱傳相片 未來世界其實係澳門景 (Jun 19, 2018) 【相集】大量喵星人take嘢實錄 吸食貓草沉淪毒海 (Jun 19, 2018)

Read more ›
【議員很忙】日本國會議員各有各忙 整理咭片/匿埋玩手機
by / on 20/05/2017 at 4:05 pm

【議員很忙】日本國會議員各有各忙 整理咭片/匿埋玩手機

香港立法會議員成日開會唔專心,咁日本又點呢?最近有網民集合咗幾張日本民進黨開會途中嘅相,有議員喺國會舖晒啲咭片喺枱面慢慢整理,有人大模斯樣揭雜誌,仲有人喺枱底玩手機,不過影唔到個芒,唔知佢睇緊咩。 相關資訊日本女藝人P圖前後 超強對比Twitter熱傳 (Jun 19, 2018) 日本隊聽日出場 18歲大原優乃水著打氣 (Jun 18, 2018)

Read more ›
【有片】日本自動販賣機有新嘢 手機買飲品送俾朋友
by / on 24/03/2017 at 7:27 am

【有片】日本自動販賣機有新嘢 手機買飲品送俾朋友

日本嘅自動販賣機出名多嘢玩,acure嘅販賣機仲用埋touch screen玩高科技。最近又加咗新嘢,可以用手機買嘢俾自己或者送俾朋友,揀啱心水飲品,就可以透過Line送俾人,對方拎住個QR code就可以喺自動販賣機前兌換,東京JR沿線嘅機都有得玩。小小心意就可以氹對方開心,抵吖! 相關資訊好想打機嘅時候請狂撳!日本推出小型手掣扭蛋 (Jun 18, 2018) 大阪地震 動漫迷災區震出「本子」 喜好慘被媽媽發現 (Jun 18, 2018)

Read more ›

【SNOW騙案】日本野獸先輩 男人變可愛狗仔太過份
by / on 13/03/2017 at 7:43 am

【SNOW騙案】日本野獸先輩 男人變可愛狗仔太過份

SNOW呢個手機影相App真係世界上最大嘅騙案,最近有日本網民拎咗經典嘅野獸先輩嘅相出嚟,透過SNOW加工之後,野獸先輩居然變咗個好可愛嘅女仔,連樓主都話SNOW絕對無信用可言!BTW,野獸先輩通常指日本AV演員田所浩二,現今下落不明,但佢喺日本網民心目中一直地位超然。 相關資訊【相集】日本喵星人超強「躍動感」 行動迅速充滿喜感 (Jun 18, 2018) 日本「二足步行貓」粘土重現 超期待實體化 (Jun 18, 2018)

Read more ›
【新片速報】日本網民用手機「畫」漫畫      睇落唔難Twitter熱傳
by / on 05/01/2017 at 7:11 am

【新片速報】日本網民用手機「畫」漫畫 睇落唔難Twitter熱傳

用手機畫漫畫,聽就聽得多,見都係第一次。呢位日本網民喺Twitter放咗段片,親身示範幫動漫角色嘅頭髮畫線條,要每下都準確落筆,加上線條又比較粗,睇落都幾考功力,段片喺Twitter吸引好多人RT。BTW,原來用手機畫可以不斷touchscreen調控方向,又係另一種方便。 相關資訊大阪地震 家貓瘋狂逃難 匿得就匿 (Jun 18, 2018) 【相集】日本怨念喵星人 被困1小時表情超不滿 (Jun 17, 2018)

Read more ›
日本「美少女議員」手機育成遊戲       「アイドル事変」揀偶像議員
by / on 26/10/2016 at 7:13 am

日本「美少女議員」手機育成遊戲 「アイドル事変」揀偶像議員

之前都有隻政壇美少女遊戲「政劍」,最近日本又有另一隻美少女踏足政界嘅遊戲「アイドル事変」,今次玩育成美少女國會議員,有網民cap圖放上2ch討論區,玩家可以揀偶像議員,有豪華聲優陣容,包括八島さらら、渕上舞、仲谷明香等。「アイドル事変」下年一月仲會動畫化。BTW,香港本來都有美少女議員,不過o依家唔知育唔育成到。 相關資訊【新片速報】日本銀仔神人新片 枱布凌空飄浮靠力學 (Jun 17, 2018) 日本透明可樂新素材 網民狂key圖任玩 (Jun 17, 2018)

Read more ›
日本瘋狂手機App嚇親網民 人面馬身主攻女性市場
by / on 09/10/2016 at 11:03 am

日本瘋狂手機App嚇親網民 人面馬身主攻女性市場

日本嘅手機App已經去到人類無法控制嘅地步。最近呢隻將男人變做馬仔嘅遊戲就成為2ch討論嘅目標,遊戲擺明主攻女性市場,不過將個男人樣直接配落馬嘅身體就唔知係咩玩法。日本網民留言話:「好恐怖!」、「好似《熱鬥小馬》」,有人話佢其實係抄襲之前推出過人面魚遊戲,仲有一個有好強嘅摩擦力,發現男主角用前蹄壁咚嗰塊牆裂咗‥‥‥ 相關資訊日本網民自創摺紙新玩法 雕空變骨架Twitter大熱 (Jun 17, 2018) 【有片】男兒當入獄?日本學生籃球賽中拳擊球證 (Jun 17, 2018)

Read more ›