Post Tagged with: "手機"

比卡超陪手機瞓覺 床墊被鋪枕頭有齊
by / on 28/01/2016 at 8:45 pm

比卡超陪手機瞓覺 床墊被鋪枕頭有齊

多謝日本人,教曉我原來手機都有需要瞓,居然推出專為手機而設嘅迷你Futon,床墊、被鋪同枕頭有齊。你瞓覺時,手機一樣可以瞓覺,仲有可愛比卡超陪瞓添,長約6.3吋,多款式選擇,每個盛惠400日圓。唔貴,買個送畀女朋友都好喎。 相關資訊【有片】日本自動販賣機有新嘢 手機買飲品送俾朋友 (Mar 24, 2017) 【SNOW騙案】日本野獸先輩 男人變可愛狗仔太過份 (Mar 13, 2017)

Read more ›

【讀者分享】開箱影片 《新世紀Evangelion》20週年限定電話
by / on 28/12/2015 at 9:27 pm

【讀者分享】開箱影片 《新世紀Evangelion》20週年限定電話

訂咗,不過唔夠呢位讀者「絢瀬南」快,好耐冇見啦,佢今次就快手攞咗機拍開箱影片,見到部機由包裝到個殼再到個介面都好對辨,對EVA fans嚟講都幾毒,而且仲有埋個保護殼,雖然唔夠之前嗰兩部正,但都係正嘅。 相關資訊山下しゅんや x 吉沢光正 新劇場版「綾波麗」10月再臨 (Mar 18, 2017) 【有片】2017年度《Evangelion》Racing Queen登場 引地裕美唯一繼承者 (Mar 7, 2017)

Read more ›
跌落水跣蕉皮被暗殺 Docomo警醒世人勿做手機奴隸
by / on 23/12/2015 at 9:45 pm

跌落水跣蕉皮被暗殺 Docomo警醒世人勿做手機奴隸

片名《Samurai Smartphone Parade》,透過武士顧住玩手機撞到靚女俾靚女兜巴星、俾忍者暗殺死咗都唔知乜事、自己撞頭埋門等等荒誕事情,嚟諷刺世人已經無手機生存唔到。仲有數據畀埋大家睇添,一,66%人試過掛住玩電話行路撞到人;二,3.6%人試過掛住覆WhatsApp跌落下一級;三,18%人試過俾街上障礙物戟親,包括踩蕉皮跣親,而最過癮嘅係結論──99%人覺得行路講電話好危險,但有73%人繼續Keep住邊行路邊講電話,你係咪呢73%裡面嘅一份子?搞咁耐其實成壇嘢係乜?原來此為Docomo拍攝嘅短片,想警醒世人唔好成為手機奴隸囉。 相關資訊【新片速報】日本網民用手機「畫」漫畫 睇落唔難Twitter熱傳 (Jan 5, 2017) 日本「美少女議員」手機育成遊戲 「アイドル事変」揀偶像議員 (Oct 26, 2016)

Read more ›
【有伏?】日本手機app專度cup數 網上招募囡囡實測
by / on 14/12/2015 at 7:15 am

【有伏?】日本手機app專度cup數 網上招募囡囡實測

首先cup數應該靠把呎可以度到,不過日本呢個即將推出嘅手機app「chichi」就好有話題性,聲稱只要用胸部夾實部手機,就可以偵測到你嘅cup數,仲搵咗真人做示範,睇到人好肉緊。咁究竟準唔準呢?佢哋而家就做緊網上招募,搵真人囡囡喺推出前做吓測試,暫時未知有無女仔有興趣參加,不過我諗大部份人都係想做評測員多啲,唔,睇落咁似騙案嘅。 相關資訊【又呃人】日本網民試用美圖App 山羊雙眼即時變大 (Mar 3, 2017) 【郭藹明都玩】日本網民善用美圖App 5000円紙幣完全變臉 (Jan 30, 2017)

Read more ›
有片:發人深省!低頭族滅絕地球!
by / on 09/11/2015 at 8:45 pm

有片:發人深省!低頭族滅絕地球!

明白嘅,今時今日無咗手機係唔會死,但真係好難做人,不過切記唔好成為手機奴隸,否則,誠如呢條《低頭人生》動畫咁,低頭族遲早會令地球滅亡。當人類為Loop手機撞柱爆缸都誓要繼續低頭、裙拉褲甩都唔知、坐死隻貓都唔理、跌咗個仔當無事發生、唔睇路俾木梯撞死而無憾、打錯針無拮屁股拮入後頸搞出人命、遇車禍唔報警淨係掛住Selfie、消防員掛住睇手機撻死人唔理、實驗室大爆炸都唔知,那──人類滅絕,真係大有可能衰喺手機手上。係誇張咗,不過真係幾發人深省,都係嗰句,勿做低頭族,咁當然,我哋有機網就梗係要繼續睇喇。 相關資訊【終極惡夢】日本喵星人侵略地球 Twitter熱傳破壞圖 (Oct 27, 2016) 日本瘋狂手機App嚇親網民 人面馬身主攻女性市場 (Oct 9, 2016)

Read more ›
【江湖救急】紅十字手機偷電線 首先你要有個好朋友
by / on 02/11/2015 at 7:17 am

【江湖救急】紅十字手機偷電線 首先你要有個好朋友

之前都有出過呢啲偷電線,即係插條線就可以將朋友部手機嘅電傳比自己,江湖救急嘅嘢,唔係唔肯啩?今次呢個設計仲好特別,因為係紅色十字形狀,俾到人好緊急嘅感覺,而且每人插一邊,就好似輸血咁,好有救急扶危嘅效果,如果兩個男仔一齊,感覺仲好hehe,不過要用到,首先你都要有個好朋友先得。另一方面,呢條線最好嘅地方係有唔同嘅頭,Android機同埋iPhone都用得,朋友再無藉口話唔同機種唔幫手。而家呢個LifeCable喺INDIEGOGO集緊資,入門價美金$17一條,買嚟偷晒人哋啲電都爽。 相關資訊【有片】人工智能「篋神」機械人 唔駛拖喼跟住你行 (Nov 11, 2016) 有片:一次過鋸八部手機!為呃Like去到好盡! (Sep 24, 2016)

Read more ›

【世界風景倒影】影靚景靠「水氹」 專家教手機影靚相
by / on 26/10/2015 at 7:12 am

【世界風景倒影】影靚景靠「水氹」 專家教手機影靚相

落雨天最怕見到地下有大大個「水氹」,但係呢位加拿大嘅攝影師Guido Gutiérrez Ruiz (@guigurui)就相反,每次見倒「水氹」都會即刻走埋去影相,仲會將個鏡頭有咁埋哄咁埋貼近個水氹,務求拍攝到水中嘅倒影喎!佢嘅IG有大量世界各地嘅旅行相,「水氹」下嘅平衡世界的確好靚,佢仲話好嘅相片唔一定要用專業相機影,所以所有相佢都只用手機。下次諗唔到點樣影靚境,記住試吓呢種影法。 相關資訊剪紙攝影高手 繼續高汁出新圖 (Mar 29, 2017) 日本攝影師超靚街景相 涉谷街頭VS香港高樓 (Mar 26, 2017)

Read more ›
玩得手機多變醜女 日本Twitter熱傳衰老秘密
by / on 20/10/2015 at 7:14 am

玩得手機多變醜女 日本Twitter熱傳衰老秘密

睇見呢幾張相係咪似層相識?好似搭車坐你旁邊嗰位?呢兩日日本Twitter熱傳呢幾張相,有電視節目報導成日玩手機嘅人個樣會衰老得特別快。首先太用神會出現「眉心紋」同埋嘴兩邊嘅「法令紋」,經常低頭又會令雙下巴更現,頸紋都多幾條。咁叫大家唔玩手機都無乜可能,唔通真係要抬高個頭、目無表情咁篤芒?其實好難。 相關資訊【美vs醜】日本網民分享對比圖 美與醜對比鮮明 (Feb 5, 2017) 有片:大整蠱!維修手機打爆Mon收場! (Sep 12, 2016)

Read more ›
【貓奴專用】有片 日本喵星人篤芒手套 食指變貓尾搖呀搖
by / on 19/10/2015 at 7:15 am

【貓奴專用】有片 日本喵星人篤芒手套 食指變貓尾搖呀搖

正!貓奴又有新玩具,呢個日本出品嘅貓手套「猫のしっぽフリフリ手袋」啱啱喺網上開賣,冬天戴住佢可以捽手機芒都唔怕手指凍親,最搞笑係食指位就係喵星人條尾,當你用食指不停篤芒時,就好似條貓尾不停搖呀搖咁,旁邊嘅人都可以睇得好開心。呢款手套總共有三個款式,售價3980円,12月9日截止訂購,預計12月23日到貨,買嚟做聖誕禮物啱啱好喎。 相關資訊【貓奴】日本「貓鼻」香味Lip Gloss 零距離錫佢個鼻 (Mar 10, 2017) 【圖集】貓奴狗奴韓國紋身大人氣 可愛動物網民勁Like (Mar 7, 2017)

Read more ›
喪屍突入手機 噬起棚牙生化危機
by / on 01/09/2015 at 9:30 pm

喪屍突入手機 噬起棚牙生化危機

之前本網站都介紹過Morgan Loebel,話說呢位牙醫實驗室技術人員由於見慣爛牙爛肉爛嘴爛唇,所以整咗一批非常核突嘅眼球手錶同內臟鏈咀,睇見都唔開胃。家陣佢又有新作推出,今次玩手機殼,直頭將喪屍個樣黐咗喺手機背面,噬起棚牙陪你煲電話粥,爛牙固然恐怖,但最攞命都係隻大眼睛,亮晶晶閃閃令,離九里遠都望到,近睇勁似真人眼球,啲紅筋做到異常細緻,如果加埋LED燈,一響機即閃,半夜三更見到一定嚇死人。 相關資訊【心寒】麥當勞叔叔被納粹黨批鬥 超強相集喪屍遍地 (Jan 30, 2017) 有片:Felix Ip加盟野士創工 跟謝森龍異學嘢出《香港感染:旺角站》 (Jan 23, 2017)

Read more ›
【日本Twitter瘋傳】手機打通「110」加快上網速度 警局發聲明澄清
by / on 28/08/2015 at 7:11 am

【日本Twitter瘋傳】手機打通「110」加快上網速度 警局發聲明澄清

霎眼睇以為係假嘅,點知真有其事,話說日本Twitter最近有個流言,話用手機打110,即係緊急電話號碼,就可以提高上網速度,呢啲咁低級嘅惡作劇照計唔會有人信吖,但事實剛剛相反,宮城、大阪、福岡等最少22個府縣嘅警察廳收到大量電話,導致好多真正要報警求助嘅人打唔通,最後警局要發聲明呼籲民眾唔好相信流言。有日本網民就留言話:「估唔到日本都有咁多蠢人!」、「不如打118(海上保安廳)啦,嗰邊得閒啲。」BTW,之前AKB嘅前田敦子都做過1日咁大把嘅110接線生,如果係真係返工,應該仲多無聊電話。 相關資訊【有片】最緊要彈性 日本奇妙廣告好想搣佢 (Mar 29, 2017) 【有片】日本小機迷冇得玩 用紙皮自任記Switch (Mar 29, 2017)

Read more ›

喪屍耷低頭玩手機    插畫師串爆現代人做手機奴隸
by / on 25/08/2015 at 7:05 am

喪屍耷低頭玩手機 插畫師串爆現代人做手機奴隸

英國插畫師Steve Cutts嘅作品現代人睇好有共鳴,例如每日經過鬧市,都會見到一群群喪屍耷低頭玩手機,慢行亂撞人,除咗諷刺現代人比手機操控,仲串人貪錢、睇垃圾電視節目、食垃圾食物、自願做貓奴(咁都算?),梗有一款中咗你死穴。唉,我中咗幾樣。 相關資訊【有片】好玩喎!喪屍玩捉60分鐘 脫出匿埋搵密碼 (Nov 1, 2016) 日本《妖怪手錶》麵包死士親試 咬開一半似喪屍 (Oct 23, 2016)

Read more ›
【新片速報】手機玩3D Hologram    網上大熱DIY超簡易
by / on 05/08/2015 at 7:08 am

【新片速報】手機玩3D Hologram 網上大熱DIY超簡易

  勁!估唔到手機都可以玩3D Hologram,而且只需要一件小道具,10分鐘內搞得掂。呢條教學片放上YouTube眨吓眼已經過3百萬點擊,做法簡單,首先喺白紙上畫一個梯形,之後舖上CD盒面做模,再界返4個一樣大細嘅梯形貼成一個立體梯形,再放上手機面就玩得,手機就播返YouTube嘅專用影片,好快就會見到啲圖案投射咗上個立體梯形上面,水母、心型、煙花甚至人樣乜都有,好正,快啲試吓啦! 相關資訊【新片速報】日本超可愛柴犬影片 攝喺隙縫等餵食 (Mar 29, 2017) 日本網民自製士多啤梨酒 完成品超靚好味到尖叫 (Mar 18, 2017)

Read more ›
【無間道】有片   警察扮地盤工人     新招捉司機玩手機
by / on 01/08/2015 at 2:00 pm

【無間道】有片 警察扮地盤工人 新招捉司機玩手機

一邊揸車一邊玩手機真係好危險,不過要捉到都唔易,因為司機離遠見到有警察咪即刻收手囉。所以美國喬治亞洲嘅城市瑪麗埃塔嘅警察就好醒,扮成地盤工人,喺馬路捉違規司機!雖然唔知最終捉到幾多個,不過相信好多司機會中招,事關喺馬路見到有地盤工人好合理,繼續發訊息都好合理,衰喺佢哋手,抵啦。 相關資訊【新片速報】麥當勞比卡超全新展示法 美國CES跳盒而出Twitter熱傳 (Jan 9, 2017) 【多圖】失明喵星人寫真集 溫馴可愛等待被收養 (Dec 21, 2016)

Read more ›
【叉錯腳】短褲女邊行邊玩手機 一腳叉入坑渠窿
by / on 21/06/2015 at 11:04 am

【叉錯腳】短褲女邊行邊玩手機 一腳叉入坑渠窿

一路行一路玩手機,除咗好易撞到人,仲有機會令你成為網上熱話。最近喺中國四川就有一個著住短褲嘅靚女中招,成隻腳叉咗落坑渠窿入面,仲要成隻小腿卡住抽唔返出嚟,最後要報警出動埋消防人員切斷鐵枝先可以成功脫險。件事傳到去日本,有網民就大讚佢雙腳又長又白,亦有人同情佢,話點解中國大陸會有啲成10厘米闊嘅坑渠窿,小朋友都好易差錯腳釀成意外。都係嗰句,行路就唔好玩手機嘞,害人害己呀。 相關資訊日本網民都想買 中國製超萌Doll (Mar 20, 2017) 【_ 出國際】大陸30米版Hulkbuster 蟻俠變大唔使怕 (Feb 24, 2017)

Read more ›