Post Tagged with: "手機"

有片:一次過鋸八部手機!為呃Like去到好盡!
by / on 24/09/2016 at 7:45 pm

有片:一次過鋸八部手機!為呃Like去到好盡!

德州電鋸殺人狂?非也,只不過係個為呃Like可以去到好盡好盡嘅YouTuber啫。唔明架,唔明用電鋸鋸斷智能電話有乜意義架,不過又真係引到人睇囉,從短片所見,智能電話鋼水都唔錯,又要夾實又要對準落點,幾經辛苦先可以將佢哋從中折半。咁Total鋸多錢落海呢?無數錯應該係一次過鋸八部,總值7000美金,好肉赤,我赤到入心。 相關資訊【有片】日本熱傳《黑洞》手機遊戲 玩法似《塊魂》 (Jun 21, 2018) 集英社推出「漫畫版YouTube」 手機程式免費下載 (May 10, 2018)

Read more ›

有片:大整蠱!維修手機打爆Mon收場!
by / on 12/09/2016 at 9:15 pm

有片:大整蠱!維修手機打爆Mon收場!

過三兩日iPhone 7就正式首賣,不如睇番條關於手機維修嘅整蠱人短片?如果你入維修店想修理手機電池,店員一手將電池掟落地然後話:「壞咗咯,你不如買個新架喇。」你會點?又,如果,你發覺個Screen鬆咗,拎去維修,店員二話不說用鎚仔亨爆個Mon,你又會點?又,如果,你話畀店員聽手機連接電腦後出現「Not found」字樣,而店員咁樣答你話:「點解部電腦要識得搵部手機呢?」你又會點?睇番被整蠱者嘅表情反應。 相關資訊【有片】史上最曳「熊本熊」 大整蠱電視節目Twitter熱傳 (May 31, 2018) 日本網民掟手機 攝正天花板隙縫超強身手 (May 1, 2018)

Read more ›
有片:Pokémon大報復追殺玩家 精靈球撞人入水池
by / on 11/08/2016 at 9:00 pm

有片:Pokémon大報復追殺玩家 精靈球撞人入水池

捉精靈捉得咁過癮?今次就等比卡超用精靈球掟番玩家轉頭!呢條短片叫《Pokémon GO The Revenge》,即係由人扮嘅比卡超進行大報復呀。精靈球有大半個人咁高,有彈力,雖然用彈弓發射有一定衝擊力,但估計掟中都唔痛得去邊。中招者包括行緊街、企喺樹底下嘅低頭族;有人坐喺水池邊,俾精靈球撞咗入水,嬲到追打番班比卡超轉頭,睇個勢係堅嬲!有人甚至比三個手持精靈球嘅比卡超追殺,由橋頭跑到橋尾,真真過癮。 相關資訊【新片速報】低頭族雙下巴救星 日本節目教超簡單消除動作 (Jun 16, 2018) 【有片】互動小精靈 頭擰擰「比卡超」8月發售 (Jun 5, 2018)

Read more ›
日本藥房免費提供食水/手機充電   網民大讚有良心
by / on 04/08/2016 at 7:12 am

日本藥房免費提供食水/手機充電 網民大讚有良心

仲有無繼續捉小精靈?日本仲有好多人玩緊《Pokémon Go》,咁天氣咁熱,奔波勞碌好易缺水,有日本網民放咗張相上網,話附近有間藥房貼咗告示,願意免費提供食水比各位精靈訓練員飲,仲可以喺店內幫部電話充電,勁貼心!網民都大讚佢係日本良心,仲話會得閒幫襯吓。BTW,精靈訓練員咁操勞,買定啲藥傍吓身都好應該嘅。 相關資訊【相集】日本超可愛鸚鵡 捐入襪仔勁得意 (Jun 23, 2018) 日本網民夜媽媽嚇爆 爛面肯德基叔叔街頭奸笑 (Jun 23, 2018)

Read more ›
【有片】手機賞花必用   顯微鏡式貼紙Kickstarter熱賣
by / on 24/05/2016 at 7:11 am

【有片】手機賞花必用 顯微鏡式貼紙Kickstarter熱賣

手機影相已經做到好多功能,但係想影超近鏡嘢都係對焦唔倒。呢個叫BLIPS嘅鏡頭貼針對呢個問題而推出,而家喺Kickstarter集緊資。佢可以將物件放大8-15倍,就算近到花瓣上嘅水珠都影到,唔覺意捉到隻蚊都可以當部手機係顯微境咁用。U型貼幾薄身,貼喺鏡頭上面就用得,唔用時可以貼機背或者咭片上放入銀包備用。8月出貨嗰批已經訂晒,而家想訂開價$20美金,預計9月到貨。 相關資訊睇手機扮睇書 日本超強電話套扮文青 (Apr 17, 2018) 江記《離騷幻覺》搞眾籌 請課金支持本地創作 (Apr 3, 2018)

Read more ›
有片:日本手機App廣告!大跳超整齊派卡片舞!
by / on 20/05/2016 at 9:30 am

有片:日本手機App廣告!大跳超整齊派卡片舞!

係好厲害嘅,係不得不真心寫個服字嘅,日本手機App「Eight scan」拍宣傳廣告片,片中大跳「派卡片舞」,由兩個人面對面鞠躬開始,到三個人排成三角形,再到四個人排成四方形,到五個人將卡片放上檯互換,到九個人排成三個三角形,到二十個人圍成一個小圓圈,到最後一百人圍成一個大圓圈先停止跳舞,取而代之係拎出手機,利用手機直接Scan卡片,藉以表示App方便易用,能夠幫助用家擴大人際關係網、認識更多朋友。講真,所謂嘅「派卡片舞」無任何高難度動作,最緊要係動作整齊,拍出嚟嘅效果己經好正,令人一睇就忍唔住Loop多幾次。 相關資訊【回帶】霓虹影相App免費試 日本傳媒試玩 (Mar 14, 2018) 日本超奇妙產品 手機專用剪鼻毛機 (Jan 21, 2018)

Read more ›

【零違和】手機爆芒有新圖 型男揸槍wallpaper熱傳
by / on 12/05/2016 at 7:12 am

【零違和】手機爆芒有新圖 型男揸槍wallpaper熱傳

手機爆芒第一時間做乜?應該係換咗張wallpaper先。之前都有唔少成功例子,最近日本又熱傳呢張圖,有位女iphone用家換咗兩張型男揸槍相做wallpaper,效果好配合,零違和感,其他網民再上載返之前嘅爆芒經典wallpaper,例如阿龍出波動拳、龍珠儲氣出龜波氣功,一樣好正。 相關資訊日本超正「烘燶多士」手機殼 加牛油做Wallpaper超美味 (Jun 5, 2018) 日本神社「紫陽花」超靚 網民:「靚到可以做Wallpaper」 (Jun 5, 2018)

Read more ›
【很想要】日本超正「室內種菜」產品 手機App提示加水
by / on 30/04/2016 at 12:03 pm

【很想要】日本超正「室內種菜」產品 手機App提示加水

屋企無後花園都可以種菜,日本人就係有呢份細心,而且最重要係設計夠靚。呢個由品牌foop推出嘅新產品,可以放喺室內種水耕菜,例如生菜、香芹、芝麻菜、羅勒、紫蘇等,而且好高科技,手機裝個App就可以知道入面嘅溫度、濕度、燈光、水份,當要加水時仲會喺手機彈出提示,好似玩育成遊戲咁,大概一個月就有得食,用嚟夾三文治啱晒。售價38800円,第一批貨9月出貨,得100套,不過網上已經火速訂晒,要訂就要留意實佢哋嘅官網。 相關資訊超強痛車日本Twitter熱傳 迷你模型塞爆全車 (Jun 23, 2018) 世界盃日本贏波 大阪えびす橋震埋一份 (Jun 22, 2018)

Read more ›
【騙案】日本大叔變少女 手機P圖App「Beauty Plus」萬惡根源
by / on 23/03/2016 at 7:15 am

【騙案】日本大叔變少女 手機P圖App「Beauty Plus」萬惡根源

其實都唔怪得呢位日本大叔嘅,只可以話而家嘅P圖App實在太強,強到連大叔都可以變少女。呢張P前P後對比圖呢兩日喺Twitter爆紅,相中嘅大叔用咗美圖App「Beauty Plus」,皮膚變白變滑,啲少女味滲晒出嚟,其他網友仲P上P一齊出手,效果好嬌俏,偶像級。其實呢類型嘅App應該立例要加返水印,減低網民被騙嘅危機。 相關資訊日本流傳「百力滋復活術」 網民氹女兒偷偷調包 (Jun 22, 2018) 【有片慎入】日本貓玩醒曱甴 衝去貓奴一聲慘叫 (Jun 21, 2018)

Read more ›
【日本淪落?】《貓咪收集》變女孩收集 日本手機game惹爭議被失踪
by / on 12/03/2016 at 12:56 pm

【日本淪落?】《貓咪收集》變女孩收集 日本手機game惹爭議被失踪

《貓咪收集》呢隻手機遊戲好多人都有玩,估唔到日本人最近居然諗到收集小女孩遊戲《ようじょあつめ》!玩法係利用唔同嘅玩具引誘小女孩影相,屬於收集類型嘅遊戲,畫風都係有啲爛嘅可愛類型,本來遊戲通過咗Google Play審查,預計5月初上架,亦接受網上預約,不過由於題材太具爭議性,經媒體廣泛報導之後,喺日本好多成人投訴,最後遊戲被失踪,日本2ch網民就留言話:「日本好噁心」、「日本終於行到呢一步」,不過都有人留言話:「一定要有換衫功能喎」,好彩出唔成啫。 相關資訊【相集】日本黑喵有朋友 毛公仔狗狗擔住周圍走 (Jun 21, 2018) 【有片】哥倫比亞球迷侮辱日女球迷 小學雞教講「我是妓女」 (Jun 20, 2018)

Read more ›
比卡超陪手機瞓覺 床墊被鋪枕頭有齊
by / on 28/01/2016 at 8:45 pm

比卡超陪手機瞓覺 床墊被鋪枕頭有齊

多謝日本人,教曉我原來手機都有需要瞓,居然推出專為手機而設嘅迷你Futon,床墊、被鋪同枕頭有齊。你瞓覺時,手機一樣可以瞓覺,仲有可愛比卡超陪瞓添,長約6.3吋,多款式選擇,每個盛惠400日圓。唔貴,買個送畀女朋友都好喎。 相關資訊比卡超「保護電話線」公仔 全部瞓晒覺超可愛 (Mar 24, 2018) 【蛋糕奇蹟】日本高手想整比卡超 成品變成《ポプテピピック》 (Dec 25, 2017)

Read more ›

【讀者分享】開箱影片 《新世紀Evangelion》20週年限定電話
by / on 28/12/2015 at 9:27 pm

【讀者分享】開箱影片 《新世紀Evangelion》20週年限定電話

訂咗,不過唔夠呢位讀者「絢瀬南」快,好耐冇見啦,佢今次就快手攞咗機拍開箱影片,見到部機由包裝到個殼再到個介面都好對辨,對EVA fans嚟講都幾毒,而且仲有埋個保護殼,雖然唔夠之前嗰兩部正,但都係正嘅。 相關資訊【有片】《新世紀福音戰士》主題曲〈残酷な天使のテーゼ〉摩砂雪再編版MV (Jun 20, 2018) 【7月襲來】Evangelion x 沙嗲王 油麻地廣告已出 (Jun 18, 2018)

Read more ›
跌落水跣蕉皮被暗殺 Docomo警醒世人勿做手機奴隸
by / on 23/12/2015 at 9:45 pm

跌落水跣蕉皮被暗殺 Docomo警醒世人勿做手機奴隸

片名《Samurai Smartphone Parade》,透過武士顧住玩手機撞到靚女俾靚女兜巴星、俾忍者暗殺死咗都唔知乜事、自己撞頭埋門等等荒誕事情,嚟諷刺世人已經無手機生存唔到。仲有數據畀埋大家睇添,一,66%人試過掛住玩電話行路撞到人;二,3.6%人試過掛住覆WhatsApp跌落下一級;三,18%人試過俾街上障礙物戟親,包括踩蕉皮跣親,而最過癮嘅係結論──99%人覺得行路講電話好危險,但有73%人繼續Keep住邊行路邊講電話,你係咪呢73%裡面嘅一份子?搞咁耐其實成壇嘢係乜?原來此為Docomo拍攝嘅短片,想警醒世人唔好成為手機奴隸囉。 相關資訊手機版美沙酮 戒毒人士專用每日任掃 (Dec 15, 2017) 【有片】貓奴冬天要買 日本保暖手套支援手機觸碰 (Oct 18, 2017)

Read more ›
【有伏?】日本手機app專度cup數 網上招募囡囡實測
by / on 14/12/2015 at 7:15 am

【有伏?】日本手機app專度cup數 網上招募囡囡實測

首先cup數應該靠把呎可以度到,不過日本呢個即將推出嘅手機app「chichi」就好有話題性,聲稱只要用胸部夾實部手機,就可以偵測到你嘅cup數,仲搵咗真人做示範,睇到人好肉緊。咁究竟準唔準呢?佢哋而家就做緊網上招募,搵真人囡囡喺推出前做吓測試,暫時未知有無女仔有興趣參加,不過我諗大部份人都係想做評測員多啲,唔,睇落咁似騙案嘅。 相關資訊日本超可愛動物手機配件 保護叉電線咬實唔放 (Sep 28, 2017) 手機鎖定畫面日本Twitter熱傳 喵星人鬧你:「睇得太多嘞!」 (Sep 12, 2017)

Read more ›
有片:發人深省!低頭族滅絕地球!
by / on 09/11/2015 at 8:45 pm

有片:發人深省!低頭族滅絕地球!

明白嘅,今時今日無咗手機係唔會死,但真係好難做人,不過切記唔好成為手機奴隸,否則,誠如呢條《低頭人生》動畫咁,低頭族遲早會令地球滅亡。當人類為Loop手機撞柱爆缸都誓要繼續低頭、裙拉褲甩都唔知、坐死隻貓都唔理、跌咗個仔當無事發生、唔睇路俾木梯撞死而無憾、打錯針無拮屁股拮入後頸搞出人命、遇車禍唔報警淨係掛住Selfie、消防員掛住睇手機撻死人唔理、實驗室大爆炸都唔知,那──人類滅絕,真係大有可能衰喺手機手上。係誇張咗,不過真係幾發人深省,都係嗰句,勿做低頭族,咁當然,我哋有機網就梗係要繼續睇喇。 相關資訊有片:咪做低頭族 小心無聊人剝你鞋 (Mar 5, 2018) 【議員很忙】日本國會議員各有各忙 整理咭片/匿埋玩手機 (May 20, 2017)

Read more ›