Post Tagged with: "手機"

【嚴厲執行】日本踩單車條例      唔准並排行 / 飲完酒唔踩得
by / on 02/06/2015 at 7:15 am

【嚴厲執行】日本踩單車條例 唔准並排行 / 飲完酒唔踩得

香港地踩單車好危險,無專用線之餘又無乜規管,無論駕駛者定路人都無乜保障。日本就唔同,啱啱6月1日起嚴格執行單車條例,唔可以邊踩邊玩手機,醉酒踩車、二人並排踩、亂剎車全部都唔得,衰咗就要比5700円上返3小時嘅講習班,上完仲要完成小測驗同埋寫篇感想文,慘過讀書。想走堂?仲衰,要罰5萬円以下,算啦,都係搭JR安全啲。 相關資訊【有片】日本公司任喵行 吸引愛喵人才見工 (Apr 25, 2017) 【有片】肌迷有福了!日本「茨城温泉」宣傳片温泉x筋肉x4K (Apr 25, 2017)

Read more ›

新片速報     唔用指紋用眼球     Docomo手機解鎖示範
by / on 15/05/2015 at 7:10 am

新片速報 唔用指紋用眼球 Docomo手機解鎖示範

用指紋幫手機解鎖其實已經好型,不過最近又有新嘢,就係用眼部瞳孔外嘅虹膜(Iris)做認證,即係好似睇戲咁,經過望兩眼,電腦scan完度門就會自動打開。之前都公佈過日本手機ARROWS NX F-04G會支援,日本叫「虹彩認証」,啱啱日本NTT Docomo又出咗條新廣告,睇片見倒除咗用呢個技術解開手機鎖之外,仲可以上網購物做最後認證,睇落好型,但係會唔會比人偷眼球架? 相關資訊【有片】日本婆婆電車內爆氣 叫聲激似《龍珠Z》悟空 (Apr 25, 2017) 【相集】日本喵星人夏天換新床 超開心Twitter熱傳 (Apr 25, 2017)

Read more ›
【單車專用】 天才發明家    $5自製手機充電器
by / on 10/05/2015 at 3:16 pm

【單車專用】 天才發明家 $5自製手機充電器

  16歲就咁醒,前途無可限量呀。呢位叫Thomas嘅羅馬尼亞男仔,每日都要踩好耐單車,部手機又成日無電喎,一向鍾意研究電子嘢嘅佢,就諗倒用個電腦嘅散熱風扇,DIY改裝成風力渦輪機幫部手機叉電,而且材料費只需要5蚊美金!又環保又實用,佢仲將成個改裝過程放上網,有興趣又有基本電子知識嘅可以跟住做,係時候攞返專利喎Thomas仔! 相關資訊【相集】神級汽車攝影師自製場景 大風雪靠灑糖霜 (Apr 4, 2017) 【有片】日本自動販賣機有新嘢 手機買飲品送俾朋友 (Mar 24, 2017)

Read more ›
懸浮手機叉電器    自拍睇片多用途
by / on 09/04/2015 at 7:13 am

懸浮手機叉電器 自拍睇片多用途

勁!估唔到最新嘅手機居然做到懸浮效果,勁過達聞西。回歸現實,呢個手機叉電器Bobine表面係叉電器,其實同時係一個手機托,底部條24吋電線可以隨意拗曲伸直,一個唔覺意就好易令人以為你出咗部識懸浮嘅次世代手機。咁實際上有咩用途?其實佢仲可以掛起部手機,然後邊叉電邊食飯邊睇片;又或者吊高部手機校啱角度玩自拍,都幾實用嘅。不過點實用都好都唔關我事,因為佢只係支援iPhone 5或6,賣緊美金$24.99。 相關資訊【SNOW騙案】日本野獸先輩 男人變可愛狗仔太過份 (Mar 13, 2017) 【新片速報】日本網民用手機「畫」漫畫 睇落唔難Twitter熱傳 (Jan 5, 2017)

Read more ›
驚報!齊齊來檢查    玩得手機多尾指會變形?
by / on 10/03/2015 at 7:17 am

驚報!齊齊來檢查 玩得手機多尾指會變形?

呢兩日喺日本網站好多人討論呢張相,話說有網友話玩得手機多,隻手指尾中間嗰截就會好似右圖咁凹咗,我都即刻忍唔住伸隻手出嚟睇吓‥‥‥咦!真係喎!仲好凹吓喎,點算?呢張相成功令好多人留言兼放埋自己隻手上網,有網民留言話:「我都係喎!」,亦有人話:「唓,仲以為係真,點知睇埋隻左手都係咁!」另外仲有理智型嘅分析:「手機超過5吋就唔會咁拎啦!」係啦,其實我都唔係咁樣拎手機嘅,不過又忍唔住睇喎‥‥‥ 相關資訊【有片】挑戰鷹哥?日本「指男」破世界紀錄 撻手指奏〈恋〉 (Feb 16, 2017) 【手指有救】日本網民熱傳圖 藥水膠布新貼法 (Feb 1, 2017)

Read more ›
皮套變手機尿袋 一笠即叉4倍速度
by / on 31/01/2015 at 7:00 am

皮套變手機尿袋 一笠即叉4倍速度

皮套變手機尿袋 一笠即叉4倍速度 尿袋越出越多,不過呢個皮套尿袋令我有啲衝動想買,簡單一個皮套,唔駛插USB,要叉電時就咁將部手機笠入去就搞掂,最重要係聲稱叉電速度係平時嘅4倍,啱晒手機要緊急快叉嘅時候用。呢個名為Ampere嘅變種尿袋而家喺Kickstarter集緊資,暫時價格仲係美金$75,最快嗰批3月到貨。BTW,個設計師幾靚女。 相關資訊日本「美少女議員」手機育成遊戲 「アイドル事変」揀偶像議員 (Oct 26, 2016) 日本瘋狂手機App嚇親網民 人面馬身主攻女性市場 (Oct 9, 2016)

Read more ›

網圖分享:死都要自拍 我們已淪為手機奴隸
by / on 22/01/2015 at 1:30 pm

網圖分享:死都要自拍 我們已淪為手機奴隸

我知,睇完呢八張圖片,好多人實會有類似說話──「挑,人人都係咁架喇。」、「唓,世界係咁轉就係咁轉,無可能抗拒大潮流。」、「頂,你咁叻唔好用手機吖笨?」智能手機有幾入侵人類正常生活,身受其害嘅你我他實明,但就係無人嘗試扭轉呢個局面,唔通真係去到臨死前一刻,我哋都仲要同死神自拍完先肯上天堂或落地獄?唔多講嘞,希望大家可以反省吓,唔好再做低頭族喇。 相關資訊【新片速報】死神流克唱Pineapple Pen 蘋果筆寫死亡筆記 (Nov 2, 2016) 有片:一次過鋸八部手機!為呃Like去到好盡! (Sep 24, 2016)

Read more ›
有片    1分鐘叉爆電    超級尿袋量產有望
by / on 17/01/2015 at 2:38 pm

有片 1分鐘叉爆電 超級尿袋量產有望

一分鐘可以做啲咩?食杯麵都唔夠,不過就可以用呢個超級尿袋叉爆手機電。由以色列公司StoreDot開發,上年2014年4月都公佈過,不過當時個尿袋勁大嚿好似炸彈咁,唔啱拎出街用。於是佢哋閂埋房門繼續鑽研,今年CES終於比佢哋研究到一個輕便又快捷嘅超級尿袋,不過幾時發售賣幾錢就仲未知,而且佢哋野心好大,唔單止諗住用嚟叉手機,仲計劃叉埋交通工具,咁搞法應該會賣好貴喎。 相關資訊有片:大整蠱!維修手機打爆Mon收場! (Sep 12, 2016) 有片:Pokémon大報復追殺玩家 精靈球撞人入水池 (Aug 11, 2016)

Read more ›
騎呢手機回顧特集    煙盒/法拉利/萬佛朝宗
by / on 15/12/2014 at 7:02 am

騎呢手機回顧特集 煙盒/法拉利/萬佛朝宗

手機設計越嚟越悶,近幾年都係跟住iPhone演變出嚟嘅大芒touchscreen方向走,反而強國就唔同喇,經常有驚喜,網上搜羅咗大量奇形怪狀嘅手機,金色圓形嘅佛祖電話、萬寶路煙盒改裝成嘅手機、法拉利跑車造型嘅手機,有啲之前都見過,有啲而家都仲有人用緊,大開眼界。 相關資訊【新片速報】日本網民遇古怪花灑 拍片遇知音幫手加配樂 (Apr 7, 2017) 【謎之犯罪者】日本超古怪疑犯 偷過百張影相機膠簾 (Feb 5, 2017)

Read more ›
放下手機 種蘋果app換coupon捧走18萬
by / on 25/11/2014 at 7:02 am

放下手機 種蘋果app換coupon捧走18萬

人類真係好得意,整咗啲嘢出嚟比自己玩,之後又要整返啲嘢嚟制衡自己比佢玩。好似最近新加坡有學生發明呢個手機App「Apple Tree」,裝咗之後同班friend食飯時大家將部手機放埋一齊,虛擬嘅蘋果樹就會出現,越放得耐唔搞佢,就會生出越多蘋果,到最後收割返嚟嘅蘋果可以換coupon,最爽都係贏咗之後有接近18萬港幣比佢哋開發呢個手機app,嘩,正,夠買好多部iPhone 6。 相關資訊女醫生靚成咁? 日本鳥取大學「醫科學生」合照Twitter熱傳 (Apr 6, 2017) 任天堂Switch最啱Party 日本學生帶返學玩 (Mar 9, 2017)

Read more ›
食人腸開腦做甜品   手術遊戲另類宣傳法
by / on 09/11/2014 at 12:51 pm

食人腸開腦做甜品 手術遊戲另類宣傳法

本來呢隻iPhone遊戲《Surgeon Simulator》未必會留意倒,不過佢嘅宣傳手法夠爆,忍唔住令人望多兩眼。遊戲入面玩家要幫病人阿Bob做手術,官方就搞咗個晚宴做宣傳活動,仲搵埋真人扮阿Bob瞓喺床上,大家就食佢啲腸,口渴就飲平時驗尿嘅樽仔裝嘅黃色飲品,至於甜品就係切開嘅大腦!要食就要用較剪或者拑,無論食同睇嘅都覺得好刺激。好喇,我哋無份食,不過可以比$48買隻game玩吓,過吓醫生癮。 相關資訊【圖集】日本神級食物刺繡師 拉麵/抹茶幾可亂真 (Mar 8, 2017) 【多圖】日本秩父超靚雲海 似遊戲畫面極夢幻 (Mar 5, 2017)

Read more ›

首個智能行李喼   連接手機定位兼叉電
by / on 28/10/2014 at 7:12 am

首個智能行李喼 連接手機定位兼叉電

智能手機、智能錶,乜都要智能,點可以無智能行李喼?外國有人研發咗全球首個叫Bluesmart嘅智能喼,可以連接手機,隨時幫個喼定位、自動上鎖、磅重,又可以設定個喼離自己遠咗就自動呼叫,仲可以幫部手機叉電叉足6次!雖然個樣唔算型,不過就幾實用。而家喺indiegogo集緊資,好受歡迎,美金$235有交易,運返香港加多$40美金,襯埋隻智能錶就fit晒。 相關資訊【人渣】無良主人棄養動物 8隻初生貓B藏身行李喼內 (Mar 17, 2017) 日本喼神「行李喼」扭蛋 手柄伸縮自如真嘅一樣 (Jan 25, 2017)

Read more ›
南韓「發明」一人影院      孤獨是一種境界
by / on 27/10/2014 at 5:17 pm

南韓「發明」一人影院 孤獨是一種境界

之前都有類似嘅「發明」,不過今次由南韓出品,而且有埋教學及後續改圖,好想分享吓。呢個號稱一人影院嘅裝置,可以瞓喺哋暗暗哋睇戲,睇乜無人知,又唔駛用手長期拎住部手機。只需要一個紙皮箱、一卷賿紙、一把較剪同埋一部手機,做法極易,但係戴住佢點飲旁邊杯可樂呢?南韓網友仲瘋狂改圖,將佢key落海灘、滑雪場、disco,充分表達到「孤獨是一種境界」。 相關資訊【神級】南韓畫家超真實人像畫 皺紋毛孔細緻呈現 (Apr 25, 2017) 【咩瞓法?】日本喵星人匿藏紙皮箱 面壁瞓法Twitter熱傳 (Oct 6, 2016)

Read more ›
2014最傷感相集   新世代對話已死
by / on 25/10/2014 at 9:28 pm

2014最傷感相集 新世代對話已死

自從有咗智能手機之後,我哋變得好social,去到邊都有幾百個朋友喺facebook等住同你交流,不過對於身邊甚至面前嘅伴侶甚至屋企人,大家就幾乎視若無睹。外國攝影師Babycakes Romero呢輯街頭黑白相,睇見地鐵車廂上嘅情侶雖然身貼身坐,但就各有各玩手機;同枱食飯,低胸女士好寂寞,因為旁邊嘅男士們專心玩緊手機,係咪好似你同我? 相關資訊超靚日本玻璃球櫻花景 大師級隨便影過萬人分享 (Apr 7, 2017) 日本攝影師超靚街景相 涉谷街頭VS香港高樓 (Mar 26, 2017)

Read more ›
書枱連手機喇叭   唔用電玩low-tech
by / on 14/10/2014 at 7:15 am

書枱連手機喇叭 唔用電玩low-tech

好low-tech,仲有啲搞笑。呢張枱好哋哋中間有個大窿,原來係一個喇叭,唔駛用電,純粹將部手機放喺枱面,就可以透過中間嘅管道做到揚聲嘅效果,好古惑。設計師係韓國人,叫Jina U,我懷疑佢有睇《國產凌凌漆》。 相關資訊日本藥房免費提供食水/手機充電 網民大讚有良心 (Aug 4, 2016) 【有片】手機賞花必用 顯微鏡式貼紙Kickstarter熱賣 (May 24, 2016)

Read more ›