Post Tagged with: "手機"

【世界風景倒影】影靚景靠「水氹」 專家教手機影靚相
by / on 26/10/2015 at 7:12 am

【世界風景倒影】影靚景靠「水氹」 專家教手機影靚相

落雨天最怕見到地下有大大個「水氹」,但係呢位加拿大嘅攝影師Guido Gutiérrez Ruiz (@guigurui)就相反,每次見倒「水氹」都會即刻走埋去影相,仲會將個鏡頭有咁埋哄咁埋貼近個水氹,務求拍攝到水中嘅倒影喎!佢嘅IG有大量世界各地嘅旅行相,「水氹」下嘅平衡世界的確好靚,佢仲話好嘅相片唔一定要用專業相機影,所以所有相佢都只用手機。下次諗唔到點樣影靚境,記住試吓呢種影法。 相關資訊【圖集】日本超靚風景相似海報 網民出手改圖 (May 27, 2018) 【相集】日本攝影師超治癒相集 祖母與柴犬置身花海 (May 21, 2018)

Read more ›

玩得手機多變醜女 日本Twitter熱傳衰老秘密
by / on 20/10/2015 at 7:14 am

玩得手機多變醜女 日本Twitter熱傳衰老秘密

睇見呢幾張相係咪似層相識?好似搭車坐你旁邊嗰位?呢兩日日本Twitter熱傳呢幾張相,有電視節目報導成日玩手機嘅人個樣會衰老得特別快。首先太用神會出現「眉心紋」同埋嘴兩邊嘅「法令紋」,經常低頭又會令雙下巴更現,頸紋都多幾條。咁叫大家唔玩手機都無乜可能,唔通真係要抬高個頭、目無表情咁篤芒?其實好難。 相關資訊集英社推出「漫畫版YouTube」 手機程式免費下載 (May 10, 2018) 日本網民掟手機 攝正天花板隙縫超強身手 (May 1, 2018)

Read more ›
【貓奴專用】有片 日本喵星人篤芒手套 食指變貓尾搖呀搖
by / on 19/10/2015 at 7:15 am

【貓奴專用】有片 日本喵星人篤芒手套 食指變貓尾搖呀搖

正!貓奴又有新玩具,呢個日本出品嘅貓手套「猫のしっぽフリフリ手袋」啱啱喺網上開賣,冬天戴住佢可以捽手機芒都唔怕手指凍親,最搞笑係食指位就係喵星人條尾,當你用食指不停篤芒時,就好似條貓尾不停搖呀搖咁,旁邊嘅人都可以睇得好開心。呢款手套總共有三個款式,售價3980円,12月9日截止訂購,預計12月23日到貨,買嚟做聖誕禮物啱啱好喎。 相關資訊【超幸福】貓奴FF場面出現了 兩隻喵星人挨住瞓 (Apr 27, 2018) 日本貓奴爛瞓唔知醒 4隻喵星人怒啤超不滿 (Apr 19, 2018)

Read more ›
喪屍突入手機 噬起棚牙生化危機
by / on 01/09/2015 at 9:30 pm

喪屍突入手機 噬起棚牙生化危機

之前本網站都介紹過Morgan Loebel,話說呢位牙醫實驗室技術人員由於見慣爛牙爛肉爛嘴爛唇,所以整咗一批非常核突嘅眼球手錶同內臟鏈咀,睇見都唔開胃。家陣佢又有新作推出,今次玩手機殼,直頭將喪屍個樣黐咗喺手機背面,噬起棚牙陪你煲電話粥,爛牙固然恐怖,但最攞命都係隻大眼睛,亮晶晶閃閃令,離九里遠都望到,近睇勁似真人眼球,啲紅筋做到異常細緻,如果加埋LED燈,一響機即閃,半夜三更見到一定嚇死人。 相關資訊睇手機扮睇書 日本超強電話套扮文青 (Apr 17, 2018) Felix Ip聯乘余兒 D2 Place講喪屍 (Apr 11, 2018)

Read more ›
【日本Twitter瘋傳】手機打通「110」加快上網速度 警局發聲明澄清
by / on 28/08/2015 at 7:11 am

【日本Twitter瘋傳】手機打通「110」加快上網速度 警局發聲明澄清

霎眼睇以為係假嘅,點知真有其事,話說日本Twitter最近有個流言,話用手機打110,即係緊急電話號碼,就可以提高上網速度,呢啲咁低級嘅惡作劇照計唔會有人信吖,但事實剛剛相反,宮城、大阪、福岡等最少22個府縣嘅警察廳收到大量電話,導致好多真正要報警求助嘅人打唔通,最後警局要發聲明呼籲民眾唔好相信流言。有日本網民就留言話:「估唔到日本都有咁多蠢人!」、「不如打118(海上保安廳)啦,嗰邊得閒啲。」BTW,之前AKB嘅前田敦子都做過1日咁大把嘅110接線生,如果係真係返工,應該仲多無聊電話。 相關資訊木村拓哉15歲囡囡曝光 超強基因登日版《ELLE》封面 (May 28, 2018) 日本超為食喵星人斷正 偷食炸雞太大嚿吞唔落 (May 28, 2018)

Read more ›
喪屍耷低頭玩手機    插畫師串爆現代人做手機奴隸
by / on 25/08/2015 at 7:05 am

喪屍耷低頭玩手機 插畫師串爆現代人做手機奴隸

英國插畫師Steve Cutts嘅作品現代人睇好有共鳴,例如每日經過鬧市,都會見到一群群喪屍耷低頭玩手機,慢行亂撞人,除咗諷刺現代人比手機操控,仲串人貪錢、睇垃圾電視節目、食垃圾食物、自願做貓奴(咁都算?),梗有一款中咗你死穴。唉,我中咗幾樣。 相關資訊【多圖】英國人遇雪「淪陷」 網民瘋狂出圖恥笑 (Mar 3, 2018) 日本插畫師分享「巨乳的煩惱」 超有共鳴Twitter熱傳 (Mar 1, 2018)

Read more ›

【新片速報】手機玩3D Hologram    網上大熱DIY超簡易
by / on 05/08/2015 at 7:08 am

【新片速報】手機玩3D Hologram 網上大熱DIY超簡易

  勁!估唔到手機都可以玩3D Hologram,而且只需要一件小道具,10分鐘內搞得掂。呢條教學片放上YouTube眨吓眼已經過3百萬點擊,做法簡單,首先喺白紙上畫一個梯形,之後舖上CD盒面做模,再界返4個一樣大細嘅梯形貼成一個立體梯形,再放上手機面就玩得,手機就播返YouTube嘅專用影片,好快就會見到啲圖案投射咗上個立體梯形上面,水母、心型、煙花甚至人樣乜都有,好正,快啲試吓啦! 相關資訊【有片】日本痴漢出沒注意 偷拍影片Twitter熱傳 (May 26, 2018) 【新片速報】超強骨牌效應影片 食早餐啟動大量機關 (May 16, 2018)

Read more ›
【無間道】有片   警察扮地盤工人     新招捉司機玩手機
by / on 01/08/2015 at 2:00 pm

【無間道】有片 警察扮地盤工人 新招捉司機玩手機

一邊揸車一邊玩手機真係好危險,不過要捉到都唔易,因為司機離遠見到有警察咪即刻收手囉。所以美國喬治亞洲嘅城市瑪麗埃塔嘅警察就好醒,扮成地盤工人,喺馬路捉違規司機!雖然唔知最終捉到幾多個,不過相信好多司機會中招,事關喺馬路見到有地盤工人好合理,繼續發訊息都好合理,衰喺佢哋手,抵啦。 相關資訊【有片】日本鴨仔亂過馬路 司機超自律停車放行 (May 21, 2018) 【除咗恭喜之外】美國阿爸集100萬Like 太太同意囝囝叫「悟空」 (Jan 28, 2018)

Read more ›
【叉錯腳】短褲女邊行邊玩手機 一腳叉入坑渠窿
by / on 21/06/2015 at 11:04 am

【叉錯腳】短褲女邊行邊玩手機 一腳叉入坑渠窿

一路行一路玩手機,除咗好易撞到人,仲有機會令你成為網上熱話。最近喺中國四川就有一個著住短褲嘅靚女中招,成隻腳叉咗落坑渠窿入面,仲要成隻小腿卡住抽唔返出嚟,最後要報警出動埋消防人員切斷鐵枝先可以成功脫險。件事傳到去日本,有網民就大讚佢雙腳又長又白,亦有人同情佢,話點解中國大陸會有啲成10厘米闊嘅坑渠窿,小朋友都好易差錯腳釀成意外。都係嗰句,行路就唔好玩手機嘞,害人害己呀。 相關資訊【有片】中國婚禮掟炮仗似戰場 煙霧迷漫外國網熱傳 (May 11, 2018) 中國唱K 日本歌手變咁嘅樣 (May 4, 2018)

Read more ›
【嚴厲執行】日本踩單車條例      唔准並排行 / 飲完酒唔踩得
by / on 02/06/2015 at 7:15 am

【嚴厲執行】日本踩單車條例 唔准並排行 / 飲完酒唔踩得

香港地踩單車好危險,無專用線之餘又無乜規管,無論駕駛者定路人都無乜保障。日本就唔同,啱啱6月1日起嚴格執行單車條例,唔可以邊踩邊玩手機,醉酒踩車、二人並排踩、亂剎車全部都唔得,衰咗就要比5700円上返3小時嘅講習班,上完仲要完成小測驗同埋寫篇感想文,慘過讀書。想走堂?仲衰,要罰5萬円以下,算啦,都係搭JR安全啲。 相關資訊日本新款車牌有特色圖案 熊本熊/富士山現身車牌 (May 28, 2018) 【新片速報】日本超曳喵星人 紙箱突圍而出嚇親人 (May 28, 2018)

Read more ›
新片速報     唔用指紋用眼球     Docomo手機解鎖示範
by / on 15/05/2015 at 7:10 am

新片速報 唔用指紋用眼球 Docomo手機解鎖示範

用指紋幫手機解鎖其實已經好型,不過最近又有新嘢,就係用眼部瞳孔外嘅虹膜(Iris)做認證,即係好似睇戲咁,經過望兩眼,電腦scan完度門就會自動打開。之前都公佈過日本手機ARROWS NX F-04G會支援,日本叫「虹彩認証」,啱啱日本NTT Docomo又出咗條新廣告,睇片見倒除咗用呢個技術解開手機鎖之外,仲可以上網購物做最後認證,睇落好型,但係會唔會比人偷眼球架? 相關資訊【連環圖】日本喵星人瞓覺3式 先側睡後仰睡 (May 27, 2018) 【有片】日本網民睇天氣 睇埋21歲山崎あみ對腳 (May 27, 2018)

Read more ›

【單車專用】 天才發明家    $5自製手機充電器
by / on 10/05/2015 at 3:16 pm

【單車專用】 天才發明家 $5自製手機充電器

  16歲就咁醒,前途無可限量呀。呢位叫Thomas嘅羅馬尼亞男仔,每日都要踩好耐單車,部手機又成日無電喎,一向鍾意研究電子嘢嘅佢,就諗倒用個電腦嘅散熱風扇,DIY改裝成風力渦輪機幫部手機叉電,而且材料費只需要5蚊美金!又環保又實用,佢仲將成個改裝過程放上網,有興趣又有基本電子知識嘅可以跟住做,係時候攞返專利喎Thomas仔! 相關資訊日本女士專用「瞓覺的士」 有得按摩兼卸妝 (May 25, 2018) 【有片】超神奇箭咀睇極唔明 日本教授發明Twitter熱傳 (May 7, 2018)

Read more ›
懸浮手機叉電器    自拍睇片多用途
by / on 09/04/2015 at 7:13 am

懸浮手機叉電器 自拍睇片多用途

勁!估唔到最新嘅手機居然做到懸浮效果,勁過達聞西。回歸現實,呢個手機叉電器Bobine表面係叉電器,其實同時係一個手機托,底部條24吋電線可以隨意拗曲伸直,一個唔覺意就好易令人以為你出咗部識懸浮嘅次世代手機。咁實際上有咩用途?其實佢仲可以掛起部手機,然後邊叉電邊食飯邊睇片;又或者吊高部手機校啱角度玩自拍,都幾實用嘅。不過點實用都好都唔關我事,因為佢只係支援iPhone 5或6,賣緊美金$24.99。 相關資訊日本超奇妙產品 手機專用剪鼻毛機 (Jan 21, 2018) 手機版美沙酮 戒毒人士專用每日任掃 (Dec 15, 2017)

Read more ›
驚報!齊齊來檢查    玩得手機多尾指會變形?
by / on 10/03/2015 at 7:17 am

驚報!齊齊來檢查 玩得手機多尾指會變形?

呢兩日喺日本網站好多人討論呢張相,話說有網友話玩得手機多,隻手指尾中間嗰截就會好似右圖咁凹咗,我都即刻忍唔住伸隻手出嚟睇吓‥‥‥咦!真係喎!仲好凹吓喎,點算?呢張相成功令好多人留言兼放埋自己隻手上網,有網民留言話:「我都係喎!」,亦有人話:「唓,仲以為係真,點知睇埋隻左手都係咁!」另外仲有理智型嘅分析:「手機超過5吋就唔會咁拎啦!」係啦,其實我都唔係咁樣拎手機嘅,不過又忍唔住睇喎‥‥‥ 相關資訊【人類總是】日本網民買飯團 3日後發現變成咁 (May 27, 2018) 日本Suzuki車廠show girl 手指砌「S」字網上熱傳 (Nov 3, 2017)

Read more ›
皮套變手機尿袋 一笠即叉4倍速度
by / on 31/01/2015 at 7:00 am

皮套變手機尿袋 一笠即叉4倍速度

皮套變手機尿袋 一笠即叉4倍速度 尿袋越出越多,不過呢個皮套尿袋令我有啲衝動想買,簡單一個皮套,唔駛插USB,要叉電時就咁將部手機笠入去就搞掂,最重要係聲稱叉電速度係平時嘅4倍,啱晒手機要緊急快叉嘅時候用。呢個名為Ampere嘅變種尿袋而家喺Kickstarter集緊資,暫時價格仲係美金$75,最快嗰批3月到貨。BTW,個設計師幾靚女。 相關資訊【有片】貓奴冬天要買 日本保暖手套支援手機觸碰 (Oct 18, 2017) 日本超可愛動物手機配件 保護叉電線咬實唔放 (Sep 28, 2017)

Read more ›