Post Tagged with: "扭蛋"

喵星人夏天新造型     全新水果系列扮菠蘿
by / on 17/05/2018 at 7:11 am

喵星人夏天新造型 全新水果系列扮菠蘿

日本奇譚呢個喵星人系列頭套長出長有,原來已經嚟到第20彈!延續之前出過嘅水果系列,今次有新生果,包括菠蘿、柿、櫻桃、桃、雪梨同檸檬,各有特色,色彩好繽紛,啱晒夏天,快啲同隻喵換吓新造型啦,如果佢肯嘅話。 相關資訊日本超為食喵星人斷正 偷食炸雞太大嚿吞唔落 (May 28, 2018) 【新片速報】日本超曳喵星人 紙箱突圍而出嚇親人 (May 28, 2018)

Read more ›

喵星人超爽曬太陽扭蛋 木架合拼好想儲一套
by / on 15/05/2018 at 7:31 am

喵星人超爽曬太陽扭蛋 木架合拼好想儲一套

喵星人最鍾意曬太陽,如果住喺日本傳統房屋,仲可以好似呢幾隻喵咁瞓喺「緣側」(外廊) 曬太陽。由Epoch推出嘅扭蛋,總共有5個款式,每個都包埋「緣側」木架,拼埋一齊好有氣勢,其中一款仲有埋把風扇,好想儲齊一套!扭蛋今個月推出,貓奴記住留意返。 相關資訊【連環圖】日本喵星人瞓覺3式 先側睡後仰睡 (May 27, 2018) 【成功上樓】小黑喵變大黑喵 被領養喵星人超幸福 (May 25, 2018)

Read more ›
「熊貓之穴」又出爆笑扭蛋      動物變鞋抽下巴第4彈
by / on 25/04/2018 at 7:33 am

「熊貓之穴」又出爆笑扭蛋 動物變鞋抽下巴第4彈

日本「熊貓之穴」呢個爆笑動物系列「シャクレルプラネット」又有新作嘞,今次嚟到第4彈,全部動物繼續變晒鞋抽下巴,6款動物包括河馬、浣熊、瞪羚、大象、海獺,最估唔到係海龜都有,可愛到癲,好想儲齊一套!5月底推出,鍾意呢個系列嘅記住留意返嘞。 相關資訊俄羅斯超可愛浣熊醫生 專責平靜狗狗情緒 (May 5, 2018) 【新片速報】日本超可愛貓頭鷹 掃下巴瞇眼口擘擘 (Apr 15, 2018)

Read more ›
【要買】「拒否犬」扭蛋推出 全6種各300円
by / on 20/04/2018 at 8:27 pm

【要買】「拒否犬」扭蛋推出 全6種各300円

噚日睇過日本網民玩,襯埋玩具figure嚟玩真係啱啱好。日本拉極拉唔郁又唧出忽肉嘅「拒否犬」喺4月18日推出咗扭蛋「拒否犬ストラップ」,包括有「拒否犬(赤茶)」、「拒否犬(黒)」、「断固拒否犬(赤茶)」、「断固拒否犬(黒)」、「絶対拒否犬(赤茶)」、「絶対拒否犬(黒)」,全6種類,抽一次300円,香港幾時有呀? 相關資訊木村拓哉15歲囡囡曝光 超強基因登日版《ELLE》封面 (May 28, 2018) 日本新款車牌有特色圖案 熊本熊/富士山現身車牌 (May 28, 2018)

Read more ›
喵星人變晴天公仔 日本扭蛋超可愛
by / on 17/04/2018 at 7:57 am

喵星人變晴天公仔 日本扭蛋超可愛

又嚟到雨季,日本人好興掛晴天公仔祈求唔好落雨,最近扭蛋品牌EPOCH仲推出咗個喵星人版本!總共有6個款式,有啲係晴天娃娃造型,有啲就變咗一把遮,超可愛,今個月推出,貓奴記住買返幾個傍身嘞。 相關資訊【有片】日本網民睇天氣 睇埋21歲山崎あみ對腳 (May 27, 2018) 【圖集】日本超靚風景相似海報 網民出手改圖 (May 27, 2018)

Read more ›
喵星人又有新造型 變成一粒糖甜到漏
by / on 15/04/2018 at 11:17 am

喵星人又有新造型 變成一粒糖甜到漏

究竟喵星人仲可以轉幾多個造型?日本扭蛋公司奇譚又出新款,今次竟然係一粒糖!如果喵星人知道嘅話,應該會做出一個唔L係啩嘅表情‥‥‥之後會諗點解我對耳仔大咗咁多呢?BTW,呢款扭蛋總共有6個款式,4月底發售。 相關資訊日本喵星人影寫真 懷舊甫士超有少女味 (May 23, 2018) 日本真實版《龍貓》 喵星人瞓巨型毛公仔Twitter熱傳 (May 23, 2018)

Read more ›

日本超可愛扭蛋        6款動物摀眼扮瞓覺
by / on 28/03/2018 at 7:07 am

日本超可愛扭蛋 6款動物摀眼扮瞓覺

又係呢個超可愛嘅日本扭蛋「熊貓之穴」瞓覺系列,嚟到第六彈,依然有唔同種類嘅動物表演瞓覺,今次更加搞笑,每隻動都物都用隻手撳實自己雙眼瞓覺!仲要全部四腳朝天,有水獺、貓、狗、獅子、馬騮同海象,勁得意!4月底發售,鍾意呢個系列嘅朋友記住留意吓嘞。 相關資訊【人類總是】日本網民買飯團 3日後發現變成咁 (May 27, 2018) 【有片】日本「JR渋谷駅」遇貨車 行路軌似飄浮 (May 27, 2018)

Read more ›
【貓奴必買】日本文具扭蛋 借隻喵手放文具
by / on 16/03/2018 at 7:24 am

【貓奴必買】日本文具扭蛋 借隻喵手放文具

現實生活中,你隻貓唔單止唔會借隻手俾你用,你捉住佢隻手時佢仲會好嫌棄咁推開你。日本扭蛋公司EPOCH呢個「猫の手まだまだかします」系列好實用,唔同姿勢嘅喵可以俾你放筆、膠紙、擦膠等文具,喵奴放到成枱都係實好開心。 相關資訊【有片】日本劍生產過程 燒紅一刻放入水Twitter熱傳 (May 27, 2018) 日本殺蟲宣傳 報紙玩3D圖 (May 27, 2018)

Read more ›
四腳蛇迷你扭蛋 指上玩具顏色超鮮豔
by / on 14/03/2018 at 7:57 am

四腳蛇迷你扭蛋 指上玩具顏色超鮮豔

四腳蛇喺爬蟲類動物嚟講都幾得意嘅,日本扭蛋公司EPOCH之前都有出過呢個指上嘅小玩具系列「指の系列」,有倉鼠、海豚、松鼠等,全部呎吋都係超迷你,而今次呢個爬蟲類係第二次出,除咗四腳蛇之外仲有鬃獅蜥,顏色仲好鮮豔,啱晒春夏天呀! 相關資訊《古惑仔》送Q版迷你揮春 (Feb 8, 2018) 日本「喵星人坦克車」扭蛋 超可愛好想儲 (Dec 19, 2017)

Read more ›
【狗狗都有】日本扭蛋出狗狗帽 戴起變一年級生超可愛
by / on 06/03/2018 at 7:24 am

【狗狗都有】日本扭蛋出狗狗帽 戴起變一年級生超可愛

唔係喵星人先有頭套有帽戴嘅,日本扭蛋公司奇譚都會造福狗群,最近就有呢個狗狗戴帽系列「かわいい かわいい 犬の一年生」,一式五款,戴起就好似個一年級學生咁,超傻超可愛,可以去郊外旅行嘞!而家已經推出咗,好想買返頂俾隻狗狗威吓呀。 相關資訊超方便!日本麻辣婆婆「單手食」版 唔駛整污糟隻手 (May 26, 2018) 【有片】日本痴漢出沒注意 偷拍影片Twitter熱傳 (May 26, 2018)

Read more ›
日本扭蛋「復活節貓頭套」 喵星人變「復活蛋」!
by / on 02/03/2018 at 7:31 am

日本扭蛋「復活節貓頭套」 喵星人變「復活蛋」!

係呀,仲有一個月唔夠又到復活節,屋企嘅喵星人又要換裝嘞!今次日本扭蛋公司奇譚嚟到第18彈,一共推岀5個款式嘅貓頭套。除咗萌萌嘅兔耳款之外,連復活蛋都有!戴上貓頭之後變成一粒椭圆形嘅復活蛋,主人睇梗係覺得可愛啦,不過隻喵自己就未必想變粒蛋嘞。 相關資訊【有片】日本網上熱傳 名古屋「痴漢無雙」 街頭放題級狂摸 (May 25, 2018) 日本女士專用「瞓覺的士」 有得按摩兼卸妝 (May 25, 2018)

Read more ›

【貓奴共鳴】日本貓扭蛋 喵星人瞓電腦超寫實
by / on 20/02/2018 at 7:35 am

【貓奴共鳴】日本貓扭蛋 喵星人瞓電腦超寫實

作為貓奴,實有經歷過俾喵霸佔電腦嘅日子啦?當你行開一陣,返嚟就會發現佢哋上緊網,有時用喵星人文搜尋緊嘢,有時睇緊片,有時瞓緊覺‥‥‥日本EPOCH新出嘅呢套扭蛋就有齊幾個唔同嘅款式,全部都同部電腦有關,好可愛,2月發售,一式六款。 相關資訊【圖集】日本超強爹哋 用囡囡畫作設計便當 (May 25, 2018) 日本網民神級地毯畫 《龍珠》阿樂被爆死 (May 25, 2018)

Read more ›
【小心食錯】日本超可愛扭蛋 倉鼠仔變和菓子
by / on 13/02/2018 at 7:14 am

【小心食錯】日本超可愛扭蛋 倉鼠仔變和菓子

明明係糯米糍,點解會變咗倉鼠呢?EPOCH新出嘅呢款扭蛋超可愛,倉鼠身上面披住塊葉,仲有個透明盒裝住,用嚟矯裝成日式和菓子「柏餅」同埋「豆大福」!最正嘅地方係質感軟棉棉,可以搓圓撳扁,今個月推出,倉鼠迷睇完有無啲肚餓? 相關資訊超可愛《死侍》多士爐USB 彈出彈入手痕專用 (May 26, 2018) 【雕咗幾耐?】日本木工高手 自製紅勇士/魔蟹/強人可動模型 (May 24, 2018)

Read more ›
日本超古怪扭蛋 一盒盒精肉有「國產和牛」
by / on 09/02/2018 at 7:56 am

日本超古怪扭蛋 一盒盒精肉有「國產和牛」

日本人嘅扭蛋題材真係層出不窮,好似最近EPOCH推出嘅呢個「精肉」系列,就將大家平時喺超級市場見到嘅一盒盒生肉變成扭蛋!最多人鍾意應該係國產和牛嘞,其餘仲有豚肉、雞槌、雞胸肉等,掛喺個袋度勁搶眼吖。2月底推出,每扭一次200円,鍾意嘅記住留意吓。 相關資訊日本電視節目教影「錯覺相」 地下噴水扮飄起 (May 24, 2018) 日本今日「Kiss之日」 Twitter大量圖/片應節 (May 23, 2018)

Read more ›
日本喵星人扭蛋 捕捉狩獵一刻全神貫注
by / on 18/01/2018 at 7:40 am

日本喵星人扭蛋 捕捉狩獵一刻全神貫注

日本扭蛋公司EPOCH嘅貓系列經常捕捉啲得意時刻,之前出過打喊露、伸懶腰、舔毛、瞓電器等等多個系列,最新系列就玩狩獵動作。大家都知喵星人發現獵物嘅時候都會縮低個頭,弓起後半身,全神貫注懶認真,然後突然向前撲‥‥‥今次系列就捕捉咗呢個時刻,一共有6款。仲可以將佢哋放埋一齊,盯實同一個目標,目標分別就有魚、玩具、老鼠之類。BTW,我最鍾意喺佢呢個全神貫注嘅時刻嗌吓佢。 相關資訊【新片速報】日本超溫馴白文鳥 任摸唔嬲似棉花糖 (May 23, 2018) 日本知名設計師新作 腳趾尾都要戴頭盔 (May 22, 2018)

Read more ›