Post Tagged with: "扭蛋"

日本全新扭蛋機 扭蛋變扭蛋卷
by / on 04/03/2014 at 2:29 pm

日本全新扭蛋機 扭蛋變扭蛋卷

自細細個喺書局門口扭蛋,直到大個成套買,我都認定扭蛋係一隻半透明膠蛋。不過呢個概念似乎要改一改喇,因為日本啱啱出咗新嘅扭蛋機,入面啲蛋變晒做蛋卷咁一條條……直徑約6CM,長10CM,咁入面唔同玩具嘅呎碼就更多變啦。預計呢款扭蛋機會收300至500円嘅玩具,第1彈就係《烈車戦隊トッキュウジャー》模型,1次400円,我又諗起機械人條嘢。 相關資訊生日賀一賀 日本fans用962,120円預訂718隻新碟 (Jul 19, 2018) 【新片速報】日本街貓完全唔怕人 直行直撞超嗲Twitter熱傳 (Jul 19, 2018)

Read more ›

騎呢玩具扭蛋    狗仔射尿
by / on 04/03/2014 at 7:03 am

騎呢玩具扭蛋 狗仔射尿

日本玩具商奇譚クラブ嘅玩具一向有創意夠古怪,啱啱公佈嘅呢套狗仔玩具扭蛋,賣點居然係狗仔射尿嘅趣怪動作!總共有8款狗狗再加一個隱藏款,6月底發售,開價200円。雖然平時好鐘意狗,但係對於射尿動作我唔係太接受倒,你點睇? 相關資訊日本小妹妹天才發明 消暑西瓜特飲Twitter熱傳 (Jul 19, 2018) 【有片】日本喵星人迫爆紙箱 超痴纏攬實唔放 (Jul 19, 2018)

Read more ›
騎呢扭蛋   香蕉鸚鵡估你唔倒
by / on 14/02/2014 at 12:06 pm

騎呢扭蛋 香蕉鸚鵡估你唔倒

日本EPOCH嘅扭蛋一向以惡搞聞名,之前介紹過有天壇大佛頭嘅柴犬,最近公佈今年5月會推出呢款香蕉鸚鵡扭蛋,夠膽死將香蕉同鸚鵡兩樣完全無關嘅嘢結合,但係效果又無違和感,仲幾得意,搞到我都好想買返隻。一式6款,普通高度45mm,但係仲有隻迷你版25mm,得意到暈!個人認為要買嘅,梗係揀最classic嘅黃色版香蕉啦! 相關資訊【今日GIF】日本高手製懷舊遊戲GIF 幻想中的遊戲世界 (Jul 18, 2018) 超正!打破敵對關係 日本連鎖快餐Twitter編輯玩聯手 (Jul 18, 2018)

Read more ›
惡搞自由神像   女神忽然拱橋趴地
by / on 12/02/2014 at 7:19 am

惡搞自由神像 女神忽然拱橋趴地

TAKARA TOMY無厘頭扭蛋系列「熊貓的穴(パンダの穴)」最近又有新作,繼翻肚動物、炸天婦羅系列後,最新惡搞對象就係美國嘅自由神像!一式六款,原本莊嚴神聖嘅女神,搖身一變成為狂野女,又拱橋又S型坐地露大脾,太自由了,要管! 相關資訊超可愛「無臉男」玩具 一式六款有隱藏版本 (Jul 19, 2018) 【新片速報】Low Cost神還原第二彈 惡搞《冰雪奇緣》Twitter熱傳 (Jul 15, 2018)

Read more ›
向小丑Joker致敬     扭蛋重現5大經典場景
by / on 03/02/2014 at 12:15 pm

向小丑Joker致敬 扭蛋重現5大經典場景

蝙蝠俠電影《The Dark Knight》入面,最吸引嘅角色係小丑Joker,可惜演出嘅Heath Ledger英年早逝,日本玩具商奇譚クラブ最新宣佈5月份會推出一式五款嘅The Joker扭蛋,以電影入面Heath Ledger飾演嘅Joker為藍本,5個造型都係電影入面嘅經典場面,例如喺警車入面伸頭出外奸笑、西裝褸入面塞滿手榴彈、被蝙蝠俠倒吊等情景,有興趣可以問定相熟玩具舖,或者上日本網訂啦。 相關資訊【相集】喵星人變電影海報主角 怪獸喵亂入超正 (Jul 6, 2018) 日本扭蛋「柴犬」超可愛 指尖上的肥柴 (Jun 21, 2018)

Read more ›
《進擊之巨人》扭蛋第2彈   超絕望4角色
by / on 23/01/2014 at 4:10 pm

《進擊之巨人》扭蛋第2彈 超絕望4角色

3月推出嘅《進擊之巨人》扭蛋又有官方新圖,由海洋堂CAPSULE Q推出嘅「絶望と反攻のヴィネット2」系列,第2彈有四款角色,包括 リヴァイ兵長、二大巨人の戦い、人を喰らう巨人II 同埋エレンの戦術的価値を説く,每款都好有絕望感,400円一隻,有興趣到時可以去玩具舖問吓,或者上日本樂天訂,1600円全4種。 相關資訊海洋堂超正可動式兵仔 綠兵藍兵一齊出動 (Jun 23, 2018) 好想打機嘅時候請狂撳!日本推出小型手掣扭蛋 (Jun 18, 2018)

Read more ›

無限系列 無限開關掣扭蛋 後日日本推出
by / on 12/01/2014 at 1:13 pm

無限系列 無限開關掣扭蛋 後日日本推出

全球累積已經賣出335萬個嘅無限系列,最經典有無限泡泡紙、無限枝豆、無限開汽水蓋等等,最新作品就係呢個無限開關掣。即係你細個成日俾阿媽鬧你玩燈掣,o依家就可以無限撻撻吓!1月14日喺日本發售,每次100円,全12種。 相關資訊【有片】廁紙變子彈 日本高火力水槍月尾發售 (Jul 18, 2018) 日本熱到癲 名古屋39度/ 沖繩變避暑地 (Jul 18, 2018)

Read more ›
《Puzzle & Dragons》賀年吊飾    搵多啲課多啲金
by / on 29/12/2013 at 2:08 pm

《Puzzle & Dragons》賀年吊飾 搵多啲課多啲金

日本街機會出《Puzzle & Dragons Battle Tournament》,嚟緊又同《Hunter x Hunter》合作,睇嚟PAD今年都有排玩。想今年抽多啲靚嘢、轉珠順風順水,可以去求道平安符保佑吓,啱啱見倒日本推出呢套1式10款嘅PAD必勝系列手機吊飾,又超成功又金龍,全部勁好意頭,開價380円一盒,1月27日發售,擺明保佑你今年搵多啲錢課多啲金啦! 相關資訊芒亨獵人必買裝備 導蟲籠/回復藥吊飾 (Jul 17, 2018) 又有新街機 1/12街機框體8月發售 (Jul 11, 2018)

Read more ›
勇者無懼    露底啦啦隊扭蛋考驗勇氣
by / on 05/12/2013 at 7:03 am

勇者無懼 露底啦啦隊扭蛋考驗勇氣

日本TAKARA TOMY嘅無厘頭扭蛋系列我一向好欣賞,例如反肚動物系列、思考巨人或者炸天婦羅,估你唔倒。最新作品有呢個熱情奔放嘅露底啦啦隊員「机の上から、チラリーダー!」,一式五款,12月發售,可以放喺枱頭同你加油打氣,勇士們,係時候挑戰自己,夠唔夠膽放佢喺公司或者學校嘅枱面先? 相關資訊日本貓頭套扭蛋 被迫扮「米奇老鼠」超無奈 (Jun 15, 2018) 日本扭蛋「貓貓舔毛」系列 反肚照舔超治癒 (Jun 14, 2018)

Read more ›
手掣形手電耳機插 下年初有得扭
by / on 04/12/2013 at 2:34 pm

手掣形手電耳機插 下年初有得扭

手提電話嘅耳機插越出越多,咩都有之際,仲有DUALSHOCK 2手掣!下年初推出,全6種唔同顏色俾你插喺智能手機嘅耳機插口位,至於點解係「DualShock 2」?因為「DualShock 3」已經係無線,邊有得插? 相關資訊Bandai奇妙扭蛋 巨型蟲仔識捲埋 (Jun 4, 2018) 喵星人夏天新造型 全新水果系列扮菠蘿 (May 17, 2018)

Read more ›
日本超人氣OL    奇特耳塞唔怕走光
by / on 01/12/2013 at 4:26 pm

日本超人氣OL 奇特耳塞唔怕走光

日本今年最人氣嘅OL係呢位「杯緣子(コップのフチ子)」,扭蛋公仔,強項係可以擺出高難度動作掛喺杯邊,日本人好鐘意影低佢嘅得意相放上Twitter分享。最近呢位OL繼11月後再推出超實用耳塞,今次換咗橙色新制服,照舊單腳伸入耳仔隔聲,動作誇張奇特唔怕走光,一套六款,下年三月發售。可惜自己戴住睇唔倒,最好就係買比枕邊人,迫佢戴比你睇,不過大前題係你要有強勁鼻鼾聲,無嘅話由今晚起扮啦! 相關資訊【有片】香港特撮角色打到日本 參戰「全日本地區英雄祭2018」 (Jul 18, 2018) 日本經典朱古力變棋子 實物原大繼續鬥 (Jul 18, 2018)

Read more ›

《進撃の巨人》扭蛋第二彈     絶望反攻玩食人
by / on 24/11/2013 at 2:16 pm

《進撃の巨人》扭蛋第二彈 絶望反攻玩食人

J2噚日首播《進擊的巨人》你有無睇?之前段好有隱喻嘅宣傳片居然成功喺TVB呢個維穩台播放,搞到網民們好興奮。講返正題,海洋堂之前出過嘅進擊扭蛋,啱啱宣佈將會推出第二彈,賣點係絕望、恐佈、戰慄,咁食人呢啲嘢梗係少不免,一共有四款,下年3月發售,400円扭一扭,香港進擊迷可以等玩具舖入貨。 相關資訊【新片速報】日本另類瘋狂動畫 煮「蛋包飯」上月球爆破 (Jun 27, 2018) 日本麥當勞推出「蛋黃哥麥旋風」 開心樂園餐玩具超正 (Jun 7, 2018)

Read more ›
12生肖骷髏手機吊飾    馬年擋煞
by / on 26/10/2013 at 5:13 pm

12生肖骷髏手機吊飾 馬年擋煞

玩具嚟講,我覺得呢款幾有創意,仲好啱中國人o忝。日本海洋堂又有新扭蛋出,今次玩12生肖,不過係骷髏頭骨版,睇落像真度高,又幾醜樣,每個仲有條繩跟比你當手機吊飾用,預計今年底推出,聽聞遲啲仲會推出金色、銀色嘅隱藏版,好認真。如果下年馬年犯太歲,買隻骷髏吊飾掛身擋擋煞都唔錯,不過唔知阿媽會唔會發脾氣呢。 相關資訊日本「藍色食物醬汁」量產 沙律飯團全部變藍 (Jul 18, 2018) 【有片】日本傳媒報道 大量中國人入侵埼玉縣 仲有狗肉賣? (Jul 17, 2018)

Read more ›
萬聖節BANDAI吸血王   搶錢三連發
by / on 08/10/2013 at 7:23 am

萬聖節BANDAI吸血王 搶錢三連發

萬聖節真係搵錢良機,明明大家無諗住慶祝,但就有大量精品推出引你課金。好似吸血王BANDAI,今年一次過出夠三款萬聖節扭蛋,有《怪獸大學》我唔怪佢,因為本身大家都係玩鬼鬼怪怪都算match,但係《One Piece》真係有啲牽強,路飛係咁意戴個南瓜頭出嚟就想氹我駛錢?仲未講完,呢隻咩嚟o架?蘑菇人方吉都有份?唔係啩?搶錢呀!救命呀! 相關資訊《One Piece》第89卷 尾田栄一郎畫40歲、60歲「路飛」、「艾斯」 (Jun 1, 2018) 新片速報 PS4《One Piece World Seeker》伸縮自在的手臂 (May 30, 2018)

Read more ›
創意扭蛋   狗身佛面超惡搞
by / on 05/10/2013 at 10:59 am

創意扭蛋 狗身佛面超惡搞

日本扭蛋真係創意爆燈,最新傑作有呢隻大佛柴犬,由EPOCH出品,每隻柴犬都可以戴頭罩,唔單止有大佛頭像,仲有馬頭,每款三隻色,惡搞味超濃,每隻扭蛋200円,不過咁樣褻瀆神靈,如果身邊有佛教徒千祈唔好買,以免比人藐爆。 相關資訊【改圖】搭車瞓覺被惡搞 外國網民高質改圖 (Jul 15, 2018) 【新片速報】日本柴犬3兄弟 輪住舔脷超為食Twitter熱傳 (Jul 13, 2018)

Read more ›