Post Tagged with: "扭蛋"

【圖集】日本喵星人戴「兔耳」想殺人   受害喵照片大公開
by / on 16/08/2017 at 7:01 am

【圖集】日本喵星人戴「兔耳」想殺人 受害喵照片大公開

都話奇譚呢個扭蛋系列係喵星人嘅惡夢,有日本網民買咗「兔耳」系列,即係左邊嗰幅圖啦,黃色耳仔戴咗上去之後隻貓直情想殺人咁款!張相喺Twitter勁多人RT,網民個個都話隻喵嘅殺意好濃,好憤怒,之後有其他網民放其他受害喵嘅相,有啲扮羊咩,有啲扮兔仔,仲有之前嘅賊仔款,基本上全部都係好無奈或者好呆,入嚟有得回帶笑吓。 相關資訊貓奴必備 帶貓出街用Cat-in-the-bag (Jan 16, 2018) 日本佛心「喵星人」 瞓大佛手心被供奉 (Jan 16, 2018)

Read more ›

喵星人惡夢      萬聖節奇譚加推新扭蛋
by / on 15/08/2017 at 7:05 am

喵星人惡夢 萬聖節奇譚加推新扭蛋

10月31日又到萬聖節,點可以只有你自己cosplay?有喵星人惡夢之稱嘅奇譚扭蛋系列又有新嘢,嚟到第11彈,今次主題係萬聖節,4款喵星人頭套,有齊女巫、蝙蝙、南瓜同鬼,最正都係紫色尖頂嘅女巫款,戴住佢應該呆咗唔識郁。另外後面蝙蝠嗰款都好有特色,最適合配白貓,9月初推出。BTW,我成日諗呢張宣傳相究竟係真戴定係合成嘅呢? 相關資訊【新片速報】偷拍日本喵星人 匿埋「暖桌」底偷懶超識嘆 (Jan 12, 2018) 日本貓奴安裝「暖爐圍欄」 怕凍喵星人突破防線 (Jan 11, 2018)

Read more ›
日本奇譚喵頭套扭蛋 今次扮Hello Kitty吉蒂貓
by / on 22/07/2017 at 11:58 am

日本奇譚喵頭套扭蛋 今次扮Hello Kitty吉蒂貓

奇譚呢款貓頭套扭蛋真係長出長有,之前有賊仔款、船梨精、生果主題,連兔仔都扮埋,最近終於輪到扮貓嘞,不過係扮吉蒂貓Hello Kitty!今次同Sanrio合作,除咗Hello Kitty之外仲有布甸狗、小惡魔Kuromi等等,可惜要等到10月頭先正式推出,呢排俾隻喵抖吓先,遲啲先同你大變身! 相關資訊【有片】為市民服務都有爭議?日本列車出意外 警車送考生去試場 (Jan 15, 2018) 超靚「銀山溫泉」雪景圖 日本Twitter熱傳 (Jan 15, 2018)

Read more ›
超可愛日本柴犬扭蛋 爛瞓6式不同睡姿
by / on 19/07/2017 at 7:05 am

超可愛日本柴犬扭蛋 爛瞓6式不同睡姿

柴犬仔好得意,特別係瞓着覺嘅時候。日本扭蛋公司EPOCH經常出柴犬扭蛋,最近出到「柴犬5」,今次用瞓覺做主題,6款柴犬有唔同顏色唔同睡姿,有啲打橫瞓,有啲伏喺度瞓,全部都好可愛,每扭一次200円,柴犬迷記住儲嘞。 相關資訊【有片】超可愛刺猬仔示範食藥 頹爆變超興奮Twitter熱傳 (Jan 16, 2018) 【新片速報】日本扮聲神人Twitter熱傳 男/女/電車都係佢 (Jan 15, 2018)

Read more ›
【又嚟】 日本喵星人頭套扭蛋   「水族館」主題扮魚仔
by / on 18/07/2017 at 7:10 am

【又嚟】 日本喵星人頭套扭蛋 「水族館」主題扮魚仔

呢款貓頭套扭蛋之前都出過唔少款式,有賊仔頭巾、水果主題,今次輪到水族館嘞。都係日本嘅奇譚扭蛋出品,一共有6個款,最無奈應該係魚仔嗰款,明明食魚嘅喵星人俾條魚騎住,睇得唔食得,難怪黑晒面嘞。今個月中推出,每扭一次300円,去開日本記住扭俾喵星人做手信嘞,雖然佢唔想要。 相關資訊【有片】日本大熱手機遊戲 飼養兇殘熊隨時襲擊主人 (Jan 15, 2018) 【新年名物】日本鶴岡八幡宮「紅警備隊」 制服超有型 (Jan 14, 2018)

Read more ›
【十字旋風捲電線】實用蘇聯佬 《Street Fighter II》扭蛋圖流出
by / on 10/07/2017 at 2:20 pm

【十字旋風捲電線】實用蘇聯佬 《Street Fighter II》扭蛋圖流出

有實用功能嘅扭蛋一向受歡迎,嚟緊預定10月就會有呢套喇,係《Street Fighter II》嘅蘇聯佬Zangief,最正梗係出Double Lariat轉轉轉嗰吓,可以捲住你條USB線喎!仲有十字旋風撻就係筆座,至於勝利動作就可以放首飾,真係男女合用,好實用嘅蘇聯佬呀! 相關資訊日本「喵星人坦克車」扭蛋 超可愛好想儲 (Dec 19, 2017) 全屋都係蘇聯佬 日本人妻破壞「森林家族」玩具 (Dec 16, 2017)

Read more ›

日本「熊貓之穴」新扭蛋 玩人臉甜品食慾大減
by / on 26/06/2017 at 7:14 am

日本「熊貓之穴」新扭蛋 玩人臉甜品食慾大減

又係出名創意爆燈嘅日本「熊貓之穴」扭蛋,今次夾啱夏天,佢哋推出呢款透心涼甜品系列扭蛋,不過每款食物上面都有個摩艾石像人樣‥‥‥摩艾石像係復活島出名景點,每個石像都好似人咁嘅樣,喺網上經常被惡搞,今次將夏日食品包括布甸、車茄子、香蕉、蜜瓜、雪糕加咗人樣,令人食慾大減呀!不過又好想儲齊一套。7月底發售,鍾意「熊貓之穴」系列嘅記住留意吓嘞。 相關資訊【洋人的奇妙喜好】成人影片網公佈 2017年最多搜尋遊戲角色 (Jan 14, 2018) 石頭變雀仔 日本網民超強手藝 (Jan 14, 2018)

Read more ›
【有片】日本扭蛋「貝殼少女」    有片有訊息「你太高估我了!」
by / on 21/06/2017 at 7:47 am

【有片】日本扭蛋「貝殼少女」 有片有訊息「你太高估我了!」

一直好鍾意日本廣告公司Dentsu同玩具廠Takara Tomy合作嘅「熊貓之穴」系列扭蛋,靚得嚟又有意思。最近佢哋有新作,今次嘅主題係「貝殼少女」,一式五款,每個少女都笠位唔同款式嘅貝殼,仲拍埋片有得睇。今次系列標題「カイカブリ」除咗解「戴住貝殼」之外,仲有「高估」嘅意思,宣傳影片就係講一個女仔為咗滿足其他人對自己嘅期望而好拼命,之後身體逐漸出現變化,變成唔同嘅貝殼,最後掙脫唔到,但佢發現咁樣反而更自在,回應返今次系列主題「You overestimate me too much」(你太高估我了),日本人睇應該特別有共鳴。BTW,出扭蛋出到咁有意思,仲拍埋片,真係要買返套珍藏吓。 相關資訊【新片速報】日本馬仔超貪玩 自製飄雪效果雪地狂奔 (Jan 14, 2018) 日本貓奴放閃 超幸福貓腳印Twitter熱傳 (Jan 14, 2018)

Read more ›
超正日本路牌立體扭蛋     動物出沒注意!
by / on 09/06/2017 at 7:56 am

超正日本路牌立體扭蛋 動物出沒注意!

日本路牌設計精美,特別係黃黑配色好特別,祟日朋友最鍾意。日本扭蛋品牌EPOCH最近仲將佢哋立體化,推出「立體交通標識」扭蛋系列。一式六款,有「道路工事中」、「步行者專用」等等,好想儲齊一套!特別係有隻鹿飛身跳起嗰個,叫人注意前面可能突然有動物出現,有喺日本郊外揸過車嘅應該好有共鳴。 相關資訊性感M78星雲 日本畫師又出超人偶像圖 (Jan 13, 2018) 【連環圖】日本人氣肥喵想人抱 主動出擊失望而回 (Jan 13, 2018)

Read more ›
【拳頭硬了】超樣衰日本扭蛋   猩猩賣顏藝太過份
by / on 25/05/2017 at 7:33 am

【拳頭硬了】超樣衰日本扭蛋 猩猩賣顏藝太過份

日本「熊貓之穴」嘅扭蛋每次都有驚喜,最近佢又公佈新系列「顔ゴリラ」(猩猩樣),一套六款猩猩走去扮其他動物,有草泥馬、狗仔、白兔、貓頭鷹、海豹同白熊,全部都配上猩猩樣,樣衰得嚟好搞笑。最正係每隻猩猩都有唔同表情,你睇扮白兔隻猩猩個樣?係咪好想揼佢?今個月29號開始發售,每扭一次200円,想買嘅記住留意吓! 相關資訊【撞樣】日本柴犬超似冬甩 一臉雪超可愛Twitter熱傳 (Jan 13, 2018) 【新片速報】日本電車打開門見超厚積雪 仲落唔落車好? (Jan 13, 2018)

Read more ›
超可愛日本喵星人小擺設 攬實睫毛夾/潤唇膏
by / on 16/05/2017 at 11:05 am

超可愛日本喵星人小擺設 攬實睫毛夾/潤唇膏

日本成日有啲好特別嘅貓扭蛋,今次由EPOCH出品嘅「猫の手も借りたい」系列,一班喵星人化身做小工具,幫主人固定物品。例如「反肚貓」可以托住卷膠紙或者睫毛夾;「坐地貓」就可以月用嚟放潤唇膏,實用性唔算高,但放喺化妝枱或者書枱都可以氹到貓奴好開心。今個月開始喺日本有得扭,每扭一次200円,有朋友去開日本記住嗌佢幫你留意吓嘞。 相關資訊日本網民分享「鳥取砂丘」超靚景 砂丘變「雪丘」Twitter熱傳 (Jan 12, 2018) 日本網民食物現「奸笑BB樣」 心都寒埋Twitter熱傳 (Jan 12, 2018)

Read more ›

呢套正!Takara Tomy日本交通燈扭蛋
by / on 24/03/2017 at 3:39 pm

呢套正!Takara Tomy日本交通燈扭蛋

之前出過郵筒,今次就輪到「日本信号 ミニチュア灯器コレクション」,全5種有LED識著燈,抽一次300円,日本啱啱出,香港有未?要扭呀! 相關資訊日本「明太子之日」簡易食譜 電飯煲煮法超美味 (Jan 11, 2018) 日本奇譚全新貓頭套 超巨型心心連蝴蝶結 (Jan 11, 2018)

Read more ›
玩情懷!4月有得扭 日本橡筋槍扭蛋
by / on 21/03/2017 at 4:29 pm

玩情懷!4月有得扭 日本橡筋槍扭蛋

射橡筋呢啲嘢真係好小學雞,但又好有情懷。嚟緊又可以玩吓喇,由TAKARA TOMY推出呢款「輪ゴムGUN」扭蛋,全6種,長啲勁啲射遠啲,4月上旬發售,1回200円。 相關資訊【圖集】日本「喵插畫」超感人 貓奴必睇Twitter熱傳 (Jan 11, 2018) 【離譜】日本超強設計漢字 變老翻利是封 作者大方回應 (Jan 10, 2018)

Read more ›
日本治癒系貓扭蛋   喵星人伸腳舔毛超忘我
by / on 19/03/2017 at 11:11 am

日本治癒系貓扭蛋 喵星人伸腳舔毛超忘我

覺唔覺得喵星人舔毛嘅時候好治癒?有時心情唔好,望吓佢哋慢吞吞咁舔毛,心情都會靚返。經常出「貓扭蛋」嘅日本扭蛋公司Epoch,最近推出呢個「猫の毛づくろい まったり昼下がり」,全部喵星人都好用心咁舔緊毛。呢個系列之前推出過,不過今次嘅喵星人有唔同毛色。我最鍾意都係佢哋伸高後腳舔毛嘅動作,夠晒忘我。 相關資訊【一個人的燒肉】日本網民出韓國圖 原來日本都有 (Jan 10, 2018) 有片:番梘開窿放銀紙?日本網民教旅遊藏錢秘技! (Jan 10, 2018)

Read more ›
日本邪教喵星人扭蛋 披住毛毯圍爐取暖
by / on 15/02/2017 at 7:23 am

日本邪教喵星人扭蛋 披住毛毯圍爐取暖

專出古怪扭蛋嘅日本公司奇譚最近又有新嘢,今次係一式六款嘅喵星人,不過係披住張毯神神秘秘嘅喵,每隻唔同色嘅喵會配唔同色嘅毛毯,佢哋個樣都係木無表情,好似信咗邪教咁。儲齊6個仲可以等佢哋圍爐取暖,圍埋一齊開神秘會議。預計今年5月發售,每扭一次`300円,去開日本記住留意吓嘞。 相關資訊代替樹熊懲罰你 變種樹熊好多種 (Jan 10, 2018) 【有片】「Aqours」斉藤朱夏一日警署長 播晒歌逼爆街 (Jan 10, 2018)

Read more ›