Post Tagged with: "扭蛋"

超可愛日本柴犬扭蛋 爛瞓6式不同睡姿
by / on 19/07/2017 at 7:05 am

超可愛日本柴犬扭蛋 爛瞓6式不同睡姿

柴犬仔好得意,特別係瞓着覺嘅時候。日本扭蛋公司EPOCH經常出柴犬扭蛋,最近出到「柴犬5」,今次用瞓覺做主題,6款柴犬有唔同顏色唔同睡姿,有啲打橫瞓,有啲伏喺度瞓,全部都好可愛,每扭一次200円,柴犬迷記住儲嘞。 相關資訊【有片】日本微型玩具達人 搭車玩玩具超速度感 (Apr 21, 2018) 超可愛日本柴犬廁紙套 陪辧大事好輕鬆 (Apr 21, 2018)

Read more ›

【又嚟】 日本喵星人頭套扭蛋   「水族館」主題扮魚仔
by / on 18/07/2017 at 7:10 am

【又嚟】 日本喵星人頭套扭蛋 「水族館」主題扮魚仔

呢款貓頭套扭蛋之前都出過唔少款式,有賊仔頭巾、水果主題,今次輪到水族館嘞。都係日本嘅奇譚扭蛋出品,一共有6個款,最無奈應該係魚仔嗰款,明明食魚嘅喵星人俾條魚騎住,睇得唔食得,難怪黑晒面嘞。今個月中推出,每扭一次300円,去開日本記住扭俾喵星人做手信嘞,雖然佢唔想要。 相關資訊日本網民自製《星之卡比》麵包 擘大口超搞笑Twitter熱傳 (Apr 21, 2018) 【新片速報】日本兔仔妨礙工作 keyboard前反肚超可愛 (Apr 21, 2018)

Read more ›
【十字旋風捲電線】實用蘇聯佬 《Street Fighter II》扭蛋圖流出
by / on 10/07/2017 at 2:20 pm

【十字旋風捲電線】實用蘇聯佬 《Street Fighter II》扭蛋圖流出

有實用功能嘅扭蛋一向受歡迎,嚟緊預定10月就會有呢套喇,係《Street Fighter II》嘅蘇聯佬Zangief,最正梗係出Double Lariat轉轉轉嗰吓,可以捲住你條USB線喎!仲有十字旋風撻就係筆座,至於勝利動作就可以放首飾,真係男女合用,好實用嘅蘇聯佬呀! 相關資訊【要買】「拒否犬」扭蛋推出 全6種各300円 (Apr 20, 2018) 喵星人變晴天公仔 日本扭蛋超可愛 (Apr 17, 2018)

Read more ›
日本「熊貓之穴」新扭蛋 玩人臉甜品食慾大減
by / on 26/06/2017 at 7:14 am

日本「熊貓之穴」新扭蛋 玩人臉甜品食慾大減

又係出名創意爆燈嘅日本「熊貓之穴」扭蛋,今次夾啱夏天,佢哋推出呢款透心涼甜品系列扭蛋,不過每款食物上面都有個摩艾石像人樣‥‥‥摩艾石像係復活島出名景點,每個石像都好似人咁嘅樣,喺網上經常被惡搞,今次將夏日食品包括布甸、車茄子、香蕉、蜜瓜、雪糕加咗人樣,令人食慾大減呀!不過又好想儲齊一套。7月底發售,鍾意「熊貓之穴」系列嘅記住留意吓嘞。 相關資訊貓奴要去 日本吉祥寺「貓Cafe」超靚建築 (Apr 20, 2018) 日本超嗲企鵝仔 貼實飼養員唔願走開 (Apr 20, 2018)

Read more ›
【有片】日本扭蛋「貝殼少女」    有片有訊息「你太高估我了!」
by / on 21/06/2017 at 7:47 am

【有片】日本扭蛋「貝殼少女」 有片有訊息「你太高估我了!」

一直好鍾意日本廣告公司Dentsu同玩具廠Takara Tomy合作嘅「熊貓之穴」系列扭蛋,靚得嚟又有意思。最近佢哋有新作,今次嘅主題係「貝殼少女」,一式五款,每個少女都笠位唔同款式嘅貝殼,仲拍埋片有得睇。今次系列標題「カイカブリ」除咗解「戴住貝殼」之外,仲有「高估」嘅意思,宣傳影片就係講一個女仔為咗滿足其他人對自己嘅期望而好拼命,之後身體逐漸出現變化,變成唔同嘅貝殼,最後掙脫唔到,但佢發現咁樣反而更自在,回應返今次系列主題「You overestimate me too much」(你太高估我了),日本人睇應該特別有共鳴。BTW,出扭蛋出到咁有意思,仲拍埋片,真係要買返套珍藏吓。 相關資訊【開花嘞】日本茨城超靚藍花海 攝影師相集Twitter熱傳 (Apr 20, 2018) 日本超可愛小貓熊 hea爆睡姿Twitter熱傳 (Apr 20, 2018)

Read more ›
超正日本路牌立體扭蛋     動物出沒注意!
by / on 09/06/2017 at 7:56 am

超正日本路牌立體扭蛋 動物出沒注意!

日本路牌設計精美,特別係黃黑配色好特別,祟日朋友最鍾意。日本扭蛋品牌EPOCH最近仲將佢哋立體化,推出「立體交通標識」扭蛋系列。一式六款,有「道路工事中」、「步行者專用」等等,好想儲齊一套!特別係有隻鹿飛身跳起嗰個,叫人注意前面可能突然有動物出現,有喺日本郊外揸過車嘅應該好有共鳴。 相關資訊又係時候洗牙 現役「齒科衛生士」西原愛夏初出DVD (Apr 19, 2018) 日本Kit Kat「壽司朱古力」 海膽軍艦大阪機場限定 (Apr 19, 2018)

Read more ›

【拳頭硬了】超樣衰日本扭蛋   猩猩賣顏藝太過份
by / on 25/05/2017 at 7:33 am

【拳頭硬了】超樣衰日本扭蛋 猩猩賣顏藝太過份

日本「熊貓之穴」嘅扭蛋每次都有驚喜,最近佢又公佈新系列「顔ゴリラ」(猩猩樣),一套六款猩猩走去扮其他動物,有草泥馬、狗仔、白兔、貓頭鷹、海豹同白熊,全部都配上猩猩樣,樣衰得嚟好搞笑。最正係每隻猩猩都有唔同表情,你睇扮白兔隻猩猩個樣?係咪好想揼佢?今個月29號開始發售,每扭一次200円,想買嘅記住留意吓! 相關資訊日本貓奴爛瞓唔知醒 4隻喵星人怒啤超不滿 (Apr 19, 2018) 日本酒店超創意 「三文魚主題房」食玩瞓都係魚 (Apr 19, 2018)

Read more ›
超可愛日本喵星人小擺設 攬實睫毛夾/潤唇膏
by / on 16/05/2017 at 11:05 am

超可愛日本喵星人小擺設 攬實睫毛夾/潤唇膏

日本成日有啲好特別嘅貓扭蛋,今次由EPOCH出品嘅「猫の手も借りたい」系列,一班喵星人化身做小工具,幫主人固定物品。例如「反肚貓」可以托住卷膠紙或者睫毛夾;「坐地貓」就可以月用嚟放潤唇膏,實用性唔算高,但放喺化妝枱或者書枱都可以氹到貓奴好開心。今個月開始喺日本有得扭,每扭一次200円,有朋友去開日本記住嗌佢幫你留意吓嘞。 相關資訊日本玩具連環圖攝影高手 幪面超人飛沙走石 (Apr 18, 2018) 【有片】日本女模演唱會台下自拍 Bruno Mars鬧爆丟毛巾 (Apr 18, 2018)

Read more ›
呢套正!Takara Tomy日本交通燈扭蛋
by / on 24/03/2017 at 3:39 pm

呢套正!Takara Tomy日本交通燈扭蛋

之前出過郵筒,今次就輪到「日本信号 ミニチュア灯器コレクション」,全5種有LED識著燈,抽一次300円,日本啱啱出,香港有未?要扭呀! 相關資訊【相集】日本早熟小妹妹 識擺甫超強破壞力 (Apr 18, 2018) 日本拒絕上門銷售怪招 貼亂碼貼紙好有效 (Apr 18, 2018)

Read more ›
玩情懷!4月有得扭 日本橡筋槍扭蛋
by / on 21/03/2017 at 4:29 pm

玩情懷!4月有得扭 日本橡筋槍扭蛋

射橡筋呢啲嘢真係好小學雞,但又好有情懷。嚟緊又可以玩吓喇,由TAKARA TOMY推出呢款「輪ゴムGUN」扭蛋,全6種,長啲勁啲射遠啲,4月上旬發售,1回200円。 相關資訊日本「拒否犬」升級版 兩隻聯盟唔肯返屋企 (Apr 18, 2018) 偷嚟做咩?日本大阪公園櫻花樹被剧走 (Apr 17, 2018)

Read more ›
日本治癒系貓扭蛋   喵星人伸腳舔毛超忘我
by / on 19/03/2017 at 11:11 am

日本治癒系貓扭蛋 喵星人伸腳舔毛超忘我

覺唔覺得喵星人舔毛嘅時候好治癒?有時心情唔好,望吓佢哋慢吞吞咁舔毛,心情都會靚返。經常出「貓扭蛋」嘅日本扭蛋公司Epoch,最近推出呢個「猫の毛づくろい まったり昼下がり」,全部喵星人都好用心咁舔緊毛。呢個系列之前推出過,不過今次嘅喵星人有唔同毛色。我最鍾意都係佢哋伸高後腳舔毛嘅動作,夠晒忘我。 相關資訊【身份象徵】日本UT出麥記Tee 著住買巨無霸平100円 (Apr 17, 2018) 日本設計香味火柴 「10分鐘香氣」 超方便 (Apr 17, 2018)

Read more ›

日本邪教喵星人扭蛋 披住毛毯圍爐取暖
by / on 15/02/2017 at 7:23 am

日本邪教喵星人扭蛋 披住毛毯圍爐取暖

專出古怪扭蛋嘅日本公司奇譚最近又有新嘢,今次係一式六款嘅喵星人,不過係披住張毯神神秘秘嘅喵,每隻唔同色嘅喵會配唔同色嘅毛毯,佢哋個樣都係木無表情,好似信咗邪教咁。儲齊6個仲可以等佢哋圍爐取暖,圍埋一齊開神秘會議。預計今年5月發售,每扭一次`300円,去開日本記住留意吓嘞。 相關資訊【新片速報】日本喵星人與倉鼠 超好朋友零防備 (Apr 17, 2018) 又有新發明 螢光棍加條繩變衝擊波 (Apr 16, 2018)

Read more ›
【圖集】日本喵星人扭蛋 伸懶腰打喊露超可愛
by / on 07/02/2017 at 7:13 am

【圖集】日本喵星人扭蛋 伸懶腰打喊露超可愛

之前出過舔毛貓、坐水煲貓,日本扭蛋公司EPOCH今次出貓奴最愛嘅伸懶腰貓!一式六款,其中三款係坐喺度擘大個口打喊露嘅款式,另外三款係一邊伸懶腰一邊打喊露,各有特色,但全部都勁治癒,好想儲齊一套呀!今個月推出,貓奴要留意嘞。 相關資訊【一線之差】日本網民酒杯 + 煙花圖失手 變毀滅世界奸角慶祝圖 (Apr 16, 2018) 【有片】解決家庭糾紛 日本雪櫃布甸守護者 識send訊息報寸 (Apr 16, 2018)

Read more ›
2月頭必扭 日本郵局紙箱人扭蛋
by / on 28/01/2017 at 4:04 pm

2月頭必扭 日本郵局紙箱人扭蛋

日本郵便局又有嘢出,今次已經係扭蛋嘅第2彈「郵便局ガチャコレクション 2通目」,當中包括「丸型郵便ポスト(1/15スケール)」、「小型郵便ポスト(1/18スケール)」、「郵便局看板サインライト&郵便配達員キャップ(1/12スケール)」,當中仲有北海道安平町嘅名物「雪だるま郵便ポスト」,呢套要扭喎!而且仲有埋紙箱人,扭一次300円,2月頭日本推出。 相關資訊日本「水底過膝襪」淘寶商品化 原作者Twitter分享 (Apr 16, 2018) 日本網民衝動消費 超搞笑「噴鼻水」筆袋Twitter熱傳 (Apr 16, 2018)

Read more ›
日本喼神「行李喼」扭蛋     手柄伸縮自如真嘅一樣
by / on 25/01/2017 at 7:31 am

日本喼神「行李喼」扭蛋 手柄伸縮自如真嘅一樣

有無人有儲行李喼嘅喜好?我都想,不過屋企無位。估唔到日本扭蛋公司EPOCH連行李喼扭蛋都出埋,總共有5隻色,勁在每個喼都可以打開,手柄位又可以伸縮自如,買嚟俾屋企嘅玩具玩就啱晒嘞!佢哋之前仲出過手推車、儲物箱,好正,入嚟有回帶。 相關資訊日本喵星人激似「海參」 大量網民貼圖回應 (Apr 16, 2018) 【新片速報】日本超人氣動畫新作 打籃球打到體育館淪陷 (Apr 16, 2018)

Read more ›