Post Tagged with: "扮"

睇手機扮睇書    日本超強電話套扮文青
by / on 17/04/2018 at 7:03 am

睇手機扮睇書 日本超強電話套扮文青

喺地鐵個個都拎住部手機嘅時候,點樣可以突出自己?日本有人設計咗呢款電話套,表面睇係一本書,但其實係電話套,拎佢出街即時文青味出晒嚟,仲要係日系文青!書名大概係話停止用智能手機睇多啲書咁。賣2916円,5月底發售,iPhone 6~8同Xperia XZ1 Compact都有,入嚟有得訂。 相關資訊【有片】日本文青書店旅館 儲物櫃秘道入口超特色 (Mar 8, 2018) 日本超奇妙產品 手機專用剪鼻毛機 (Jan 21, 2018)

Read more ›

【相集】超可愛日本柏餅倉鼠 扮和菓子Twitter熱傳
by / on 16/03/2018 at 7:45 am

【相集】超可愛日本柏餅倉鼠 扮和菓子Twitter熱傳

表面睇佢係一件柏餅(かしわもち),即係日本關東嘅和菓子,有塊葉包住嘅甜品,不過睇真啲,咦!原來係倉鼠嚟嘅?好多日本網民睇完都有啲肚餓,入嚟有多啲佢嘅相睇,超萌超可愛,好想咬佢一啖。 相關資訊【有片】550萬個Views!謎之中毒性 「ポッチャマ」無表情扮「登美丘高校舞蹈部」 (Apr 24, 2018) 「工口」遊戲戰利品 友情的起點 電視節目訪問外國人點解嚟日本 (Apr 24, 2018)

Read more ›
【圖集】大量喵星人扮耶穌 專瞓聖誕場景超搞笑
by / on 10/12/2017 at 2:07 pm

【圖集】大量喵星人扮耶穌 專瞓聖誕場景超搞笑

早幾日介紹過有攝影師喺紐約影到隻假扮耶穌嘅喵星人,吸引超多人分享。其實除咗呢隻之外,仲有千千萬萬嘅喵星人鐘意扮耶穌,入嚟有得慢慢睇。主要原因估計係入面有射燈有稻草,暖暖哋好啱佢哋瞓,即係好似中國人嘅神枱貓、或者日本嘅神舍貓咁。而且喵星人出名唔理人點睇。除咗瞓,佢哋仲會搞破壞,大量罪證,好過份呀! 相關資訊喵星人變晴天公仔 日本扭蛋超可愛 (Apr 17, 2018) 【新片速報】日本喵星人與倉鼠 超好朋友零防備 (Apr 17, 2018)

Read more ›
【為呃Like】Facebook扮多朋友 日本新興出租朋友服務
by / on 15/03/2017 at 7:33 am

【為呃Like】Facebook扮多朋友 日本新興出租朋友服務

出租男女朋友淘寶都有,不過日本呢間「Family Romance」嘅公司就主打出租朋友,而目的係令你喺社交媒體「睇落好受歡迎」!可以根據個人喜好揀性別、年齡或者服裝,約好時間地點,呢班老臨就會出動,然後同你慶祝生日、BBQ,隨你鍾意,之後你就可以有好多相放上網,等人知你幾受歡迎,生活幾咁精彩。有「疑似」用家分享話佢試過租咗10個成員同佢喺東京酒店慶祝生日,又自備埋蛋糕一齊selfie。不過問題就嚟嘞,如果佢本身搵唔到10個朋友同佢慶祝生日,其實佢嘅社交網絡又有無咁多人關注或者睇佢嘅相呢?不過官方就話呢個服務可以俾你嘅僱主、同事或者前度男女朋友睇。好嘞,如果你真係有興趣,都要有返咁上下經濟能力先得,因為每次出租成員最少要book兩個鐘,盛惠8000円。如果想要10個朋友同你慶祝,埋單人頭費就要8萬円,即係港幣5千零蚊,仲未計食品、飲品、交通費等等開支,仲要兩個鐘內完成,呢個呃like行動睇落都幾貴吓,香港嘅霞姨可以考慮吓。 相關資訊【有片】日本奇妙影片系列 火速Reload換廁紙筒 (Apr 24, 2018) 爽到咁!日本漫畫家工作間變3種形態 (Apr 23, 2018)

Read more ›
IKEA搞facebook扮嘢比賽   扮傢俬贏禮券
by / on 05/09/2014 at 12:08 am

IKEA搞facebook扮嘢比賽 扮傢俬贏禮券

Cosplay動漫人物成日見,不過扮成一件傢俬/家品都係第一次見。最近馬來西亞IKEA搞咗個facebook活動,叫fans扮成IKEA產品再影張相放上網,有機會贏到IKEA購物禮券,最終有過百人參加,有人扮鬧鐘,有人扮吊燈,連盆栽都有人扮!剛剛公佈咗21位勝出者,大部份都係當堂嚇一跳‥‥‥極有東南亞風味。 相關資訊【峰迴路轉】IKEA買錯藍色廁所板 阿媽抓狂阿囡揭真相 (Apr 7, 2018) 日本McCafe焦糖爆谷系列 3款產品超邪惡 (Dec 27, 2017)

Read more ›
幾可亂真!PS3手掣噴灰色   假扮PS1手掣
by / on 07/07/2014 at 7:11 am

幾可亂真!PS3手掣噴灰色 假扮PS1手掣

差啲比佢呃倒!呢個貌似PS1嘅手掣,睇真啲其實係PS3手掣!外國Reddit網友lazermajor可能好懷念PS1手掣嘅灰色色調,而咁啱PS3有黑有白有紅有藍,就係無出灰色,可能都係拍大家會搞亂,於是佢唯有自己噴一隻灰掣滿足吓。對比返PS1手掣,呢個掣中間少咗ANALOG嗰粒長方掣,仲少咗條線,不過佢好有心,將中間粒圓形透明掣嘅P字logo變成以前版本嘅彩色,其實我覺得呢個P字彩色logo仲靚,點解官方要改呀? 相關資訊【有片】1分鐘睇晒 40年間遊戲手掣變化 (Apr 13, 2018) 【有片】Switch更新隱藏功能?支援用GameCube手掣 (Oct 24, 2017)

Read more ›