Post Tagged with: "揮春"

《古惑仔》送財神揮春 陳浩南重遇采妮好有Mood
by / on 14/02/2018 at 12:22 am

《古惑仔》送財神揮春 陳浩南重遇采妮好有Mood

講得出做得到,牛佬繼續送禮,今期第2104期《古惑仔》送賀年財神揮春,開心。本身揮春係有兩款嘅,但唔知點解我樓下公仔書檔只見陳浩南版本,上網見有師兄Post咗大飛版本,搞到我想買兩本公仔書撐一撐牛佬都唔得,或者咁啱俾人買晒喇。另,今期封面陳浩南同采妮對望個構圖好有Mood,食啱情人節氛圍,尤其內文「男女感情,就是一件這麼奇妙的事。不管你是甚麼年紀,不管你智慧有多少,不管你是貧窮或富有……只要你一旦在意,而又即將面對時……心裡還是忐忑不安,卜卜亂跳,控制不來,也驅之不散」呢幾段旁白,睇到我都有少少諗番起以前啲Ex,牛佬起字係幾能夠惹起人共鳴嘅。字好,但有少少嘢想插一插,又係老問題,畫到好大格呀,第九頁隻小腿加高跟鞋、第三十一頁嘅陳浩南倒抽一口涼氣,真係大格到過份咗少少喎,希望可以正視吓喇,《古惑仔》死忠Fans敬上。 相關資訊《古惑仔》送超靚素描年曆卡 伊文華過唔到狗年? (Feb 15, 2018) 讀者熱烈討論 《古惑仔》牛姑使唔使死? (Jan 23, 2018)

Read more ›

阿塗好創意 年宵出摺紙小攢盒+畫揮春
by / on 12/02/2018 at 3:43 pm

阿塗好創意 年宵出摺紙小攢盒+畫揮春

創意呀,我見到創意呀,阿塗將會喺維園年宵,出售中看中用兼中玩嘅摺紙小攢盒,外形四四方方,顏色大紅大橙,非常應節。係,係要摺嘅,吓?唔識摺紙,後面印埋說明書喎,咁都唔識的話,我都幫你唔到。另,當日阿塗會駐場畫揮春,無錯係畫,有字有畫嗰隻,有辦你睇,啲揮春祝賀語一樣咁有創意架。 相關資訊DDED年宵搞「旺國冒牌樂園」 即畫獨一無二唔似顏繪 (Feb 7, 2018) 努力!奮鬥!阿塗出2018年曆Postcard! (Dec 16, 2017)

Read more ›
《古惑仔》送Q版迷你揮春
by / on 08/02/2018 at 6:45 pm

《古惑仔》送Q版迷你揮春

就嚟過年,牛佬好識做,喺今期第2103期《古惑仔》隨書附送Q版迷你揮春兩大張,分別係Q版梁家仁嘅「家宅平安」同Q版李志高嘅「吉星高招」,仲講到明嚟緊幾期會繼續送添。雖屬小小禮物,但都開心嘅,好意頭吖嘛。最重要係,《古惑仔》係唯一初一嗰個禮拜依然會出書嘅港漫,你知喇,成個禮拜無公仔書睇,好籮籮攣架嘛。 相關資訊神奇膠唱《古惑仔》主題曲 《同擔日月天》又唱又Rap (Jan 1, 2018) 《古惑仔》大飛識飛? 由香港仔跑到荔枝角? (Dec 28, 2017)

Read more ›
英雄所見樂瞳 至Goal Club免費派揮春
by / on 06/02/2018 at 12:00 am

英雄所見樂瞳 至Goal Club免費派揮春

好事呀,樂瞳寫真集《See La Cilla》重新加印上架,早幾日仲去埋「至Goal Club」搞簽名會宣傳,成件事直頭雙贏喇。開心事唔好停,「至Goal Club」老闆決定免費送出「英雄所見樂瞳」賀年揮春,係,唔使幫襯,係直接派,同老闆講聲多謝,順便講多句賀年說話喇,就可以免費擁有嘞。除咗多謝老闆,我哋都好應該多謝神奇小子陳奇源,因為揮春就係出自佢手筆嘞,多謝晒。 相關資訊樂瞳現身「至Goal Club」簽名 寫真集《See La Cilla》重新上架 (Feb 2, 2018) 幫襯至Goal Club/食車仔麵 送甘小文《至Goal 12球星月曆》 (Jan 5, 2018)

Read more ›
台灣高手毛筆揮春 紅色渣古「福運三倍」
by / on 29/01/2018 at 4:20 pm

台灣高手毛筆揮春 紅色渣古「福運三倍」

有咩機動戰士最適合賀年?梗係紅色好意頭。台灣這位高手Sting Leon就製作咗兩款馬沙專用渣古揮春,參考RG擺姿勢畫出,超有型,而且最正係「福運三倍」!計我話,運氣嘅嘢你識條揮春咩?另外,同場仲有鐵甲萬能俠版,都正! 相關資訊【台場大雪】真正白色獨角獸 雪中爆甲超有型 (Jan 22, 2018) 【可以換模型】一日全65站制覇 日本傳媒試玩JR東日本Gundam活動 (Jan 11, 2018)

Read more ›
丟那星賀年揮春+利是封+貼紙 我真係恭喜你呀!
by / on 24/01/2018 at 1:59 pm

丟那星賀年揮春+利是封+貼紙 我真係恭喜你呀!

倒數中喇,仲有唔夠一個月就農曆新年喇,我好期待呀,「丟那星」呢堆賀年精品,唔知啱唔啱大家心水呢?依家逐樣同你數,主要分以下三大類別──「小人退散+人人有腦用」揮春一套兩款$38、「我真係恭喜你呀」利是封一包10個$38、「小人退散+人人有腦用」貼紙一套兩款$20,散買可以,唔同類別Mixed埋嘅套餐亦有。啲口號咁啜核,點只恭喜你,直頭笑死你呀。 相關資訊張君豪送賀年Postcard 蛋散變英雄 (Feb 7, 2018) 俊?邊度俊呀?睇過…… 「賤人新世紀」利是封笑爆嘴 (Jan 12, 2018)

Read more ›

幫襯收藏家港漫專區 即送邱福龍/夏偉義揮春
by / on 19/01/2017 at 9:00 am

幫襯收藏家港漫專區 即送邱福龍/夏偉義揮春

正,又有嘢送,依家去「收藏家港漫專區」,唔理你買乜,亦唔限你買幾多錢,總之一有幫襯,即送一套四款賀年揮春,揮春係未劈開版本印刷品,唔係親筆畫,分邱福龍同夏偉義兩款選擇,各送100套,送完即止。想儲,唔該快快去信和一趟,報告完畢。 相關資訊買《山海逆戰》送2018年曆卡 (Jan 25, 2018) 《金漫畫》四至六期$98 幫襯「收藏家港漫專區」送紀念卡 (Jan 17, 2018)

Read more ›
【有片】范國威又露兩手  賀年畫雞贈街坊
by / on 08/01/2017 at 7:15 pm

【有片】范國威又露兩手 賀年畫雞贈街坊

  范國威喺美國三藩市藝術大學畢業,手畫直頭係強,年年臨近農曆新年都會替街坊畫賀年畫,今年都唔例外。出年肖雞,當然畫雞,《金雞報喜》、《迎春》、《頌春》同《金雞獻瑞》四畫直頭當揮春咁貼喺屋企都唔失禮,唔係印刷品,保證張張獨一無二。想索畫,聽日唔該夾啱時間入大埔,就算攞唔到賀年畫,都仲有大量手寫揮春索取,意頭嘢,彩記得要攞。 相關資訊范國威年畫 水墨狗水準之作 (Jan 8, 2018) 專業水準怒目悟空!范國威原來識畫畫! (Jan 18, 2016)

Read more ›
用手機寫揮春   Google新春程式好好玩
by / on 19/02/2015 at 5:49 pm

用手機寫揮春 Google新春程式好好玩

雖然Google係美國公司,又退出咗大陸市場,不過都無忘記中國人嘅農曆新年,趁羊年出咗個叫「Google洋灑新願」嘅寫毛筆揮春程式,手機、Tablet或者電腦都玩得,今日仲見倒好多人喺facebook share,除咗用mouse,仲可以用手指touchscreen畫兩筆,玩完可以喺facebook分享吓。睇返其他人嘅作品,估唔倒原來咁多人都寫得一手好字,我都試過,不過寫得太肉酸,唔係幾好意思放出嚟比大家笑‥‥‥ 相關資訊今年「箱根駅伝」最搶鏡 唔係跑手係「麵包超人」 (Jan 2, 2018) 日本新年 遊戲單位賀圖集(下) (Jan 1, 2018)

Read more ›