Post Tagged with: "攝影師"

驚嚇相集   馬騮戴面具細膽勿入
by / on 17/10/2013 at 7:37 am

驚嚇相集 馬騮戴面具細膽勿入

日日開著電視都見倒羅蘭姐跳舞,哈囉喂似乎同我好有關係。不過要我覺得都係留喺屋企上網安全啲,點知又比我見倒芬蘭攝影師Perttu Saska呢輯好似《娃鬼回魂》嘅驚嚇相集,認真時運低呀!講返輯相,全部嘅model都係馬騮仔,不過著咗套人類嘅服裝,再笠咗個面具,場景仲要陰森恐佈,驚嚇怪異程度爆燈,自認大膽嘅先好入嚟睇,睇完今晚發惡夢唔好賴我呀。 相關資訊【相集】日本攝影師超靚相集 東京大雪全紀錄 (Feb 9, 2018) 宇宙最崩壞攝影師 全家變LEGO人網上熱傳 (Jan 16, 2018)

Read more ›

動感牛奶妹年曆   真牛奶潑上身
by / on 11/10/2013 at 7:12 am

動感牛奶妹年曆 真牛奶潑上身

呢輯相我睇完再翻睇再翻睇,對我嚟講似乎有好大嘅吸引力。你唔覺咩?啲牛奶幾有動感?點解撥喺身嘅牛奶可以剛剛好變成一條裙?呢輯牛奶妹相集叫「Milky Pinups」,出自倫敦攝影師Jaroslav Wieczorkiewicz手筆,每張相真係有撥牛奶上身,不過要做到咁密集效果要靠後期加工,裙身加左幾十層牛奶layer先做倒咁實色嘅效果。仲有,睇making of相片見倒model有著褲仔,都好正常吖。攝影師已經決定將呢輯相製成2014年年曆發售,造福人群。 相關資訊【圖集】冰天雪地鹿仔相 超應節聖誕啱睇 (Dec 24, 2017) 日本熱傳超靚風景相 紅葉鯉魚池塘靚到似幅畫 (Dec 12, 2017)

Read more ›
廁所玩大佢     變身沙灘/ 喪屍竇/ 戰場
by / on 14/09/2013 at 2:17 pm

廁所玩大佢 變身沙灘/ 喪屍竇/ 戰場

廁所有乜好玩?原來除咗辦公,仲有好多新奇刺激嘢可以發掘,例如變沙灘、喪屍竇、地盤、辦公室甚至二次大戰現場。呢對外國攝影師組合Gerben Grotenhuis同Marc Marselje ,有日無無聊無乜job接,決定想將影樓入面嗰兩格廁所玩大佢,仲整咗個網站叫Toilet Diaries不停舖相,所有廁所變晒大大佈景,全部一級製作好認真,推介。唯一擔心係佢哋兩個去邊度解決大小事‥‥‥ 相關資訊【相集】超創意爹地PS作品網上熱傳 可愛囡囡變主角 (Feb 18, 2018) 【相集】莫斯科降雪量破紀錄 超靚相集睇見都凍 (Feb 8, 2018)

Read more ›
父子拼圖相集   相似度99.99%
by / on 11/09/2013 at 7:40 am

父子拼圖相集 相似度99.99%

你同阿爸似唔似樣?有幾似?有無佢哋咁似?英國攝影師Craig Gibson搵咗好多對父子返嚟影相,再將佢哋合併成一幅相,等你一眼睇晒兩父子究竟有幾似樣,有啲真係接近一模一樣,我有少少懷疑其實係同一個人嚟嘅。 相關資訊【相集】日本狗狗遇大雪超興奮 超靚相集Twitter熱傳 (Jan 23, 2018) 「鱷魚先生」14歲囝囝最愛攝影 超靚動物相集回帶 (Dec 4, 2017)

Read more ›
重製《ET外星人》海報    山頂捕足自拍真實版
by / on 26/08/2013 at 7:18 am

重製《ET外星人》海報 山頂捕足自拍真實版

《ET外星人》張海報堪稱電影中嘅經典,月亮前嘅一架單車剪影令人印象深刻。估唔倒瑞士攝影師Philipp Schmidli居然有膽量挑戰,用同樣構思重新拍攝一張致敬作,效果超靚,睇到我眼定定。佢先喺山上搭建一個斜台,再請嚟三位單車手踩過斜版跳起扮ET入面嘅o靚仔Elliot,最難係要校啱月亮升降時間同時跳起,為咗更像真,車頭仲裝埋個籐籃學到足,好細心。配備方面,用Canon 1D X DSLR加2x Teleconverter,鏡頭方面就用800mm f/5.6L IS,不過香港地,要搵到位置試仲難過上太空。 相關資訊「巨石強森」新戲海報被改圖 專業網民計數話「死硬」 (Feb 8, 2018) 日本賽艇海報倒轉有玄機 「挑戰」變「勝利」 「最強」變「戰場」 (Dec 27, 2017)

Read more ›
專業攝影師 火燒牛追動人時刻
by / on 18/08/2013 at 12:58 pm

專業攝影師 火燒牛追動人時刻

無論做咩職業,只要認真去做,都值得尊敬。外國網站就做咗個專題,集合攝影師們冒住各種危險影相嘅一刻,原來冒死捕捉動人影像嘅身影,先至係最動人。 相關資訊日本玩具攝影師新作 星際勇者救藪貓連環圖 (Feb 17, 2018) 【圖集】日本飛沙攝影新作 《動物朋友》決戰星戰白兵 (Jan 1, 2018)

Read more ›

糖果陣相集   罕見粉藍三角朱古力現身
by / on 15/08/2013 at 7:33 am

糖果陣相集 罕見粉藍三角朱古力現身

外國攝影師好鐘意影呢類排列整齊嘅物品相,幾得意,不過諗主題都唔易。攝影師Emily Blincoe最近影咗輯「Suger Series」嘅相集,將不同糖果以顏色分門別類,排得整整齊齊再影成一幅相,入面有好多款我未見過嘅糖,例如粉藍色嘅三角朱古力。全個系列總共有十幅圖十種主題顏色,每張都咁靚咁繽紛,睇完心情靚晒。 相關資訊【有片】超強攝影師LOGO相集 品牌LOGO變大自然靚景 (Nov 30, 2017) 【相集】波蘭山區超靚「雪景」 靚到似仙境睇咗當去咗 (Nov 26, 2017)

Read more ›
迷你版比薩斜塔    流落美國費城
by / on 06/08/2013 at 7:04 am

迷你版比薩斜塔 流落美國費城

我無去過意大利,不過細個讀書都有聽過比薩斜塔,知道佢位於意大利托斯卡納省比薩城北面嘅奇跡廣場,不過圖中呢個山寨版嘅比薩斜塔就位於美國費城嘅第五街,氣勢係就係弱啲,不過可以將街頭成日見倒嘅石柱,變成世界聞名嘅斜塔,嗰份創意真係爆燈。相片由攝影師Kate McGovern拍攝,可惜作者不詳。話時話,其實我成日都想問,街邊呢啲柱究竟有乜用途o架? 相關資訊【除咗恭喜之外】美國阿爸集100萬Like 太太同意囝囝叫「悟空」 (Jan 28, 2018) 超可愛狗狗遊超市 表現超興奮Twitter熱傳惹爭議 (Jan 6, 2018)

Read more ›
夏日溫情相集   日本攝影師影囡so fresh!
by / on 25/07/2013 at 7:42 am

夏日溫情相集 日本攝影師影囡so fresh!

之前介紹過嘅日本攝影師Klyoshimachine,影過一輯頭戴巨型Pentax 6×7嘅相集而備受注目,最近佢又有新作, 今次回歸自然,影佢兩個囡囡嘅生活照,相片清一色喺返屋企途中嘅公路上拍攝,貫徹佢嘅鬼馬作風,兩位小主角表情動作誇張得嚟好可愛,感覺好清新好夏日好fresh,誠意推介!如果你屋企都有部好耐無用過嘅單反機,係時候同屋企人影返輯靚相留念嘞! 相關資訊日本柴犬變黑人問號 估錯接受唔倒影片Twitter熱傳 (Feb 18, 2018) 日本神級寶石畫作 木顏色畫出超強立體感 (Feb 18, 2018)

Read more ›
Barbie婚後生活坎坷    真人連環圖
by / on 18/07/2013 at 7:48 am

Barbie婚後生活坎坷 真人連環圖

Barbie同阿Ken結婚之後嘅生活會係點?外國攝影師Dina Goldstein將呢對金童玉女帶返現實世界,原來佢哋激情好快減退,之後同床異夢,相對無言,最後仲捉姦在床,不過阿Ken個外遇居然係男人?!成輯相好似故事咁有晒起承轉合,結局仲好悲壯。話時話,女主角Barbie相信係真人加CG整成,不過阿Ken真係好膠好似假人。 相關資訊【相集】超強攝影師挑戰「爛景」蔗渣價錢影出燒鵝味道 (Nov 24, 2017) 【相集】超強IG攝影師過百萬followers 擅長影黑白靚相 (Nov 23, 2017)

Read more ›
相機鏡頭變手鈪      開價$2000 火速賣晒
by / on 14/07/2013 at 11:38 am

相機鏡頭變手鈪 開價$2000 火速賣晒

有無諗過將放喺屋企成個月無用過嗰部單反,拆爛支鏡再整成以下呢款手鈪?講笑啫,不過外國真係有設計師利用舊相機鏡頭整成以下多款手鈪,仲全部賣斷市!本身係攝影師嘅Stefaan duPont開咗個網站SDPNT,收集咗好多古董無用嘅鏡頭,再將佢哋改裝成手鈪喺網上發售,由於係古董,所以數量極之有限,雖然每隻要成港幣$2000,不過都極速賣晒!都係嗰句,買唔倒,自製啦。 相關資訊【新片速報】超可愛刺猬仔戴聖誕頸圈 嫌阻住一手踢開 (Dec 25, 2017) 全球最多人睇過嘅相 攝影師再拍攝3張新作 (Nov 22, 2017)

Read more ›

新片速報  橡筋綁面    西人笑住自虐
by / on 16/06/2013 at 1:51 pm

新片速報 橡筋綁面 西人笑住自虐

仲記唔記得之前介紹過嘅膠紙綑綁相?攝影師Wes Namen又有新作,今次唔玩賿紙玩橡筋,一個個外國人塊大面比啲橡筋綁住晒,好有SM感覺。不過今次全部由「受害者」自己親自綁面,睇片見倒佢哋個個都玩得好投入好high,外國人真係寧舍玩得!雖然我睇倒都覺得痛到入心。 相關資訊【呀婆走得快】日本89歲老頑童攝影師 新宿寫真展12月開幕 (Nov 13, 2017) 【相集】人氣IG攝影師 專影落雨後風景倒影 (Sep 25, 2017)

Read more ›
超能力BB圖集   跳水舞劍高空攀爬
by / on 05/06/2013 at 8:30 am

超能力BB圖集 跳水舞劍高空攀爬

呢個BB同超人無分別,識得係浴缸凌空翻騰、擒高上六呎食物架、揮舞西洋劍切生果‥‥‥嚇死一眾家長。輯相由瑞典攝影師Emi Nystrom操刀,主角就係佢嘅可愛囡囡。不過我估計呢位攝影師仲係一個出色改圖專家,因為BB囡嘅能力已經超乎常人,可惜我唔識睇瑞典文字,睇極都唔知佢究竟邊張有改圖邊張無,算啦,認真就輸了,睇完開心吓算嘞。 相關資訊【新片】日本「上野動物園」熊貓明星B 偷撞媽媽片Twitter熱傳 (Feb 2, 2018) 【大師級】麥當勞盒加iPhone影人像 超強攝影技網上熱傳 (Aug 31, 2017)

Read more ›
超級阿嫲     91歲扮超人94歲扮母雞
by / on 07/03/2013 at 4:23 pm

超級阿嫲 91歲扮超人94歲扮母雞

3年前,法國攝影師Sacha Goldberger將佢91歲嘅嫲嫲化身為女超人,影咗輯好得意嘅圖集。濶别3年,最近嫲嫲收養咗隻叫Bob嘅公雞做寵物,同隻雞一齊跳繩做運動,仲cosplay埋做母雞o忝!老實,攝影師無論概念、構圖、拍攝技巧以至後期加工都係高高手級數,最重要係嗰份孝心,我好欣賞。入嚟有得回帶睇嫲嫲超人相集,真心推介。 相關資訊【新片速報】法國沙灘木屋變《龍珠》神龍 街頭藝術家超強創作 (Dec 17, 2017) 日本超可愛祖母 見「爛牛」好心幫忙修補 (Dec 12, 2017)

Read more ›
假BB超像真! 62歲女攝影師深入戰地
by / on 20/02/2013 at 4:00 pm

假BB超像真! 62歲女攝影師深入戰地

事先聲明,以下相片可能令人情緒不安。一向我對洋娃娃都有恐懼感,尤其識眨眼嗰款。但以下呢啲,唔算係洋娃娃,因為除咗無生命之外,像真程度根本同真BB無分別!相片出自62歲嘅攝影師Rebecca Martinez之手,佢深入不同組織、家庭,拍攝「收養」洋娃娃BB嘅實況。睇倒BB製作過程,我仲以為有虐B青況發生。不過要帶「BB」搭飛機,就一定要拎出嚟唔可以放入喼或手袋入面,事關過X光機時,職員睇倒以為有個B喺袋入面,肯定有排解畫! 相關資訊【相集】日本「貓貓拳」攝影師新作 肥貓跳躍姿勢優雅 (Aug 24, 2017) 裸體雕塑着返衫 法國攝影師神級PS技術 (Aug 15, 2017)

Read more ›