Post Tagged with: "整蠱"

【新片速報】Jon Snow分享私密片 愚人節嚇爆未婚妻
by / on 11/10/2017 at 7:53 am

【新片速報】Jon Snow分享私密片 愚人節嚇爆未婚妻

Kit Harington,即係美劇《權力遊戲》嘅Jon Snow啦,佢喺劇集入面chok爆,不過現實生活中其實佢好玩得。最近佢上電視節目做訪問,期間分享咗一段佢整蠱未婚妻Rose Leslie嘅短片。當日係愚人節,Rose一向無玩開,而Jon Snow就將自己個頭嘅蛋糕放咗入雪櫃嚇佢。而被偷拍嘅Rose嘅反應超正,當然事後佢都嬲爆,話以後唔准Jon Snow咁做。不過Jon Snow喺訪問就話呢啲係結婚包埋嘅,即係似乎陸續有嚟。其實佢唔好太天真,話唔定Rose已經密謀緊報復行動。 相關資訊有片:型爆《權力遊戲》「鐵王座」!外國網民用劍仔DIY電話插座! (Sep 21, 2017) 【回帶圖】《權力遊戲》角色對比圖 皇后/兵長好後生 (Aug 29, 2017)

Read more ›

【睇見都驚】倒瀉咖啡落電腦 原來被整蠱
by / on 16/07/2017 at 10:54 am

【睇見都驚】倒瀉咖啡落電腦 原來被整蠱

呢張相第一眼見到個心真係離一離,杯咖啡倒瀉咗落部MacBook度,個Keyboard濕晒,點算好?不過睇真啲原來全部係假嘅,用嚟整蠱人最啱,而且可以防止其他人盜用你部電腦,好想買! 相關資訊【有片】造型超靚識著燈 自製《Overwatch》D.Va電腦機箱 (Oct 28, 2017) 【有片】超正PC機箱!初音箱內跳舞原來係…… (Oct 17, 2017)

Read more ›
【連環圖】日本喵星人被整蠱 梳甩毛變新髮型
by / on 06/06/2017 at 7:44 am

【連環圖】日本喵星人被整蠱 梳甩毛變新髮型

夏天又到咗喵星人甩毛嘅高峰期嘞,作為貓奴唯有勤力啲幫佢哋梳毛啦。最近日本呢位貓奴梳完毛之後就索性幫隻喵轉個新髮型,佢將執毛變成尖頂再放上貓頭,效果好punk好搞笑,不過喵星人個樣就好無奈嘞。除咗用嚟轉髮型,佢仲將執毛變成貓枕頭,又瘋狂整蠱佢。玩到咁盡,下次隻喵見到把梳應該會即刻逃跑。 相關資訊真正貓仙人!日本白貓最愛曬燈 (Nov 20, 2017) 【有片】北海道錄今季最低氣溫-17.3度 留萌市積雪60cm! (Nov 20, 2017)

Read more ›
【圖集】宇宙最爛瞓樣衰喵        畀主人整蠱照瞓到口擘擘
by / on 19/05/2017 at 7:36 am

【圖集】宇宙最爛瞓樣衰喵 畀主人整蠱照瞓到口擘擘

呢隻日本喵星人出名瞓覺瞓得超樣衰,又擘大口又反白眼又伸脷,樣衰得嚟又好可愛。最近佢又俾主人整蠱,今次趁佢瞓覺時放啲嘢上佢身,開頭係一盒紙巾,之後加埋手掣、銀包、遙控器,但係呢隻爛瞓喵似乎完全無諗住起身,仲瞓到擘晒口,太過份!入嚟有多啲呢隻喵嘅生活照回帶,證明佢真係好爛瞓。另外雖然佢瞓著咗係好樣衰,但未瞓前其實好靚好高貴。 相關資訊日本另類麻雀Twitter熱傳 百潔布/刷膠全部變麻雀 (Nov 20, 2017) 【理想與現實】迪士尼煙花相崩壞版 日本網民分享失敗作 (Nov 20, 2017)

Read more ›
有片:靚女整蠱靚女 地拖濕身沖涼灑麵粉
by / on 12/04/2017 at 9:15 pm

有片:靚女整蠱靚女 地拖濕身沖涼灑麵粉

嘩,乜玩到咁大,趁朋友訓著覺畫佢大花面,畫嘅係男人把柄;趁朋友唔為意兜嘢噬埋去,搞到爆穀盒撞嘴;趁朋友訓著覺用地拖拖佢,搞到成身濕晒;趁朋友倒垃圾,事先匿喺垃圾桶嚇佢;趁朋友睇到聚精會神,一下將佢手機撥落泳池;趁朋友背住自己,用棍一嘢隊佢菊花;趁朋友沖緊涼,用麵粉灑佢……咁低能兼無聊嘅玩意,如果呢對朋友係男人的話,我保證你唔會睇,但如果係女人,仲要係靚女,咁就另一種講法,原來靚女整蠱靚女,係咁好睇嘅。 相關資訊【有片】靚成咁其實係男人 日本藝人「靚女」相Twitter熱傳 (Jul 2, 2017) 有片:撩鬼攞命!用槌扑用水沖!毀滅女朋友化妝品! (May 22, 2017)

Read more ›
日本被封印的狗狗   姪仔大整蠱Twitter熱傳
by / on 28/01/2017 at 1:26 pm

日本被封印的狗狗 姪仔大整蠱Twitter熱傳

之前都有人試過畫過圈困隻喵星人喺入面,今次呢個仲大陣仗,有日本網民話自己姪仔幫隻狗「封印」,原來係搵咗好多本故事書楝起圍住隻狗狗,狗狗個樣超無奈又有啲可憐,不過依然唔敢走出去好乖豬。張相喺Twitter好多人RT,入嚟有多啲呢隻狗狗嘅相睇。 相關資訊冬天冷衫「去毛粒」秘訣 日本網民分享100円店寶物 (Nov 20, 2017) 【新片速報】日本超嗲喵星人又出動 遇天敵「吸塵機」即變靜音 (Nov 20, 2017)

Read more ›

【有片】玩VR過山車被整蠱   嚇到失平衡大叫Twitter熱傳
by / on 12/11/2016 at 1:28 pm

【有片】玩VR過山車被整蠱 嚇到失平衡大叫Twitter熱傳

有無咁誇張?下次如果陪朋友試VR,千祈唔好嚇佢嘞。日本Twitter最近熱傳呢段片,事發地點應該係外國。有個鬼佬喺商場戴住VR眼罩試玩過山車遊戲,可能真實得滯,途中佢個朋友喺後面推一推佢,點知佢嚇到跣落地,之後仲好似失平衡咁,又大叫又左搖右擺,最終要幾個大漢衝前幫手扶起佢。BTW,幾時都話最開心係睇人玩VR,你睇拍片嗰個笑得咁開心就知。 相關資訊日本媽媽刺繡「勇者雷登」機械人咕臣 超有愛Twitter熱傳 (Nov 19, 2017) 【有片】親身拆車 《Street Fighter II》打車關卡玩VR (Nov 19, 2017)

Read more ›
有片:打爆紙袋扮中槍嘔血!女朋友嚇到喊!
by / on 11/10/2016 at 9:00 am

有片:打爆紙袋扮中槍嘔血!女朋友嚇到喊!

我衰,我認我係非常鍾意睇啲整蠱女朋友短片嘅,一見到啲女朋友嚇到依嘩鬼叫,我就開心架喇,例子有以下呢個詐死嚇女朋友Prank,道具唔使多,假血加一個紙袋就夠,方法係趁女朋友上咗樓,男朋友喺嘴邊畫定假血,喺地下又倒定一笪假血,之後打開大門對空氣說話,扮到好似有壞人闖入屋咁,再之後吹脹紙袋再打爆佢扮槍聲……就是如此這般,女朋友已經嚇到梨花帶雨,跑上跑落搵電話打算報警,一臉彷徨嘅表情同全身軟晒嘅肢體動作,非常之我見猶憐,但我越睇就越開心,係,我認我係變態嘅,哈哈…… 相關資訊洛克人女朋友睡衣 連頭盔大炮賣5500円 (Sep 26, 2017) 女朋友回來了!《Love Plus》新作始動! (Aug 25, 2017)

Read more ›
【仲襯】賤熊被整蠱網民狂RT 藏身氣球變打劫笨賊
by / on 02/10/2016 at 11:12 am

【仲襯】賤熊被整蠱網民狂RT 藏身氣球變打劫笨賊

好殘忍!雖然某程度嚟講又好襯賤熊。最近有日本網民放咗呢兩張圖上網,引起好多人RT。相中嘅賤熊本來好可愛咁藏身喺個星星氣球入面,唔知邊個咁有創意,將個氣球真空化,就咁,賤熊就變成一個笠住絲襪打劫嘅笨賊,個樣仲即刻老咗殘咗,不過但都係嗰句,呢個造型仲襯佢。 相關資訊日本毛公仔被遺棄街頭 流浪貓識欣賞相依為命 (May 31, 2017) 【有片】日本便利店持較剪打劫者敗走 網民瘋狂恥笑 (Sep 11, 2016)

Read more ›
【有片】嚇到飛天!兩面鏡透視修女 《THE CONJURING 2》宣傳大整蠱
by / on 29/09/2016 at 10:25 pm

【有片】嚇到飛天!兩面鏡透視修女 《THE CONJURING 2》宣傳大整蠱

呢套戲香港上完幾月喇,不過呢條宣傳片就啱啱見到,好值得睇番。工作人員製作一間房,房入面有塊鏡,塊鏡其實可以透現後面嘅嘢,之後就搵整蠱對象喺呢間房等一等,咁好多人見到鏡都好自然走埋去照……最後嗰位男士都好衝動,好彩冇傷。 相關資訊有片:疑似殺人犯大棍藕爆頭 嚇到途人走夾唔抖 (May 8, 2017) 有片:超低能但搞笑 拉凳仔跌到一仆一碌 (Oct 19, 2016)

Read more ›
有片:大整蠱!維修手機打爆Mon收場!
by / on 12/09/2016 at 9:15 pm

有片:大整蠱!維修手機打爆Mon收場!

過三兩日iPhone 7就正式首賣,不如睇番條關於手機維修嘅整蠱人短片?如果你入維修店想修理手機電池,店員一手將電池掟落地然後話:「壞咗咯,你不如買個新架喇。」你會點?又,如果,你發覺個Screen鬆咗,拎去維修,店員二話不說用鎚仔亨爆個Mon,你又會點?又,如果,你話畀店員聽手機連接電腦後出現「Not found」字樣,而店員咁樣答你話:「點解部電腦要識得搵部手機呢?」你又會點?睇番被整蠱者嘅表情反應。 相關資訊【有片】貓奴冬天要買 日本保暖手套支援手機觸碰 (Oct 18, 2017) 日本超可愛動物手機配件 保護叉電線咬實唔放 (Sep 28, 2017)

Read more ›

有片:偷食Oreo吖嗱!用水淋醒女朋友!
by / on 13/08/2016 at 9:45 am

有片:偷食Oreo吖嗱!用水淋醒女朋友!

又係痴線的!偷食咗包Oreo之嘛,都唔咁大忝罰呀呀,所以我好懷疑呢個係藉口,片中男友根本就有心拍低女友醜態,放上網俾人笑。女朋友就慘豬豬咯,訓得好好哋,分分鐘發緊綺夢,就喺毫無防備嘅情況俾水淋醒,難怪佢事後粗口連篇……話時話,放諸香港,你又敢唔敢咁樣整蠱你女友?Please記住,港女喎,唔玩得架喎……哈,諗吓好喇。 相關資訊【新片速報】水瀨仔攬實毛公仔女朋友 超萌影片Twitter熱傳 (Aug 25, 2017) 有片:突然被抽水!摸你大髀你會點? (Apr 23, 2017)

Read more ›
有片:超賤整蠱!低頭族小心!Cream兜面拍落嚟!
by / on 12/08/2016 at 9:30 pm

有片:超賤整蠱!低頭族小心!Cream兜面拍落嚟!

無時無刻都掛住Loop手機嘅低頭族要小心,《Pokemon》可以玩,但玩嗰陣都唔該你一眼關七,慎防有三九唔識七嘅無聊人偷偷閃埋身,之後一碟Cream兜面拍落嚟。嬲?梗嬲喇,但可惜,有心裝無心,整蠱人嗰個次次都走得甩,而成面Cream嗰個,一係就呆在當場不知所措,一係就大吃一驚唔知追好定唔追好,一係就立即開步跑企圖捉到兇手。呢個Prank,睇就好笑,但如果俾人整蠱嗰個係你,我保證你一定笑唔出。 相關資訊日本名古屋公園「低頭族」陷阱 網民話似遊戲畫面 (May 2, 2017) 有片:明玩嘢!電梯內三唔識七接吻! (Apr 11, 2017)

Read more ›
有片:另類善事!作勢整蠱流流漢!銀紙照頭淋!
by / on 13/04/2016 at 10:00 am

有片:另類善事!作勢整蠱流流漢!銀紙照頭淋!

做善事都有好多方法,唔使下下都用「憐憫→施予→接受→感恩」呢個務必賺人熱淚嘅模式。唔流眼淚,笑又得唔得呀?絕對得!就好似呢條短片咁,兩個大男孩當街當巷拎住個大水桶,專搵流浪漢、乞丐同街頭賣藝者作勢照頭淋,淋嘅一樣係水,不過此水不同彼水,而係花綠綠嘅鈔票。流浪漢同乞丐初頭以為俾人恰,到知道係派錢之後,無不笑逐顏開,呢個世界多啲好人好事,多啲笑聲,咁咪Very good囉。 相關資訊【悲劇】日本曳狗咬爛主人銀紙 網民出圖救亡 (Aug 17, 2017) 【睇樣知幾錢】日本超創意利是封 新垣結衣變銀紙樣 (Jan 1, 2017)

Read more ›
有片:計錯!佢真係計錯!數學題整蠱女朋友!
by / on 30/03/2016 at 10:00 pm

有片:計錯!佢真係計錯!數學題整蠱女朋友!

好鍾意睇呢類數學題整蠱女友嘅短片,見到女友們一臉認真出埋手指都計唔到嘅傻更更表情,好難忍住唔笑。今次嘅數學題係──兩兄弟,大哥4歲,細佬年齡係大哥嘅一半,咁大哥100歲嗰陣,細佬係幾多歲呢?答案係……唔係嘛,你真係諗唔到?唔好嚇我呀。 相關資訊【IQ題】30秒答啱IQ有130 數學題日本網民瘋狂玩 (Sep 13, 2016) 有片:肉貼肉!同靚女友浸冰水浴!凍極有限! (Aug 18, 2016)

Read more ›