Post Tagged with: "方法"

【圖解】日本Twitter熱傳 落雨天揸遮正確方法
by / on 29/10/2017 at 12:26 pm

【圖解】日本Twitter熱傳 落雨天揸遮正確方法

落雨天最顯露出一個人嘅公德心同細心,擔住遮行簷篷真係人見人憎,除咗呢樣呢?日本最近有人喺Twitter出咗張圖,叫大家拎遮時小心插到後面小朋友隻眼,之後另一位網民再出圖標記出8種高危嘅揸遮方法,仲有正確揸遮指示,仲有動畫師「鉄拳」都畫咗一幅畫,入嚟有得慢慢睇。重點係把遮要同自己身體成水平線,細心啲其實唔難。 相關資訊新片速報 PS4《幪面超人 巔峰戰士》「南光太郎」Black參戰! (Nov 23, 2017) 日常生活二次元化 全40種各300円「主角透明濾鏡」 (Nov 23, 2017)

Read more ›

日本雨傘防失踪方法 扮警局財物網上熱傳
by / on 22/09/2017 at 7:12 am

日本雨傘防失踪方法 扮警局財物網上熱傳

日本治安雖然好好,不過依然經常出現雨傘失踪事件。為咗防範被偷或者誤取,最近興起喺遮柄度貼張警局嘅貼紙,成效似乎唔錯。不過呢位網民話扮警察唔係幾好,於是自製咗「內務省警保局保安課」同埋「首都圈治安警察機構警備部」嘅貼紙,前者喺好多年前已經解散咗嘅機構,後者就係來自2000年嘅動畫《人狼》(JIN-ROH),網民都讚佢係天才,如果有得俾你發揮,你又會改咩名? 相關資訊可以咁樣玩!螢光耳環變玩具螢光棒 (Nov 23, 2017) 日本「DJ社長」惡搞雙馬尾囡囡 超醜造型Twitter熱傳 (Nov 23, 2017)

Read more ›
【長知識了】日本雞仔腳撐開企唔穩 獨門方法兩日醫好
by / on 20/04/2017 at 7:16 am

【長知識了】日本雞仔腳撐開企唔穩 獨門方法兩日醫好

長知識了,日本人對小動物好有研究,「北九州市立総合農事センター‏」最近喺Twitter放咗幾張雞仔相。原來呢隻雞仔兩隻腳仔撐開企唔穩,呢種情況間中都會發生。不過原來有方法可以幫到佢哋,就係用塊海棉挖兩個窿固定雙腳位置,然後放佢哋入個體積相近嘅容器入面。過1-2日雞仔就會可以合返埋對腳企得穩,好有效!不過醫好之後嘅下場會係點? 相關資訊有片:日本YouTuber大整蠱 飯檯標出大隻佬嚇祖母 (Nov 22, 2017) 【有片】日本浸浴喵 浸到想瞓游埋水 (Nov 22, 2017)

Read more ›
日本網民自製士多啤梨酒     完成品超靚好味到尖叫
by / on 18/03/2017 at 10:07 am

日本網民自製士多啤梨酒 完成品超靚好味到尖叫

睇完好想試呀!日本士多啤梨又甜又好味,用嚟釀酒應該好正。最近有日本網民自製咗呢款士多啤梨酒,喺Twitter勁多人RT。首先將士多啤梨洗淨雪凍,然後放入玻璃樽入面,加啲威士忌同20克嘅糖,再放入雪櫃5日。威士忌會令士多啤梨顏色變淡,紅色會染落啲酒度,倒出嚟嘅酒紅紅哋,配埋粒白色士多啤梨超靚,佢仲話好味到尖叫!鍾意飲酒嘅快啲試吓啦! 相關資訊【新片速報】日本網民收1百萬籌碼手信 原來係火機Twitter熱傳 (Nov 22, 2017) 【新片速報】日本超可愛水瀨仔 瞓晏覺識冚被 (Nov 21, 2017)

Read more ›
【圓臉喵】日本網民影喵新方法    紙筒偷影效果超正
by / on 04/02/2017 at 12:43 pm

【圓臉喵】日本網民影喵新方法 紙筒偷影效果超正

各位貓奴可以試吓呢種創新嘅攝影方法。有日本網民搵咗個紙筒,之後引啲喵星人裝裝吓,然後就喺另一邊偷影佢,出嚟嘅效果好特別,喵星人個樣仲好得意。有網民仲幫佢將隻貓頭變成月亮,key咗喺日本夜景嘅天空度,效果超正! 相關資訊日本玩具攝影高手新作 《勇者義彥》劇照級製作 (Nov 23, 2017) 日本喵星人「謎之儀式」 猜拳決定邊個陪主人瞓 (Nov 21, 2017)

Read more ›
【朋友嘅嘢】照顧失戀朋友最好方法    10幅連環圖治療創傷
by / on 02/04/2016 at 12:34 pm

【朋友嘅嘢】照顧失戀朋友最好方法 10幅連環圖治療創傷

身邊總會遇過啱啱失戀嘅好朋友,然後你會發覺自己都唔係好識點樣安慰人,或者就算你講乜對方都唔會聽得入耳。外國插畫師John Saddington就畫咗套插畫,教大家點樣照顧傷心嘅人,首先搵條毛毯將對方捲成一條壽司卷,之後放置佢喺一個舒適嘅地方,間中攬吓佢,比佢睇佢鍾意嘅戲,餵佢食佢鍾意嘅零食,準備足夠嘅水比佢飲(因為喊得太多會缺水),睇落好簡單,但對傷心嘅人嚟講應該好work。BTW,千祈唔好狂播失戀歌比對方聽,我遇過呢啲朋友,好變態。 相關資訊日本紙箱人無處不在 超可愛插畫Twitter熱傳 (Oct 20, 2017) 日本插畫大師「招財喵」扭蛋 超可愛12月推出 (Sep 7, 2017)

Read more ›

【新片速報】喵星人都有分「左撇子」   簡單測試方法影片熱傳
by / on 21/03/2016 at 7:11 am

【新片速報】喵星人都有分「左撇子」 簡單測試方法影片熱傳

我哋會形容用左手嘅人做「左撇子」,通常佢哋嘅藝術天分都比較高。估唔到唔只人類,原來貓都有分左撇子或者右撇子。日本好紅嘅喵星人Maru最近又有新片,今次教一班貓奴測試自己嘅喵星人習慣用左手定右手,方法好簡單,喺一隻水杯入面放粒貓餅,喵星人先用邊隻手抓貓餅,佢就係慣用嗰隻手嘞。今次仲搵嚟另一隻喵Hana一齊做測試,但係Maru原來左右撇子都唔係,而係用塊臉?根據統計,大概4成喵星人用左手,5成用右手,剩底嘅係兩隻手都會輪流用,你屋企隻喵星人係邊種? 相關資訊【新片速報】日本超嗲喵星人又出動 遇天敵「吸塵機」即變靜音 (Nov 20, 2017) 【有片】日本喵星人沉迷上YouTube 後腳伸直好識嘆 (Nov 14, 2017)

Read more ›
【多圖】喵星人取暖大法 暖爐越坐越埋燒燶毛
by / on 29/01/2016 at 7:12 am

【多圖】喵星人取暖大法 暖爐越坐越埋燒燶毛

為咗取暖,喵星人可以去到好盡。有養貓嘅都知,冬天嘅暖爐就好似貓罐頭一樣咁受歡迎,而且喵星人完全無「熱」嘅概念,只會越坐越埋個暖爐,好大膽。日本網民最近分享咗好多喵星人取暖嘅圖片,有喵星人伸直雙腳坐喺暖爐前嘆世界,亦有瞓得太埋個暖爐最終燒燶晒啲毛。除咗暖爐之外,佢哋仲有各種取暖大法,最過份莫過於瞓喺Pizza上面!BTW,忍到口齋瞓唔食其實都幾叻豬。 相關資訊冬天冷衫「去毛粒」秘訣 日本網民分享100円店寶物 (Nov 20, 2017) 日本喵星人與老鼠圖Twitter熱傳 和平共處好奇妙 (Nov 13, 2017)

Read more ›
【嘩7度】喵星人取暖大法 捐入被竇鑽入毛毛boots
by / on 23/01/2016 at 1:00 pm

【嘩7度】喵星人取暖大法 捐入被竇鑽入毛毛boots

今朝起身望一望部手機,嘩,氣溫跌到7度!即刻捐返入暖笠笠嘅被竇,好彩今日係星期六唧。喵星人都好怕凍,網上搜羅咗大量喵星人取暖嘅圖片,捐入被竇捲實自己、瞓喺暖爐頂、鑽入毛毛Boots入面‥‥‥作為一個負責任嘅貓奴,快啲幫主子開個暖爐同冚張毯啦,又或者係時候出去買個毛茸茸嘅屋仔比佢嘞。 相關資訊貓奴狗奴「保護聖誕樹」絕招 超搞笑圖集 (Nov 22, 2017) 日本「白貓拳」圖集 埋身肉搏好刺激 (Nov 12, 2017)

Read more ›
有片 電梯急墮自保法 專家:「大字型瞓底最好!」
by / on 06/11/2015 at 7:08 am

有片 電梯急墮自保法 專家:「大字型瞓底最好!」

意外嘅嘢好難預計,所以平時睇多啲《The Walking Dead》,遇到喪屍都知點應付。另一樣好大機會遇到嘅生活災難可能就係電梯急墮,以前聽人講話嗰一刻最好跳起,咁就可以減低下墜力,不過外國MIT Center嘅專家就有唔同睇法,佢哋話最好嘅方法係大字型攤喺地,面部朝天,咁就可以將急墜力分散去身體各部份。但墮lift時真係瞓得切?而且香港嘅lift出名細,可能唔夠位瞓,慘。 相關資訊有片:明玩嘢!電梯內三唔識七接吻! (Apr 11, 2017) 【好悲】中三學生被困電梯5小時 冷靜完成所有功課背埋書 (Oct 19, 2016)

Read more ›
【兒子生性】學生住宿舍 學識大量生活技能
by / on 09/09/2015 at 7:09 am

【兒子生性】學生住宿舍 學識大量生活技能

大學生活令人好懷念,尤其是住宿舍,人生第一次無人管喎,爽到呢。因為住宿舍,大學生亦學識咗好多求生技能,仲變得好慳家添。網上搜羅咗大量學生住宿舍嘅小發明,全部都好突破,例如放個Headphone入隻杯度當喇叭;用風筒吹翻熱啲飯;將裝滿熱水嘅水煲責住件衫當燙斗;用咖啡機煮意粉‥‥‥全部都創意無限,雖然未必有效,但阿媽見到一定倍感安慰。 相關資訊日本網民發現生活小驚喜 矮樹倒影似戀人剪影 (Oct 10, 2017) 超強學生教科書創作圖 36張精選圖打風最啱睇 (Aug 23, 2017)

Read more ›

【貓仔很忙】新片  小朋友笨方法捉貓   超可愛網上熱播
by / on 17/08/2015 at 7:13 am

【貓仔很忙】新片 小朋友笨方法捉貓 超可愛網上熱播

小朋友天真無邪,有時仲好蠢添!好似呢段短片入面嘅男仔Ryder,喺花園度想安置好一班貓仔,於是將佢哋逐隻抱起放上草地嘅毛巾上面,咁隻貓仔一放低佢就去捉第二隻,返嚟又發現頭先嗰隻已經走咗,就係咁忙嚟忙去走嚟走去,同5隻貓仔玩捉迷藏,啲貓仔全部得幾個月大,勁可愛。最曳都係佢阿爸阿媽,係咁點阿囝捉喵星人同拍低佢嘅搞笑行徑,但就無諗過幫手嘞。據知呢5隻貓仔屬於佢哋嘅朋友,暫時由佢哋託管,媽咪仲計劃遲啲會收養其中兩隻,到時兩隻可以一手抱一隻,Ryder仔就唔駛咁輪盡囉。 相關資訊【新片速報】日本喵星人慘變踏板 食物鏈最底層逆來順受 (Jun 29, 2017) 25個慳錢汽車維修方法 百潔布/薯片筒乜都出齊 (Dec 13, 2014)

Read more ›
新片速報    自製大熱LEGO軟糖     玩得又食得
by / on 28/05/2015 at 7:24 am

新片速報 自製大熱LEGO軟糖 玩得又食得

好正!好想即刻返屋企試!呢條短片教人自製LEGO軟糖,兩日已經過百萬點擊,做法唔難,最重要都係個倒模,可以用之前出過嘅LEGO冰模,而最麻煩都係要整齊咁多隻色,食唔晒仲可以儲起佢。整完仲可以又玩又食,雖然污糟啲,但係有滿足感喎!鍾意食軟糖嘅應該好想試,鍾意LEGO嘅,更加好想搵人整比自己食!BTW,完成品睇落幾硬淨,唔知會唔會好難咬開呢? 相關資訊香港LEGO高手製作 《Macross F》VF-25可變三型態 (Oct 21, 2017) 有片:萬聖節用紙皮DIY Lego Minifigure 睇到嘢唞到氣咩? (Oct 19, 2017)

Read more ›
有片   鸚鵡表演剝牙    一擊即中好神奇
by / on 18/05/2015 at 7:06 am

有片 鸚鵡表演剝牙 一擊即中好神奇

剝牙方法有好多種,之前見過有阿爸開架真車chok甩個仔隻牙,今次呢個小朋友Anton Androshchuk都好有特色,就係搵自己隻鸚鵡幫手剝,42秒短片,睇住隻鸚鵡喺Anton個口入面搵隻鬆鬆哋嘅牙,然後用個尖嘴不停啄,最後成功剝咗!而且據聞呢隻已經係鸚鵡幫Anton剝嘅第5隻牙,好神奇! 相關資訊【有片】超正鸚鵡仔拯救喵星人片 最終被爪大報復 (Jul 24, 2017) 【新片速報】日本鸚鵡仔有新玩具 教對方講嘢超可愛 (Jun 5, 2017)

Read more ›
新片速報   10種玩火方式    睇吓好喇唔好學
by / on 26/03/2015 at 7:03 am

新片速報 10種玩火方式 睇吓好喇唔好學

呢條片好好睇,我好認真咁坐咗喺電腦前6分鐘靜靜哋睇晒。入面示範咗10個玩火方法,例如燒乒乓球啦、蠟燭搖搖板啦、燒蠟筆啦,好多都係諗過玩但又唔敢試嘅嘢。今次有得睇又唔駛清理,加埋有1080p嘅HD高清質素,睇到我嘩嘩聲,阿媽行過仲笑我話:「玩火啫,有咩咁好睇?」你唔明架喇,正如細個你都唔明「煲蠟」有乜咁好玩一樣。 相關資訊【圖集】胡迪踩完蕉皮又玩火 玩具攝影師挑戰實時拍攝 (Mar 5, 2017) 新片速報 Facebook出教學短片 教你unblock朋友 (Dec 13, 2014)

Read more ›