Post Tagged with: "日本"

【這就是氣勢】無改圖點做到?日本藝人「日村勇紀」爆氣開球
by / on 08/06/2015 at 1:19 pm

【這就是氣勢】無改圖點做到?日本藝人「日村勇紀」爆氣開球

  開頭睇呢幾張圖,我以為係網民幫佢加啲氣勢,搞到充滿動漫角色爆氣嘅氣勢。點知原來要做到呢個效果,唔駛靠電腦特技。日本搞笑藝人「日村勇紀」喺上星期一個棒球賽開球時,用「Baseball Rosin」(即係棒球投手投球前成日拋吓拋吓、保持手部乾爽以防跣手嘅粉包。)拍勻全身製造出呢個效果!背面睇超有型,但正面就……塊臉厚粉咗少少…… 相關資訊【有片慎入】日本貓玩醒曱甴 衝去貓奴一聲慘叫 (Jun 21, 2018) 【相集】日本黑喵有朋友 毛公仔狗狗擔住周圍走 (Jun 21, 2018)

Read more ›

【悼念】「秋葉原無差別殺傷事件」發生7年 路上見花束燒香
by / on 08/06/2015 at 11:11 am

【悼念】「秋葉原無差別殺傷事件」發生7年 路上見花束燒香

講起轟動一時嘅「秋葉原無差別殺傷事件」,好似已經發生咗好耐咁,原來其實只係7年前。喺2008年6月8日星期日,中午12時30分左右,有人持刀喺「東京都千代田区外神田」秋葉原殺人傷人,最後導致7人死亡,10人受傷,更加令到逢星期日12-17嘅「秋葉原歩行者天国」行人專區停開,直至2011年1月23日先再開番……今日就係事件7周年,見Twitter網民放圖,喺秋葉原路上都出現燒香台同花束悼念死者。呢啲事希望唔好再發生喇。 相關資訊【有片】日本熱傳《黑洞》手機遊戲 玩法似《塊魂》 (Jun 21, 2018) 【有片】哥倫比亞球迷侮辱日女球迷 小學雞教講「我是妓女」 (Jun 20, 2018)

Read more ›
【超得意】古怪柴犬怕出街    紥馬露雙下巴
by / on 08/06/2015 at 7:13 am

【超得意】古怪柴犬怕出街 紥馬露雙下巴

印象之中絕大部份狗狗都好鍾意出街,未行出門口淨係拎起個袋,佢哋已經會瘋狂擺尾走嚟走去,但係原來有例外,日本2ch有網友post咗好多柴犬相出嚟,相中嘅佢哋對出街表現得好唔願意,側晒頭咪晒眼紥行馬,堅持唔肯行,連雙下巴都走埋出嚟,超得意,睇真啲其中一張相見到地下旁邊有撻水漬,唔通佢想著返對鞋先出門口? 相關資訊日本扭蛋「柴犬」超可愛 指尖上的肥柴 (Jun 21, 2018) 【有片】日本球迷讚有氣度 哥倫比亞球迷恭賀日球迷再幫手執垃圾 (Jun 20, 2018)

Read more ›
日本福岡機場食正「單邊三文治」 網民表同情
by / on 07/06/2015 at 7:58 pm

日本福岡機場食正「單邊三文治」 網民表同情

都唔係第一次有人影到,之前有人話喺Family Mart買過,喺韓國又出現過,入嚟有回帶,咁今次,就係「福岡空港」喇……呢張圖喺Twitter出現之後,有人深表同情;有人話會唔會係價錢好平,咁唔怪得人;有人話係韓國製造嘅…… 相關資訊日本秋葉原神奇特飲 凍結奇異果屹立不倒 (Jun 20, 2018) 【新片速報】日本超可愛柴犬仔 矇眼笑影片Twitter熱傳 (Jun 20, 2018)

Read more ›
【有片】日本廣告拯救中年危機 巴魯坦星人 VS 巴曲頭大叔
by / on 06/06/2015 at 10:00 pm

【有片】日本廣告拯救中年危機 巴魯坦星人 VS 巴曲頭大叔

呢位中年人,喺公司唔受重視,生活又唔健康……但其實……當咸蛋超人巴魯坦星人侵襲地球時,呢位巴曲頭大叔就挺身而出!呢個係「カゴメ健康直送便」廣告,都係啲健康飲品食品,呢集只係第1集,期待佢出十字死光。 相關資訊三上悠亞著日本波衫 晒長腿撐日本隊 (Jun 19, 2018) 日本網上熱傳相片 未來世界其實係澳門景 (Jun 19, 2018)

Read more ›
日本嚴捉踩車擔遮 「究極之傘」解決雨天問題
by / on 06/06/2015 at 5:39 pm

日本嚴捉踩車擔遮 「究極之傘」解決雨天問題

日本今個月開始嚴厲執行單車交通條例,踩單車聽歌、玩電話呢啲,斷正即啪!咁如果去過日本旅行都應該見過,就係落雨天都有人照踩單車,而且仲可以擔住把遮,驚嘆佢嘅技術同時,都覺得幾危險,而且都係犯咗安全條例。於是,有網民就提議大家可以買呢個「Umbrella Hat」,喺外國出咗好耐,不過日本今個雨季應該幾啱用。$9.99美元,仲有唔同款唔同色,易襯衫吖嘛。 相關資訊日本女藝人P圖前後 超強對比Twitter熱傳 (Jun 19, 2018) 日本隊聽日出場 18歲大原優乃水著打氣 (Jun 18, 2018)

Read more ›

日本倉鼠超可愛     搞完破壞被鬧賣萌
by / on 06/06/2015 at 12:01 pm

日本倉鼠超可愛 搞完破壞被鬧賣萌

有讀者話我哋成日介紹貓,我哋都有討論過,而家幾乎每日都有喵新聞,無辦法啦佢哋真係太可愛。最近發現其實倉鼠仔都勁得意,好有潛力。好似twitter上面嘅@kawanimals噚日就分享咗右邊呢張倉鼠仔萌爆相,好快已經過千個RT,之後唔覺意我又發現另一個twitter網友@kizao000養咗隻超曳嘅倉鼠仔,成日喺屋企搞破壞,比住人捕獲就賣萌博同情,睇相真係得意到暈。 相關資訊好想打機嘅時候請狂撳!日本推出小型手掣扭蛋 (Jun 18, 2018) 日本漫畫網吧有隔音個室 網民:「係咪即係平價情侶酒店?」 (Jun 18, 2018)

Read more ›
【爆芒最痛】日本網民應急新招 用保鮮紙包實頂住先
by / on 06/06/2015 at 11:38 am

【爆芒最痛】日本網民應急新招 用保鮮紙包實頂住先

電話爆芒簡直係人生最痛,如果過埋保養期仲痛,但係爆咗嗰刻都要update上網等人安慰吓架嘛,有日本網民@sumiredooon就諗到個應急方法,就係用保鮮紙包住個芒,唔駛驚界親手,放上twitter之後好多人RT。BTW,另外有網民就用保鮮袋裝住部爆芒機,睇落厚身啲感覺仲安全。 相關資訊大阪地震 動漫迷災區震出「本子」 喜好慘被媽媽發現 (Jun 18, 2018) 【相集】日本喵星人超強「躍動感」 行動迅速充滿喜感 (Jun 18, 2018)

Read more ›
【一人一張偽娘圖】日本網民大讚可愛   偽娘2015進化回顧
by / on 06/06/2015 at 11:24 am

【一人一張偽娘圖】日本網民大讚可愛 偽娘2015進化回顧

  講真,網上嘅嘢已經分唔清乜嘢係真乜嘢係假,最近日本網民就熱烈討論圖左嗰位偽娘,唔係好靚但好Pure,有人話估唔到偽娘已經進化到呢個境界,有人大讚好可愛,仲有好多網民爭相放自己見過嘅高質偽娘圖,當然唔少得日本AV界偽娘大島薰,我哋都回顧返幾個之前介紹過嘅偽娘,等大家趁星期六日溫故知新增值吓自己,以防日後中伏呀! 相關資訊【圖集】超級英雄都會老 英雄遲暮聯想圖 (Jun 19, 2018) 日本「二足步行貓」粘土重現 超期待實體化 (Jun 18, 2018)

Read more ›
日本Twitter攝影潮流 動感旋轉貓狗
by / on 05/06/2015 at 8:15 pm

日本Twitter攝影潮流 動感旋轉貓狗

發唔發覺幫寵物影靚相係一件好困難嘅事,每次本來好萌好定嘅時候,當你按下快門一刻,佢都會擰歪塊臉……不過錯有錯著,日本有網民就放咗自己嘅作品上網,就係喵星人同汪星人fing頭時影嘅動感相,好似電鑽鑽頭咁嘅旋鑽狗,仲有貓、雀仔、倉鼠、人…… 相關資訊大阪地震 家貓瘋狂逃難 匿得就匿 (Jun 18, 2018) 【相集】日本怨念喵星人 被困1小時表情超不滿 (Jun 17, 2018)

Read more ›
日本節目街訪最難頂男裝 「宅男裝」只排第5
by / on 05/06/2015 at 4:46 pm

日本節目街訪最難頂男裝 「宅男裝」只排第5

香港嘅女士們,你哋最怕男仔著咩衫呢?我問過身邊嘅女編輯Reika,佢話最怕係白白哋少少肥嘅友仔著背心……日本之前有節目街訪咗95名囡囡,2ch網民就cap圖放咗上網討論,當中攝衫格仔恤加背囊嘅「宅男裝」只係排第5位咋!咁第1位係…… 相關資訊【新片速報】日本銀仔神人新片 枱布凌空飄浮靠力學 (Jun 17, 2018) 日本透明可樂新素材 網民狂key圖任玩 (Jun 17, 2018)

Read more ›

新片速報 日清瘋狂杯麵廣告 「佐藤健」滑麵合體機械人
by / on 05/06/2015 at 4:01 pm

新片速報 日清瘋狂杯麵廣告 「佐藤健」滑麵合體機械人

點樣滑麵呢?踩住支叉喺啲麵上面滑浪咁咪滑麵囉……呢個日清Cup Noodle廣告好沉重,睇到人好攰。「佐藤健」食完啖麵之後就進入咗瘋狂世界,當中又變身又揸機械人又盛,最後,就係話俾大家聽要「STAY HOT いいぞ、もっとやれ。」杯麵梗係趁熱食,海鮮味加TABASCO食好正o架! 相關資訊日本網民自創摺紙新玩法 雕空變骨架Twitter大熱 (Jun 17, 2018) 【有片】男兒當入獄?日本學生籃球賽中拳擊球證 (Jun 17, 2018)

Read more ›
罕見6月飛霜 日本北海道積雪5cm
by / on 05/06/2015 at 2:41 pm

罕見6月飛霜 日本北海道積雪5cm

日本就地震、火山爆,韓國就新沙士,今日沙巴又地震……而且嚟到6月5日,日本都踏入夏季,但北海道一夜間竟然仲有5cm厚積雪?喺今朝北海道上富良野町嘅「十勝岳温泉凌雲閣」呢個1.280米高地,就出現積雪,好淒美,又有啲詭異。 相關資訊【有片】有頭髮有辦法 日本髮型師又大改造 (Jun 17, 2018) 【父親節快樂】日本大堆頭畫師出圖 網民逐個認 (Jun 17, 2018)

Read more ›
【有片】路不拾遺 日本小朋友抵讚
by / on 05/06/2015 at 9:00 am

【有片】路不拾遺 日本小朋友抵讚

大人世界充滿爾虞我詐、勾心鬥角,那及小朋友思想單純、知所為而為。際此香港昏亂時刻,鬥唔過奸險小人,惟有獨善其身教好我哋嘅下一代喇。呢條短片睇得我好開心,片中個個日本小朋友都好有教養,大人專登跌銀包,佢哋個個都路不拾遺,雖然性格各異,有小朋友會顯得不知所措,諗緊點出聲提醒大人好;有小朋友執番銀包畀大人,大人無理佢,佢又擺番喺地下,好搞笑;有小朋友考慮好耐,終於鼓起勇氣同大人講跌咗銀包;有小朋友就第一時間執起銀包畀番大人,甚至拍走銀包上面嘅灰塵添。人善良正直,連個樣都可愛啲嘅,希望我哋嘅下一代,都可以咁有教養喇。 相關資訊日本Twitter熱傳「透明版可樂」 比想像中更透明 (Jun 16, 2018) 【有片】輕輕鬆鬆做武器 日本出書出片教手作 (Jun 16, 2018)

Read more ›
日本「萬年一見」美少女     NMB48太田夢莉突然爆紅
by / on 05/06/2015 at 7:16 am

日本「萬年一見」美少女 NMB48太田夢莉突然爆紅

橋本環奈越睇越靚,難怪被譽為日本「千年一見」嘅美女,之前有個20歲嘅滝口光突然爆紅,仲形容為「二千年一見」,勁你少少咁多。點知轉頭又有勁敵嘞,呢位被譽為「萬年一見」嘅NMB 48成員太田夢莉,足足係橋本環奈嘅10倍。平心而論,其實佢都幾靚嘅,網民仲搵咗佢大量水著同水手服造型,發現佢身材好豐滿,笑起上嚟又好可愛喎,不過網民就認為「萬年一見」呢個稱號誇張咗啲,仲好濫,我都覺,睇到頭暈暈。 相關資訊【新片速報】低頭族雙下巴救星 日本節目教超簡單消除動作 (Jun 16, 2018) 日本京都燒肉店 推出「藍色燒肉」撐國家隊 (Jun 16, 2018)

Read more ›