Post Tagged with: "日本"

新片速報 享受最高!浴室/睡床兩用 吹氣枕頭電話座
by / on 25/01/2015 at 5:43 pm

新片速報 享受最高!浴室/睡床兩用 吹氣枕頭電話座

識嘆就係呢啲。有咩爽得過一邊浸浴一邊滑電話或者睇片或者facebook、whatsapp?日本呢個新推出嘅產品就爽到極限喇,首先吹脹佢,之後將電話放入防水套入面再組合埋一齊,你就可以睇片上網,仲可以自拍,更可以視像通話……而且兩隻手都可以做其他嘢……例如搓毛巾。呢個產品有3隻色揀,賣2480円(防水電話套150円),入嚟有片睇示範,嘩係咁揈! 相關資訊【有片】東京大雪新宿直播 謎之男瘋狂出現 (Jan 23, 2018) 【有片】真正死亡遊戲 日本機迷玩自虐Game (Jan 23, 2018)

Read more ›

日本相撲手灑鹽似Elsa? Twitter熱傳再惡搞
by / on 25/01/2015 at 2:21 pm

日本相撲手灑鹽似Elsa? Twitter熱傳再惡搞

有睇過日本相撲比賽,都知佢哋會喺比賽前有個灑鹽儀式,一來可以驅邪,二來鹽有消毒作用,係好莊嚴神聖嘅。不過早兩日日本網友GB15【D53】喺twitter分享咗呢幾張灑鹽相,好快就有超過2萬個轉發,除咗因為張相影得靚有動感之外,仲因為令大家聯想起《冰雪奇緣》嘅Elsa,之後又有好多惡搞圖出現,似乎人類已經無法阻止Let it go嘅魔力。 相關資訊貞子突襲大阪電器店 宣傳電影B都唔驚 (Jan 23, 2018) 東京大雪 住宅門外現Baymax雪人 (Jan 23, 2018)

Read more ›
日本富士山汽水機海鮮價    山頂山腳差一倍
by / on 24/01/2015 at 3:40 pm

日本富士山汽水機海鮮價 山頂山腳差一倍

自從円跌之後,長期都好想去日本。其中富士山係我好想去嘅地方,貪佢景靚又可以露營,頭先上網見倒,原來日本周圍都有嘅汽水機,喺富士山山腳同山頂嘅價錢差好遠,即係同一罐嘢,喺山腳賣緊200円,去到山頂呢,就要500円。咁諗落都好合理吖,運送費都已經差好遠,賣咁平,到時個個都上到山頂先買,補給嗰位就好痛苦嘞。不過亦有網友留言,話10年前去都係呢個價,咁耐都無加,其實好有良心。 相關資訊【相集】日本狗狗遇大雪超興奮 超靚相集Twitter熱傳 (Jan 23, 2018) 日本超巨型牛仔褲睡袋 雙人設計一人一條褲管 (Jan 23, 2018)

Read more ›
日本豬扒餐廳 豬Manager陪你食豬肉
by / on 24/01/2015 at 10:59 am

日本豬扒餐廳 豬Manager陪你食豬肉

  唔,其實好似有啲唔妥當,當你讚緊呢隻豬經理好可愛嘅時候,你食緊嘅就係好肥美嘅豬肉,或者好好味嘅豬扒包……咁遲啲豬Manager會唔會都……日本金沢竪町通就有一間小餐廳,搵嚟一隻迷你豬做店長,佢叫「Taboo」,肥肥白白真係超級可愛,仲會同隻狗仔齊齊瞓,引嚟好多客人同佢影相……不過,咁樣,我始終覺得真係有啲唔妥…… 相關資訊【新片速報】日本喵星人狂叫要睇雪 1秒極速折返Twitter熱傳 (Jan 23, 2018) 【新片速報】日本「明星柴」雪地狂奔 鑽入雪堆超開心 (Jan 23, 2018)

Read more ›
新片速報 萌度超高!日本6米高超巨型攬枕
by / on 22/01/2015 at 8:57 pm

新片速報 萌度超高!日本6米高超巨型攬枕

呢個係通信公司「mineo」搞嘅「BIG CHALLENGE」活動第2彈,呢個攬枕真有其枕,而且真係有得抽,抽中嗰位,就可以擁有呢個6米高嘅攬枕,而且極有可能好似片中呢位毒男咁,要由窗口運入屋,之後間屋已經冇空位可以做其他嘢喇,隨咗撲落個攬枕度之外……不過話時話,阿主角幾好戲,毒性之高達到出煙程度。   相關資訊再繼續睇雪 東京白色迪士尼 (Jan 22, 2018) 繼續睇雪 秋葉原變白色聖地 (Jan 22, 2018)

Read more ›
日本炸貴婦狗 超可愛有食譜
by / on 22/01/2015 at 4:04 pm

日本炸貴婦狗 超可愛有食譜

睇相都知啦,樣似啫,用嚟炸嘅其實係雞肉。呢位日本Twitter用戶就放咗幾張炸貴婦狗嘅相,之後喺網站仲見到有食譜,紫菜做眼,其實唔難? 相關資訊【保持隊形】雪中東京站太靚 日本人都要排住影 (Jan 22, 2018) 【夢遊?】日本高校生發夢食牛角包 瞓覺真係訂咗400個 (Jan 22, 2018)

Read more ›

日本浪漫水族館 潛水員舉牌代求婚
by / on 22/01/2015 at 4:03 pm

日本浪漫水族館 潛水員舉牌代求婚

求婚有好多方法,買得大贏得大,喺公眾場合求婚,有群眾幫手,成功嘅話咪多啲人知,多啲人戥你開心,但如果被拒絕,應該都可以喺YouTube見番自己。呢幾張相係日本Twitter用戶早幾日放出嚟嘅,唔知佢哋成唔成功,不過見到啲女仔好似好驚喜咁,應該都OK啩?喺水族館求婚呢條橋講真幾有創意,同女朋友睇睇吓魚突然見到有潛水員(聖誕期間仲扮埋聖誕老人)舉起個牌喺面前出現!有得諗喎!唔知海洋公園會唔會考慮增設呢個服務? 相關資訊【有片】東京大雪警報 澀谷/新宿/池袋白色一片 (Jan 22, 2018) 日本喵星人被控「威力業務妨害」 無奈樣Twitter熱傳 (Jan 22, 2018)

Read more ›
日本模型迷 耐力的考驗 天然舊化等幾年生青苔
by / on 22/01/2015 at 1:07 pm

日本模型迷 耐力的考驗 天然舊化等幾年生青苔

你會唔會幫模型做舊化,有多高手做舊化、生鏽效果都已經做到真嘅一樣,不過呢位日本玩家「講談師七井コム斎」追求嘅就更高,就係要真嘅青苔生喺啲Gundam Figure上面……佢噴到啲模型表面好似石頭、生鏽咁,之後佢就只有等……佢仲話預咗要等幾年。不過要提提嘅係佢都唔係玩玩吓,佢仲實驗過將唔同種類嘅青苔(喺鄰居間收集)「移植」過去模型上面,仲用啲戰車先試驗一吓,效果唔錯咁話…… 相關資訊日本JR朝早全車爆滿 無公德心被暴力對待 (Jan 22, 2018) 【有片】日本柴犬出名唔肯返屋企 散步期間瞓咗 (Jan 22, 2018)

Read more ›
日本首個貧乳內衣展 目標觀眾AAA Cup
by / on 21/01/2015 at 9:38 pm

日本首個貧乳內衣展 目標觀眾AAA Cup

其實「貧乳」都有貧嘅靚,一樣都有愛好嘅人……好似「feast by GOMIHAYAKAWA」呢個日本品牌,早排就推出咗貧乳女專用嘅內衣,火速就完賣喇。今次佢嘅設計師Gomi Hayakawa就會喺2月搞一個展覽,展出以AAA至A Cup女性為目標對象嘅內衣,睇番佢之前嘅作品,唔,知足者吖嘛。 相關資訊日本戲院「暖桌」座椅 超貼心Twitter熱傳 (Jan 22, 2018) 日本真正車站上蓋住宅 0分鐘徒步到月台 (Jan 21, 2018)

Read more ›
新片速報 日本囂張的柴犬Maru 新片匿紙箱 主人瞓覺佢開燈
by / on 20/01/2015 at 3:07 pm

新片速報 日本囂張的柴犬Maru 新片匿紙箱 主人瞓覺佢開燈

呢隻柴犬我哋之前都介紹過,就係唔俾主人錫錫,又識得撳掣射水叫醒主人溫習嗰隻。啱啱佢又有新片喇,今次佢繼續不合作運動,玩同主人齊齊匿喺紙箱,主人要瞓覺佢就走去開晒啲燈,仲想推主人個頭落個蛋糕度!雖然只係做戲,但笑吓都幾好。 相關資訊日本流浪貓好聰明 書店關門後入內取暖 (Jan 21, 2018) 日本超奇妙產品 手機專用剪鼻毛機 (Jan 21, 2018)

Read more ›
新片速報 太實用了! 自製絕對領域襪帶測心跳
by / on 19/01/2015 at 9:57 pm

新片速報 太實用了! 自製絕對領域襪帶測心跳

嘩好靚呀。見到呢張相,我忍唔住撳入去睇片,又唔覺唔覺睇晒成條,於是就知道呢條係綁喺絕對領域嘅襪帶,帶有淡淡古典味又超Sexy。而且佢仲有一個重點功能喎,就可以測到囡囡嘅心跳,唔,等我諗吓有咩用先……有喇!就係可以喺同佢表白嘅時候睇吓佢心跳有冇加速,不過,係咪望住人哋隻大脾又有啲唔好意思。BTW,如果有得量埋血壓,真係超實用呀。 相關資訊日本神人超強手藝 石頭變貓頭鷹極像真 (Jan 21, 2018) 日本紙皮模型高手 率先挑戰Nintendo Labo (Jan 20, 2018)

Read more ›

衝擊結果 DIY狗屋好容易 但最後……
by / on 19/01/2015 at 6:40 pm

衝擊結果 DIY狗屋好容易 但最後……

呢個Twitter其實幾好笑,可能因為天氣凍,阿主人諗住自製一間狗屋俾隻狗狗住,於是就著手製作喇。整整吓,都好順利呀,而且睇落好簡單啫……點知,最後一張,狗狗表現得相當無奈,其實我諗主人都一樣…… 相關資訊【非法改裝】日本喵司機坐改裝「宅急便貓車」 眼望望超可愛Twitter熱傳 (Jan 20, 2018) 日本喵星人最愛白毛巾 捲埋墊頭超識嘆 (Jan 20, 2018)

Read more ›
新片速報 日本殺菌用品廣告 特撮「除菌戰士」女主角「鈴木咲」
by / on 19/01/2015 at 4:19 pm

新片速報 日本殺菌用品廣告 特撮「除菌戰士」女主角「鈴木咲」

我哋睇電視都成日見到阿威猛先生,但睇特撮片大嘅,爭一份親切感囉!呢條就啱睇喇!日本一個殺菌用品品牌就拍咗呢個「除菌戰士」系列廣告,跟足特撮有超人有怪人有必殺技,男主角空木正志係高島豪志,女主角鈴木咲,我上網睇一睇,呢個水著女優仲有好多相值得右click……入嚟有得睇,而廣告就出咗第2集喇,你睇女主角嘟嘴等你錫個樣,嗚!唔記得講,仲係幼稚園教師咁呀!嗚嗚! 相關資訊日本喵星人冬天瞓覺新位置 電腦前攬到實取暖 (Jan 20, 2018) 超靚日本Asahi櫻花啤酒 1月30日酒鬼要買 (Jan 20, 2018)

Read more ›
動畫《艦これ》實景對比 江田島海軍兵學校聖地曝光
by / on 19/01/2015 at 1:05 pm

動畫《艦これ》實景對比 江田島海軍兵學校聖地曝光

《艦隊これくしょん-艦これ-》開播咗一排喇,我諗要拋開歷史包袱先可以睇得舒服啲。原來動畫入面嘅背景,都係參照日本廣島縣嘅江田島「海上自衛隊第1術科学校(海軍兵学校)」嚟畫,仲有附近嘅「呉鎮守府」,有日本動漫迷就去影咗啲對比圖放上網…… 相關資訊【想買】日本網民設計「紙門日曆」 每過一日篤穿一格 (Jan 20, 2018) 【有片】日本網民拍片比較 露營動畫《ゆるキャン△》理想與現實 (Jan 19, 2018)

Read more ›
5pb.志倉千代丸社長撞鬼!?屋內有怪聲原來爆可樂
by / on 19/01/2015 at 12:13 pm

5pb.志倉千代丸社長撞鬼!?屋內有怪聲原來爆可樂

呢單嘢,佢自己都忍唔住要攞出嚟講吓笑。話說5pb.社長志倉千代丸,佢近排喺屋企聽到廚房入面出現怪聲,仲以為自己撞鬼,最後佢鼓起勇氣決定正面面對,入去廚房搵怪聲嘅來源……原來,就係雪櫃嘅冰格,啲汽水雪到爆咗,呢件事當中,佢話最唔明嘅係點解會有咁多RT…… 相關資訊日本黑喵慘遇小朋友 全身變玩具枱坐定定任玩 (Jan 19, 2018) 日本Felissimo超強創意聯乘 「千手觀音」耳環 / 佛手枕 (Jan 19, 2018)

Read more ›