Post Tagged with: "日本"

日本麥記抹茶味麥旋風    唔污糟好清新
by / on 15/03/2013 at 10:35 am

日本麥記抹茶味麥旋風 唔污糟好清新

實不相暪,我仲未去挑戰麥記嘅咖喱漢堡,雖然佢有啲似X,但我依然想試。而日本方面呢,就啱啱宣佈會喺5月中推出抹茶味嘅麥旋風同埋抺茶奶昔,個樣睇落好清新唔似污糟嘢,喺麥旋風入面一粒粒嘅只係Orea餅碎,去開日本一定要試。不過,點解佢杯麥旋風好似咁細杯咁嘅‥‥‥ 相關資訊咁簡單?倒瀉油好大鑊?日本網民輕鬆搞掂 (Feb 25, 2018) 【有片】呢啲就係專業!網民讚好靚 日本迪士尼「女王」演員超高傲回應 (Feb 25, 2018)

Read more ›

白色情人節   日本倒模橡皮糖冧女
by / on 14/03/2013 at 10:26 am

白色情人節 日本倒模橡皮糖冧女

今日係白色情人節,日本傳統男士會送禮物比情人或老婆或情婦作為回禮。日本涉谷FabCafe推出「情人橡皮糖」,可以將男士外貌同埋身型,透過特定程式掃描後,倒模出人型橡皮糖,價錢6000円,唔算平,但收倒嘅女士一定好冧,仲可以邊等攞貨,邊喺café談心。如果我係肥仔一定去,因為倒模出嚟嘅橡皮糖大舊啲,抵啲。 相關資訊日本畫師新作 動漫主角剪影內藏名場面 (Feb 25, 2018) 日本「貓島」太多貓要絕育 今年成功申請基金 (Feb 24, 2018)

Read more ›
星戰x Zeon手錶系列   推介黑武士/Skywalker
by / on 12/03/2013 at 7:50 am

星戰x Zeon手錶系列 推介黑武士/Skywalker

上年日本精工同Star Wars出嘅手錶,R2-D2嗰款長炒長有,而家仲賣緊過萬蚊港紙!啱啱另一手錶品牌Zeon亦宣佈推出Star Wars手錶系列,今次唔玩鋼帶玩皮帶,一套五款,有齊R2-D2、Skywalker、白兵、Boba Fett,當然唔少得大家最冧嘅黑武士,黑武士嗰款仲要係黑錶帶紅錶面,型!開價港幣$1500左右,每隻有獨立編號,唔算貴,不過我最鍾意反而係Skywalker嗰款,有埋指南針,低調得嚟夠detail。 相關資訊日本爸爸拎錯喼 開會發現入面係cosplay服 (Feb 24, 2018) 【圖集】日本「貓之日」人氣插畫師出圖 巨喵襲地球 (Feb 23, 2018)

Read more ›
新宿實況影片 停下來為311地震默哀
by / on 11/03/2013 at 3:56 pm

新宿實況影片 停下來為311地震默哀

兩年前嘅今日,下午2時46分,就係日本311大地震發生嘅時間。兩年後今日,日本已經重新振作起嚟,但重建之路依然漫長……今日日本各地都有默哀儀式,喺本時極為熱鬧嘅新宿,就喺嗰一分鐘變得完全寧靜,睇呢條日本傳媒拍嘅影片,寧靜得只聽到相機的Shutter聲,忙住工作或者放學去玩嘅人都停低落嚟…… 相關資訊日本「貓之日」Twitter洗版 大量可愛喵星人任睇 (Feb 22, 2018) 日本便利店新款「便當」 單手拎住食超方便 (Feb 22, 2018)

Read more ›
iPhone睇片變3D   日本推3D手機投射盒
by / on 11/03/2013 at 8:02 am

iPhone睇片變3D 日本推3D手機投射盒

其實我好怕睇3D電影,戴住副眼鏡睇得耐會頭暈;至於裸視3D例如3DS,我都係覺得睇到眼花花好攰。如果你無上述問題,呢個iPhone嘅3D顯示器Palm Top Theatre你可以考慮入手,開價港幣$250左右,由日本公司Pied Piper開發,將部iPhone套入專用盒內,透過幾塊鏡狀物體嘅反射,可以睇倒3D效果,睇片見倒效果唔錯,不過個芒認真細小,我睇片都有啲眼花‥‥‥ 相關資訊日本貓零食變「投藥用」 超聰明設計呃喵星人 (Feb 21, 2018) 唔覺意cosplay咗《動物朋友》 日本Twitter熱傳「かばんちゃん」 (Feb 21, 2018)

Read more ›
日本Yahoo! 311地震版頭特輯 3年目之復興
by / on 11/03/2013 at 6:35 am

日本Yahoo! 311地震版頭特輯 3年目之復興

噚日我哋搵咗啲日本東北部自2011年3月11日地震後兩年嚟嘅重建情況相片,今日上日本Yahoo!都見到有專題特輯。一入Yahoo!主頁就見藍天白雲綠草地,之後就有地震各災區嘅介紹報導同相片,仲訪問咗幾位唔好嘅人講吓喺呢兩年間嘅日子……版面砌得好靚,入去一路拉落去就有得睇,就算唔識日文,睇圖都覺得呢個專題好有意義,加油! 相關資訊日本貓睇冬奧 最愛冰壼玩埋一份 (Feb 20, 2018) 日本人形蘿蔔出頭天 大細攬枕陪你瞓 (Feb 20, 2018)

Read more ›

日本東北重生記錄 311地震兩年間 努力的成果
by / on 10/03/2013 at 6:48 pm

日本東北重生記錄 311地震兩年間 努力的成果

2011年3月11日,我記得我喺舊公司開緊工,當時仲籌備緊想5月去北海道旅行……開頭聽到呢個地震消息,以為只係普通料,因為日本人對抗地震嘅能力已經極高。但睇到輪船衝上岸、城市變成澤國、汽車被水衝走嘅畫面,先意會到有幾大鑊。呢次可以話係日本近年遭到嘅最大痛擊,不過日本人出名意志堅定又團結,經過兩年之後,之前嘅廢墟好多已經重建完成!鍾意日本呢個地方或者文化嘅你記唔記得兩年前311你喺邊做緊咩?聽日就係3月11日,雖然核災問題未解決,但都可以一齊見證吓日本人每日努力重建嘅成果! 相關資訊【有片】日本貪玩雀仔 跳風扇扇葉超可愛Twitter熱傳 (Feb 20, 2018) 【太像真】日本男生收「工具箱朱古力」 搭飛機被截查 (Feb 20, 2018)

Read more ›
體育精神超感人 中華隊對日本隊 日本球迷感謝台灣 木村都到場
by / on 09/03/2013 at 3:28 pm

體育精神超感人 中華隊對日本隊 日本球迷感謝台灣 木村都到場

雖然香港唔係好興睇棒球,但噚晚中華隊對日本明星隊嘅棒球賽嘅熱烈氣氛,有上FaceBook都感受到!雖然台灣球迷集氣失敗,最終喺延長戰輸咗,但曾經領先加上再次為台灣球迷帶回超熱血嘅棒球熱潮,呢點已經贏盡人心!講番比賽時,有唔少日本球迷都好窩心,佢哋舉起嘅牌竟然唔係寫住日本必勝或者日本加油,而係趁呢個機會感謝台灣對2011年3月11日地震核災嘅支持同捐贈!呢啲咪感動人心囉!日本人,你好嘢!另外亦有新聞報導木村拓哉都有到場睇波,仲有片睇,不過佢竟然坐喺中華隊球迷嗰邊? 相關資訊【貓奴共鳴】日本貓扭蛋 喵星人瞓電腦超寫實 (Feb 20, 2018) 【有片】日本吉祥物唔易做 玩平衡球踢牆撞甩帽 (Feb 20, 2018)

Read more ›
日本迪士尼   首個「同性」婚禮   米奇米妮陪嫁
by / on 09/03/2013 at 11:05 am

日本迪士尼 首個「同性」婚禮 米奇米妮陪嫁

打定底先,呢單嘢發生咗幾日,不過我啱啱先見倒。事緣一對日本女同性戀者東小雪同埋廣子,最近喺日本迪士尼舉行婚禮,仲有米奇米妮陪嫁,成為首對參加日本迪士尼婚禮嘅同性戀人。雖然日本仲未可以同性結婚,不過日本迪士尼最近表明佢哋嘅結婚套餐,同性伴侶都可以參加。婚禮現場有30位親友見證,都幾感人。相比起仲討論緊應否為歧視同性戀立法嘅香港,日本真係行先幾步。 相關資訊【有片】再闖日本美術館!尾道市黑貓突破防線? (Feb 19, 2018) 日本網民DIY襯衫相簿 自由配搭Twitter熱傳 (Feb 19, 2018)

Read more ›
[新片]   初音 x Domino Pizza      免費新Apps / 速遞痛車  雙連發
by / on 08/03/2013 at 5:24 pm

[新片] 初音 x Domino Pizza 免費新Apps / 速遞痛車 雙連發

嗚呀!日本初音迷真係好幸福呀!日本Domino’s Pizza 最新宣佈同初音合作,所有Pizza速遞都會用初音痛車送遞,仲喺iPhone平台推出初音Apps。呢個apps認真好玩,除咗有初音幫你GPS定位揀外送位置,仲可以用AR技術,同初音一齊影靚相,初音仲可以跳上Pizza盒上面跳舞唱歌比你睇。近似之前PS Vita出嘅《初音未來Project Diva f》嘅AR玩法,但今次可以免費下載,加埋個靚到不得了嘅初音pizza盒,呢舖日本初音迷實變肥仔咯! 相關資訊【有片】日本超大膽電視節目 「鼻接觸100%」嘉賓笑到癲 (Feb 19, 2018) 【有片】日本網民睇冬奧玩冰壼 掀起家居清潔熱潮? (Feb 19, 2018)

Read more ›
日本墮落部屋 34.6%毒女愛污糟
by / on 05/03/2013 at 10:17 am

日本墮落部屋 34.6%毒女愛污糟

日本,出名整齊乾淨,但呢個隨時只係外表,如果去到佢屋企,可能會驚一跳。日本有機構做咗個調查,搵嚟550個20歲至29歲嘅女性做訪問,當中有34.6%嘅受訪者屋企被評為不衛生。而網上都有女網民分享咗自己嘅部屋出嚟,有冇咁誇張呀? 相關資訊日本宮崎「立飲」有長腿 網民讚老闆聰明 (Feb 19, 2018) 日本女高中生迪士尼扮死 網民不滿放Twitter聲討 (Feb 19, 2018)

Read more ›

屋企賞櫻     日本Sharp三月推「櫻花燈」
by / on 04/03/2013 at 10:30 am

屋企賞櫻 日本Sharp三月推「櫻花燈」

睇新聞今年復活節好多人去京都睇櫻花,我都好想去,但無錢,諗住上網睇吓新聞當去咗。Sharp都趁櫻花季節推出「櫻花燈」,粉紅色好卡娃兒,最重要係聲稱發出嘅粉紅「暖色」光,比正常燈座嘅藍色「冷色」光,令人溫習時或工作時更專心,仲有晒數據分析,似層層。「櫻花燈」三月中有得賣,開價4萬至5.5萬円,視乎屋企呎吋而定,老實,貴過我去一轉京都。 相關資訊過年有無食肥咗? 日本熱傳「女性理想體重」算式 (Feb 19, 2018) 日本柴犬變黑人問號 估錯接受唔倒影片Twitter熱傳 (Feb 18, 2018)

Read more ›
手塚治虫紀念郵票  《小飛俠》/《怪醫秦博士》/《藍寶石王子》fans必儲
by / on 04/03/2013 at 10:12 am

手塚治虫紀念郵票 《小飛俠》/《怪醫秦博士》/《藍寶石王子》fans必儲

集郵,真係失傳已久嘅嚐好,我唔係講某某藝人嘅特別嚐好,而係真真正正傳統集郵。適逢日本神級漫畫家手塚治虫經典作品《怪醫秦博士》、《小飛俠》、《藍寶石王子》40、50同埋60週年紀念,日本郵便局推出一系列紀念套裝,每套包括郵票、信紙、信封、貼紙、明信片,賣3,150円,真係好精美。個人最鍾意佢嘅《怪醫秦博士》系列,真係心郁郁想入手。由3月1 日起喺日本郵局有得買,網上訂購5月6日開始, fans必儲。 相關資訊日本神級寶石畫作 木顏色畫出超強立體感 (Feb 18, 2018) 日本玩具攝影師新作 星際勇者救藪貓連環圖 (Feb 17, 2018)

Read more ›
培養中產品味    米奇老鼠「男孩帽」 開價2萬
by / on 02/03/2013 at 4:45 pm

培養中產品味 米奇老鼠「男孩帽」 開價2萬

中產品味要自細培養,好似呢頂有啲似官帽,又有啲似頭盔嘅日本擺設,就絕對係當中表表者。由日本珠寶店Ginza Tanaka專為5月5日「男孩節」而生產,開價25萬円,即係港紙2萬左右,設計玩含蓄,米奇標誌隱藏喺細節內。每年5月5日都係日本嘅男孩節,祝賀男仔茁壯成長,一般人會喺屋企門口掛鯉魚旗,有錢家長就可以買呢啲貴夾唔飽嘅嘢送比小朋友,教曉佢中產嘅生活品味。唔記得講,頂帽用咗全銀製作,所以貴少少都好合理。 相關資訊日本爛賭新人「結婚蛋糕」 巨型牌局坐低即開枱 (Feb 17, 2018) 【新片速報】日本喵星人陪玩芒亨 等Load Game可以摸喵 (Feb 17, 2018)

Read more ›
日本「涼風爽快皮鞋」   做個疏爽上班族
by / on 24/02/2013 at 11:52 am

日本「涼風爽快皮鞋」 做個疏爽上班族

日本人真係好細心,知大家日日著住對返工鞋出晒汗好辛苦,特別出產呢對「涼風爽快皮鞋」比大家疏爽吓。仲搵嚟四萬笑容嘅日本上班族賣廣告,個笑容誠懇到呢。聲稱具透濕、防臭、抗菌等功能,款式方面,兩個字:老實。賣7245円,價錢都幾老實。不過你唔好預落雨天著,平時都要小心唔好踩水氹,同埋,唔好坐靚女同事隔籬,費事佢成日聞到陣陣酸臭味要求調位。 相關資訊日本曳貓偷飲麵豉湯 診所驗血好彩無事 (Feb 16, 2018) 日本屁孩破壞迷宮 紙皮迷宮爛晒無得玩 (Feb 16, 2018)

Read more ›